طلب من سمّي فهد المساعد

[Fahad]

السلام عليكم ،

والله يعطيكم العافيه على هالموقع الرائع والممتاز


واظن الشاعر فهد المساعد يستاهل اكثر من جذي وانتو فيكم البركه


ياجماعه هذا اول طلب لي ودامني ( سمّي ) صاحب الموقع :)


ماظن بتردوني




ابي قصيدته اللي فيها بيت /

في غيبتك ياكم تمنيت موتك ... اقل شئ ارتاح وأعرف مكانك


واكون لكم شاكر




اخوكم :/ فهد

[فهد الزغيبي]

سلام يالسمي
لك ماطلبت


اللي بقا لي في غيابك .. سكوتك
واللي فقدته من غيابك .. حنانك
عذرك معك لوخبروني بـ موتــــــك
وحقي عليك ان كان عذرك زمانك
ماكان موعد .. وأعذرك لو يفوتــك
أنا انتظرت العمر كله عشـــــــانك
غبت ورضيت .. وبعدها .. غاب صوتك
وأبطيت أكذب .. من يقولون : خانك
بالله كيف تحس في طعم قـــوتك
لامن ذكرت إنسان .. خنته .. وصانك
ماكن قلبه واحد من بيـــــــــوتك
من تحت سقفه كم شعرت بأمانك؟
وراك خليته .. لعتمة سكوتـــك؟
وأنا مـ غير أعشمه في حنانــــــك
في غيبتك ياكم تمنيت موتــــك
أقل شي .. أرتاح وأعرف مكانــــك


تقبل تحياتي
فهد

[#رحيل القمر #]

الاخ فهد مااقصر


وشااكره لك استاذي سرعه استجاابتك


وحيااك يا سمي شااعرنا

[Fahad]

الاخ المبدع / فهد الزغيبي:


ما اقدر اقول الا شكراا لك على هالمجهود اللي تبذله انت والشباب الموجودين
والله يعطيكم الف عافيه




الاخت / رحيل القمر:

شكرا لج على هالترحيب والله يحييج

وانا بأذن الله بين اخواني وخواتي وبمحلي :)



تقبلو تحياتي /فهد