لبى العررررررررررررررب

[حزين الحرف]

السلام عليكم ورحمة الله وبركاته
أخواني الأعضاء
هذه قصيدة من قصائدي المتواضعة
التي أتمنى أن تحوز على رضاكم
وإعجابكم


ياللي تناديني تقولين :"دحوم"(=)لبى العرب يانور عيني ولبيك
عيديه ثاني وأشعلي النار بخصوم (=) وخلي القهر يقتل عدوي وأعاديك
توي دريت إن اسمي بجد مهضوم (=) وأنا اللي متعقد منه قبل ألاقيك
بعض العرب هرجه رزينِ ومنظوم (=) ودك بإنه كل لحظة يطريك
وبعض العرب هرجه نقاصة ومشؤوم (=) ولو يمدحك كنه يسبك ويهجيك
بآدلعك مثلي وأناديك 00وم (=) ماني خبل حتى باسمك اناديك
خايف يحل بنا بهاذيل وعلوم (=) لامن درى بعض أقرباك وعوانيك
سبحان ربي كننا باسمنا توم (=) ويمكن أبوك اصلا عليّه مسميك
مايفرق إلا حرف واحد ومكتوم (=) شكلي نكبتك وواجب أني اداريك
وأخاف من هرجي غدى الأسم معلوم (=) وكلن عرف اسمك ودارك وأهاليك
يمديني أصرف وأقول إنها حلوم (=) وخيال شاعر هاه تبغى أنجيك ؟
مالك لوى هي خاربة عندي اليوم (=) والله يحميني والله يحميك
وحتى ولو هو حال من بيننا قوم (=) والله ما أجلا عنك والله ما اخليك
وأدعي وقولي لو توفيت مرحوم (=) وإن قاله الله في جنانه أوافيك
ولا أنت لا لا تعترف منت ملزوم (=) إن كان خايف من هذولا وهاذيك
يشهد معي عطرٍ من الثوب مشموم (=) والساعة اللي في يديني ويديك
ويشهد معي جفنٍ شكى قلة النوم (=) لاغبت أسهر لين مايذّن الديك
ويشهد معي قلبٍ إذا غبت محروم (=) لا شفتك مقفي تسابق خطاويك
ويشهد معي صدرٍ من الضيق مهموم (=) لاجابوا العذال اسمك وطاريك
ويشهد معي فكرِ شغلته على الدوم (=) صبح ومسى عايش على أطلال ماضيك
ويشهد معي أقمار وأفلاك ونجوم (=) لأنهم يعرفوا اشكثر اسهر احاتيك
ويشهد معي عاذل به النار مضروم (=) لانه يعرف اشكثر أحبك وأغليك
ويشهد معي فلِ وكادي ويشموم (=) لامن قطفته لجل في عيدك أهديك
ويشهد معي يابنت صورة وألبوم (=) وكل القصيد اللي كتبته أنا فيك
يالله بسرعة نادني قول "دحوم " (=) خايف يعرفونك ولا عاد يمديك

وسلامتكم
اخوكم
حزين الحرف
عبد الرحمن سعد

[علي مكحول]

-

*

/
دحوم
هلا بدحوم وهلا بطلته اللي ما تجي الا بين وبين ..
رديت من قبل وبرد اللحين .. تسلم والله
يخلي لك اللي يحبون دحوم
صح الله السانك ولا هنت
-

*

/




دمت بحب دحوم
علي مكحول
و

[حزين الحرف]

أخوي علي مكحول
صح بدنك وأشكرك على هذا الرد الذي اعتز به
وافتخر به يسعدني أن تكون أول من يرد علي
لك الود والورد

[الحائره]

صح الله لساااانك مليووون شاعرنا حزين الحرف ..

قصيده راائعه ... وجميله .. وشفافه

تعكس صدق الاحاسيس

يعطيك العافيه ..

ولا هنت

[حزين الحرف]

الحائرة
صح بدنك ولا هنتي على الرد
اتمنى أن اكون عند حسن الظن دائماَ وأبداَ