لقاء (فهد المساعد) في عذب الليالي ..كامل..وحصريا لمنتديات المساعد

[وهج]

لقاء (فهد المساعد) في عذب الليالي ..كامل..وحصريا لمنتديات المساعد
http://www.almusa3ed.com/vb/uploaded/1496_1150137848.gif
السلام عليكم
احبتي
هنا ننقلكم الى جو الحدث
ولاجل عين تكرم مدينه..
لقاء فهد ..في عذب الليالي كامل..بدون فبركه..
واعتذر لادارة mbc نقلت اللقاء بدون اذنهم
بس فهد شاعرنا .. واحنا نحبه اكثر منهم..
وانشاءالله يعذرونا
والان لكل من لم يتابع اللقاء....
تفضلوا...
http://www.almusa3ed.com/vb/uploaded/1496_1150137848.gif
عدنان الدخيل في عذب الليالي بكل الحب نصحبكم في هذه السهره
اهلا بكم
................
بداها عدنان
***اسمعك ياللي تناديني يبو قلب خلي..
بس انا ماني خلي القلب لجل اسكت واجيك
.................................................. .........
.................................................. ...........
&&فاصل صوت كاظم... مشتاااااق &&
http://www.almusa3ed.com/vb/uploaded/1496_1150137848.gif
.................................................. ..........................
.................................................. ...............................
اهلا بكم من جديد وبشاعرنا فهد
عدنان: سعدا بوجودك فهد....
فهد: انا الاسعد والله...
عدنان: كان المفروض يكون اللقاء قبل اسبوعين بس انت تعذرت بظروف الاختبارات ..مادري وش دخل الاختبارات فالموضوع انا اعرف انك انت موظف ؟؟؟
فهد : اخوي عدنان انت تعرف ان الحوارات اللي انا اسويها قليله نوعا ما بلنسبه لجظوري في المجلات الشعبيه وحظوري في الساحه في الاونه الاخيره..
فلما يكون لي حوار انا ودي الكل يسمعه ..حتى الحين في مبارات ايطاليا وغانا ..فهذا الموضوع مقلقني انو في ناس يتابعون المبارة ومو بسامعيني انا ودي الكل يسمع..
عدنان: من جمهور ايطاليا تقلق عليه..هههههه
نبدى من (المدينه والغريب) يقول زميلنا رجالله السلمي : انا اعرف هل قصيده قبل ما تغنيها ذكرى.. انا اتصور انها بصمه في تاريخ فهد المساعد..
فهد: اسمع في وقت من الاوقات انا ماكنت احب القصيده هذي..طبعا اول ما كتبتها حبيتها وحبيت انها سوت لي الشي هذا ..لاكن جاء وقت من الاوقات قل حبي لهذه القصيده ..لانه لما تكون في مجلس شعر واجتماع والعالم كلها يافهد عطنا المدينه والغريب ...يافهد وش سويت بالمدينه والغريب ..ومن غنى المدينه والغريب..كل السوالف عن المدينه والغريب..كني ماكتبت الا المدينه والغريب..فأنصافا لاخواتها القصايد قل حبي لها فتره من الفترات
لاكن لما راجعت نفسي لقيت ان المدينه والغريب سوت لي الشيء اللي عجزة عنه بقيت القصائد .... وانا اعتبر المدينه والغريب من القصائد اللي خذت حقها بيدها.. لاني اللهم كتبتها ونشرتها ونسيتها .. وماكنت اقولها بامسيات ولا لي امسيات اصلا بذيك الفتره...
عدنان: كيف غنيت؟؟ اللي اعرفه انها الحان صوت الارض وغنى ذكرى..
فهد $ نشرت المدينه والغريب اولا في مجلت فواصل .. وكانت ثاني قصيده تنشر لي في فواصل ..
عدنان $ عام كم كان ذالك ؟؟
فهد # اعتقد انه نها ية 99 والله اعلم.
بعد مانشرت الطفل والمحارم نشرت المدينه والغريب ..وكان لها ردت فعل جيده لاكن بعد ثلاث اربع.. شهور بدت البيتين الاولى من القصيده خاصة تتردد بين الناس..فبدات تاخذ شهره... بعدين قامت مجلت فواصل بنشر البيتين الاولين مره اخرى..وقراها مسأول في فنون الجزيره قال: جيبو لي هالشاعر اللي كتب البيتين""هل هذه البيتين لها كماله والا..لا..؟؟
