ابي رايك .. في هالنقاط [الأرشيف] - منتديات الشاعر فهد المساعد

مشاهدة النسخة كاملة : ابي رايك .. في هالنقاط

علي مكحول

05-02-05, 05:23 PM

http://mohra2554.jeeran.com/mt2.gif

ودي اطرح كذا نقطه وتحتاج منكم لراي ... لطرح وجهة النظر .

- رايك في اللي يوقت المنبه سواءٍ الجوال او الساعه على وقت الدوام ويطنش صلاة الفجر .

- رايك في اللي لما يتفرج على مباراه وما يعجبه لاعب يقعد يسب فيه الله يلعن امك .. الله يعلن ابوك ووو

- رايك في اللي يجي وانت واقف تنتظر في طابور مثلا الاتصالات ويجي بدون احم ولا دستور وينقز قدامك .

- رايك في اللي لا وقف عند الاشاره الا والمسجل على اخر شي تقول يسمع اللي في اخر الشارع

- رايك في اللي اذا اطلبو منه اهله شي يقول ما يمديني او ما معي واذا طلبه صديق له... يقول له ابشر وما طلبت شي .

- ليه اسمح لصديقي يشوف خصوصياتي .. واخوي اتلاعن الخير انا وياه اذا شاف شي منها .

نقاط وهناك نقاااط عده ولكني اطرح هذي بين ايدييكم .

دمتم

دمتم بحب جميعا
على مكحول

جــــــــود

05-02-05, 05:44 PM

علي موضوع حلو مره.. تسلم..

1_ اللي يوقت المنبه للدوام ويترك الصلاه <<< يعني هو يخاف من المسؤل ولايخاف الله ... رائي فيه اكيد انه

انسان مايستحق ان احد يقول رايه فيه << لان المكتوب بين من عنوانه..

2_ اللي يتفرج على مباره ويسب الاعب اللي مايعجبه<< دايم تحصل>> واكيد عاده سيئه ومالهاداعي <<<

3_ اللي ينتظر ويجي احد وياخذ دوره عند الأتصالات ماحصلت لي << بس عند الصرافات تحصل ويرتفع ضغطي

واللي ياخذ دور غيره بدون أستأذان بصراحه انسان غير محترم.. << ولازم غيره يعلمه الأحترام

4_ اللي يرفع على المسجل عند الأشاره او في الشارع <<< اعتقد انه تجاوز الحريه الشخصيه وتعدى على حرية الآخرين...

يسمع نفسه وماله داعي يسمع غيره << لأن فيه ناس ماتحب تسمع الأغاني فيحترمهم ويحترم غير

5_ اللي يطلبون منه اهله ويقول مايمديني << هاذي من عادات الشباب وياكثر ماتحصل>> حركه مالها سنع خلص حاجة اهلك

وبعدين رح شف صديقك.

6_ اسمح لصديقتي تشوف خصوصياتي ومااسمح لـ اختي<<< مااقدر اقول الاانها واقع ...

تحيااااااااتي علي

الغزال العارضية

06-02-05, 08:26 AM

علي مكحـــــــــول
وموضوعكــ رائع للغايــــه,,,,,
أحيان الكلمات تؤدي الغرض عن العبارات
وهذا رائي في كلماتـــ,,,,,,,,

1_غافل

2_عصبي

3_أناني

4_مراهق

5_نذل

6_في هذه النقطه الحديث يطووووول بشده
ولكن أختصرها بقول ((ربُ أخ لك لم تلده أمك))

نسيم

06-02-05, 09:15 AM

علي مكحول تساؤلات جميلة

ا

-لشخص اللي يوقت المنبه للعمل ويطنش صلاة الفجر ==> انسان اعمى بصيرة لايدرك ان عظم شأن صلاة الفجر وانه الوقت

الذي يتقبل فيه الله صالح الاعمال ويقسم الارزاق للاسف يوجد الكثير من الناس على هذه الشاكلة لا اون جلس للدوام وهو متاخر

ماتشوف عنده اي مشكلة انه ياجل الصلاة لوقت ثاني!

