لاطالعوها .. قلت تكفون.. ياعيــــــال .. !!

[كغـــّـــيم]

السلام عليكم

قصيده تمنيت اني اعرف قايلها ..
ولكن الزين مايكمل ..
ان شاءالله تعجبكم












عهدي بها من قبل تلبس عبايه
................................وأنا بعد قبل البس شماغ وعقال !!

طفلين نتهجّى حروف البدايه
.................................الله ياماأجمل سواليف الاطفال !!

كانت لنا في كل شارع حكايه
..................................وكنّا نقول علوم ماهيب تنقال!!

وكنت اتقاسم مامعاها معايه
...........................من(عسكريم) التوت,للعلك ابوريال !!

وكانت بعكسي شاطره في القرايه
....................................تقرأ جزء عمّ وطه والانفال !!

وأنا لك الله من مواري غبايه
............................مدري ابو نقطه هو الذال او دال !!

وكانت لابويه تشتكي من شقايه
.............................وتعلّمه كيف اربط الباب بحبال !!

ياما على ظهري كسر من عصايه
............................يقول لي:خلّك وأنا ابوك رجّال!!

وامي تقول:ادع لولدك الهدايه
.......................خوفي تصيبه كثرة الضرب بهبال !!

لاشفتها مع اول الدرب جايه
......................مدري أنا اللي ملت ولاّ الوطا مال!!

احسّ قلبي يرتجف في حشايه
.............................ماكنّه الاّ الضيف لاهزّ فنجال !!

ياما عن"السّعلي" تخبّت ورايه
...........................لاخوفوها فيه ثم شافت ظلال !!

تقول:خلّك ياحبيبي معايه
.....................واسّتأنس العب عندها دور الابطال !!

وآغار حتّى من عيون اصدقايه
..........................لاطالعوها قلت:تكفون ياعيال!!


قواكم ربي

[علي مكحول]

-

*

/
كغيّم
انت منزل موضوع تقول فيه اللي مضيع شي ..
معنااااااااااه هذي القصيده نزها
هنااك الله يعافيك ..
عموماا القصيده .. لمحمد النفيعي ..

-

*

/
دمت بحب كغيّم
علي مكحول

[فنوى]

وآغار حتّى من عيون اصدقايه
..........................لاطالعوها قلت:تكفون ياعيال!!

كغيم

تكفون يا عيال متى تقولها وكيف وليه؟!!

[/..عيسى الحربي../]

والله روعة أبداع

وخصوصاً

ألآيسكريم أو نص وبملعقة




ههههههههههههههههه

[الغزال العارضية]

واااااااااااااااااااااااااااو


قصيده رائعه رائعه رائعه

بجد أستمتعت بها كثيرآ
يحق لك أن تبحث عن قائلها,,,,
ونحن معك تمنينا ذلك

تشكر لك على هذا الأبداع
ونشكر علي مكحول على معرفتنا بقائلها,,,,,

[كغـــّـــيم]

يعطيك العافيه علي لمرورك..
نورت..ومشكور على الاقتراح بس انا مادورت من هو قايلها ولا كان حطيتها هناك اكيد..
عجبتني كلماتها وحبيت اشاركم فيها..
شكرا مره ثانيه لمرورك


فنوى
حياك اختي..
شكرا لمرورك..
وبالنسبه لسؤالك..
لو يوجه الى الشاعر افضل .. بما انه هو الي قايلها ولا ؟؟
مني الى الشاعر ..
يمكن القى عنده الي ابي..



روح القصيد حياك ربي وشرفت..
مشكور لمرورك.. والروعه طلتك علي..


الغزال..
حياك الله اختي..
ويارب ايامك كلها متعه وفايده اختي..



اخر شي اشكر الشاعر محمد النفيعي..
قليل مالقى هالبساطه .. وهالمعاني..
قواكم ربي..

[علي مكحول]

-

*

/
كغيّم
اذا كانت القصيده عاجبتك .. حطها في قصائد اعجبتني ..
مو مكانها الصح هذااااا

-

*

/



دمت بحب كغيّم
علي مكحول

[كغـــّـــيم]

ماشي ياخوي
وشكرا لمرورك طال عمرك..

[فنوى]

فنوى
حياك اختي..
شكرا لمرورك..
وبالنسبه لسؤالك..
لو يوجه الى الشاعر افضل .. بما انه هو الي قايلها ولا ؟؟
مني الى الشاعر ..
يمكن القى عنده الي ابي


كغيم

الشاعر جاوب في القصيده ومحطوط لك البيت
بس السؤال موجه لك شخصيآ ؟!!

