~o0o~ فهد الجريح .... غريب الدار ~o0o~

[غريب الدار]

أحياناً تكون المصيبه فوق احتمال المصاب ويتعاضم الألم
أن أيقن انها لحظاته الأخيره واحتضار مشاعره
بعد علمه أنه الوداع الأخير

اعزائي اعضاء ومتابعي منتديات المساعد الغاليه إليكم هذه القصه او بالأحرى
المأساه والتي حدثت مجرياتها في واقعنا لشاب سعودي من ابناء الرياض وأعذروني
على نقلها لكم بلهجتنا ( العاميه ) وهذا كي أصل لوقائعها بالشكل الواقعي لها

ــــــــــ ــــــــــ ــــــــــ


ــ الجزء الأول ــ
( لندن شهر يناير )

ثلاثة شباب خليجيين يدرسون في لندن ... ناصر ومحمد وعلي , كل يوم اثناء خروجهم
من الكليه يمرون بشارع فرعي قريب من ( قلوستر ترس ) ومرّه لقوا الشارع مقفل ودخلوا
بشارع فرعي غيره , ولفت انتباهم صوت اغنيه .. لمحمد عبده .. ( غريب الدار ) صادر من
فيلا صغيره في اول الشارع من الدور الثاني, في البدايه ضنوا ان فيه خليجيين ساكنين
بهذا البيت , لكن كل يوم وهم مارين عليه يسمعون نفس الاغنيه , استغربوا الامر ...

وقالهم ناصر : ياجماعه غريبه كل يوم نمر من هنا ونسمع نفس الاغنيه ماتلاحظون هذا الشي .
علي : اكيد فيه شي غريب
محمد : ياجماعه مافيه شي وعن التهيئات هذي اكيد بنتهم تحب هذي الاغنيه
وتسمعها كل شوي
ناصر : بس غريبه كل يوم نجي صوب بيتهم مانشوف احد منهم طالع والا نازل ...
تكفون شباب خلونا نسأل ونشوف

راحوا الثلاثه قريب من البيت وشافوا عجوز انجليزيه قاعده بالحديقه , قرّب منها علي
وسألها عن اللي ساكنين بالدور الثاني .

ــ الجزء الثاني ــ
( العجوز الأنجليزيه )

العجوز ما صدقت لما شافتهم .. تمسّكت فيهم وسألتهم اذا كانوا خليجيين واذا كانوا بعد سعوديين , الشباب ردوا عليها انهم خليجيين بس مو من السعوديه .
وبدت العجوز تتكلم بحزن ...

قالت : اللي بالدور الثاني واحد ساكن لحاله واسمه فهد , وهو شاب سعودي ..
كان له سنتين يدرس هنا وكان اروع رجل صادفته من الطلبه اللي يجون يسكنون عندي ,
كان مرح يحب كل شي حواليه .. دايماً اشوف نظرات التفائل والحب بعيونه .. وكان يهتم بي وكأني احد قرايبه .. لين طلع اجازه لبلاده ورجع بعد ثلاثة ايام , رجع مكسور وحزين ...
وكأن شبح الموت يلاحقه .
سألها ناصر : متى كان هذا الكلام ... وردت عليه من ست شهور تقريباً ..
من ذاك الوقت وهو ما ينزل ابد .. ويسمع هذي الاغنيه اللي تسمعونها اللحين كل يوم .
اندهشوا الشباب من اللي اسمعوه
سألها علي : طيب من اللي يهتم فيه ويشوف طلباته ؟؟
قالت العجوز : انا اشوف طلباته ... وواحد قريب له بس يسكن في ( ويلز ) يدرس هناك يجي
بـ الويك اند ويجلس معاه بس هو مايحب احد يقرب منه او يواسيه .

وقامت العجوز تبكي بمراره وتترجّاهم يشوفونه ويعرفون مشكلته او ايش اللي حصل معاه .
الشباب انتابهم الفضول ....