_ المزعجين اثناء تفرجهم على المبارة كثر واكثر من انيحصوا وعذ رهم الاحمق في ذلك انه الحماس لا اكثر

_اللي يجي ويدخل نفسه عرض هذا انسان يستفز اعصابي واحسه عبيط ماله داعي

_اما اللي يرفع صوت المسجل هذا عنده هوس جذب انتباه الاخرين عنده نقص يحاول يغطيه بحركات المراهقين

_ في النقطه هذي الحديث يكثر لكن باختصره واقول انه واقع كل يوم نشوفه في بيوتنا واللي حوالينا تشوف الواحد

وده يعطي صاحبه وقته على الخير والشر ولاهله تلقاه دايم يتافف ويقول انتم تزعجوني

_ خصوصياتي ملك لي وحدي لا اسمج لاحد بالاطلاع عليها

ومشكور على هالطرح وحبذا دوماً مثل هذه الاستفتاءات اللي تقربنا من بعض

ودمت بكل الحب \ نسيم

~*¤ôرفيع الذوقô¤*~

06-02-05, 08:28 PM

* * *
* *
*

اشكرك علي على النقاط

........

1_ هذا لم يعطي الدين حقه ويتركز تفكيره بالتحديد في الدنيا

الله يهديه >> واعتقد انها نقطه مهمه

2_ هذا يتم استبعاد الاشياء الحاده عن المكان الي جالس فيه

هذا انسب حل >> واعتقد انها نقطه ظريفه

3_ اهم شي تتمالك اعصابك وقتها >> نقطه مهمه ايضا

4_ هذا ماراح تطول حالته فتره معينه

وراح يستحي على حاله >> نقطه بسيطه

5_ الي مافيه خير لأهله مافيه خير للغير >> نقطه جميله

6_ يمكن اخوك صغير وفيه امور تستوجب عدم اظهارها امامه

والتحدث فيها >> نقطه عابره

ودمتــ بــــ ود

*
* *
* * *

ساره المطيرى

06-02-05, 09:06 PM

°oOسالفــة عشــاقOo°

07-02-05, 08:06 AM

رايك في اللي يوقت المنبه سواءٍ الجوال او الساعه على وقت الدوام ويطنش صلاة الفجر .

هههههههههههههههههههههههه عديم ( الســــــــــالفة ) دنيوي بإختصار

- رايك في اللي لما يتفرج على مباراه وما يعجبه لاعب يقعد يسب فيه الله يلعن امك .. الله يعلن ابوك ووو

كمان ماعنده ( فائـــــــده ) يعني لوكنت مكانه كنت بتقدم افضل منه ؟؟؟

- رايك في اللي يجي وانت واقف تنتظر في طابور مثلا الاتصالات ويجي بدون احم ولا دستور وينقز قدامك .

قليــــــــــل ( تهـــــذيب )

- رايك في اللي لا وقف عند الاشاره الا والمسجل على اخر شي تقول يسمع اللي في اخر الشارع

ماعنده احترام ( لذاته ) قبل الناس

- رايك في اللي اذا اطلبو منه اهله شي يقول ما يمديني او ما معي واذا طلبه صديق له... يقول له ابشر وما طلبت شي .

كثــــــــــــر منها ورايي فيه .... مالي راي لان مثل هالناس خيرهم برى البيت ( للشباب ) على قولهم وأحيانا ( العيال ) :)

- ليه اسمح لصديقي يشوف خصوصياتي .. واخوي اتلاعن الخير انا وياه اذا شاف شي منها .

اممممممم لأن احيانا تحس ان صديقك اقرب من الاخ في احيان كثير وربما تخاف يفتن عليك :)

لك اعذب وارق تحيه مسيو علي عالموضوع القمة :)

مجموعة انسان

07-02-05, 02:22 PM

موضوع في غايه الروووعة خيو..بس اظاهر انك تفكر كثير...تذكرني بوحده من صديقاتي...بس الموضوع والاساله مرره حلوه..بواقعنا..المهم ابجاوب على الاساله..

