فيروس هجرك

[حزين الحرف]

السلام عليكم ورحمة الله وبركاته
اخواني الاعضاء
هذه قصيدة من قصائدي المتواضعة
التي وظفت فيها بعض المصطلحات الكمبيوترية
لخدمة القصيدة أتمنى أن تحوز على رضاكم وإعجابكم


فيروس "هجرك عطل القلب "تعطيـل"= ودمر "ملفـات" الفـرح فـي حياتـي
ياللي سكنت القلب مـن دون"تحميـل"= متى"لموقعنـا"تـشـرف وتــاتــي
"عنوانكم"ماهوب"ياهو"و"هـتـمـيـل" ="عنوانكـم" روحـي وقلبـي وذاتـي
كم مرةٍ أرسلـت لـك عبر"الإيميـل"= وأدورك فـي "منتـداي" و"شـاتـي"
وأرسلت لك يازين"فيـلٍ "ورى"فيـل"= فيها الغـلا والحـب يأغـلا أمنياتـي
وأرسلت لك قصة عذابي مع "الريـل"= ياللـي غيابـك هـو سبايـب شقاتـي
دايم عليك "أبحث" "بياهـو" و"قوقيـل"= وأنـت ولا تسـال عليـنـا بتـاتـي
خابرك" بنتم فـور" أصلـي و"أنتيـل"= لكـن خسـارة غيـروك الوشـاتـي
وكان الهكر غـروك بالقـال والقيـل= بأدعي عليهم في سجـودي وصلاتـي
ياجعلهـم بقعـاء وطـيـرٍ أبابـيـل= ترمي عليهـم بأمـر ربـي حصاتـي
يرضيك من حبك غدى منهـك الحيـل= ريقي غدى ناشـف ويبسـت شفاتـي
أقضي الليالـي دمـع عينـي هماليـل= لامـن طريتيـلـي تـبـدد مبـاتـي
صحـراي جفـت مالفانـا مخايـيـل= وأنت المـزون اللـي تـروّي نباتـي
وياشين حالي لا قريـت "المراسيـل"= في"الأوت لك" أذكر قصص ماضياتي
منك"حزيـن الحرف"شـاف البهاذيـل= وقلبك مثل "قرصٍ صلب" في القساتي
"موقعك" فـي وجهـي مقفـل بتقفيـل= حتى"البركسـي" مانفـع وش سواتـي
"بمفضلـة" قلبـي عطينـاك "تفضيـل"= أنـت المفضـل عنـدنـا ياغنـاتـي
ويازين هجرك عطل القلـب تعطيـل =ومن غير شوفك وش تساوي حياتـي
كني بدونك "قرص فـارغ "ولا" فيـل"= فاسـد ومرمـي "بسلـة المهملاتـي"
ماعدت أفرق بين"اكسـس" و"أكسيـل"= وماعدت أفرق بين" بلتـك" و"شاتـي"
وباشكي على "الكيبورد" كثر الغرابيـل= وأكتب على "الوورد" المطور" وصاتي"
وهذي النهاية حطهـا وسـط "تظليـل"= لا مـت فغيابـك سبـايـب ممـاتـي

للاستماع للقصيدة
http://members.lycos.co.uk/adn249/virus.ram

لحفظها

http://members.lycos.co.uk/adn249/virus.rm


أخوكم
حزين الحرف
عبد الرحمن سعد الدوسري

[في القلب زايد]

قصيدة إلكترونية رائعة

الله يبعد عنا الفايروسات

حزين الحرف

شكرا على الابيات الجميلة

دمت بألف خير

http://www.zpub.com/red-rose.gif

[/..عيسى الحربي../]

الله الله الله

روعة

باقي شوي وتفتح محل صيانة والله
ههههههههههههههه
يمزح


صح لسانك ولب قلبك أخوي عبدالرحمن

[علي مكحول]

-

*

/
حزين الحرف
صح الله السانك اخوي حزين ...كلمة جميله
تسلم عليها

-

*

/


دمت بحب حزين
علي مكحول

[حزين الحرف]

همس الامارات
صح بدنك ولا هنت على الرد
يسعدني ان تكون اول من يرد علي
لك ودي

[حزين الحرف]

أخوي روح القصيد
صح بدنك ولا هنت على الرد
اللطيف والروح المرحة
اسعدني ردك
لك مني كل الحب

[حزين الحرف]

أخوي علي
اشكرك لك متابعتك الدائمة
صح بدنك ولا هنت
تسعدني ردودك دائماَ