فذاك الوقت 99 ما كان معي جوال كان معي بيجر ؛"يضحك فهد,وعدنان؛" فااايدقون علي ولا ادري من هلي يدق جلسوشهر يمكن يدقون........
عدنان $ والغريب انك بشركة الاتصالات والا قبل لاتتعين؟؟
فهد $ لابس..............................
المهم بعد كذا كلمتني مجلت فواصل (فيه مسؤل من فنون الجزيره يدور عليك يبغى المدينه والغريب) اتصلت فيهم صار فيه تنسيق بيني وبينهم
ماكان فيه حماس زايد مني لاكن لما قالو طلال مداح ..وطلال يعتبر هرم عندنا فنان بهل حجم بيشاركك في اعمالك .. فما تتخيل فرحتي بذاك الوقت خاصه اني كنت في بداياتي..وطلال مداح على طول..فقلت خلاص ok
لحنها طلال مداح..بعد فتره اتصلوا في فنون الجزيره ،"عاد صار معي جوال مو بزي اول،" وقالو اللي راح تغنيها ذكرى فتجمعو طلال وذكرى ويعتبرون من اهم الاصوات العربيه.......
عدنان $ القصيده هذه من خلال الحان طلال مداح وغنى ذكرى .. انا اقول تكفيك 50 سنه !!
يعني لو ماتكتب غير القصيده هذه وتغنى انا اقول تكفيك او لا ؟؟
فهد $ ايه اكيد هذا اللي راح يصير بجلس 50 سنه مايتغنى لي شيء ."يضحك فهد ،"
عدنان $ (فواصل) الملاحظ انها تلمع فهد المساعد كثير حتى عن طريق الاغنيه هم اللي وصلوك لطلال مداح و ذكرى
ماذا عن علاقتك مع فواصل؟؟
فهد : علاقتي ممتازه جدا مع فواصل
عدنان: اكيد ممتازه ومتوتره مع المختلف !!
فهد : والله كلهم حبايبي .
عدنان : حبايبك ماتتواجد في ..........
فهد : تبغاني اتكلم عن فواصل او المختلف الحين ؟؟
عدنان : الثنتين .
فهد : ok فواصل علاقتي معهم قويه جدا وتربطني معهم صداقة..وميزة هالصداقه انها جاءت بعد النشر ..انشرو لي واهتمو فيني وهم ما يعرفوني .
عدنان : كيف مايعرفوني يافهد الله يهديك ؟؟!
فهد : ايه مايعرفوني ذاك الوقت من اللي يعرفني من اللي ينشر لي ؟؟
عدنان : لك علاقة مع عبدالله العتيبي ..الخضير..الفهيد
فهد : okمن متى علاقتي معهم .. تتخيل اني في ( شقراء) عندهم هناك .. انا كنت في (الرماحيه) وهم في( شقراء )هناك مالي أي علاقة فيهم جيت للرياض ما اعرف احد..كان تواصلي عن طريق احمد الفهيد في البدايه ..وللامانه الرجل كان مايعرفني..وكان ينشر لي في الفروسيه شعر وهو مايعرفني.
نشرت في فواصل ..واهتمو فيني وهم مايعرفوني ..وبعدين انا ماشوف في تفرقه بيني وزملائي الشعراء في مجلة فواصل.
عدنان : مافيه عدد يمر الا و 4 ..5 صور لك
فهد : لا جعلك تحيا.
عدنان : راجع اخر عدد..
فهد : عدنان لا تخليني افتحه ترى عندي ..واعد لك الصور ماعندي شيء ..
عدنان : تفضل انا انتظر ..
فهد : يضحك،" والله لاخر عدد انا اعتقد اذا فيه صوره وحده لي................
عموما ماهي باشكاليتنا صوره ماهي بصوره ..لاكن اشكاليتنا في ان مجلت فواصل انا اشوف انها تقدم كل الشعراء اللي يحترمون شعرهم بميزان عادل
عمرها ماقالت هذا شاعرنا وهذا موبشاعرنا والدليل انهم نشرولي وهم مايعرفوني.. واجمل مافي صداقتنا انا وفواصلا انها جت بعد الشعر ..
تخيل انو علاقتي فيهم قبل الشعر .. وشعري سيء..وينشرون لي عشان علاقتي فيهم ..هذااا اسواء مافي الصحافه..واعتقد انه ماهو بمجلت فواصل الشيء هذا ولا هو بلمجلات المحترمه ..ينشرون لاحد عشان صديقهم.
عدنان : الغريب ان صلت قرابتك (بناصر السبيعي) ماخلتك تكون متواجد بلمختلف؟؟!!
فهد : السؤال هذا من يوم نشرت في فواصل وانا اواجهه..المختلف ......... .... .....
