أول بدائيه لي ؟؟لا تخيبون ظني وعلقوا على تأليفي المتواضع

[دمعة ألم]

تمنيت السعاده بدنياي
وشفت السعاده تبتعد ما تبيني
تمنيت الفرح بدنياي
وشفت الحزن بعيوني حطم كل امالي
كل مادقيت باب الفرح بهقواتي
تنفتح لي أبواب الحزن كلها حولي
كل الأحزان متجمعه فيني
وكل الأفراح تهدمت شوف عيني
أنا ما كنت ابي أكثر من فرح يأويني
وأعيش به طول العمر متعالي
شكواي لله دام هذا حالي
والله يسعد ما بقا من سنيني
اضحك واسولف مع الي حولي
والله يعلم إني اضحك ودمعتي وسط عيني
>>>>>>>>>>>>>>>>>>>أتمنى أن تنال على اعجابكم
لأنني كما أسلفت مبتدئه وسلامتكم >>>>>>>

[][TheQuEeN][]

بــدايه موفقـــه ,, واصلي نحــو القمه عزيزتي ,, :)

[هدووووء]

.
.
:rose:
.
.

[محمد بن غنام الشمري]

اختي الفاضله


اولا ً الله يبعد الالم و الحزن عنك

و عقبال ما تكون فرحه



ثاني شي


انا عندي نظره مبدئيه لك

و من خلال نظرتي لكتابتك هذي " مع انها ما تكفي عشان احدد شخصيتك "

لكن اشوف انك راح تبدعين اكثر في مجال شعر التفعيله و الخواطر

اكثر

و انا اقول لك ليه

اولا ً واضح انك تحبين الحريه في الكتابه

و هذا شي يضمنه لك شعر التفعيله

و ثاني شي واضح انك تحبين " التأليف " على قولتك

و عند افكار كثيره

و هالشي صعي في الشعر العامودي

لان الشعر العامودي لا يحتمل اكثر من ثلاث افكار او اربع افكار

لكي لا يصاب القارئ بالفتور

و شعر التفعيله يمكنك وضع اي فكره و تألفين اي فكره و بكثره دون تعب

لانك غير مقيده ببحر معين او قافيه معينه


و شعر التفعيله بسيط


و الفرق بينه و بين العامودي واضح


مثلا ً على الشعر العامودي


لا عاد تنشد عن سبب موت الاشواق ... اليا غرست الشوق فيني و صديت
و ان شفت حبك ساكن ٍ وسط الاعماق ... تعال و انشد خافقي ليه حبيت


هذي ابيات شعر عامودي

تسير على بحر واحد اسمه " بحر المسحوب "

و تفعيلاته

مستفعلن مستفعلن فاعلاتن .. مستفعلن مستفعلن فاعلاتن
مستفعلن مستفعلن فاعلاتن .. مستفعلن مستفعلن فاعلاتن
... و هكذا


لكن في شعر التفعيله


تكتبين مجموعه من التفعيلات و لكن لابد ان يكون هناك " جرس "

لبث الطرب في النص

الجرس هو شي يشبه القافيه

لكنك مو ملزمه فيها في مكان معين

تحطينها وين ما تبين كيف ما تبين

و تحطين في النص اكثر من جرس بحيث تطلع معك بالاخير مثل لوحه فنيه


مثال للتفعيله




..............................
يا زمن ْ

يا زمن ْ خذ ما بدالك
... دام للفرحه ثمن ْ ..

خذ ما تريد و ما صفا لك ...
...................... روووووح و الدنيا حلالك
و اترك الضيقه .. لِمن ْ ..

قال انا شخص ٍ طـَموح .. و غرّته كثر الاماني .. و ما لقى بالوقت روووح


و رااح يمشي في دروبه .. يحسب ان الدرب دووح

ما درى ان الليل .. حالك ْ .. ياحبيبي كيف حالك ..؟

لســّـى في بالك طموح ..؟

و شفني امشي للجروح و اتبع احلامي .. كــمَن .. أيقن انه صار هالك

و انكسر فيه الجموح ...

لا متى و حنـّـا نردّد

لا متى و حنـّـا نردّد

لا متى قل يا زمن

........