ناصر : ايش رايكم ياشباب نطلع نشوف .
محمد : ياجماعة الخير الوقت تأخر خلونا نروح نلحق نسوي عشا ... ترى انا جوعان مره .
علي : لا محمد .. الله يخليك ابي اعرف وش فيه و وش حاصل معه .. وبعدين يا أخي
هذا سعودي منا وفينا .. خلنا نروح له يمكن يبي مساعده .
ناصر : يالله علي .. توكلنا على الله امش نطلع .. وانت محمد اذا ماتبي انتظرنا تحت .
محمد : لا انا وش مجلسني تحت بروحي ... بروح معكم اشوف ايش سالفته ذا السعودي .

اذا رأيتم أن اكمل باقي المأسها سيكون موعدنا مع الجزء الثالث ...

( الجريح )

لكم أرق التحايا وأوفاها

http://www.al7an.com/songs8/m7mad-3bdo/greb-aldar.rm



/
\
/
\

غريب الدار

[علي مكحول]

-

*

/

يؤ يؤ

هذا اللي يبني اطقه ..

وربي منفعل .. وشوي بدخل في الشاشه ..

ياخي كمل معليه اللي يبي يقرااا يقرااا واللي ما يبي كيفه ..

يالله كمل ... لا تبطي تكفى وربي تحمست ..

-

*

/

[مستشار الحب]

:)


روووووعه


وبإنتظااااااااااااااار البقية على أحر من الجمر

:)

[غروب]

علي مكحول تكفى طقه وانا بصفق لك >>> انواااااع النذاله


>>> وانا مفهيه طول الوقت بشوف وش علة ذا المسيكين اخرتها ....... بعدين :(


غريب الدار
تكفى لاتبطي علينا ... عطنا العلم وانا اختك دامنا متحمسين نعرف النهايه

[سـحــابـه]

غريب الدار

مررررررره متحمسه لا تتأخر علينا :)

[خالد بن غنيمان]

الله يرحم والديك لاتتأخر علينا والله متحمس

كان قلتبها كلها هههههههههه

يعطيك العافيه

وسلمت يداك

خالد بن غنيمان

[غريب الدار]

اسعدني تفاعلكم مع القصه ..

واتمنى ان باقيها ينال رضاكم ويحوزعلى استحسانكم

ملاحظه

الاسماء الوارده للأشخاص ليست حقيقه لكن الأماكن هي نفسها

علي مكحول

ابغي اسوي مثل .. ليالي الحلميه اجزاء على مدى 10 سنوات http://www.n9wn9.com/vb/images/smilies/17.gif

لاهنت ياقلبي

/
\
/
\

غريب الدار

[غريب الدار]

مستشار الحب

لازم اشوقكم شوي وبعد ابي اعرف نكمل والا ؟

حياك وانتظر البقيه http://www.ha1l.com/vb/images/smilies/biggrin.gif


/
\
/
\

غريب الدار

[غريب الدار]

غروب

كم تعطيني واكمل ؟ http://www.n9wn9.com/vb/images/smilies/17.gif

هلا فيك منوره القصه

/
\
/
\

غريب الدار

[غريب الدار]

الــدلـــــوعـــــــــــه

شرايك في الأغنيه .. ؟ هذي اهداء للاعضاء المساعد بس http://www.ha1l.com/vb/images/smilies/biggrin.gif

طيب ماعطيتوني انطباعكم عن القصه او توقعاتكم للمأساه ؟

/
\
/
\

غريب الدار

[غريب الدار]

خالد بن غنيمان

ودي اكمل بس لا جيت اكتب تحترق اعصابي
تأثر فيني كثير الأحداث لأني اعتبرها جريمه انسانيه
اسعدتني متابعتك وياهلا فيك

وانتظر الجزء الثالث

لاهنت

/
\
/
\

غريب الدار

[الغزال العارضية]

غريبــــــ حـــــــــــــرراااااااااااام عليــــــــــــك


كمــــــــــل القصـــــــــــــه مره حمستنا


ترى أنتظـــر على أحر من الجمـــــــــــر

يالله لاتتأخر"

الغزال

[دينا بنت إبراهيم]

انا لله وانا اليه راجعون..