بسم الله نبدا..
- رايك في اللي يوقت المنبه سواءٍ الجوال او الساعه على وقت الدوام ويطنش صلاة الفجر .

شخص تافه...وما له اي هدف بالحياة الا نوم واكل وشرب...

- رايك في اللي لما يتفرج على مباراه وما يعجبه لاعب يقعد يسب فيه الله يلعن امك .. الله يعلن ابوك ووو
هذي ضحكتني ...بصراحه..انا هذي اشوف هذي العاده عند الكل..ومو غريبه..ما دري صراحة كان اللعب على كيفه.

- رايك في اللي يجي وانت واقف تنتظر في طابور مثلا الاتصالات ويجي بدون احم ولا دستور وينقز قدامك .

..قليل تهذيب..وما يستحي..

- رايك في اللي لا وقف عند الاشاره الا والمسجل على اخر شي تقول يسمع اللي في اخر الشارع

انا ما احب هذي الحركات..خاصه لما يكون حاط اغاني..ورافع الصوت لاعلى حد مدري لو يسوي حادث..شبتكون نهايته..(اللهم احسن خاتمتنى.

- رايك في اللي اذا اطلبو منه اهله شي يقول ما يمديني او ما معي واذا طلبه صديق له... يقول له ابشر وما طلبت شي .كثير من الشباب طايحين فيها..يكفي (انه غير بار باهله..) الواحد الي ما فيه خير لاهل ما فيه خير للناس

- ليه اسمح لصديقي يشوف خصوصياتي .. واخوي اتلاعن الخير انا وياه اذا شاف شي منها .
اعتقد هذي..لان يحس ان الصديق اقربله ..من اخوه..وعشان محد يفشي سره...

وشكرا على الاساله..استمتعت فيها ..وانا ارد

بانتظار البقيه..

والى الامام دائما

لك ودي
مجموعة انسان

علي مكحول

08-02-05, 07:53 AM

-

*

/
جود
http://home.att.net/~scorh3/Flower04a4.gif
ارتب لكي احلى عبارات الشكر .. دمتي
http://www.aljasos007.jeeran.com/yyyyyyyyyyyy.gif
الغزال العارضيه
http://home.att.net/~scorh/Flower1n2.gif
اسرق من كل بستان ورده شكر وأجلبها لكي تقديرا ... دمتي
http://www.aljasos007.jeeran.com/yyyyyyyyyyyy.gif
نسيم
http://home.att.net/~scorh2/Flower03f1.gif
ارسم الشكرعلى اسحار الصبح احتراما ... دمتي
http://www.aljasos007.jeeran.com/yyyyyyyyyyyy.gif
رفيع الذزق
http://home.att.net/~scorh/Flower1o2.gif
ابحث عن ارقى كلمات الشكر لاقدمها لك .. دمتي بحب سيدي
http://www.aljasos007.jeeran.com/yyyyyyyyyyyy.gif
ساره المطيري
http://home.att.net/~scorh/Flower1l.gif
بشعاع الشمس الشارقه اقول شكرااا لكي ... دمتي
http://www.aljasos007.jeeran.com/yyyyyyyyyyyy.gif
سالفة عشاق
http://home.no.net/anyas/anyaflower264.gif
ببتسامة طفل اعطية له ورده .. يقول في ملامحها شكر لكي ... دمتي
http://www.aljasos007.jeeran.com/yyyyyyyyyyyy.gif
مجموعة انسان
http://www.al-wed.com/pic-vb/844.gif
بنرجسية الحروف وبعبق الزهور اقول شكرا لكي ... دمتي

http://members.lycos.co.uk/al3nabipic/docs/cutebline8.gifhttp://members.lycos.co.uk/al3nabipic/docs/cutebline8.gif
اشكر لكم واشكر لكم حضوركم و تعليقكم على الموضوع واابداءء ارائكم ..
دمتم بحب جميها .. تحت راية اختلاف الراي لا يفسد للود قضيه

-

*

/
على مكحول