روايــــــــــــــة الأحــــــــــــــــــزان ...... !!

[حزن الليل]

::

بسم الله الرحمن الرحيم

::

:

:

هذه إحدى كتاباتي .. ولا أستطيع أن أسميها قصيده .. لأنني كتبتها .. وأنا ليست لدي معرفه بالوزن
لذلك .. تسعدني انتقاداتكم

::

:: رواية الأحزان ::

عسى ماشر ياغالي أشوف الحزن بعيونك

واشوف دموع محتاره ياتتخبى ياتذرفها

فديتك لا تِخبيها أريد اشوف آخرها

وأريد اليوم أحزانك بلا رجعه تودعها

تعال وقل لي ياغالي أنا وشلون اودعها

واهي قصه بعنوان و( فلانه ) هي روايتها

وحظي العاثر الغادر من صغري يألفها

ولا أدري متى بيكتب لهاْ آخر فصل وينهيها

سنين الحزن والغربال صفحه صفحه رتبها

وبقت كم صفحه للفرحه وتَحيّر وين يوزعها

وخط احروفها بدموع من عيني وصففها

بقلبي المتعب المجروح وخلاني أعانيها

بدايتها ألم فرقا لاعز الناس واغلاها

نور الدنيا والمصباح اللي كان شاعلها

وانا طفله خذاه الموت بلا توديع غادرها

يابوي الدنيا ماتسوى وعيونك ما تناظرها

آ يابوي ياكلمه اشتقت أنا أنطقها

واتلذذ ليا ناديت يابنتي وألبيها

رحمك الله ياغالي وعساك الجنه تسكنها

وعسى روحك بواسع رحمته ربي يتغمدها

ولاحت لي دروب الحزن ومالي إلا أسلكها

وانا بعدي صغيره مادري بالدنيا وبلاويها

سنين الحزن تتوالى وسنين الضيم مااطولها

وصار اسمي هو العنوان للحزن ومرادفها

ودعيت الله ياربي على عبدك تفرجها

رجيتك ياعظيم الشان أحوالي تيسرها

وعشت الفرحه بايامي ياااا ألله ما اجملها

ولكن للأسف صارت من الماضي ولا انساها

أثرها والألم باقي بقلبي يااااااه ماقساها

دنيا للحزن توعدني لالاح الفرح فيها

وبااقي للروايه افْصول ولادري كيف يألفها

حظي العاثر الغادر ولادري كيف ينهيها

وهذي قصتي افهما ولافي يوم تنساها

لجل تعذر عيوني يوم حزني ما يفارقها

::

لكـــــ ودي ــــــم

::

:: ألم الصمت ::

[ع ـــبق ذكرى]

يابوي الدنيا ماتسوى وعيونك ما تناظرها

آ يابوي ياكلمه اشتقت أنا أنطقها

واتلذذ ليا ناديت يابنتي وألبيها

رحمك الله ياغالي وعساك الجنه تسكنها

وعسى روحك بواسع رحمته ربي يتغمدها

اللهم آمــين





ودعيت الله ياربي على عبدك تفرجها

رجيتك ياعظيم الشان أحوالي تيسرها


وبااقي للروايه افْصول ولادري كيف يألفها

حظي العاثر الغادر ولادري كيف ينهيها

وهذي قصتي افهما ولافي يوم تنساها

لجل تعذر عيوني يوم حزني ما يفارقها


لـ تكن هذه اخر الاحزان
انتهى فصل الحـزن
ولـ يبدأ الفصل الآخر من هنا
ســ يلوح الفرح بدنياك
فقط ابحثي عنه
ستجديه قريب منك



ألــ الصمت ــم

يكفيها
صادقة
المشاعر

لله درك ياعزيزتي

:rose: لـ روح ـكـ


دمتـِ كما تحبي




إمبرا

[يفــ الوصف ــوق]

حزن الليـــل ..

/


صح لساااانك .. وسلمت مشاااعرك ..
قبل ( كل شئ ) ..