المختلف مجله على عيني وراسي واقدرها احترمها وتربطني فيهم علاقة جيده.. ناصر ابن عم وعلى عيني وراسي ..علي المسعودي فيه محبه متبادله حتى ولو كانت ماهي بمعلنه..نايف الرشيدي انا وياه على اتصال ومن اجمل الاشخاص اللي قابلتهم.. لاكن مو بشرط اني انشر.
عدنان : انا ودي اسألك بداياتك كانت بأسم (فهد السبيعي) ما أسباب التغيير ؟؟
حتى اذكر (رشيد الدهام ) كان اسمه (رشيد السبيعي) بعدين حول.. ناصر,كان له دخل بلموضوع هذا ؟؟
فهد : له دخل في انا والا في رشيد ؟؟
عدنان : اثنينكم ..
فهد : رشيد والله مادري..
عدنان : انا اخذتها من رشيد بالحرف قال (سماني ناصر السبيعي اسم احلا من الي سمانيه ابوي )
انت من سماك (احمد الفهيد) ؟؟؟؟؟
قهد : خير انشاءالله .......................
السالفه وما فيها انو بدايت نشري كان فيه شاعر ينشر باسم فهد السبيعي ونبهني للمساله هذي .. تركي المريخي .. كنت انشر عندهم بلفروسيه وكنت انشر بدون صوره فلما جيتهم المجله بعد فتره قال لي: كنت اتخيل انك فهد السبيعي اللي (في الحاير )..منطقه جمب الرياض....
كان ينشر باسم فهد السبيعي وكبير في السن هذا الشاعر ....... كذالك اسم فهد السبيعي متكرر كثير ..
بس ماعتقد فهد المساعد متكرر ..الاسم ترى له دور ..اللي بيختار اسم ضروري يبقى عالق في اذهان الناس
عدنان : استمريت كم سنه باسم (فهد السبيعي) على بال ماغيره احمد الفهيد؟؟
فهد : مصمم احمد الفهيد اللي غيره ؟؟!
عدنان : اتصور.....
فهد : انا قاعد اقولك :انا غيرته احترام لشاعر اللي ينشر قبلي واسمه فهد السبيعي ..احترمته وغيرت اسمي عشانه ...وعموما كوني اكتب باسم السبيعي او لا اكتب انا لا اعتقد انها قبيلتي في حاجه لشعري ماراح اضيف لها كشاعر نهائي .. لانه موبالشعر اللي يضيف لقبيلتي ..وانا افتخر اني سبيعي .......
عدنان : بينك وبينه أي تواصل ؟؟؟
فهد : الشاعر هذا ؟؟...... ولا بعد شفته والله.
عدنان : نروح لموضوع الامسيات..
امسية الجنادريه الكل يحلم فيها وانت اعتذرت عنها العام الماضي واعتذرت عن امسيه في جده واخرى بعنيزه ........؟؟!!
فهد : عموما الامسيات الثانيه لها ظروف خاصه ..خلنا نتطرق لامسية الجنادريه ....>>>>وماني كاتبه تفصيل الجنادريه لان يدي راحت فيها
(((انا اعتبرنفسي غلطان لاني اعتذرت عنها والسبب اعتقد حماس زائد بذيك الفتره ................................
عدنان : نرجع لشعر وش رايك نسمع ((تعال))
فهد : كان ودي اقول قصيده للوطن خاصة ان الصقور الخضر بيبيضون اللوجه انشاء الله ..........................
عدنان : بعدين انشاءالله نبي نسمع (تعال) نبي نسمع شعر كثير الليله ......
فهد : وانا ودي بعد نسمع شعر والله اكثر من هالسوالف اللي توجع الراس ..
عدنان : انا اوجع الراس ؟؟
فهد : لا والله بس ماودنا نوجع روس المستمعين ..
عدنان : طيب اصبر ما جاك شيء اصبر ،"يضحك :،"
فهد : القصيده
من عز نومي صحيت وشفت في عيني
دمع تهادى على خدي وانا غافي
سترت دمعي بكمي قبل يغريني
واخذت هذا الجسد من باقي لحافي..
.................................................
...............................................
&&فاصل غنائي&&
http://www.almusa3ed.com/vb/uploaded/1496_1150137848.gif
.................................................. .
عدنان : عدنا فهد .. ايطاليا جابت الهدف الثاني ..
فهد : ايه تقدمنا عليكم اثنين ..،" يضحك عدنان وفهد ،"