ياذا النكد..



ياذا القهر..



ياشدّ الاعصاااااااب..



غريب وش قصتك انت.. وش كان راح يصير يعني اذا كملتها...!!



كملها وانا اختك ومره وحده ولا تقسط.. لاهنت
















أما لو تطلع مقلب..



<<<<<<<<<<<<<بدت توسوس..



اختك

اربع عروق

[مستشار الحب]

:(:


:(:


ياليل مطوووووووووووووووووووووووووووووووولك


:):

["طعنات الأهداب"]

<<<<<<<<<<<<<حاقده بقوووه على غريب


انتظر ..انتظر ..انتظر ..


حرقت اعصابي ..وش صار له الرجال ..

<<<<<بدت تدمع عيونها والله من الحين ..

يالله احتري الجزء الثاني موب الثالث

"طعنات الأهداب"

[دمووع الليل]

يالله ..غريب وين التكمله ..

ألحين شلووووووون أنااام والله مقدر بجلس أفكرررررررر
وش رااح يصير ...

تكفى بسسرعه كملهااااااااااااااااا...

أحسه كسر خاطري فهد (( يا زين هالأسم أحسه موسيقى ..لحن ..أغنيه ..))

شف لا صاارت مقلب من مقاااالبك ...لأجيك بيتكم وأذبحك سمعت ..

[غروب]

حسبي الله على عدوووووه ذا الغررررريب

غريبووووووه بتكمل السالفه والا شلوووووون >>> وصلت معها

أما لو تطلع مقلب ؟؟؟؟

تدري وش بسوي فيك

7
7
7
7
7
7
7
7
7
7
7
7
7
7
7
7
7
7

بعلم ابوي عليك >>> احللللللفي .. لا والله الي تعبتي نفسك طال عمرك :(


وبعدين وشو الجزء الثالث انت قلت الثاني عشان تقول انتظرو الثااااالث !!!!

[تـــركــى]

غريب الدار
ترى ذبحتنا

ابي اعرف هالولد ليش يسمع غريب الدار

لاتقول راح وحصل حبيبته متزوجه

والا اهله اشتبو نار

والا هو مريض بالايدز

==> عليه افكار مدري وش تبي

ان ما قلت الجزء الثالث يا اسامه انور عكاشه

ترى بقفل الموضوع واخليك ترجاء الاداره تفتحه

==> قوى >> ياخذ حق الاعضاء


لووووووووووووووووووووووووول


انتظرك اخلص علينا


تـــركــى

[غروب]

هههههههههههههههههههههههههههههههههههه

اعجبتني ساااااالفة تقفيل الموضوع والله حلووووووة >>> نذللللله نمبر 1

تكفى ياتركي اذا ماقال الي عنده والا خذ حقنا منه وباعنف الوسائل واطلق المدافع والرشاشات >> قلبتها حرب هالسوسه :)

>>> ما عندها الا نبيطه اخوها اذا تنفع بجيبها معي :) وقت الانقلابه على غريّب >> بشد الياااء :)

[ذكرى أليمه]

اقووووووول غريب خذ راحتك

متى ما حبيت تكمل كمل
حنا ننتظرك >>>>>> رايقه البنت

[غريب الدار]

الغزال العارضيه

حياك الله ومرحبا بكِ معنا

اسعدني رضاك وثنائك

جزيل الشكر واصدق التحايا

لاهنتِ


/
\
/
\

غريب الدار

[غريب الدار]

أربع عروق


لا لا لا وربي ماهي مقلب قصة حقيقهhttp://forum.matlaalshams.com/images/smilies/tears.gif