/


القصيدهـ .. رااائعه ..
وفيهااا احساااس دااافئ .. ونقي ..
ولكنهاااا .. طويله ( جداا ) ..

/

سأتوقف عند بعض الأبيااات فيهاااا ..
وأوضـّـح لك .. مقوّمااات القصيدهـ الأساسية التي سقطت هنااا ..
واتمنى أن تتقبّلي رأيي .. بصدر رحب ..
وما تقولين ( يا ليتني ما قلت له ) !!
هههههههههههه


:)


/

سأعود ..

إنتظريني !!

/

كل الود ..
سأتركه ( هنااا ) ..





يفوق ،،،

[حزن الليل]

عبق ذكرى .. أشكرك جزيلا ..

وبإذان الله سينتهي الحزن .. ويحل الفرح

اسعدني تواجدك .. وأنار صفحتي

تحياتي

[حزن الليل]

صح بدنك

ومادام انك سميتها قصيده .. يعني في أمل .. هههه

بالعكس اخوي .. أنا ماوضعتها هنا .. الا لأني أريد النقد .. لأنني أريد ان استفيد فقط

فأرجو منك أن تنقدها كلها .. ولا تترك شيئا .. (( الله يعينك ))

وسأكون شااكره جدا لك

تحياتي

[عثمان الضبعان]

صح لسانك ..


قصيده جميله ...


لكن فيها بعض .. الملاحظات ..


لكن .. اخوي يفوق الوصف .. تكفل فيها


وانا اسجل حضوري


لك تقديري

[حزن الليل]

صح بدنك .. عثمان الضبعان

وشاكره لك تواجدك الجميل .. بين أحرفي المتواضعه

لك تحياتي

[يفــ الوصف ــوق]

- عودهـ .. لــ ( حزن الليل ) ..
و الشعر ..

/


بداية ً .. أنا أعجبت جداا .. جداا .. بــ ( صراحتك ) مع نفسك ..
وإعترافك بــ ( عدم الإلمااام ) بــ ( الوزن ) ..
وهذه هي أكبر ( عثرة ) يواجههااا .. الكثييير والكثيير من الشعرااء ..
أو ( المستشعرين ) بالأصح ..
والتي يقضون عندها الكثير من الوقت .. على ( أمل ) تجاوزهااا ..
وفي الأخير .. لا يستطيعون ذلك ..


/

كمااا ذكرت لك .. سابقااا ..
أنني سأقف على ( القصيدة ) بشكل عام ..
وبعض الأبيات .. بشكل خاص ..
وأسرد لك بعض النقاط الأساسية التي تحتاجين إلى معرفتهااا ..


لأن الوقوف عند كل بيت .. والتفصيل فيه ..
أشبه ما يكون بــ ( العمل المضني ) جدااا جدااا ..
والذي سيأخذ الكثير من الوقت ..
وفي نهايته .. لن نخرج بــ ( أكثر ) من النقاط التي سوف أذكرهاا لك .. مبااشرة ً ..

[يفــ الوصف ــوق]

النقاط هي :

1. عدم إلتزامك بقافية ٍ واحدهـ ..في ( الشطر الأول ) ..

2. عدم إلتزامك بقافية ٍ واحدهـ .. في ( الشطر الثاني ) ..

- لاحظت أنك استخدمتي ( ــهااا ) .. كقااافية للشطرين ..
وهذاا هو الخطأ الذي وقعتي فيه ..

- كان لا بد لك .. أن تختاري حرفااا معينااا .. قبل ( ــهااا ) ..
لــ ( الشطر ) الثاني ..
مثلااا : ينهيهاااا / يودّيهااا / يراعيهااا / معانيهااا ..
>> لاحظي أنني إخترت ( حرف الياء ) .. قبل ( ــهاا ) ..
ممااا أعطى القافية تناسقااا .. وتطابقااا وتناغمااا أكثر .. وأجمل ..
ولكن عندما نقول : ينهيهااا / رتبهااا / يوزعهااا ..
>> لاحظي أننااا نختار مرة ً ( الهاء ) قبل ( ــهااا ) ..
ومرة ً ( الباء ) .. ومرة ً ( العين ) .. .. الخ ..
وليس بين تلك الكلمااات .. أي تناسق أو تناغم !!


