كم مره بتكحلها وأعميتها,,,؟؟

[الغزال العارضية]

كم مره جيت تكحلها عميتها؟؟؟

بالطبع ستستغربون من سؤالي,,,,,,
ولكن سأخبركم كيف ولماذا ومتى,,,,؟؟
هو سؤال خطر ببالي من مواقف تصير لي وبما أن تفكرينا أصبح ألكتروني فكرت أن أضعه بين أيديكم,,,,,,,
كل مافي الامر
هو أننا دائمآ نمر بمواقف أنسانيه عديده
ونحاول جاهدين في بعض الأحيان تقديم الأفضل والأحسن
أو الكلمه الطيبه والأبتسامه الصدقه الصادقه لمن حولنا
كل مالدي
أننا في بضعة أحيان قد نحاول أعطاء أحد كلمه أو عباره نقصد بها الخير وتقلب علينا بسبب سوء الفهم أو سوء التعبير أو حتى سوء التصرف منٌا
يعني نريد أن نكحلها ونعميها,,,,,,,,

سأذكر لكم مثال
لتقريب الفكره لكم

يعني مثلا لديك شخص ملقوف بالبيت ذهب ليخبر عليك بفعل خاطئ قمت به فأنقلبت المشكله عليه
أو بالجامعه أو العمل
صديقك غاب لأمر طارئ جدا وتريد أن تفعل به خيرآ قمت بتحضيره حتى لايحرم من الماده _ الراتب
وأنكشفت
وتم حرمانكم سويآ
"يعني بتكحلها وأعميتها"

سؤالي باقي
كم مره بتكحلها عميتها ,,,,؟؟
وأذكر مواقف صارت معك أو حُكيت لك من هذا القبيل سوءآ طريفه أم سخيفه أو جديه لحد ما,,,؟؟



الغزال

[علي مكحول]

-

*

/
الغزال العارضيه
انا صار لي موقوف ماني ناسيه طول حباتي .. كنا يوم شلة شباب ورايحين جده .. كان وقتها اجازه وكنا ثلاث سيارات المهم طلعين من الرياض وكنا صراحه نتسابق في الخط المهم .. وصلنا منطقه اسمها المضايف الا وذيك السياره اللي تدخل الخط وخويي ما شافها الا وهي قدامه حاول يوخر منها ما قدر صدمها وانقلبت السياره يمكن اربع اوخمس مرات ... المهم وقفنا ونزلنا نبي نطلعه هو اللي معه وكان معه اثنين اللي معه سبحان الله ما كنهم معه .. وهو لا انكسرت ارقبته .. وجيت اناابي عدلتها وننتظر الاسعاف ننتظر .. ويوم جو وخذوه ورحنا المستشفى قال الدكتور المشكله في وضع الرقبه لو انها كنت غير الوضع اللي هي عليه كان يمكن الله احياه قالو يعني اللي سبب موته هو وضعيته الرقبه قال بالضبط .. قالو الا يا مصلحه لا تعميه جيت ابا اكحلها عميتها الا موتها .
-

*

/




دمتي بحب الغزال
علي مكحول

[ماجد الخثلان]

هذي هي الدنيا على مر الأزمان = اللي بيبها عيت انها تجيله

اصافحك بهذا البيت المتواضع مني ..

.
.

المواقف كثيرهـ .. لكن احب ان اضيف ببسيطً من الكلماتـ .. او الأختصار اكثر شئ ..
كل ما نقوله عن هذه المواقف تنتهي بكلمة واحده .. اتدرين ماهيـ . ؟؟
: الحسافه .. او الندمـ ..
ولا تأتي هذه الكلمتان إلا بسبب :
العجله .. او التسرعـ ..

لاكن ربما بعض المواقع تفرض علينا ان نتسرع في الحكم على امورنا لكي ننفذ بجلدنا ..

استاذتي ..
اسف على الإطالهـ .. / ..
اجمل التحايا لقلبكـ ..

[مَيّ بنتْ أحمَد]

>>>
حبوبتي الغزال العارضية.........................


عن نفسي.. صار لي موقف قريب... هالأيام صاير لي..


كنت انا مختلفة مع شخص جرحني........ وتخانقنا..

انا كنت بقفل السالفة...... وماابغى الموضوع يتطور...
قلت..(((((((بطيب نية)))))))))).
اقصر الشر.. وفضها سيرة...

انا قصدي ماابغى يكبر الموضوع............
عاد هو فهمها غلط.....................!!
وجلس يقول رضيتي او مارضيتي.............الخ

تخيلوا...
يخطي ويبغى العذر.. له..

انا حاولت ..اشرح..
بس هو ابداً...................................

عن نفسي مليت...
ماعندي استعداد اهين نفسي اكثر...........................!!

يعني على قولتك..

بكحلها وعميتها


وبس............!!