بس ماقلتوا توقعاتكم عن القصه ؟؟

لاهنتِ

/
\
/
\

غريب الدار

[غريب الدار]

مستشار الحب

ايه ردد ياليلhttp://www.n9wn9.com/vb/images/smilies/17.gif

بس لعيونك اليوم انزل الباقي

لاهنت

/
\
/
\

غريب الدار

[غريب الدار]

طعنات الأهداب

لا تحقدين ولا شيء ابكمل لكم القصة

وليه ماتوقعين وش اللي صار ؟؟؟

وبعدين انا اقول الجزء الثالث مو الثاني تعالي كمليها بدالي احسن http://www.n9wn9.com/vb/images/smilies/17.gif

هههههههههههههههههههاي

طعنات ارجعي اقري القصة وتلقين

ــ الجزء الأول ــ
( لندن شهر يناير )

ــ الجزء الثاني ــ
( العجوز الأنجليزيه )


وهذا ان شاء الله اليوم

ــ الجزء الثالث ــ
( الجريح )

لاهنتِ

/
\
/
\

غريب الدار

[غريب الدار]

دمووع الليل

كبري وسادتك ونامي والقصة هونت مابي اكملها

<<<< اما ذبح لا ابي اكملها لكم بس اعصابكم http://www.n9wn9.com/vb/images/smilies/17.gif


انا ابي اطلع من القصه بتوقعاتكم بس

ابي اعرف من اللي عنده حس كروي http://www.ha1l.com/vb/images/smilies/biggrin.gif

هههههههههههههههههههههههههاي

لاهنتِ

/
\
/
\

غريب الدار

[غريب الدار]

غروب

سررت لعودتك ومتابعك هذه المأسآهـ

وكم تمنيت أن أحد يعرف النهاية من بدري

بس محد توقع شيء ؟؟؟

وبعدين ماباقي الا الجزء الثالث وشوفي ردي على طعنات فوق ؟؟


لاهنتِ

/
\
/
\

غريب الدار

[غريب الدار]

تـــركــى

تدري ليش يسمع غريب الدار علشان تعرف ان هالقصة هي سبب تسميتي نفسي بهالأسمhttp://forum.matlaalshams.com/images/smilies/tears.gif

<<<< يوم سمع بتقفيل الموضوع شطح بقوووووه

حبيبته متزوجه قريب مره

اهله اشتبوا بنار لا ما اعتقد

مريض بالايدز لا مو معقوله لو مريض يبي يسمع قرآن ويتوب صح ؟؟

تركي ياحبني لك انت وأفكارك

مخك يبي له نفض وتشغيل يا تك تك http://www.ha1l.com/vb/images/smilies/biggrin.gif

قفله ياتركي وشف وش يصير لك

اقفل المنتدى كله عليك

هههههههههههههههههههههاي

<<< سهله افتح موضوع جديد واكملها فيه http://www.n9wn9.com/vb/images/smilies/17.gif

طيب لا تدف وأنتظر تواصلك بالجزء الثالث

لاهنت
/
\
/
\

غريب الدار

[غروب]

العتب على النظر :)

شكلي كبرت وبديت اخبط :(
الجزء الثاني .. او الثالث .. ان شاء الله الجزء العشر طعش :) مو مهم
اهم شي تكمل لنا الساااااااااالفه ترى ماني متحركه من المنتدى الين اعرف وش تاليت هالجريح ؟؟

>>> لايكون بطل القصة انت بس !!! <<< كل شي جااايز حتى عرس العجايز :)

[غريب الدار]

غروب انتبهي على نفسك

وبعدين ممكن توقعين وش نهايه الفهد الجريح ؟؟

يا احلى عجوز بالمنتدى

هههههههههههههههههههههههههههههههاي

لاهنتِ

/
\
/
\

غريب الدار

[غريب الدار]

