تعالوا شاركوني اذا ممكن...

[كغـــّـــيم]

السلام عليكم







ادري انه ماهي عاده الواحد يتكلم هنا
بس حسيت الموضوع لازم يكتب..
باختصار
كنت اتمنى القى موضوع احط فيه قصيده مانيب عارف من قايلها ويجي احد الاعضاء ويقولي من هو..
وبما انه الى الان ماحد حط موضوع مثل هذا
قلت اكتب يمكن تعجبكم الفكره


عموما
القصيده الي ببالي الان غناها خالد عبدالرحمن بجلسه
بدايتها
يقول


مكسبي يامسندي حفظ العباده
والدروب الكايده حدر ......
خوتي للذيب ماتطلب شهاده
وانت ياذيب الفيافي صرت ذاتي

نهايه البيت الاول غير معروف لدي..



اتمنى اني كتبتها صح
واذا في غلط ياليت القى من يصححها لي
واذا احد يعرف من قايلها يقول وله مني كل الشكر
قواكم الله

[مَيّ بنتْ أحمَد]

ودي اساعدك... بس ماعرفها....<<<<<<=مالي داعي

..
وعد بدور لك.. عليها.............

ابشر

[كغـــّـــيم]

يعطيك الف عافيه
والاهم من الجواب المشاركه
كأنها وصلت

تسلم يارب من كل شر
دور والبنزين علي ههههههههههه


اهم شي ماعطيتنا رايك بالموضوع يعني الفكره
من المؤيدين لها او لا؟؟؟
قواكم الله

[مَيّ بنتْ أحمَد]

مؤيدييييييييييييييييييين بقوة..
هههههه...

[نسيم]

اقتراحك حلو عجبني,,

يالله شد حيلك كغيم ونزل الموضوع .,,

وصدقني راح تسوي اثارة في الردود والمنتدى ,,

وانا اول وحده باشاركك لما تنزل الموضوع,,

الااذا ماودك ,,,

لاتفرح ناشبه بشارك حتى لو مابغيت

لوووووووووووووووووول

نسيم

[علي مكحول]

-

*

/
كغيّم
الف شكر على هالطر ح .. شي حلو .. وانشالله تلقي الاجايه



مكسبي يامسندي حفظ العباده = والدروب الكايده حدره وطاتي
خوتي للذيب ماتطلب شهاده = وانت ياذيب الفيافي صرتي ذاتي
انت يابن عبيد شيخ سيد ساده = قرم وابن اقروم ياعز اللجاتي
انتم اهل الشور يانعم الافاده = مكرمين الضيف حيل مبركاتي
وش على العقبان من دبي الجراده = مايروع الذيب من ترعى النباتي
والبهم عرض الغنم يعتاش زاده = والعصا في يد راعيها سواتي
بعض نبت الارضي مايدفي رماده = هش لو انه جموع محزماتي
بعض نبت الارضي يستوجب حصاده = يحرص الفلاح في حشّه بتاتي
كل فارس لي تعثر به جواده = مايخونه ساعده ضد العداتي
والردي قرب له فراش ووساده = مايشب الضو في ليله يباتي
صبينا صبي(ن) عزومي في جهاده = صبينافكاك ترفات البناتي
صبينا وقت اللقا يقدح زناده = اولاد زايد مطعمين الجايعاتي
طيرنا قرناس لاتخشى زهاده = طيرنا وقت الهدد طلعه ثباتي
انشالله اصيد اسمه اللي قالها .. بس
هذي الكمات غناها ابو نايف خالد عبد الرحمن

-

*

/


دمت بحب كغيّم
علي مكحول

[حزين الحرف]

اخوي كغيم اشكرك على هذا الموضوع الجميل
القصيدة اذا معلوماتي مو خاطئة
فهي للمشاعر مخاوي الليل اي الفنان خالد عبد الرحمن
قالها في عزوته الدواسر
والظاهر انه القاها في امسية له في الكويت قبل سنين
إن شاء الله اكون قدمت معلومة صحيحة

[كغـــّـــيم]

يعطيكم الف عافيه على هالتفاعل

نسيم الف شكر لك مرورك
وان شاءالله احطه بموضوع خاص او نكمل هنا عاد الي تبون



علي شكرا على مرورك
شكرا للقصيده الكامله
عودتنا على التفاعل
الف شكر ولاتكفي



حزين الحرف
حياك الله اخوي
الف شكرا لمرورك
والف شكر لتفاعلك
والفين وخمس ميه شكر للمعلومه ههههههههههه

قواكم الله