الأبحار في الحب من دون مرسى

[بندر سعد]

بدون مرسى صرت في لجت غرامك=والحياة اتكون أحلا ،،من دون مرسى
باع قلبي كل هالعالم وسامك=أقبليه بالله يم أعيون ،، نعسى
قالت أقبل دامني بقلبك ودامك=ما تحب أحدٍ سواي ،، قلت يخسى
يا كثر مسمع سلام لكن سلامك=تسمعه روحي وباقي الناس ،، خرسى
يدق قلبي كل مايبداء كلامك=أخاف من لين الكلام ،، وأخاف يقسى
خد ورمش وعين كثرتي سهامك=الشفايف ورد والخدين ،، ملسى
باقة الورد اللي في يدينك أمامك=شفتي هذا الورد ، يحكي معنا ، همسى
نور شمعه وأنتي والورد وهيامك=كيف أذكر أي شي وكيف ،، أنسى
الورود إنجوم وشعرك هو غمامك=وأنتي أحلا بدر وأنا بأحلا ،، ممسى
وسلامتكم

[علي مكحول]

-

*

/
بندر بن سعد
صح الله السانك .. ولا هنت مبدع
لا يقال عنك الا انك
جميل رائع
-

*

/



دمت بحب بندر
علي مكحول

[بندر سعد]

صح بدنك

ومشكور على المرور


ووريك في تركي لو ما يقراء هالقصيده

هههههههههههه

[ماجد الخثلان]

بندر

صح لسانكـ .. / ..
قصيدة في منتهى الروعهـ .. / ..

سلم قلبكـ يا غاليـ ..


إحترامي وتقديريـ .. / ..

[آرلـــس]

تسلم بندر القصيده
حلوه

http://www.arabgreet.net/uploader/pics/de.jpg

[بندر سعد]

تسلم أبن العم ماجد الخثلان

ومشكور على المديح


وصح بدنك



آرلس ماشاء الله أنتي مو عضو برونزي أنتي ذهب

مشكوره على مرورك وقراءت القصيده


ولازلت غضبان على تركي لأنه ماقراء القصيده

يمكن النومنيه مشغله؟؟؟

[تـــركــى]

بندر سعد

الله يزعجك مصحينى من احلى نومه

عشان اعدل لك قصيدتك

==> عدلها وهو ينعس

بس تدري يوم قريت القصيده

قلقيتها تجنن ومتعوب عليها

و تستاهل من يقوم علشانها

صح لسانك ولا عاد تزعجنى

والا ترى بحط موضوع خاص

بزعاجاتك انت وناشى للمسلمين

لووووول

تــــركــى

[فنوى]

اخوي بنر سعد مساء الخير


اسمحلي اكون جريئه معك القصيده فيها فكره والفاظ جميله تدل على وجود شي جميل لديك بس من وجهة نظري المتواضعه

القصيده يوجد فيها كسر .

شكرآ لك

دمت بحب

فنوى

[بندر سعد]

مشكور يبو حويدي على الكتابه الحلوه هذي
وكل ماادق عليك تقوم وبس



الاخت فنوى مشكوره على المرور وعلى الملاحظات اللي ماقلتيها

وهنا جايين نعلم ونتعلم ونستفيد كلنا

واذا كان هناك روح الصداقه والمحبه أكيد ماراح يكون فيه زعل

ابد ابد

واذا تبين احولها خاطره بدل قصيده ماعندي مانع



ودمتم

[فنوى]

يعطيك الف عافيه اخوي سعد على روحك الطيبه صدقني لو ما عجبتني قصيدك ما علقت عليها بس اخوي مثل منت عارف القصيده النبطيه لها شروط ومن اهم شروطها الوزن .

ارجو لك التوفيق والسداد اخوي سعد

دمت بحب
فنوى

[بندر سعد]

طيب وش رايك بالتوقيع


واضح أسمي عليه


صح