- لــ التوضيح أكثر :

شعورك / اجاورك / اشارك ..
جميعهااا .. تنتهي بــ ( رك ) ..
ولكن هل تشعرين بأي تناسق ٍ بينهااا ؟؟؟

ولكن عندماا نقول :

شعورك / غرورك / مرورك ..
لاحظي الفرق الكبير بين التناغم والتناسق هنااا ..
وبين ما ذكرته سابقااا !!

- بعبارة ٍ أخــرى ..
عندما نختار القافية .. فإننااا لا نعتبر " ضمير الخطاب " من ضمن القافية ..
ولكننااا ننظر إلى ( آآخر حرف ٍ ) .. تنتهي به الكلمة الأصلية ..
سواء كان إسم .. أو فعل ..

مثلااا ..

معانيهاااا = الكلمة الأصلية هي ( معاني ) .. الحرف الأخير = الياء
أساميهااا = الكلمة الأصلية هي ( أسامي ) .. الحرف الأخير = الياء
فيهااا = الكلمة الأصلية هي ( في ) .. الحرف الأخير = الياء

لذلك نستطيع أن نستخدم تلك الكلمااات .. مع بعضهااا .. كــ ( قافية ٍ واااحدهـ ) ..
ونضيف عليهااا ما نريد .. من ضمائر الخطاب ..

مثلااا : نضيف عليها ( ـناا / ـك / ـها / ـــه ) فنقول ..

معانيــ/ــنااا = أساميـ/ـينا = فيـ/ـنااا ..
معانيـ/ــك = أساميــ/ــك = فيــ/ــك ..
معانيــ/ـها = أساميـ/ــها = فيـ/ـها ..
معانيــ/ــه = أساميــ/ــه = فيــ/ــه ..

.
.

وهكذااا ..

[يفــ الوصف ــوق]

3. بخصوص ( الوزن ) ..
هذه القصيدهـ .. مكتوبة على بحر ( الهزج ) ..
وتفعيلته ( مفاعلين - مفاعيلن - مفاعيلن - مفاعيلن ) ..

ولديك ( بعض ) الأبيااات :
- الموزونة فعلاااا ..
- الموزونة .. ( تجاوزااا ) ..

والعديد من الأبيااات .. التي تفتقد إلى الوزن ..


/

/

عسى ماشر ياغالي أشوف الحزن بعيونك = موزون
واشوف دموع محتاره ياتتخبى ياتذرفها = موزن ( مجازاا ) = فيه ( ثقل ) في النطق ..

فديتك لا تِخبيها أريد اشوف آخرها = موزون
وأريد اليوم أحزانك بلا رجعه تودعها = موزون

تعال وقل لي ياغالي أنا وشلون اودعها = موزون
واهي قصه بعنوان و( فلانه ) هي روايتها = يمكننا اعتباره ( موزون / غير موزون )
( وذلك اعتماداا على .. نطقك لــ البيت )

وحظي العاثر الغادر من صغري يألفها = اذا كان لسانك سعودي >> مكسور
واذا كان لسانك خليجي >> موزون مجاوزااا ..
وموضع الخلاف هو في طريقة نطقك لــ ( من ) !!
ولا أدري متى بيكتب لهاْ آخر فصل وينهيها = مكسـور

سنين الحزن والغربال صفحه صفحه رتبها = موزون مجازاا
وبقت كم صفحه للفرحه وتَحيّر وين يوزعها = مكسور

وخط احروفها بدموع من عيني وصففها = موزون
بقلبي المتعب المجروح وخلاني أعانيها = موزون مجازااا

بدايتها ألم فرقا لاعز الناس واغلاها = موزون
نور الدنيا والمصباح اللي كان شاعلها = مكسور

وانا طفله خذاه الموت بلا توديع غادرها = مكسور
يابوي الدنيا ماتسوى وعيونك ما تناظرها = موزون مجازاا

