طلب خااااص من الشاعر فهد المساعد

[( وعيد )]

الشاعر المبدع (فهد المساعد)
اذ ا ماعليك كلافه تنزل قصيدة( بايعها) نصية أو صوتيه أنا قريت اسمها في الموقع وكثير قصايد غيرها أعجبتني بس ماتنزلت على الموقع لي رجاء انك تلبي طلبي لأني بصراحة تعبت أدور عليها في المنتديات ومالقيتها وهي كانت احد الأسباب لتسجيلي في المنتدى..
وأحب أقول:
مادمت لي شـــاعر ترى الراس مرفوع
ماهمني طيب العرب من رداها..
ومادام اسمك داخل القـــــــــلب مطبوع
روحي ترى لدموع عينك فداها..
ومادام (صوتك) بين هاالخلق مسموع
بألقى الأحبه لو بــــآخر مداها..
يعطيك ألف عافيه وأتمنى ما أكون ثقلت عليك...

[ضامر]

اهلاً بك في بيتك الثاني
و هذي القصيدة


بايعها

ما كل ضحكه تهز القلب يشبعها
* * * و ما كل دمعه تمر العين تبكيها
من شاف ضحكة زماني.. قال (بايعها)
* * * ما يدري إني فقيرٍ ما اقدر اشريها
ياللي نثرتي سنينٍ كنت اجمّعها
* * * تكفين هذي حصاد العمر لمّيها
كم كنت اهدد بك الدنيا وألوعها
* * * كل مااذكرتني .... واذكرها وانسيها..
بيدينك اللي أحس وكن أصابعها
* * * تقول بدري على الضيقة و طاريها
بعيونك اللي أناديها وأنا معها
* * * الله يا كم زعلتي يوم أناديها
كنت تحسبيني اسرح عن مدامعها
* * * وأنا مغير آتهجا رحلتي فيها
ايوالله اذكر عيونك يوم أطالعها
* * * اقرا بها انشودةٍ كنّا نغنيها
كانت تروح وتهج البال واتبعها
* * * تآخذ عيوني من الحزن وتوديها
لأيام كنت ارمي بدنياي واجدعها
* * * ايام ما كنت اكحلّها ولااعميها
طفلٍ سلاحه دموعه يوم يزرعها
* * * من فوق خده وكف ابوه يرضيها
اكبر همومه من دروسٍ يراجعها
* * * واقصى طموحه متى ينجح ويرميها
طفلٍ وكل أمنياته كان مطمعها
* * * يكبر وتكبر فتاةٍ كان يرجيها
كبَـرْت وكبْـرَت وضعت وخفت أضيعها
* * * خليت همي رضاها يوم أداريها
كل ما طعني زماني رحت أدلعها
* * * يوم الزمن ما تركلي غير أياديها
ما كنت أفكر تجي في يوم واسمعها
* * * تقلب حياتي من أعلاها لواطيها
حتى أقبلت تبكي الدمعه وتردعها
* * * ثم قالت وكن موتي بين اشافيها : ..
( جيتك احلّف عيونك قبل اودّعها
* * * ما اشوف دمعة عتبها لين اخلّيها)
تبغى تروح وتخليني واطاوعها
* * * تبغاني اسكت واقول الله يهديها
يا أول احلام روحٍ كان دافعها
* * * انك سندها وحاضرها وماضيها
يا سنيني اللي قضيت العمر اجمّعها
* * * يا ذكرياتي من أولها لتاليها
لا تتركيني أعيش العمر بايعها
* * * ضحكة زماني بدونك ما اقدر اشريها
***********************


وللأمانة العضو (ضاوي الشوق) هو من أول من وضع هذه القصيدة بيننا
اضغطي هنا لتذهبي للموضوع : فهد المساعد بايعها (http://www.almusa3ed.com/vb/showthread.php?t=2921)

و للمزيد من القصائد المقروءة


اضغطي هنا : قصائد مقروءة لفهد المساعد (http://www.musa3ed.com/magrooah.asp)
...............

الواعدة
يمكن تستغربين ليه انا اللي رديت عليك
لكن مع مرور الوقت راح تعرفين انو احنا في هالمنتدى اخوان وخوات
واذا احد احتاج شي او طلب خدمة كلنا نساعد باللي نقدر عليه
هذي الميزة ما اعتقد انك بتلاقينها فمنتدى ثاني
وانشاء الله مع الايام راح تلمسين هالشي بنفسك
وهذا ما يمنع ان فهد راح يرد عليك بنفسه
بس انتي اصبري شوي وبتشوفين
ولا تتضايقين ان تأخر عليك شوي
ترانا كلنا اول ما سجلنا بالموقع كنا نبغاه يتواجد 24ساعة
لكن في النهاية هو انسان مثل كل الناس له مسؤولياته وحياته وأهله اللي لهم حق عليه
وله جمهوره اللي دايم يسأل عنه...وهو يحاول انه يرضي الكل حسب استطاعته وماهو مقصر انشاءالله...



حياك الله مرة ثانية

واعذريني لو كنت كثرت الحكي عليك
بس
(حبيت أوضح لك)

[توجان]

ماشاء الله عليك ياضامر...بس ياليتك كبرتي الخط نقراها زين..باين عليها قصيدة حلوووووه...وبعدين انا ضغطت على اللي كاتبه عليه اضغطي هنا....ماطلع لي شيء.........