[الغزال العارضية]

علي مكحول
واااااااو
قصتك مؤلمه بلا أمل
تذكر أنما الاعمال بالنيات
وهذه يومه فعلت أو لم تفعل

أشكرك على مرورك الأنساني


ماجد الخثلان
وكأن ردك يكمل مانقص من موضوعي
أستشهدت لنا ببيت شعر
وعبارات رقيقه,,,,,,,

أشكرك على أكمال ماسقط مني سهوآ


الظما
عذرا لم أفهم لغزك كثيرآ
كل ماعرفته أنك لاتردين أهانة نفسك أكثر فيحق لك مافعليته
أعتذر لسوء فهمي فسوء الفهم آفه أرجو منك التوضيح أكثر عزيزتي,,,,

[مَيّ بنتْ أحمَد]

>>>>>>

اوضح..

قصدي اني جيت بقوله طيب خلاص.. بقفلها

قلت له كلام هو فهمه غلط...............

انا قصدي ننسى اللي فات..
وهو فهمها انسى اللي جاي

...
يعني ((مدري كيف افهمك))
بس اقصد انه فهم غلط.................

وانا بهدي الجو.. اثاريني شعلته...

ارجوا اني قدرت اوصل لك.. المعلومة

[كغـــّـــيم]

الظما جيبي سبوره للغزال يالله يالله تفهم ههههههههههههههههههههههههههههههه
ومن الي لونها اخضر ذيك القديمه ههههههههههههههههههههههه


مشكوره الغزال على الموضوع الحلوووو

عموما
انا كتبت هنا
مدري سوا اضافه للرد ولا لا
ماعلينا بقوله
مره ثانيه

انا سويت شي مع اعز صديق لي
المشكله هو فهم عكس نيتي
وزعل علي وشره
والزين ان عقله كبير
يعني يمشي ولايدقق على كل شي
بس حزت بخاطري
ليه يتوقع اني اغلط بحقه

والمشكله وين؟؟
المشكله انه الي بنيتي عكس فهمه تمام
ولاحبيت يكبر الموضوع
اسكت وخليت الموضوع يمشي على اني انا غلطان

وعزاي الوحيد
انه بكرا
يبي يدري
انه سواتي هذي خيرا له
ماهوب شر
والي قاهرني انه لو يدري او متأكد انه سواتي شر كان قالي الوجه من الوجه ابيض
بس هو يدري انه حسن نيه
وشي وصار

مابي اغثكم معي
شي بخاطري وقلته

قواكم الله

[كغـــّـــيم]

تعليق بسيط عجزت اروح وانا ماكتبته هههههههههههههههههههههههههههههههههههه


ترى الي صار لي معه الموقف قسم بالله خويي يعني ولد يعني تمساح
ادري انتم فهمكم غلط يالسعوديين على طول تبي تقولون بنت <=============== هولندي ههههههههههههههههههههه

شكل تبي تصير مذبحه هنا اذا احد حش بي وانا برا
انواع المراقب للموضوع هين اوريكم ههههههههههههههههههههههههههههههههههههه

قواكم الله

[نسيم]

<<<<<<< نسيم تحك راسها وتقول

ياحبك يالغزال لنشر الغسيل

والله ياقلبي انا مرة مو اعميتها الا رحت فيها بعد !

أبقول لكم بس عاد خلكم برستيج وموضعيين ولاتحشون فيني !


مرة كان الخناق موصل الى الاخير بين اختي واوخوي صغارهم

وكل واحد يبي يضرب وبس عجزوا اخواني يفكونهم جيت وانا خلاص معصبة

وذاك اليوم بعد مالي خلق واضربهم اثنينهم وكل واحد يتوعد الثاني

واجي ابفك يد اخوي وهوشاد في شعر اختي وادزه ويجي على مساكة الباب وينجرح

من عند راسه يووووه وتعالوا شوفوا حالتي وديناه المستشفى

وطول الطريق وانا منخوفي عليه جالسة أأنب في اختي كلا منك واسب فيها

وهذا الموقف اللي جد ما انساه ابد !

لكن الحمد لله جات سليمة !

وانتي الغزال ماراح نررها لك باسم انك حاطه الموضوع

علمينا عن موقف صار لك اعميتيها بعد !

نسيم

[محمد العتيبي]

الغزاال الرائعه بكلماتها والمبدعه بعباراتها والصريحه بأقوالها0000
السلام عليكم

اما عن الموضوع ماأدري وش أقول كل الى ابا أقوله المواقف كثيره 0000حدث ولا حرج0هههه

اممممم ابذكر موقف لي أنا >مو لسياره 00000هههه

باختصار انا وأخوي في الجامعه كنت أحضره وهو نايم في البيت ماعليه الايجي ويختبر في فترة الامتحانات سواء النصفيه اوالنهائيه 000طبعا هو معي في نفس القسم والدفعه0000
المهم مر الترم الاول على ذا الحال وعدينا كلنا 00وفي الترم الثاني كان الدكتو ر يحظرنا واسمي في الكشف ورى اسمه تماما
المهم ذكر اسمه وقلت انا حاضر0000؟وذكر اسمي وهم بعد قلت حاضر000انتبه الدكتور للحركه من ناحيتين الاسم والصوت مطابق
وسجل بعدين اسامينا 000
في النهايه تعثرت انا وعدا اخوي 000
وما اقول الا كم مره بتكحلها اعميتها0000