ذكرى أليمه

أحلىشيء الروقان وراح اكمل لا تخافين

بس


كل شيء بوقته حلو


لاهنتِ

/
\
/
\

غريب الدار

[غروب]

شكلي بتوقع لك وش نهايتي انا مع ذا الموضووووع مو نهاية ذا الجريح الّي بليتنا فيه عسى الله يبلااااه

يابروووووووووووودك يااااااااااااااااخي

امووووت واعرف وش هواااااايتك المفضله >>> انا ماكانت اللعب بالاعصاب ما كون غروووبوه


طيب نعطيك اش توقعاتنا وعلى الله تكمللللل

اتوقع انه رجع ولقا خويه متزوج حبيبته >>> متأثره بالافلام الهنديه :) :)

[غريب الدار]

غروب

والله ما أنتِ بسيطه توقعين

بس توقعك فقد شيء من الواقعيه

بس توقع حلو

وهذا باقي القصة تحت

لاهنتِ

/
\
/
\

غريب الدار

[غريب الدار]

مساء الجـوري

اعزائي متابعي المنتتدى العام يسعدني تجاوبكم مع القصه وسعيد
لانها نالت اعجابكم وحازت على رضاكم , اليكم الجزء الثالث والرابع


ــ الجزء الثالث ــ

( الجريح )

راحوا الشباب فوق ودق ناصر الجرس ومحد فتح , دقه مره ثانيه وثالثه بعد محد فتح !!

محمد : ياجماعه يمكن انه نايم .. خلونا نرجع لا يطلع علينا اللحين ويبهدلنا
علي : لا ناصر .. الاغنيه مازالت شغاله وهذا دليل على انه صاحي
ناصر : طيب هذي آخر مره ادق الجرس

توه ناصر بيدق الجرس .. الا والباب ينفتح ويطلع لهم شاب ... في اوآخر العشرينات
الشباب الثلاثه اندهشوا ... من اللي شافوه ......
شاب اقرب للهيكل العظمي .. عيونه عباره عن سماء حزينه .. ومليانه امطار من الدموع
المحبوسه .. ملامحه عليها آثار باقيه من وسامه كانت قبل من مميزاته
ابتدأناصر في السلام عليه .. ورد بصوت مبحوح وهامس .. ومكسور ..
وفي نظراته استفهام واستغراب .. كأنه يسألهم وش تبون وليه جايين ... بدون مايتكلم

ضحك علي وقاله : احنا سمعنا اغنية محمد عبده وطلعنا نسلم عليك وحابين نتعرف عليك

ومحمد ضل ساكت ويراقب وجه الشاب السعودي.
الشاب ماتحرك وماحاول انه يدعيهم داخل شقته .. رحب فيهم بكلمه وحده .. هلا فيكم بس .
الشباب حسوا انهم غير مرغوب فيهم .. وان اللي قدامهم ماهو الا رجل ميت ..
لكن مازال قلبه ينبض .

استأذن ناصر منه .. وقاله : نشوفك يالاخو على خير
سحب علي ومحمد ... ونزلوا تحت

دخل الشاب شقته ومافكر انه يسكر الباب وراه

محمد : قايل لكم خلونا نروح احسن لنا ... لكن ماسمعتوني ..
هذا هو حتى مادعانا ندخل لو مجامله
علي : يأخي اسكت ... انت تشوف انه انسان طبيعي هذا
ناصر : لا ماهو طبيعي .. بس احنا مابيدنا شي .. خلونا نروح ..
بنموت برد اذا وقفنا هنا اكثر .

مرت ايام .. والشباب يمرون بنفس الشارع ويسمعون نفس الاغنيه ..
بس ما حاولوا انهم يزورونه مره ثانيه .