عدنان : بضحكه .. انا من يوم شفتك في دبي الحقيقه اناقتك اناقة ايطاليين..ههههه
المهم نرجع لموضوعنا الشعر.. كتابت القصيده الحره اشوفك بعيد عنها ؟؟
فهد : زين انك ذكرت القصيده الحره عشان انا من اليوم ادور مدخل اقول قصيدة الوطن شرايك اقولها ؟؟
عدنان : شوووي.. .. .... انا بسالك عن امسيت الشارقه.. كيف كانت الامسيه ؟؟
فهد : جميله جدا ..عزمتك ولا جيت الله يهديك ..
عدنان : كان عندي اختباااارات .....ههههه
كيف كانت الامسيه ؟ من كان معك من الشعراء ؟؟
فهد : كان معي شاعرين جميلان من الامارات ماجد عبد الرحمن و سلطان مجلي..
وتعتبر الامسيه الاولى لي خارج المملكه والحمد لله كان صداها طيب وحظورها جميل خاصه انها كانت فترة اختبارات ههههه
عدنان : انزين ..اتمنى الكل يفهم وش تقصد..
فهد : وانا ماقصد شيء عدنان الله يهديك لا تقعد تحرف كلامي ..
عدنان : طيب انا بسألك عن النقد في القصيده الشعبيه هو موجود الان او لا ؟؟
فهد : هو موجود ؟؟
عدنان : انا اسألك الان ..
فهد : ما دري انا ما اشوف شيء.
عدنان مافي احد مثلا فصل قصيدتك == كان ضيفي الاسبوع الماضي (فهد عافت) كان يقول انا ضد تشريح القصيدة
فهد : يأخي كل ماقاله فهد جميل.. وانا ضد تشريح القصيده لاكن انبسط اذا واحد فصلها...
مثلا هناك الكاتب (محمد عسيري من تبوك) كتب قرائه انطباعيه عن قصيدة رثاء لي في الوالد الله يرحمه..
فعلا ادهشتني كانه قاعد يقراء مو اللي بين السطور ..بل اللي بين الضلوع..
لاكن نقد......انا ماشفت احد ينقد نقد سليم هادف بناء .. ما اعتقد انه ذا جدواء انه واحد ينقد قصيدة اللهم اذا بينقد قصائد مبتدئين او كسر فالوزن OK
.................................................. ....
عدنان : بلنسبه لقرائتك ..علاقتك مع الادب العربي
فهد : ماهو بمره ..مع الادب العربي .....................<<.وسوالف جاء فيها عبدالله حمير ........................
عدنان : اتذكر وعدتنا قصيده عن الوطن ..وقلت تبي تهديها لنجوم المنتخب ...
فهد : طبعا انا قصائدي الوطنيه دائما تكون غير مرتبطه بحدث معين ولا بمكان او زمان معين لااكن اهديها للجميع بكل مكان يسمعنا ........
يقول.:
مع كل نسمت صباح اقوم وايديا ترفع بعضها كذا
واقول وانادي..
الله يسعد صباحك يالسعوديه
عساه والله صباح الخير يبلادي
..................................................
.......................................
&&فاصل اخضر:::يااااااااااااااااطوله،،،،،،&&
.. http://www.almusa3ed.com/vb/uploaded/1496_1150137848.gif
..................................................
عدنان : عدنا فهد مرحبا ..غانا وين وصلت الحين ؟؟
فهد : اها انهزمت اثنين صفر .
عدنان : معليش الجايات اكثر......... اخوي فهد فيه قصيده ....؟؟
فهد : انا صراحه اليوم جاي اقول شعر
عدنان : نبعد عن وجع الراس على قولتك .. .. .. طيب تفضل قول شعر .
فهد : نقول قصيدة "" كبوة جواد""
القصيده هذي انا احبها ..القصيده هذي محاكاه لصوره.. صوره لي وانا صغير شفت الصوره فكان بيني وبينها هل حوار..
صعب لامنك فشلت وصعب لامنك لقيت
ان من يكره نجاحك يدري انك مانجحت
................................................
.................................................
عدنان : جميل.. .. فهد اسمح لي باول مداخله ومعانا (تركي المريخي)
تركي :: وبعد كلام جميييييييييييييييل .. يسأل فهد يمتلك موهبه جميله غير الشعر يمتلك حس صحفي خطير يمتلك ادوات الصحفي الناجح المبدع لماذا فهد لم يدخل في مجال الصحافه ؟؟
