( ( *** مـن تقــارب نسلنــا *** ) )

[احمد الحربي]

من بداية رحلتي ... من هنا من لوعتي

من اساي .. ومن جروحي ... من حشاي
ومن ... وضوحي ... من تقارب نسلنا ...

من تواضع لبسنا .. من خيال المفرده ...
والجروح المزمنه ... ابتدينا .. واه ياذيك البدايه

ليتنا عشنا نهايه او تجنبنا البدايه ...

ليت مازرتي حياتي ... ليت ماشافتك عيني

ياعيوني ... من تقارب نسلنا .... ابتدينا همسنـا

ابتدى نبض القلوب ... وابتدى غزو المشاعر ..

من تقارب نسلنا ... صرت اشوفك في ضياع

صرت اشوفك ... انطباع ... ياانطباعي ياضياعي

ليه جيتي في حياتي .... ليه انا اخترتي بقلبك ...

ليه حبيتي شعوري ... واستلذيتي حضوري

ليه شفتك ... ليه حبيتك وعشتك ... ليه ليه

ليه صرت احساس عاشق ... امتلت فيه المأزق

ليه صرت اتخيلك .... ليه صرت انسان واثق

ليه حضرة نسلنا ... ماتركنا ... مارحمنا
ماتمنى بعدنا ... لو يحاول وصلنا ...

ليه صرت اشتاق لك ... ليه قلت احتاج لك

ليه شفتك كل حاجه ... بالعيون استقبل لك

ليه ماحنا قرينا ... عن متاهات الغرام
ليه وشفينا نسينا ... وابتدينا ياحرام

ماتخيل طول عمرك ... منظر اللي ينكسر لك
منظره ثلجي وجمرك ... لابقى بعدك وقبلك

حط يدك في خدودي ... وحط عينك في عيوني
شوف كيف يذوب عودي ... ويتغير شكل كوني

تحتويني كل نظره ... منك لعيوني تروح
عاشقك تحكيه عبره ... خاوت بقلبـه جروح

اه ياقلبـه وقلبك ... واه ياحبـه وحبك

كلنا في حال واحد ... في تشتت في مواجع
كلنا نصحى بدمعه ... وان بغينا ننام دمعه
ماقوينا يوم رجعه ... للسعاده والحياه

ياحياتي ... رحت فيها غصب والله ياحياتي
غصب عني رحت فيها ... حبك يدمر بلد

كيف قلب انسان ... واحد بس واحد
والله واحد مو بلد ... اعذريني رحت فيها

اكتبك ... حلمي بعمري والسنين وكل لحظه

اكتبك حتى ( وصيه ) كان شفت الموت جاني

ادفنيني في عيونك بين رمشك والجفون

ادفنيني وسط قلبك بين شريانك ونبضك

واسمعيني بعد موتي اسمعيني ياحياتي
ودي اقول امنياتي ... ودي اصرخ
ودي اشكي ودي انطق ودي اسرح في
عيونك لو دقيقه مو دقيقه لا ثواني

بس ودي شوفتك لو حصل بالعمر مره

لو حصل بالعمر مره

لو حصل بالعمر مره

وان حصل تكفين عمري

اذبحيني واقتليني واقبريني

في





























( عيـــونـــــــــــــــــك )

ايه جثه في عيونك ... من يشوفك
شاف جثه ... كل ماتبكين تبكي
وكل ماتشكين تشكي ... تدري
بجرحك .... وفرحك تدري بكل العذاب

جثه تصادق دموعك لأنها داخل
( عيـــــــــونـــــــــــــــــك )

وان شعرتي في جفونك ... اه

هذا انا اللي قلت ... اه

ايه انا .... عايش بعينك ...

مت يومين وحييت ... منك طبعا

بعد ماكلي غفيت ... في حنانك ... في هدوءك
في نعومة ... مالقيت ... في ... كيانك ... في
ضلوعك ... في ... خفوقك ... في تعابيرك وصمتك
وابتسامة .... شفتينك ... في احاسيس اندماجك ...
في حنينك ... في خيالك ... في رومنسية شموعك ...

نظرة عيونك بعيني ... هي اساس الحب كله ...
نظرة عيونك ... مصيبه ... مابعدها من مصيبه ...

نظرة عيونك ... خجوله ... تستحي من خلها
مو ( جريئه ) لا وربي ... مو جريئه ... نظرة عيونك خجوله .. ..

وش بقول ووش بخلي ...


اعذريني ...


من تقارب نسلنا ... من تواضع لبسنا
جيت اقول الخاطره ... وافهمي ياشاطره ...

جيت اقول وجيت ابشرح واختم بهالكلمتين : /




مابقت فيني حياه .... اه ... لو تدرين ... اه