آ يابوي ياكلمه اشتقت أنا أنطقها = مكسور
واتلذذ ليا ناديت يابنتي وألبيها = موزون

رحمك الله ياغالي وعساك الجنه تسكنها = مكسور
وعسى روحك بواسع رحمته ربي يتغمدها = موزون

ولاحت لي دروب الحزن ومالي إلا أسلكها = موزون مجازااا
وانا بعدي صغيره مادري بالدنيا وبلاويها = موزون

سنين الحزن تتوالى وسنين الضيم مااطولها = مكسور
وصار اسمي هو العنوان للحزن ومرادفها = موزون

ودعيت الله ياربي على عبدك تفرجها = موزون
رجيتك ياعظيم الشان أحوالي تيسرها = موزون

وعشت الفرحه بايامي ياااا ألله ما اجملها = مكسور
ولكن للأسف صارت من الماضي ولا انساها = موزون

أثرها والألم باقي بقلبي يااااااه ماقساها = مكسور
دنيا للحزن توعدني لالاح الفرح فيها = مكسور

وبااقي للروايه افْصول ولادري كيف يألفها = مكسور
حظي العاثر الغادر ولادري كيف ينهيها = مكسور

وهذي قصتي افهما ولافي يوم تنساها = مكسور
لجل تعذر عيوني يوم حزني ما يفارقها = موزون

[يفــ الوصف ــوق]

4. الترابط بين الأفكار .. وتسلسلهاااا .. ( ضعيف ) بعض الشئ ..
وكأنك تنتقلين من فكرة ٍ إلى أخرى .. دون التمهيد البسيط ..
أو إيجاد التسلسل الزمني والمنطقي للأحداااث ..

مثلاااا ..

عندما نتكلم عن ( الفرح ) بالنجاج من الثانوية العامة ..
فإننااا يجب أن نتطرق لــ ( الثانوية العامة ) في البداية ..
ثم ( إختبارات الثانوية العامة ) ..
ثم ( فترة انتظار النتائج ) .. والنجااااح ..
وفي الأخير .. نتطرق إلى تلك ( الفرحة ) .. ونتكلم عنهااا بإسهاب ..

ولكننااا .. لا نتكلم عن الفرحة .. في البداية ..
ثم نتطرق إلى ( الثانوية العامة ) ..
ثم ننتقل إلى ( فترة انتظار النتائج ) ..
وقد او قد لا نتطرق إلى ( اختبارات الثانوية العامة ) ..


>> أريدك أن تلاحظي ( تسلسل ) الأحداااث ..
وطريقة الربط بينهااا .. في مثالي السابق ..
ومن ثم .. تعودي إلى القصيدهـ .. وتقرأيهااا من جديد ..
وتركزي على ( طريقة تسلسل الأحداث ) ..


>> لم أذكر انه ( معدوم ) .. ولكنه .. ضعيف ..



/

/


5. أعجبني كثيرااا .. في أبياااتك ..
محاااولااااتك في التبحـّـــر في ( الخيالاااات ) ..
والربط بينهااا .. وبين مشاااعرك ..

وما أعجبني أكثر ..
هو التناسق الراائع .. بين تلك الخيالات والصور ..
ونوعية تلك المشاعر المرتبطة بهاااا ..


وهي بكل صراااحة ..
توحي إلى ( نضج إحساااسك ) .. وفكرك ..
وأناقتك في الكتاااابة .. و رؤيتك للأشياء من حولك ..

[يفــ الوصف ــوق]

أخيرااا ..


أردت أن أقول .. أن هناااك بعض النقاااط التي غاابت عن القصيدهـ ..
والتي في رأيي .. قد تضفي إليهااا .. لمسة ً جمالية ً وشاعرية ً أكثر ..
ولكــنــــــي .. سأتطرق إليهااا ..
في موضوع مستقل .. ويتحدث بشكل ٍ رئيسي ..
عن إضافة ( البعد الثالث ) .. لــ الأبياااات .. في الشعر ..
والجمل .. في النثـــر ..
وإعطاء الكلمااات .. إيقااعااا مميّزااا .. وشذى أخّااذااا ..