الى ان جاء يوم الإجازه ( الويك اند ) كان ناصر راجع من سوبر ماركت ( الوادي الاخظر )
بشارع ( إدجوروود ) وأثناء مروره بشارع ( قلوستر ترس ) الا ويشوف ذاك الشاب
اللي نازل من التاكسي وتوه بيطلع لشقة فهد

ناداه ناصر بصوت عالي : يالاخو .. يا الطيب .. لو سمحت شوي
وقف الشاب وقاله : نعم .. آمر
ناصر : مايآمر عليك عدو .. انت طالع لشقة فهد
الشاب : نعم
ناصر : انت تعرفه
الشاب : ايوه انا ولد عمه ... نايف
ناصر : هلا فيك اخوي .. معاك ناصر .. من قطر
نايف : مرحبا فيك وياهلا وغلا
ناصر : انا يا نايف ابي اسألك عن فهد .. وش فيه وش حاصل له ؟؟
واذا كان يحتاج مساعده انا حاضر باللي اقدر عليه .

وابتدأ ناصر يقول .. لنايف وش صار معه هو واصحابه لما زاروا فهد
بدت عيون نايف فجأه تمتلي دموع .. ويخيم عليها الحزن
اندهش ناصر .. وبدا عليه الارتباك

نايف : تسلم اخوي وما تقصر
ناصر : ياخوي قلي اذا فيه شي اقدر اسويه لكم
نايف : انتم ساكنين قريب من هنا ؟
ناصر : ايوه احنا بشارع ( كوينز واي ) مقابل ( الوايت ليز ) مرحبا فيك ياليت تزورنا وتشرفنا
نايف : طيب .. انا اشوف فهد واسلم عليه والمسا انشالله عندكم.


*********************

ــ الجزء الرابع ــ
( فهد وساره )

قدموا الشباب العشا لنايف .. وجلسوا يتعشون جميع .... وبعد ماتعشوا راح علي
اصغرهم .. وجاب لهم شاي

ناصر : نايف بالله عليك .. تقولي وش فيه فهد ... هل هو مريض .. والا احد من قرايبه مات
نايف : تقدر تقول انه مريض ... ودواه صعب نلاقيه .. ومن ناحية الموت .. هو فعلا فقد
اعز انسان عنده .. من دون لا يموت هذا الانسان
علي : شلون يعني .. هو مريض والا لا ؟ .. انا بصراحه مافهمت شي
نايف : انا اقولكم كل شي عن فهد .. هو بنفسه قاله لي

فهد شاب مؤدب .. الكل يحترمه .. وكل اللي حواليه يحبونه .. وطموح جدا ولا يخدعكم شكله اللحين .. ترى هو كان قمه في الجمال .. مو بس الملامح .. بعد جمال الروح والاخلاق.
من خلص الثانويه تعلق قلبه ببنت اسمها ( ساره ) كانت تسكن قريب من قصرهم ..
وكانت لها علاقه بخواته .. دايم تزورهم
وقالي فهد عن اول مره يشوفها : " كنت نازل من غرفتي المغرب .. وكانت هي جالسه بالصاله
تنتظر خواتي ينزلون لها وكانت تشوف التلفزيون وتضحك على شي فيه .. قمت اراقبها بدون
ماتحس منبهر بجمالها ورقة صوتها وضحكتها .. كنت احس اني طاير واني انا وياها مو في بيت
وفوقنا سقف .. احس اني اشوفها بحديقه مليانه ورود وهي ورده حلوه بينها .. وان السما فوقنا
والغيوم .. لين التفتت وشافتني .. شهقت وعلى طول غطت وجهها .. وكتمت ضحكتها
وارتبكت وظلت جالسه ماتتحرك ..

