نفس الحديقه...

[هديل العلي (شموخ انسانه)]

تواعدنا على نفس الحديقه..اشيل من الوله كل الأماني
قبل ذاك الوعد جيت بدقيقه..أخاف اني نسيته لو ثواني
يشب القلب في جوفي حريقه..على ذكر الوعد يضحك زماني
نطرته والصدر مافيه ضيقه..ابيه يعرف شوقي مع حناني
ترقبته وهو جاي بطريقه..يسابق خطوة اقدامه عشاني
وفجأه بانت بعيني حقيقه..تمنيت بحضوره مالقاني
سألته والحزن وشلون اطيقه..عسى قلبك حبيبي مانساني
نسيت العمر والورد ورحيقه..نسيت اني على فرقاك اعاني؟
ابي تسمع كلامي لو دقيقه..حسافه مادريت انك اناني

[فيصل]

هديل صح لسانك كلام نابع من احساس مرهف ومثلك ما يحاتج امدح فيه

لا تحرمينا يا هديل من ابداعاتك

اتمنى لك كل التوفيق هديل

[°oOسالفــة عشــاقOo°]

http://www.ashog.com/images/w10.gif

هديل ...
اللــــــــــه عليك الله ....


اعجبتني كلماتكـ جدا جدا...

روووووووووووووووعه.. بل منتهى الابداع..

وصف لحال .. لكن لديكـ الوصف كان بشكل جمييييييييل
ورائع ..لاتحرمينا من جديدك يامتميزة

اختك
سالفة عشاق

[نايف السعود]

اختي هديل العلي


امطرتي على هذا المتصفح بأبياتِ مليئه



بالعذوبه والمشاعر الصادقه والجياشه


هديل العلي:::
مشاعر لطيفه و صادقه وتلقائيه


سلم بووحك ونبضك



لافض فووك

[علي مكحول]

-

*

/
هديل
هديل ابغى اتكلم لو دقيقه = اوضح وش خفاك و ش بلاني
عسى تلقين في حروفي حقيقه = قبل حكمك يحكم اني اناني

حروف مفعمه بالالم الغادر حروف تحب ولكن ؟
لم تجد الدفئ في قلب من احبت
-

*

/


دمتي بحب هديل
على مكحول

[همسة غلا]

غاليتي .. هديل

صح الله لسانك وتسلم ايدينك

دمتى للابداع عنواناااااا

[عبدالكريم العساف]

الله روعه ياشموخ انسااانه


كنا حاسين ان الاسم هذي وراه هذي العذووووبه



صح لسانك وننتظر جديدك مادام هذي بدايتك معنا

[في القلب زايد]

قبل ذاك الوعد جيت بدقيقه..أخاف اني نسيتـه لـو ثوانـي

هديل العلي

(شموخ انسانه)

http://www.mowjeldoha.com/mix-pic/borders/www.mowjeldoha.com-borders-45.gif

أبيــات جميلة من شــاعرة جمـــيلة ...

لا املك سوى الشكر

[فيحان الويباري]

مشهد لاحق على ذمة المتوقع :
ـــــــــــــــــــــــــــــــــــــــــــــ

.
.
.




ذبلت كل أزهار الحديقة . :)

[حماد الشمري]

اهلا بالشاعر والاعلاميه هديل العلي

واولي مشاركاتها الشعريه

ارحب بك هنا في عذب الكلام

ولعلنا نعانق بعض من بوحك

دمتي بكل الخير

[ضاوي الشوق]

.




وفجـأه بانـت بعينـي حقيقه..تمنيـت بحضـوره مالقانـي
سألته والحزن وشلون اطيقه..عسى قلبـك حبيبـي مانسانـي
نسيت العمر والورد ورحيقه..نسيت اني على فرقاك اعاني؟
ابي تسمع كلامي لو دقيقه..حسافـه مادريـت انـك انانـي



هديل



شموخ إنسـانة


هنـا يتصافح الشموخ مع الحب


ويلتقيـان في نصف الطريق


صح لســانك


ودامت أزهــارك


وبانتظـــار جديدك



تحياتي

[فهد الزغيبي]

>>> شموخ انسانه<<<

>>> حوريه الشعر<<<

>>>هديل العلي<<<<

يكفينا فخرا حضورك معنا .
ويكفينا شوقا تصويرك لمشاعرنا
ويكفينا امام إبداعك ان نقف لك ...

صح لسانك
وتحياتي لك

[هديل العلي (شموخ انسانه)]

اشكركم اخواني وخواتي على مروركم الجميل وأطرائكم وانشالله اتواصل دايما معاكم

[Lawyer]

يشب القلب في جوفي حريقه..على ذكر الوعد يضحك زماني
نطرته والصدر مافيه ضيقه..ابيه يعرف شوقي مـع حنانـي


أختي العزيزه / شموخ انسانه ..

ان كان للروعه قمه .. فأنتي معتليتها

تقبلي مني اجمل تحيه ..

[فلاح السبيعي]

قصيدتتقطر عذوبه مثل ماتفضلوا الأخوان



نتمنى استمرارك من ضمن نجوم منتدانا الحبيب

[الشعلة]

صح لسانك اختي هديل
على الكلمات الجميله الساحره العفيفة
واتمنى ان لاتحرمينا من طلتك بابياتك الرقيقه

[هديل العلي (شموخ انسانه)]

اخي فلاح السبيعي شكرا لمرورك وانشالله استمر معاكم


الشعله تواصلك الجميل يسعدني وشكرا لمرورك

[naniso]

رقيقتي هديل هذه لقطة رائعة لمشاعر لصيقة بالفتاه العربية أكثر أنثي مكتنزة بالمشاعر الصادقة وهي أيضا لقطة رائعة للحظة صعبة علي الأحساس عبرتي عنها بكلماتك الرقيقة دمتي ودام قلمك واحساسك الرائع
أختك نسرين naniso

[هديل العلي (شموخ انسانه)]

عزيزتي الشاعره نسرين شكرا لمرورج العذب دمتي بخير