/


تمنّياااتي لك .. بــ ( التوفيــــق ) ..
أينمااا .. حلّت أناااملك .. و وطأت قدماااك .. !!


/


يفــوق ،،،

[محمد بن غنام الشمري]

مساء الفل ّ

اولا ً صح لسانك

و تسلم يمينك يا يفوق

شرح جميل و سلس و تدريجي

لكن لو تلاحظ يا يفوق ان اغلب المشكله تكمن في النطق


يعني الاخت حزن وهي مشكله يقع فيها اغلب البنات المبتدئات خصوصا ً و المبتدئين عموما ً

وهو نطق الهاء و حرف العلــّـه سواءا ً واو أو ألف او ياء بطريقه سريعه

ليستقيم اللحن الذي يوزن عليه


مثلا ً


وبقت كم صفحه للفرحه وتَحيّر وين يوزعها = مكسور

انا متأكد ان حزن تنطق ( وبقت كم صفحا للفرحا " و " تحيـّـر وين يوزعها )

وهذا حسب اللهجه المعروفه لدى الفتيات او اهل الخليج

ولو نطقتي الهاء " كهاء " يا حزن كان لاحظتي ان الوزن هنا لا يمكن يستقيم

مثال آخر

ولا أدري متى بيكتب لهاْ آخر فصل وينهيها = مكسـور

هنا انا بعد متأكد انك نطقتي " لها آخر "

بألف وحده و كأنك سويتي لها ادغام يعني نطقتيها كذا " لهآخر "

و ترى هالشي يا حزن مشكله يقع فيها الكثير

و يمكن يفوق شاعر مثلي و يعرف ان هالبحر من اصعب البحور

حتى الشعراء يقعون دائما بالاخطاء في هذا البحر

وآخر قصيده للشاعر مدغم بو شيبه في مجلة اتحفظ باسمها كان على نفس البحر هذا

و فيه بيت مكسور كسر واضح


عموما ً

انتي يا حزن لا شك في انك في بدايات الكتابه

و تملكين الشجاعه للعرض و الاخذ بالرأي

و هذا يكفل لك النجاح

لكن حاولي تجعلين محاولاتك القادمه على بحر قصير و سهل

مثل المسحوب و البسيط و الهجيني القصير

و الحان هالبحور سهله و معروفه

و كثير من الابيات في بحر الهزج يراها الكثير مكسوره و هي موزونه

و لكن اختلاف النطق

و هذي مشكله انتي كيف وقفت الاخ يفوق بكثير من الابيات لعدم معرفته بطريقتك بنطق البيت


لان مثلا ً الخليجين في كلمة " الاحلام " ينطقونها كذا " لحلام " و هذا فارق في الوزن

و حاولي تتعلمين بالصوت طريقة الوزن

لان طريقة القراءه صعبه شوي

ما ابي اقفل الابواب عليك لكن انا واحد تعلمت الوزن من نفسي
عن طريق التلحين

و عرفت ان بعض الالحان يضبط وزن البيت و بعض الالحان ما يضبطه

يعني مثلا ُ

بحر الهزج

اغنية خالد عبدالرحمن

( حبيبي اسف ازعجتك حلو صوتك قبل لتنام // سمعته و انشرح صدري و كني شفتك بعيني )

و اغنية نوال الكويتيه
( تهددني تحب ثاني و تنسى الحب و تنساني // ..... الخ ماني عارف التكميله ههههه )

لاحظي ان الابيات من نفس البحر و يصلح اللحن للاثنين


يعني تغنين اغنية خالد بلحن نوال و اغنية نوال بلحن خالد

و هذا دليل ان بينهم رااابط وهو " وزن البيت " و انهم من نفس البحر

بحر المسحوب

اغنية محمد عبده

( انا و خلـّـي كل دار ٍ وطنـّـا /// عيني و قلبي كلها له هديـّـه )