فهد : ماحاولت ادخل وصارف النظر عن هذا الموضوع نهائي ..انا احب اتابع صحفيين جيدين على المستوى العربي .. احب اقرا كثير أي شيء اقراه ..يمكن هذا اللي ولد هالشي عندي ..انا اقراءمن مجلة ماجد الى الروايات العالميه ..
عدنان : تقراء مجلة ماجد ؟؟
فهد : اقولك لو اشوف مجلت ماجد عند عيال خالي اقراها ولا افكها لين اخلصها كلها
عدنان : مادمنا بالصحافه .. من يعجبك غير الفهيد والخضير والعتيبي ؟؟
فهد : انت تذكرهم على اساس انهم اصدقائي والا على اساس انهم صحفيين مبدعين ؟
عدنان : ...افهم يافهيم ..
فهد : طبعن الثلاثه كلهم يعجبوني يمكن لاني قريب منهم وواعرف كيف يشتغلون .................................................. .
عدنان : طيب فهد معنا على الخط الكاتب ماجد ابراهيم .. ..
ماجد : وبعد كلام جميل .. يقول
لي عتب على فهد من خلال مقاله كتبها في مجلت فواصل قبل فتره ذكر انه يفتقد الى مرحلة القارى النهم ..هذه المرحله اتمنى لا تطول لانها مي في مصلحة فهد ..
+كذالك قراة اليوم قصه قصيره لفهد بعنوان (كوب شاي يبرد وحيدا) فهد عنده صياغه تفاصيل بسيطه بجمل راقيه ..يمتلك حس القاص الجميل اتمنى ان فهد يمارس القصة القصيرة لانها ستضيف لفهد الكثير ..
+فيه سؤال اخر وهو بالنسبه لمنتديات المساعد .. وهي التي اتشرف بان انظم اليها كعضو .. بخصوص اسماء بعض المعجبات فمنتديات فهد المساعد التي ارى انها قد تكون محرجه لشخص فهد .......كيف يتعامل معها فهد المساعد ..وكيف...ينسق مع ادارة المنتدى بخصوص هذه الاسماء؟؟
فهد : بخصوص ماصرت اقراء كثير .. اقصد في المقاله ماصرة اقراء مجلات شعريه كثير ...........................................
اما بلنسبه للقصه القصيره..كوب شاي يبرد وحيدا.. مانشرتها لانه انا ماني بواثق فيها او في انها تصنف تحت مسمى ادبي ..
نشرتها في المنتدى لانهم كلهم احبابي احبهم ويحبوني لو يشوفو علي شيء ماراح يسترونه .......
وانشاءالله عندي نيه اكرر التجربه
عدنان : من يعجبك من كتاب القصه ؟؟
فهد :ثامر عيسى ..كاتب سوري من كتاب القصه القصيره ..وانا معجب بروائي برازيلي اسمه باولو....
عدنان : اسمح لنا نرحب بالكاتب يوسف الكهفي
يوسف :يرحب ويهلي ويعترف ..فهد الصراحه انا اغار منك كصحفي انت صحفي خطير يافهد ..وعندما يطرح عليك هذا الشيء تعتبره تهمه اجريت حوار مع اكثر من ضيف ....... هل كنت مخطط لاسئلتك لشاعر والصحفي محمد الخضير ؟؟؟؟
فهد : الصحافه مهنه عظيمه وهي شرف لا ادعيه ..انا اطرح تسائلات فقط ....حواري مع محمد الخضير مجرد تسائلات ..الفرق بيني وبين الصفي انه مافيني ذاك المكر الصحفي انه اسأل سؤال والثاني والثالث عشان اوقعك في الرابع ..انا ماعندي الا تسائلات ماتنفع..
يوسف الكهفي : فهد انا اعرف انك اول ماتخلص من القصيده تسمعها على المقربين منك دائما تكون في حالت قلق ..البيت هذا يمكن يطلع كذا احلا اوكذا... فهل ناصر العتيبي محق عندما قال:فهد شاعر موسوس ؟؟!
فهد : انا قبل ماتنزل القصيده قبل ماتروح لنشر ودي انها تنزل باقل اخطاء مادام اني عندي مجال اغير وابدل اسوي اللي ابي ..وهي حصلت في قصيدتين لااكن يوسف كبر الموضوع الله يهديه .
عدنان : فهد من يعجبك من الفنانين ؟؟
فهد : أي فنان صوته جيد تعجبني اغانيه ..لاكن اكثرهم ((فاظل شاكر)) اسه قطعة احساس ..كذالك اغاني محمد عبدو خاصه اللي لحنها محمد عبدو وكتبها بدر بن عبد المحسن .. اعتقد انها ماراح تتكرر ..كذالك فيروز اعتقد الكل يسمع لها ....................................