دمت بحب

فنوى

[كغـــّـــيم]

حياك يافنوى

تكفون يا عيال متى تقولها وكيف وليه؟!!
عشان اقدر احدد وش سؤالك بالضبط اختي..
تساليني متى اقولها في حياتي,,( بما انك قلتي شخصيا" )
او من فهمي للقصيده ؟؟..

ياليت توضيح اذا ماعليك امر..
تمنيت اني من البدايه افدتك بالي تبي توصلين له..
لكن المعذره ماوصلتني الفكره..
ومازلت انتظر..
.
.
.
.
قواك
ربي

[فنوى]

قواك الله القصيده حلوه وانت ذوق احلى
السؤال واضح

متى تقول تكفون في حياتك يا كغيم باشا؟

اعتقد السؤال واضح !

[كغـــّـــيم]

تحلى ايامك يارب..


الكلمه صعبه شوي..
ولاتنقال بالنسبه لي الا على نطاق ضيق جدا" ..

اقول هالكلمه اذا احتجت (بكلامنا) الى فزعه ..
طبعا" (مو من أي شخص)

الله لايحيجنا ان شاءالله الا لوجهه الكريم..

واستثني من كلامي بقولت تكفون "اوقات المزح طبعا" ..



اتمنى اني وصلت لك الي تبين توصلين له من سؤالك..
والمعذره على القصور..

ملاحظه صغيرونه / من غرابه سؤالك قعدت ربع ساعه احاول افهم( افهم = تعني اشياء كثيره )
الله لايحطك في موقف مثل كذا يارب ..
ولا المسلمين..

قواك
ربي
..

[غدير]

صح لسان قايلها

وصحت يد ناقلها

تسلم يديك وإحساسك الجميل في الإختيار والنقل

لك تقديري وإحترامي

[كغـــّـــيم]

حياك ربي غدير ..
دايم ماتحرجيني بتواصلك الرائع..
اعتقد انه مرت على القصيده اسماء تخليني اعيش لحظات سعاده ( لانهم شرفوني بمرورهم )

هذا وانا ماقلتها بنفسي رديتوا بهالصوره .. !!
شكرا
ولاتكفي

قواكم
ربي
..

[فنوى]

شكرآ كغيم

قواك ربي

دمت بحب
فنوى

[كغـــّـــيم]

العفو..
اقل من الواجب..
قواك
ربي
..

[صفر سته التميمي]

الله
الله

قمة في الجمال

لله درك ياكغيم


اما بالنسبه للتساؤل اللي ورد في البيت التالي :

وآغار حتّى من عيون اصدقايه
..........................لاطالعوها قلت:تكفون ياعيال!!

فالبيت يجاوب نفسه بنفسه

يقول الشاعر انه يغار عليها حتى اعين اصدقائه والذين من المفترض ان البساط بينهم احمدي

فإذا نظروا اليها يقول لهم تكفون ياعيال

فيفهم من هذا انه يقول لهم تكفون ياعيال كفو عيونكم عنها


ارجو يافنوى اني وضحت اللي تبي توصل له


ولكم خالص تحياتي

["طعنات الأهداب"]

اللللللللللللللللللللللللللللللللللله يااااااااااااااااااااااااااااااااااااااااااازين البراءه
لا وعلك وعسكريم بعد

طفوووووووووووله بحته وحب عذري يازين ايام زمان والله

بعدين حلوه منك الدال والذال


تسلم على هالقصيده الرائعة والله


تحياتي
اختك:"طعنات الأهداب"

[مَيّ بنتْ أحمَد]

...................

قمة قمة قمة .........

صراحة دخلت جو وجلست اتخيل شقاوتكم......... الله وناااااااااااااااااسة اشكالكم...

والله اثاريك شيطون وحنا ماندري............................

فيك حقك.............

لك مني اجمل محبة..

[كغـــّـــيم]

اخوي التميمي..
شرفتني بحضورك ..
مشكور على الاضافه المميزه..




اختي .. طعنات الاهداب..
شكرا لمشاركتك معي هذه الابيات..
الله يسلمك ..
والي يسلم بالفعل صاحبها..
انا مجرد نقلت ابداع شخص اليكم..



الظما..
نورتي ياغاليه..
ومشكوره لتواصلك معي..
والقصيده للشاعر محمد النفيعي..
يعني باختصار ( كلامك موجه له )
<== طلع منها


قواكم
ربي
..