( اشوف كل ٍ مع حبيبه تهنـّـا /// و انا حبيب الروح صعب ٍ عليـّـه )

اغنية خالد عبدالرحمن

( نويت مرباع الغضي سيْد الاحباب /// قصدي يزول الجرح زاد التهابه )

لو تغنين اي من الثنتين على اي لحن منهم تلقينه يركب

لانهم من نفس البحر و الوزن واحد

لكن ترى بعض الالحان ما تضبط الوزن بالمره





خوذي كلام يفوق بيت بيت و غني على اغنية خالد او نوال وشوفي معاي







عسى ماشر ياغالي أشوف الحزن بعيونك = موزون

اللحن هنا مضبوط ميه بالميه

واشوف دموع محتاره ياتتخبى ياتذرفها = موزن ( مجازاا ) = فيه ( ثقل ) في النطق ..

هنا يضبط اللحن لكن " مع شوي هندسه "

اذا نطقتيه مثلا ً كذا :

واشوف ادموع محتاره " يتتخبـّـى " يا تذرفها

مستحيل تقولين " يا تتخبى " و يطلع اللحن مضبوط


فديتك لا تِخبيها أريد اشوف آخرها = موزون
وأريد اليوم أحزانك بلا رجعه تودعها = موزون
حلو


تعال وقل لي ياغالي أنا وشلون اودعها = موزون

واهي قصه بعنوان و( فلانه ) هي روايتها = يمكننا اعتباره ( موزون / غير موزون )
( وذلك اعتماداا على .. نطقك لــ البيت )

سلام كليم ... قصدي كلام سليم

وحظي العاثر الغادر من صغري يألفها = اذا كان لسانك سعودي >> مكسور
واذا كان لسانك خليجي >> موزون مجاوزااا ..
وموضع الخلاف هو في طريقة نطقك لــ ( من ) !!


هنا لازم تنطقين الشطر كذا

( و حظـّـي لعاثر الغادر من صغري يألفها )
و انا اشوف ان حتى "من" بأي لهجه او نطق مكسور البيت و لا يستوي



ولا أدري متى بيكتب لهاْ آخر فصل وينهيها = مكسـور

هنا قلت لك راح يكون موزون اذا نطقتيه كذا

و لا أدري متى بيكتب لهآخر فصل و ينهيها

غيره ما يضبط


سنين الحزن والغربال صفحه صفحه رتبها = موزون مجازاا

هنا يضبط اذا نطق كذا
(سنين الحزن و الغربال صفحا صفحا رتبها )
وهذا اسلوب اي بنت بنطق حرف الهاء
و مستحيل تنطقين الهاء هاء و يضبط اللحن وياك


وبقت كم صفحه للفرحه وتَحيّر وين يوزعها = مكسور

يوزن اذا نطق بهالطريقه

علما ً ان الواو بداية الشطر راح يكون نطقها سريع او يمكن ما تنطق

بقت كم صفحا للفرحا و تحيـّـر وين يوزّعها



وخط احروفها بدموع من عيني وصففها = موزون

حلو

بقلبي المتعب المجروح وخلاني أعانيها = موزون مجازااا

تنطق كذا

"بقلبي لمتعب " المجروح و خلاني اعانيها

بدايتها ألم فرقا لاعز الناس واغلاها = موزون
تمام
نور الدنيا والمصباح اللي كان شاعلها = مكسور

هنا انكسر في البدايه

لكن لو اضفتي حرف واو مثلا بالبدايه راح يكون موزون مجازا ً لان نطق " اللي " لازم يكون " أللي "


يعني كذا

و نور الدنيا و المصباح .. " أللي " كان شاعلها "

يعني همزة قطع مو وصل



وانا طفله خذاه الموت بلا توديع غادرها = مكسور

هنا انكسر البيت و اللحن وقف في كلمة " بلا "

