قصيدة للنقد ...فقط

[علي بن جوخة]

بسم الله الرحمن الرحيم
السلام والرحمة على قلوبكم الطاهرة
قصيدة طرحتها هنا للنقد والنقد فقد لثقتي بشعراء المنتدى وارجوا ان تحتوي جميع الردود ان وجدت ردود على النقد والابتعاد عن اساليب المدح التبجيل في كل مايطرح
هذا رجائي واتمنى ان تصل القصيدة الى قلوبكم

على نغمة ياطب طب وادلع وانا سهران=سمعت البرنسييسة تغني واغنيها
ضحكت ودريت اني على ضحكتي ندمان=سكت وصدوف الوقت باحت خوافيها
الا ياوجوي وجد من فارق الخلان=وقفاعن ديار الجماعة واراضيها
والا ياوجودي وجد نابع من الوجدان=وجودي وجود اللي بكت حلو ماضيها
ولدها رحل والزوج ميت واخوها خان=وابوها غزاة الشيب والوقت حاديها
والا ياوجودي وجد بيروت يالبنان=على جيش حزب الله وحزبت يساريها
رماها اليهودي حسبي الله على الخوان=تصفق له امريكا ولندن تحييها
والا يالعرب والله ماكان بالحسبان=ياليت المواقف صامتة مانطريها
ياحي المواقف يانجادي مع ايران=مواقف بطولية عجزنا نغطيها
والا ياوجودي وجد حمزة على راكان=على ديرةٍ قلبه عشقها ومغليها
ثنعشر سنة ماغير جالس ورا القضبان=يخايل سنا براقها من مناشيها
وجاه الفرج من بعد ذبحة حدى الفرسان=وقالوا تمنى ...والاوامر نلبيها
وقال ارسلوني يم ربعي هل الصمان=حرار النفوس اللي عجز من يعاديها
والا يااوجودي يامحمد على قيفان=ولد راشد بن الذيب لاجاء يلاحيها
يقول بقصيدة قصة اللندني ايثان=وانا عارف معنى القصيدة وخافيها
والا ياوجودي وجد ماقد سمعه انسان=على شلةٍ يالعنبو من يخاويها
جماعة ردى وعقولهم تشبه البزران=ضعاف النفوس الا.. سخيفة مباديها
والا ياوجودي في النهاية ياعود البان=لمحتك تثنى وقتها رحت انا فيها
هنوف جميلة قد ..ترفة.. دلع فتان=دلال,, وغنج ,من جنسها من يجاريها
وانا طبعي هواوي واعشق الراعد الحنّان=شخاتير المطر لاهملت من شماليها
تقفت وان اصوّت وادندن على يادان=وراحت ولا كنها تبي من يناديها
نطحني جفاها نطحة الداهية زيدان=وهذي جروحي كل ليلة اناجيها
تجارب حياتي قلتها بالفم المليان=بدنيا دنية لعنباها على ابيها
\
/
\
/
\
/
تحيات تلميذكم

[الاميــ ـــ ر]

مشكوره عالقصيد

[علي بن جوخة]

مشكورة؟؟؟؟؟؟؟؟؟؟؟؟؟؟؟؟؟؟؟؟
على العموم اتمنى وجود نقد
\
/
\
/

[نواف المزيريب]

\
/


الله عليك

أعجبتني بثقتك بنفسك وشجاعتك

حتماً ستكون لي عوده

إحترامي وسلامي

[دانة الغيد]

ماشاء الله عليك

بصراحه حلوه مبدئيا

بس انا تعبت عيوني من طريقه عرضها

لي عوده

مع اني اشوفها عموما بقافيه موزونه ومعاني مترابطه متكامله

[فهد المساعد]

الحلم الجميل
قصيدتك جميله مثل أسمك
تفوح منها رائحة البداوه الأصيله
أنت هنا تطالب بالنقد
وأقول لك لاتزعل اذا لم تجد أحد يعيب في القصيده لأنها ماشاء الله خاليه من العيوب
هي جزله يالحلم الجميل
وأنت متمكن
دمت ياغالي

[نواف المزيريب]

الحلم الجميل

أعتقد الآن لا يوجد أي محاولة نقد

بعد مرور شاعرنا فهد المساعد

وصدقني عندما قلت لي عوده ليس

للنقد وإنما لتذوقها

كل الشكر وننتظر جديدك بشغف

مودتي

[علي بن جوخة]

الاخ ... نواف المزيريب
عذراً لتاخري ولكن للظروف احكام كما يقال
وجودك وكلامك تاج على راسي
تقبل صادق ودي
'
/
'
/
'
/

[علي بن جوخة]

دانة الغيد
شكراً لكِ
'
/
'
/
تقبلي صادق الود

[علي بن جوخة]

شاعرنا الكبير .. فهد المساعد
اهلاً وسهلاً بك هنا
اخي فهد ليتني كنت اعرف انك سوف تمر من هنا كي اوقد الحطب واصف من حولها ثلاث مهيلات
وافرش لك الحصير بالورود
فهد شهادتك اقسم لك بذلك انها وسام على صدري
شكرا لفيض كرمك
'
/
'
/
'
/
'
/
دمت بود