ولد فلان..بدايه راح يشرفها نقدكم....

[الفيافي]

بسم الله الرحمن الرحيم...

صراحة لي فترة وأنا أحاول القي منتديات أو مواقع للنقد الأدبي
لكن للأسف مالقيت أي شي مختص بالمجال...
لكن لما دخلت منتديات الشاعر فهد...
وقريت بعض المشاركات للأعضاء..وجدت اهتمام الكثير من الأخوة
اللذين لديهم خلفيه كافيه عن الشعر..أو حتى ذائقه متميزة....
وكأني أخيرا لقيت اللي أتمناه..وتشجعت كثير إني انزل بعض
محاولاتي المتواضعة..لأني بأشد الحاجة..للنقد والتوجيه
وذالك لعدم رغبتي في الاستمرار على زلاتي في محاولة الشعر
فا أتمنى..من من يملك اى معرفه بسيطة عن الشعر وبحوره
أن يقيمني على (محاولاتي الشعرية)
بكل صدق..ودون مجامله...
==أسفه سويتلكم قصه بس والله من فرحتي فيكم...

تفضلوا....
بسم الله الرحمن الرحيم

...ولد فلان...

يقول أنه ولد فلان ولــه كم بيـت وسيـارة
يخبرني بكثر ماله يحسب أنه يعايرني
علية النفس ماتشفق ولا له في القلب خانه
يحب يباهي بنفسه ويذم الغير ويمدحني
ولا يدري أني كرهته حيل بسبة أفــعالـه
على باله غبية جاهلة كلمه منه تولعني
مايدري أن الرجل رجال يقاس بأعماله
حقيقة ياضعيف النفس ما أنت بأجمل أحلامي
وعلى فكرة ذاك الحب ماله قيمه أو خانه
ولا تسأل بعدها عن إحساسي وتفهمني
وتقول العمر لك كله وأنك أغلي ألماسـه
إيه قاسيه أدري وكيفك لو تصورني
أهين النفس وأترجاك وأمثل دور مشتاقة
نايف قسم بالله مافيك شيء يحركني
وإذا هجرك طويل الوقت ولك فيه منـه
ورب البيت مافي يوم عليك الدنيا أخذتني
ولا خذني الوله صوبك ولا فكرت أحيا به
ياليتى ماعرفت العشق منك ولأضاعت به أيامي
...ـــــــــ...ــــــــ...ــــــــ...ــــــــ....
كلكم اعطونى 10/10 اوكى ههههه امزح لاتصدقون الله الله بالنقد الزين

تحيتى للجميع
الفيافي..:icon_cool

[عثمان الضبعان]

الغالي الفياني

نورت المنتدى ...


اولا .. صح لسانك كلمات رائعه


الغالي .. عندك مشكلتين


اولاً :: مشكلة القافيه

نلاحظك بالبيت الاول اخترت الصدر (ـاره)
والقافيه (ـرني)
يقول أنه ولد فلان ولــه كم بيـت وسيـارة
يخبرني بكثر ماله يحسب أنه يعايرني

يعني يالغالي لازم تستمر على القافيه بالابيات الاخرى
فمثلاً البيت الثاني خليت انت الصدر (ـانه)
والقافيه (حني) وهذا خطأ
علية النفس ماتشفق ولا له في القلب خانه
يحب يباهي بنفسه ويذم الغير ويمدحني

هذي بالنسبه للمشكله الاولى ..

اما المشكله الثانيه

هي الوزن ..

فالوزن عندك يحتاج للأهتمام .. قليلاً ..

فلو لحنتها لتبين لك الخلل

لحنها على لحن أغنيه محمد عبده

ألا واشيب عيني يوم قالولي فمان الله

................

الغالي

بدايه موفقه

لك تقديري

[هدووووء]

.
.

:rose::rose:

.
.

[الفيافي]

37

وردين بس

وينكم........؟؟

[بنت الشرقية]

الله يعطيك العافية

يسلموووواا

سلمت يمينك من كل شر

[خالد اللهبي]

هلا اختي يعطيك العافيه

محاولاتك كبدايه جيده

هنالك بعض الملاحظات على القافيه والوزن وضحها اخويه عثمان

بالنسبه للقافيه سهل التغلب عليها

مع الوقت ممكن تصلين وبسهوله

والزون يحتاج لبعض التعب بس عموما الوزن ممكن تفيه بتلحين القصيده او شيلها على اي لحن اذا حسيت الشطر متعب في شيله هنالك خلل

باقي الاهم من الوزن والقافيه

الغاليه

كلماتك اقرب للكلام العادي منها للشعر وهذا ليس انتقاص منك لا قدر الله ولكن طلبتي الصراحه
الشعر لابد ان يحمل صور

وما كتبتيه كلام عادي حتى لو كان مقفى وموزن يحتاج الى لمسات ليكون قصيده

اسمحلي لي يمكن اني كنت قاسي قليلاً

ولكن كلنا نتعلم من بعض والجميع في خدمة الجميع

اكرر اسفي ولك كل الود

[دانة الغيد]

وإذا هجرك طويل الوقت ولك فيه منـه
ورب البيت مافي يوم عليك الدنيا أخذتني
ولا خذني الوله صوبك ولا فكرت أحيا به
ياليتى ماعرفت العشق منك ولأضاعت به أيامي


بعد انتقادات الشعراء انا لي رأي,,


قلتي انك ما حبيايه ولا تولهتي وبعدها تنهين القصيده,,بقولك ليتني ماعرفت العشق ولا ضاعت به ايامي,,, تناقض واضح,,

انتبهي واتحفينا بالمزيد يا عسل,,