وطلال مداح له اعمال ماتتكرر .. ياخي كل القصائد اللي كتبها بدر عبد المحسن انا احبها ..
عدنان : فهد من يعجبك من الفنانين العراقيين ؟؟
فهد : كاظم الساهر وووماجد المهندس ..الابرز تقريبا..
عدنان : معي مداخله من الشاعر (عيدان الكناني ) ..تفضل
عيدان : ............. عندي ثلاثه اسأله سريعه ..
++في احدى اللقائات معك فهد قلت بان اجمل كتاب قراته (ذاكرة للنسيان لمحمد درويش ) هل لمحمد درويش اثر في تجربتك الشعريه ؟؟
++قراة لك لقاء في مجلة الجديده وقلت ان هناك شخصيه عرضت عليك راتب خمسة الاف في الشهر مقابل انك تكتب قصائد ..كل قصيده بالف ريال ..لماذا رفضت هذا العرض وهل انت مقتنع ببيع النصوص الشعريه ؟؟
+++قصيدة المدينه والغريب ..سمعناها بصوة ذكرى ..هل وجدت في غناء ذكرى لهذه القصيده أي اضافه لها ..والتي ارى بانها مغناه كقصيده وليست قصيده مغناه ؟؟؟؟
فهد : كتاب ذاكرة للنسيان اعتقد انه اثر في تجربتي ...........................
موضوع اللقاء في الجديده ..لا والله ماعرض علي هذا الشي وما اذكر هل حوار واكيد ان عيدان صادق بس لا اذكر اني قلت نهائي هذا الكلام ..
عدنان : فهد الوقت ضيق وودنا نسمع شعر ..
فهد : وانا بعد ودي اقول شعر ..
عدنان : شرايك نسمع ""المدينه والغريب"" وهذا طلب من المخرج ..
فهد : طيب اسمعك قصيدتين ..
Ok
طيب اسمعك ((وحده بوحده)) واسمعك ((المدينه والغريب ))
يقول
ياغايبه وان كان فيها جماله
تجملي يم الحلا والظفاير
بلله شوفي صاحبك كيف حاله
شوفيه في غيبتك وشلون صاير
.........................................
.................................
عدنان : افهم من القصيده انك مدخن ..!؟
فهد : ابشرك لا والله لامدخن ولاشي انا قلت ان سالفة في واحد من اصدقائي ..
عدنان : ابي اسمع قصيده ختاميه تخصنا بلجديد ياليت ..
فهد ختاااميه...............بقول اخر مانشر لي
جف الكلام ومدت ايدينها فوق
اخترة هذي وانت شف لك سحابه
قلت ويديني تحتظنها مثل طوق
اخترت هذي هذي اكثر رحابه
هذي دفا صوت من البرد مخنوق
هذي سؤال نصف عمري جوابه
هذي هي اللي عرفتني على الشوق
هذي قدر ماكنت حاسب حسابه
قطعت حزن في ثوب بالي ومشقوق
ومضت فرح في عيون ناس غلابه
.................................................. ..
................................................
عدنان : جمييييل وانت كنت ممطر اليله الحقيقه ممطر شعر ممطر جمال ممطر في كل شيء ..شاكرين تواجدك معنا ....كلمه اخيره تقولها لجمهورك ؟؟
فهد : اشكرك عدنان واشكر mbc fm
واحب اوجه دعوه لكل من سمعنا اليوماذا يبغى قصائد اكثر يجدها في موقعي على النت ..اتشرف بزيارتكم كلكم
عدنان : يعني اعلان هذا من خلال mbc fm ؟؟
فهد : والله اعتبره اللي تعتبره .. ماخليتني اقول قصائد خلني اعلن هههههه
عدنان : شاكر لوجودك فهد واتمنا لك التوفيق وليلتك حب .. في امان الله.
&&& &&&
http://www.almusa3ed.com/vb/uploaded/1496_1150137848.gif
&&& &&&
وختم البرنامج بصوت القيصر كاظم الساهر
والليله احساسي غريب
عاشق وانا مالي حبيب
....
.....
تم بحمد الله وتوفيقه
واحلا ساعتين قضيناها مع فهد
استمتعت كثير وانا انقل لكم اللقاء
يعطيك ربي الف عافيه يافهد
لكم من... ينابيع الغلا... كل الحب
...وليلتكم حب..
.. http://www.almusa3ed.com/vb/uploaded/1496_1150137848.gif

