كادي
07-03-05, 01:58 PM
صباح/مساء الخير
التمثال
عفى الله عن خطا غدر الخناجر والضلوع ابطال= بسامح واتركك تحت الظلام الحالك الحالك
دخيلك وفر دموعك ترى هدر الدموع اذلال=وترى ما فيه احد يصبر مثل صبري بغربالك
انا عيب علي انقض كلامي والرجال افعال= واذا قلت اقطع حبالك تراني باقطع احبالك
عشان اكسب هدب عينك تجرعت العذاب اشكال= وليتك ترأف بحالي علشان ارأف بحالك
مسوي بحياتي شئ ما يذكر ولا ينقال= حشى حتى العدو وهو العدو ما يعمل اعمالك
تمسيني على الهم وتصبحني على الغربال= تقلطني فناجيلك وتقصر عني دلالك
تحملت التعب لأجلك وانا حملي يهد جبال= رحلت من العذاب وما وقفت الأ على جالك
علامك كل ما اجيك متواضع جيتني تختال= معاك الى متى بصبر وصبري معك يحلالك
مثل ما اقبلت لعيونك لزوم تلد لي بقبال= ومثل ما قد حشمتك حس واحشم قلبي اشوا لك
انا ما احد بجابرني اساير معك هالمنوال=ترى لا اني بتبيع لك ولاني باصغر عيالك
انا جيت اعشقك نبض ومشاعر ما اعشقك تمثال=انا جيت اسكنك وا حياك وابقى فيك وابقالك
انا جيت بظما عاشق تعب يطرد سراب الال= انا جيت استفز ارضاك من فرقاك والجالك
انا ماهمت بك عاقل انا كنت اعشقك بخبال= انا ما كنت احبك حي انا كنت اعشقك هالك
تخيل من كثر ما اخاف تلقى للزعل مدخال= اخاف اخطي على طيفك وادوس برجلي ظلالك
تعبتك والعرب تتبع رعود البارق الهمال= وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال=وصرت اقرب جسد يمشي معك بقفاك واقبالك
ابي قلبك يحس انه فقد بمحبته رجال= ملكته من هدب عين وخسرت ارضاه باهمالك
صحيح ان الفراق اقسى ولكن الوصال محال= وانا صعب علي ارضي غرورك واضغف اقبالك
بعد ما حققت عيني فبعدك للرقاد امال= اعود للسهر يا اخوي فال الله ولا فالك
ببدل نظرتك فيني واجيلك كل يوم بحال=باكون اقرب من ثيابك عليك ولا تهيالك
بالمك وانثرك واجمعك وارجع انثرك باهمال= بخونك وازعلك وارضيك وازعل منك وارضالك
بارسم بالثرى وجهك وابدفن صورتك بارمال= وابشكي للعرب فرقاك واضحك عند عذالك
ابهديك الوصال فراق واهديك الفراق وصال= بسوي مثل ما اشوفك تسوي وافعل افعالك
عشان تعرف من فينا الزعول ومن وسيع البال= ابيك تذوق فنجالي وانا بذوق فنجالك
نصيحه واحتفظ فيها قصر معك الزمن او طال= ابي تسمع كلامي زين وتحطه على بالك
اذا حبك اهبال اطفال الك عندي اهبال اطفال=ولا ابشر بعد باهبال حب ما هو بهبالك
واذا قصدك تهين اسمي عشان تشمت العذال= حشى لاانت ولا غيرك ولا عشره من اشكالك
التمثال
عفى الله عن خطا غدر الخناجر والضلوع ابطال= بسامح واتركك تحت الظلام الحالك الحالك
دخيلك وفر دموعك ترى هدر الدموع اذلال=وترى ما فيه احد يصبر مثل صبري بغربالك
انا عيب علي انقض كلامي والرجال افعال= واذا قلت اقطع حبالك تراني باقطع احبالك
عشان اكسب هدب عينك تجرعت العذاب اشكال= وليتك ترأف بحالي علشان ارأف بحالك
مسوي بحياتي شئ ما يذكر ولا ينقال= حشى حتى العدو وهو العدو ما يعمل اعمالك
تمسيني على الهم وتصبحني على الغربال= تقلطني فناجيلك وتقصر عني دلالك
تحملت التعب لأجلك وانا حملي يهد جبال= رحلت من العذاب وما وقفت الأ على جالك
علامك كل ما اجيك متواضع جيتني تختال= معاك الى متى بصبر وصبري معك يحلالك
مثل ما اقبلت لعيونك لزوم تلد لي بقبال= ومثل ما قد حشمتك حس واحشم قلبي اشوا لك
انا ما احد بجابرني اساير معك هالمنوال=ترى لا اني بتبيع لك ولاني باصغر عيالك
انا جيت اعشقك نبض ومشاعر ما اعشقك تمثال=انا جيت اسكنك وا حياك وابقى فيك وابقالك
انا جيت بظما عاشق تعب يطرد سراب الال= انا جيت استفز ارضاك من فرقاك والجالك
انا ماهمت بك عاقل انا كنت اعشقك بخبال= انا ما كنت احبك حي انا كنت اعشقك هالك
تخيل من كثر ما اخاف تلقى للزعل مدخال= اخاف اخطي على طيفك وادوس برجلي ظلالك
تعبتك والعرب تتبع رعود البارق الهمال= وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال=وصرت اقرب جسد يمشي معك بقفاك واقبالك
ابي قلبك يحس انه فقد بمحبته رجال= ملكته من هدب عين وخسرت ارضاه باهمالك
صحيح ان الفراق اقسى ولكن الوصال محال= وانا صعب علي ارضي غرورك واضغف اقبالك
بعد ما حققت عيني فبعدك للرقاد امال= اعود للسهر يا اخوي فال الله ولا فالك
ببدل نظرتك فيني واجيلك كل يوم بحال=باكون اقرب من ثيابك عليك ولا تهيالك
بالمك وانثرك واجمعك وارجع انثرك باهمال= بخونك وازعلك وارضيك وازعل منك وارضالك
بارسم بالثرى وجهك وابدفن صورتك بارمال= وابشكي للعرب فرقاك واضحك عند عذالك
ابهديك الوصال فراق واهديك الفراق وصال= بسوي مثل ما اشوفك تسوي وافعل افعالك
عشان تعرف من فينا الزعول ومن وسيع البال= ابيك تذوق فنجالي وانا بذوق فنجالك
نصيحه واحتفظ فيها قصر معك الزمن او طال= ابي تسمع كلامي زين وتحطه على بالك
اذا حبك اهبال اطفال الك عندي اهبال اطفال=ولا ابشر بعد باهبال حب ما هو بهبالك
واذا قصدك تهين اسمي عشان تشمت العذال= حشى لاانت ولا غيرك ولا عشره من اشكالك