خوة عمـر .. مشاركة جديدة بعد غياب

[رعشة هدب]

×?°صـباحكم رايق×?°
بكل ماتعنيه هذه الكلمة من هدوء و سكينة


هذا أنا رجعت مرة ثانية و ثالثة في محاولة مني لـ كسر الوزن اللي ياما انكسر عندي
و أتمنى من الجميع إعطاء رأيهم و بكل صراحة
لإن ما أريده هو إجادة فن النظم

شكرا لـكم ..
و يارب تكون القصيدة من ضمن ما يعجب ذائقتكم و أذواقكم







دنيا غريبه .. و كل ٍغارق بهمه
ماعاد فيها رفيق ٍ يجبر الخاطر


كل ٍتلهى ياقلبي .. والتفت يمه
ماعاد فيها ياقلبي يالله نسافر


ناس ٍ ماتعرف ضمير .. ومالها ذمه
والخير فيها شبه موجود .. أو نادر


الطيب ضايع مابين الفعل والكلمه
والحقد ربعه عددهم صار يتكاثر


ناس ٍماتحمد ولا تشكر على نعمه
لطفك ياربي بس .. ياستّـار ياساتر

يمكن ضميري مات .. وماتت الهمه
لكني اعلنها وغيري بذنبه يجاهر


أنا اعترف إني ضايع في وسط زحمه
محتاج قلبٍ نظيفٍ أبيض وطاهر


أبي رفيق ٍ يقدر معنى هالكلمه
خوة عمر ..وين ألاقي خلي الصابر


كني أخوه و ابوه و خاله وعمه
يفداه عمري بس وينه أنا ناطر


ياليت ربي يفرج عني الغمه
ماودي أشكي هموم توصل لباكر


الشكوى لله وربي واسع علمه
أما البشر همهم بس شكلي الظاهر


كل اللي عندي حكيته .. بس يادمعه
ردي لعيني .. خلاص ماني مسافر




دمتم بـ خير

أنتظر تواصلكم جميعا و بدون استثناء

[totti10]

رائع جدآ...



تحركت المشاعر مع هذه الابيات الجميله...


اتمنى لك التوفيق..

[**بنت الحمايل**]

كل ٍتلهى ياقلبي .. والتفت يمه
ماعاد فيها ياقلبي يالله نسافر


ناس ٍ ماتعرف ضمير .. ومالها ذمه
والخير فيها شبه موجود .. أو نادر


صح لسانك..صح قلبك وكلك



بانتظار الجديد


مني لك اصدق الدعوات بالسعاده ..

[مهموم من دنيتي]

][`~*¤!||!¤*~`][فــى الابـــداع ][`~*¤!||!¤*~`][
صح لسانك
ما أروع هذه الحروف
التي تناغمت مع هذه العبارات البارزه واليانعه
نعم كلمات مهذبة
أصيلة تشق طريقها الى القمة أحساس
وســط شمــــوخ الورد وهمساته
وتحت ضوء القمر وروعته
ازدان لقاء حروفنا مع حرف يحمل كم من المشاعر
مبدعة نثرث لنا روائع المعاني الصادقة رسالة للعالم
اسمحي لي
الانسحـــــاب بين هذة الزحمة الهادئة !
اجمل التحايا بعطر قطرات الندي
لك الشكر والتقدير على التميز
وتقبلي أجل أحترامي
وخالص تقديري
مهموم من دنيتي

[رعشة هدب]

totti10

اسعدني كثيرا تواجدك و اعجابك
شكرا لك

[زري منثور]

الطيب ضايع مابين الفعل والكلمه
والحقد ربعه عددهم صار يتكاثر



^
^

لست ناقدة ..


ولكني أتيت لأسجل إعجابي بهذا البيت






سلمت ..


لاتقطعنا من جديدك




زري

[عثمان الضبعان]

اخوي رعشه
لاحظتك تتطور بشكل ملحوظ
وقصيدتك هذه افضل من قصائدك الاولى بكثييييييييييير
صح لسانك
لكن لدي بعض الملاحظات
راح ابين كل شطر مكسور مع كيفية وزنه
لطفك ياربي بس .. ياستّـار ياساتر
الشطر هذا مكسور
وهذا مثال كيف وزنه
لطفك ياربي طلبتك تحمي ياساتر
يمكن ضميري مات .. وماتت الهمه
الشطر هذا مكسور
وهذا مثال كيف وزنه
يمكن مات الضمير وماتت الهمه
لكني اعلنها وغيري بذنبه يجاهر
الشطر هذا مكسور
وهذا مثال كيف وزنه
الشطر هذا كاسره (ها) بكلمة اعلنها
يعني لو تخليها اعلن يصير البيت موزون
يفداه عمري بس وينه أنا ناطر
الشطر هذا مكسور
وهذا مثال كيف وزنه
يفداه كل العمر وينه انا ناطر
انا قريت القصيده وهذي بعض الملاحظات
ارجوا اني ماازعجتك
لك تقديري

[دنيا الطيبات]

صح لسانك ابيات حلوووه

بس اخوي عثمان شلون تعرف الكسر بالله علمني
ابي اعرف اللي اكتبه مكسور ولا موزون


يسلموو وبنتظار جديدك

[عثمان الضبعان]

اعذرني اخوي رعشه للاجابه على سؤال الاخت

اختي دنيا الطيبات

اما بالنسبه لسؤالك طبعاً انا شاعر واعرف البيت المكسور

بمجرد قرائتي له

لكن اذا كنتي لا تعرفين الوزن فما عليك سوا ان تلحني القصيده

فلو تلاحظين ان قصيدة رعشه على وزن اغنيه شمر لخالد عبد الرحمن

لحنيها سوف تجدين الابيات التي اشرت عليها لا تتوافق مع اللحن

اما اذا اردتي ان تكتبي قصيده

فاكتبيها على لحن احد الاناشيد او الاغاني

اسف على الاطاله

لك تقديري

[رعشة هدب]

**بنت الحمايل**

لاهنت أختي على المرور الجميل

الله يوفقك

~*¤ô§ô¤*~&~*¤ô§ô¤*~


مهموم من دنيتي

صح بدنك
اسمح لي بأن أعبر عن خجلي من عباراتك
و التي أقف عاجزا أمامها عن شكرك
أسعدني تواجدك
دمت بخير

[رعشة هدب]

زري منثور

هلا و غلا

تسجيل أعجابك أفرحني
و لو كان لـ الإنتقاد جانب فأنا سـ أكون أسعد

سلمت عزيزتي

[رعشة هدب]

هلا وغلا أخوي //عثمان الضبعان
منور


لاحظتك تتطور بشكل ملحوظ
وقصيدتك هذه افضل من قصائدك الاولى بكثييييييييييير

الله يسلم عمرك هذا من طيبك ياالغالي وتشجيعك
وصدقني ملاحظاتك و رأيك دائم مأخوذ بـ الإعتبار

و بالنسبة لـ تعليقاتك على الابيات
أنا شاكر لك .. و يعطيك ألف عافية
و الموضوع حلالك

[رعشة هدب]

دنيا الطيبات

الله يسلم عمرك هذا من ذوقك
وبالنسبة لـ الكسر أستاذي عثمان كفى و وفى
وإن شاء الله بعد المحاولات يستقيم معك الوزن
وهذا أنا أحاول