تحياتي000



محمد

[الغزال العارضية]

الظما

أذن كان سوء التعبير منك وسوء الفهم منه,,
فهمتك وصراحتك جميله
دمتي بحب,,,,,,,



كغيم
ههههههههههههههههههههاي
يوم رأيت مكان أقامتك وأنا
أقول الستر لله ,,,,,,,
مشاركتك شرحت موضوعي على صبوره بأقلام
كان منك أن توضح له لأنه مو أي صديق عابر
ممكن أنه اليوم نسي الموقف لكن غدآ عندما يحدث منك موقف
بسيط يتذكر موقفك ذلك ولايغفر زلتك
وضح له نيتك ولكن أذا هدأت الأمور لأن أعز الأصدقاء صدمتهم قويه
وبما أنه شخص عاقل لابد أن تفهمه,,,,,,,,


نسيم
ههههههههههههههههههههههاي
كل يوم أكتشف بأنك قويه
أذن من الآن وصاعدآ أنا صديقتك الحنونه المخلصه اللطيفه الجميله المؤدبه,,,الخ
الحمدلله عدت يسلامه وإلا كان تصرف آخر
بس أبعد بعيد أفضل,,,,,,,,
وموقفي سأذكره لك ,,,,


محمد العتيبي
ههههههههههههههههههههاي
موقفك يذكرني بنفسي كثيرآ دائمآ يحدث لي ولصديقتي
لكن توووووبه أعلنها حتى لا تحمل جميع المواد معك,,,,


دمتم لي فموضوعي بدونك لايعني شئ

[¤§ ريم الغـلا §¤]

اهليين مودموزيل غزال،،

اشكرك على هالفكره الحلوووه،، بس تدرين ،، مثل ماقالت نسيم فيها نشر غسييييل وفشله
هههههههههههههههه

ما بطول عليك ،، بدخل في السالفه

طبعا مثل ماتعرفوون جميعااا ،، المواقف الدراسيه اللي تمر علينا دووم نبي نتحاشاها بأقل الخساير

خصوصا خصوصااا بالجامعه وبالتحضير

بيوم ماكان لي خلق احضر عند واحد من الدكاتره ،، مالي نفس وقررت اجلس بالكافتيريا ،، بعد مرور نص ساعه من وقت المحاضره ،، مدري وشلون ما عطاني قلبي اطنش المحاضره كلهااا ،، كان اللي اروح وادخل القاعه واقعد قدام عشان اكلم الدكتور واقول له اني من المتأخرات واطلب منه يحضر اسمي،، بس خلص شرح الفقره والا وانااا اقول له ممكن تحضر اسمي ،، طبعا سئلني من انتي قلت له قال اوكي ووقت ما جلس يدور على اسمي الا ويلاقى اشاره صح عنده ،، قال انتي تحضرتي وانتي مووموجوده كيييف ،، ماعرفت ارد عليه وطلب الطالبه اللي اشرفت على تحضير الاسمااء وتورطت ،، وطبعاااا اناا انحرجت منهاااا وماعرفت اتصرف.

<<<<<<<< ما كانت تدري انها تحضرررررررررررررررت ،، وورطت البنيه ضعييفه

[الغزال العارضية]

ريم الغلا

موقفك طريف يحدث لنا دائم داخل أروقة الجامعه
ولكن كان من صديقتك التي قامت بتحضيرك أخبارك بأنها حضرتك
حتى لاتتكبد مشقة التحضير والتهزئ معآ,,,,,,,,,,,

أشكرك لمرورك العذب

[الغزال العارضية]

أما عن موقفي وهو سبب فكرة موضوعي

أني قبل الموضوع بيومين
كان عندي دوام الجامعه ظهر ومتفقه مع صديقاتي أننا نجي بدري نفطر بالجامعه
المهم جا الصبح وتكاسلت جدآ ,,,,,,, وأتصلوا علي البنات قالوا خبري فلانه
أننا ماراح نجي ,,,قمت ارسل لها مسج
يافلانه خلاص ماعاد بنروح "الجي جي" اليوم لاتروحين إلا الظهر
طبعا الجي جي=دلع الجامعه
السالفه أن أبوها قرى الرساله
وقام عليها من هي جي جي اللي صبح تروحون لها
انا على بالي أوديك تدرسين وانتي تسيرين على البيوت هههههههههههههاي
ومشاااااكل مالها تالي,,,,,,,,,,

طبعآ بكحلها وأسوي للبنت خير عشان مابيها تجي لوحده الجامعه
الاعميتها وخليتها بمشاكل مع أبوها,,,,,,,,,,,,

وهذا موقفي يانسيم وأصدقائي الغالين

الغزال