لاحظي اختي التفعيلات


يا زمن خذ ما بدالك دام للفرحه ثمن ...... خذ ما تريد و ما صفا لك رووح و الدنيا حلالك

هذا بحر لكن قسمته

هو اصلا ً
(فاعلاتن)( فاعلاتن)( فاعلاتن)( فاعلاتن) ..... (فاعلاتن)( فاعلاتن)( فاعلاتن)( فاعلاتن)

حاولي تغنين

(يا لا لا له) (يا لا لا له)( يا لا لا له )(يا لا لا له )....(يا لا لا له) (يا لا لا له)( يا لا لا له )(يا لا لا له )


و اترك الضيقه لمن قال انا شخص ٍ طموح ... و غرّته كثر الاماني و ما لقى بالوقت روووح


نفس الكلام
..

و رااح يمشي في دروبه .. يحسب ان الدرب دووح .... ما درى ان الليل .. حالك ْ .. ياحبيبي كيف حالك



نفس الكلام



لســّـى في بالك طموح ؟و شفني امشي للجروح ... و اتبع احلامي .. كــمَن .. أيقن انه صار هالك

نفس الكلام



و انكسر فيه الجموح و لا متى و حنـّـا نردّد ....... لا متى و حنـّـا نردّد لا متى قل يا زمن


شوفي هذي نص شعر تفعيله

بدون قافيه معينه

و انا بما ان لدي الحريه بكتابه اي تفعيله

استخدمت " فاعلاتن " و هكذا

لكن اقري النص كقصيده عامودي و كشعر تفعيله

تلاحظين ان التفعيله فيه اجمل


الاجراس في هذا النص

مثلا ً

يا زمن

ثمن

لمن

كمن

يازمن

شوفي كيف استخدمت هالجرس ليكون البدايه و النهايه

و في داخل النص استخدمت اجراس حلوه

مثل

روووح

طَموح

روووح

دووح



طُموح

للجروح

الجموح

..

و هذا جرس ثالث


بدالك

صفا لك

حلالك

حالـْك

حالِك

هالك




شفتي كم جرس وضعت

و عادي بالتكرار

و لك الحريه بالتنقل و الصياغه


و لا يوجد لديك سوا قيدين

ان يكون لديك تفعيله و لك الحريه باختيار عدد التفعيلات

انا هنا استخدمت وحده

و ان يكون لديك على الاقل جرس واحد او اثنين

و من الافضل ان يكون الجرس الاول هو ما تنتهين به

لكي يكون النص حلزوني او دائري
يبدأ بنقطه و ينتهي عند نفس النقطه


هذا ما أراه


و معليش تراني مستعجل و انا بالدوام الحين


و اي استفسار هذا ايميلي للمراسله

او ارسلي لي رساله

لان دخولي قليل شوي

تحياتي

[دمعة ألم]

يسلمك ربي اختي
وربي يسمع منك
************
هدوؤ :
لا أعلم لم هذا الهدوؤ الذي
انتقل الى ردوددك ايضا
ومشكورره على الورديا ورده
***************
محمد غنام :
أشكرك جزيل الشكر والأمتنان
على ما قدمته من طرح وجمال
بأسلوبك العطر الشذي ا فنان
واقدم لك اجمل تحيه وتحنان
واجمل عذر على التطوال
فهذا قليل في حقك يا بستان
فليس لدي في نها يه الأقوال
سوى أن أدعوا الله لك بأن
يوفقك وينفع بك شعر الأجيال
**************

[احلابنوته]

صح لسانك يا خيتي

و واصلي ولا توقفينـ..

:)

[دمعة ألم]

احلا بنوته
تسلمين حبيبتي
وانشاء الله استمر
ونبي نشوف ابداعك
مشكوره ع المرور

[نـــــور]

بدايه محزنه ليه؟؟

فيه نبرة حزن جعل ربي يبدلها سعادة يارب

بالعكس بالنسبة انها بداية روووووعة حلو انك قدرتي تعبرين عن شي بداخلك

واصلي وحنا بانتظار ابداعاتك

[عثمان الضبعان]

قصيده جميله

صح لسانك


ولا أضيف على كلام الغالي .

محمد الشمري

تقبلوا مروري

اخوكم
عثمان الضبعان

[ع ـــبق ذكرى]

شكواي لله دام هذا حالي
والله يسعد ما بقا من سنيني



أسعد الله ايامك يالغلا

جمال القصيده بصدق احساسها
وربي تصل لـ قلب قارئها
رغم بساطة مفرداتها



دمعة ألم
بحق رائعه
بانتظار قصيدة اخرى
لا عدمناك



دمتـِ كما تحبي

إمبرا

[دمعة ألم]

تسلمون حبايب قلبي
ع الردود لاهنتوا والله يحفظكم ويخليكم لعين ترجيكم