[أبونوره]

ينابيع الغلا




يسعد ايامك يارب
والله لا يحرمنا من هالمجهودات الرايقه واللي تحتاج لصبر وطولت بال وضحت من خلال
كتابتك للنص ..


انا من ناحيتي سمعت المقال مرتين
واكراماً لك قريته ولو على جزئيات ....

بس كل اللي اقدر اقوله ان هالعمل محل اعجابي الشديد وانا اخوك . ..



الله لا يحرمني منككم كلكم .. .
اخوكم . . .

[خووووخه]

][®][^][®][ينابيـــــــــــــــــــــــــــــــــــــــــع الغلا....][®][^][®][


ألــــــــــــــــــــــــــــــــــف ألـــــــــــــــــــــــــــــــــــــف شكر لك اختي على هالمجهود الرائع خصوصا اني ماقدرت اسمع اللقاء بس انتي يالمبدعه مافوتيه علي ....

من جد اناممتنه لك يالغاليه....

يعطيــــــــــــــك العافيه على هالنقل المميز وماهو غريب عليك يالغلا...

تسلم يدينك يااااااااااااعسل....

تحياتي:

خووووخه

[¤§ ريم الغـلا §¤]

صعب لامنك فشلت وصعب لامنك لقيت
ان من يكره نجاحك يدري انك مانجحت

كبوه جواد من روائع فهد المساعد

صح الله لسانك مدد بلا عدد

ينابيع

جهد تشكري عليه

[مضـــــــاوي]

يامال العاافيه والله

لاتعبتي يالغــــــــــــــــــــلا....:)

وربي مجهوود تشكرين عليـــــــــــــــه...

[توجان]

الله يعطيك العافية.......مجهووووود راااااااااااائع

[مشاعر تائهه]

ينابيع الغلا.......