لكن يمكن كان نطقك للشطر كذا
و انا طفله خذاه الموت " ابلا " توديع غادرها


يابوي الدنيا ماتسوى وعيونك ما تناظرها = موزون مجازاا

هنا يكون موزون اذا ما نطقنا الالف المقصوره و ادغمنا الواوين مع بعضهم يعني كذا

يابوي الدنيا ما تسو َ و عيونك ما تناظرها .. يعني تصير الالف المقصوره فتحه و تنطق الواوين بسرعه




آ يابوي ياكلمه اشتقت أنا أنطقها = مكسور
هذا يا حزن بيت فيه عسر بالهضم هههههه

و مكسور مع سبق الاصرار و الترصّد


واتلذذ ليا ناديت يابنتي وألبيها = موزون
هنا يوزن اذا نطقت" و اتلذذ " كذا " و أتلذذ " بهمة قطع



رحمك الله ياغالي وعساك الجنه تسكنها = مكسور

يا كثر ما تحطين الف حرف عله ورا بعض

يا غالـ(ـي) ( و ) هنا يوضح الكسر

وعسى روحك بواسع رحمته ربي يتغمدها = موزون
ربــ(ـي ) ( يـ ) ـتغمدها هنا ثقل




يووووه يا حزن باقي ثلاث ساعات على الدوام و انا ما نمت


يبي لك جلسه

لكن اذا فضيت راح ارجع و اكمل


see u

[همسة حب]

*·~-.¸¸,.-~* مساء الخير حبيبتي حزن الليل *·~-.¸¸,.-~*


بصراحه انا وحده احب الشعر بس مالي خبرة فيييه


بس بكل صراااااااااااااحه قصيدتج واااااااااااايد حلوة وتوصل للأعماق ... يمكن لأن أبوي من فترة بسيطة متوفي ..

ما ادري بس هذا ما يخفي انج مبدعه ...

تسلم يمينج اللي اكتبت الكلمات الحلوة ..

دمتي بود

أختج

~*¤ô§ô¤*~*¤ô§ô¤*~همسة حب ~*¤ô§ô¤*~*¤ô§ô¤*~

[حزن الليل]

يفوق الوصف ..

مشكووووور والله .. اخذت من وقتك كثير .. وبصراحه استفدت من نقدك بدرجه كبيره ..

وكلامك على عيني وعلى راسي ..

الله يعطيك العافيه

تحياتي

[حزن الليل]

محمد غنام الشمري

مشكووور والله .. ع التحليل الطويل والعريض ..... ولا بعد ناقص ..... ياليييييييل ماطولك .. خخخخ

وفعلا كان نطقك صح .. بس يمكن انا ماعرفت اكتبه .. لاني كتبتها قبل لا أعرف شي عن التقطيع ..

هذا يا حزن بيت فيه عسر بالهضم هههههه

و مكسور مع سبق الاصرار و الترصّد

خخخخخخخخخخخخخخخخ :LolLolLol


مشكووووووووووور اخوووووووي

بس انا من زمان ماسمع اغاني ...... يمكن عشان كذا التلحين بيكون صعب علي شوي

لكن الأغاني القديمه اعرف لحنها .. ......... عاد موقديمه مره ....

وان شاءالله أفلح بالوزن ...

الله يعطيك العافية

تحياتي

[حزن الليل]

*·~-.¸¸,.-~* مساء الخير حبيبتي حزن الليل *·~-.¸¸,.-~*
بصراحه انا وحده احب الشعر بس مالي خبرة فيييه
بس بكل صراااااااااااااحه قصيدتج واااااااااااايد حلوة وتوصل للأعماق ... يمكن لأن أبوي من فترة بسيطة متوفي ..
ما ادري بس هذا ما يخفي انج مبدعه ...
تسلم يمينج اللي اكتبت الكلمات الحلوة ..
دمتي بود
أختج
~*¤ô§ô¤*~*¤ô§ô¤*~همسة حب ~*¤ô§ô¤*~*¤ô§ô¤*~
تسلمين لي ياذوق انتي .....

والله يرحم والدينا ويغفر لهم وجميع موتى المسلمين ........ آآآآمين يارب العالمين

مشكوووره والله ع الطلة الحلوه .. نووووووورتي

تحياتي لك