يعطيك الف عاااااافية وماقصرتي.......

[نسيم]

لاتعليق على الموضوع

فقط احبب روح المحبة هُنا .. !!



:


:



نسيم

[( وعيد )]

مشكوووووووووره اخت ضامر على الرد اهم شي اني لقيت القصيده وفهد معذور والله لو ماارد
انا عارفه انه اكيد بيكون مشغول واشكرك مره ثانيه على اهتمامك وتواصلك ويعطيك الف عافيه




مشكوره القرينيه ..ونسيم على مروركم ..يعطيكم العافيه

[مضـــــــاوي]

http://www.almusa3ed.com/vb/uploaded/1378_1150711356.gif

ضـــــــــــــــــــــــامر

ياقلبي إنتي كفيتي ووفيتي وبيضتي الوجه

يعطيكٍ الف عافيـــــــــــه....

االواعــــــــــــده

قصيده شاعريه كلكـ ذوق على اختيارك وهلااااابك في بيتك الثاني


ضامر
الوااعده

لاعدمناكن اخوات عزيزات لي و لجميع الأعضاء :)

http://www.almusa3ed.com/vb/uploaded/1378_1150711356.gif

[ضامر]

القرينية...
اعذريني لو ما طلع لك شي تراني فاشلة بالشغلات هذي<<ابي اسوي فيها خبيرة والظاهر صار العكس...والله طيحة وجـــه :)


نسيم...
روح المحبة فاحت هنا لمرورك العاطر..


مضاوي ...
احرجتيني والله
يعطيك العافية على اطرائك


الواعدة..
انا ما سويت شي
هذا حقك
ياضيفتنا
<<ترى هالدلع بس لانك جديدة بعدين يمكن نتهاوش ههههههه.. لا امزح معك اختي


<<والله انا ماخذه راحتي وجالسة أرد على الناس كأن الصفحة صفحة أبوي

يالله عاد زودتها حبتين...

[( وعيد )]

[size=7]تموووووووون لكن اشوفك زودتها حبيتين..

ضامر عااااااااادي ياشيخه الصفحه صفحتك وش دعوى خـذي راحتك..
تصدقين عادضامر انا مو من عادتي اطول في منتدى واحد حدي ابوع اسبوعين واطفش بس ماادري حسيت باالراحه في هاالمنتدى والفضل بعد الله يعود لتعاملكم الراقي تصدقين انيا تحطم انزل موضوع يقعد مده مااحد رد عليه وان تكلفوا قالوا مشكوره ماقصرتي..
اشكر لكم تواصلكم وعساكم على القـوه يارب..

[فهد الزغيبي]

ياهلا فيك يالواعدهـ بمنتدياتك..

وشكرا لك اختي ضامر على تلبية طلب اختنا الجديده

وهذا إن دل مايدل إلا على شي واحد ألا وهو ..

(اننا هنا إسرة وحده كل واحد يخدم الثاني فيها )

شكرا للجميع ..

[أصيله المعمري]

.........


نعم نحن اسرة واحده


......






الواعده


رحلة ممتعه مع شعر فهد

أصيله

[00*روحي تحبكـ*00]

الوااااعـــــــــــــــــــده


أنا مثلك ماعمري طولت فمنتدى بالكثير اسبووعين لكن روووعة المنتدى بصاحبه الشاعر المبدع وأعضاءه الرااااائعييييييييين يخلين تتمسكين فيه ...

ووأهلا وسهلا بك في منتدانا <<توها تذكرت



تحياتــــــــــــي لكـ..
أختك ..
..* روحي تحبكـ*..

[( وعيد )]

مشكور فهد الزغيبي على مرورك الجميل وردك الاجمل

[( وعيد )]

مشكوره اخت اصيله على مرورك

[( وعيد )]

يامرحبتين
كلامك صح روحي تحبك ويعطيك العافيه

[الدندووووونه]

أختي// ضامر
تعقيباً على ماكتبتي(( انه مافيه منتدى متعاون ويحب يساعد بعض,,الا هالمنتدى,,أقول لك فيه منتدى راااااااااااائع جداً(( وكلن يمدح هله)) بس كلمة الحق تنقال منتدى (( غرابيل غييييييييييييير))

ولا تزعلين من كلامي ,,,بس للتوضيح,,


وأشكرك,,




الدندوووووونه

[فهد المساعد]

الواعده آسف طال عمرك على تأخري في الرد
وما شاء الله شاعرتنا ضامر كفت ووفت
والله اكثر شي يسعدني لما اشوف الروح الحلوه بين الجميع في هالمنتدى ويارب يزيد الألفه بيننا
كل اللي اعجبتهم الروح الحلوه هنا وردوا لهم تحياتي ومحبتي الصادقه وربي يشهد

[( وعيد )]

اشكرك على الرد من زمان انتظر مرورك لأن ضامر الله يعطيها الصحه والعافيه ماقصرت ردت علي

بسرعة ماكنت اتوقعها

شرفني مرورك ويعطيك العافيه ماقصرت.