شكرا لك.......
مع اني سمعت القاء بس سعدت

اني اقراءه مررررره ثااانيه.......

تحياتي ........

[الجــــازي]

لقـــــــــــــــــــــــــــــــــاء
قمـــــــــــــــــــــــــــــــــة
من نوع آخـــــــــــــــــر

[وهج]

ولا يهمكم

لعيونكم

اسوي الي تبون


ولقاء روووووعه بين الصديقين

ماينفع احد يفوته

[الطيـ اليااسر ـر]

ينابيع الغلا

يعطيك

العافيه

على

هالمجهود

الرائع

تسلمين

اليااسر

[مهرة بلا فارس]

http://up.w6wup.com/up2/2006/06/02/w6w_200606020759184e0e49f8.jpg


" ينابيع الغلا "

ألف شكر لك ِ على هالمجهود الرائع .. ويعطيك ِ ألف عافية

لا خلا ولا عدم


http://up.w6wup.com/up2/2006/06/02/w6w_200606020800265b503c59.jpg

[حكاية إحساس]

يعطيك العافيــة ينابيع الـغلا ..

اللقاء كان أكثر من رائع .. وروح فهد المساعد كانت بعفوية وجمال

شكرا على جهد النقـل ..

[°oOسالفــة عشــاقOo°]

يسلم راسك ياينابيع

جد جهد ... تستحقين اكثر من الشكر عليه :)

[فهد الزغيبي]

يسلموا اختي ينابيع الغلا ..

انا بصراحه ماصارت لي فرصة أني أحضر اللقاء

( لظروف زواج أخوي )

بس لما اتصلت فيني كغيّم وسألتة عن اللقاء وقال لي وش صار..

تمنيت اني موجود على الهواء علشان اقول لفهد ( لايهمونك ) ياكبير...

يكفينا إنك فهد بعيون جمهورك ..

ينابيع الغلا .

يسلموووووا ويعطيك العافية على التعب اللي تعبتية بكتابة الموضوع ...

كل الود لك ..

فهد

[نسيم]

جميل وجدنا فهد مُتألق

لكن وجدنا من يُحاول

( الاستخفاف والاصطياد )

لم يكن الدخيل يركز على شيء جوهري


ينابيع الغلا

نقل وحدث مُباشر 100%

لاسيما واني لم اوفق لمتابعة اللقاء بدقة هذه المرة


الله يعطيك العافية

وباقة حب لروحك

واكيد مع فهد راح يكون اللقاء متعة


نسيم

[سر الحياة]

ينابيع الغلا

تسلم يدينك على النقل

الرائع

يعطيك ربي الف عافية

[مرومه]

مشكوووووووووووووووووووره
يعطيك الف الف الف عاااااااااااااااافيه
أختي
ينابيع الغلا

[الغزال العارضية]

وااااااااااااو

//ينابيع الغلا//

بالقاء ذكر فهد ماعلق بذهنه في قراءة قصيدة المرثيه
لمحمد العسيري

وبالقسم على هذا الرابط توجد القراءه التي دكت بالضلوع..
(فهد يتذكر والده) (http://www.almusa3ed.com/vb/showthread.php?t=1874)

وانتِ تسلمين بحجم الشعر على هذا الغيم ,,


الغزال

[أوجاد السعودية]

لقاء استمتعت به جداً

دمت للمنتدى شمعة مضيئة
أختكـ
][`~*¤!||!¤*~`][أوجاد السعودية ][`~*¤!||!¤*~`][

[عبدالله السبيعي]

لقاء جميل

طبعا مع عدنان الدخيل اروع واروع

ومع فهد المساعد اجمل واجمل ..


الف الشكر لك

[الدندووووونه]

((أختي ينابيع الغلا)) شكراً لك,,


وأقول لفهد المساعد(( مايضر السمــــــــا نبح الكلاااااااااب))الله يعزكم,,


ودمتـــــم,,



الدندوووووووووونه

[وهج]

الف شكر لجميع اللي مرو

سعدة بكم اخوتي

[دلال ( المساعد )**]

يسلمو ينابيع الغلا

يعطيك العافيه ..



...