قربت منها وقلت لها : مساء الخير
ماردت علي .. قلت : انتي مين ؟ .. ماردت علي بعد .. كأني اكلم نفسي
سألتها بشوي عصبيه ابيها تخاف وتنطق : من تنتظرين هنا ؟
خافت .. وهمست بصوت مبحوح .. بس وصل لمسامعي وكأنه موسيقى حالمه .. من الخيال
ساره : انا انتظر البنات .. متواعده معهم نروح السوق
ضحكت .. لما شفتها خايفه مني ومرتبكه
عصبت علي وقالت : صحيح غبي ..
وقامت تبي تطلع من البيت .. ولحقتها لين باب الصاله
وقلت لها : تعالي .. انا ماقصدت اضحك عليك ... طيب انا اسف

وقفت بدون ماتقول شي .. وكنت اناظرها وهي واقفه .. وفجأه جات اختي وسلمت عليها ..
وهي تناظرني بدهشه وكأنها تقول .. ليش واقف هنا يالله اطلع .
المهم انا طلعت وصوت ضحكتها .. مازال يرن في اذني "

ساره بعد ما طلع فهد .. سألت نوف اخت فهد
ساره : من هذا نوف
نوف : هذا اخوي فهد .. ليه ضايقك بشي ؟
ساره : لا بالعكس هو حبوب .. وكتمت ضحكه صغيره لما تذكرت اللي صار معها وياه

فهد بعد سأل خواته عنها .. وقالوا له هذي ساره بنت جيرانا .. ناس محترمين وفيهم خير

مرت الايام وفهد يتعلق بساره اكثر واكثر .. كان يسأل خواته عنها .. ويعرف وقت زياراتها لهم
فكان يجلس في البيت طول اليوم ينتظرها ويحاول يسرق لحظات .. عشان يشوفها اول ماتدخل
او لا جات تطلع ... وهي بعد كانت تحاول انها تشوفه وكانت اول ماتدخل بيتهم تبتسم
وتناظر بكل مكان تدور عليه .
ومرت الايام وهناك شي ينمو في داخلهم .. حب طاهر بريء حدوده النظرات البريئه ..
وخوات فهد يراقبون هذا الحب ويباركونه .. الكل عرف امه وخواته وامها وخواتها ...
انهم يحبون بعض .. لين تجرأ فهد مره ... وقال لامه عن ساره

فهد : يمه ابيك تحجزين لي ساره .. انا ابيها بس ابي اكمل دراستي اول
ام فهد : هذا اسعد شي سمعته .. وزين مااخترت ياولدي .. خلاص انا اكلم امها واقولها
ان فهد يبي ساره .. والخطوبه والزواج بعد ماتخلص دراستك بالخارج انشالله

رحبت ام ساره وابوها بهذا الاتفاق وانحجزت ساره .. لفهد
وراح فهد يكمل دراسته بلندن :
" كنت ادرس بجد واجتهاد كل مافكرت ان ساره تنتظرني هناك "

ظل الحب اللي بينهم يكبر ويكبر .. من خلال رسايل يتبادلونها .. عن طريق خواته :

" كان شوقي يزداد لها فكنت انتظر الاجازه بفارغ الصبر .. ولما اجي وامر ببيتهم احس كأني
شفتها .. كنت اول يوم اجي فيه الرياض كانت هي في استقبالي في بيت اهلي .. كنت اسلم
على امي وخواتي وانا عيوني صوب الغرفه اللي هي جالسه فيها "

هنا وقف نايف عن الكلام وخذا نفس طويل .. وبدا الحزن يزحف لعيونه وملامحه ...

ناصر : كمل نايف لا تسكت .. تكفى
نايف : ايش اقول والله اني حاس اني بختنق بعبرتي .. وحاس اني ماقدر اكمل
علي : ارجوك نايف كمل .. قول اللي صار



انتظروا البقيه باذن الله
ارق تحيه للمتابعين

/
\
/
\

غريب الدار

[غروب]

:( :( :(

لايكون ماتت الآدمييييييه >>> ماعندها وقت


الله يستررررر


غريييييب رجعنا للحركاااااات .. تكفى كملها

[تـــركــى]

===> قرر انه معاد يتابع القصه

صارت ليالى الحلميه

اوريك يادب

تــــركى

[سـحــابـه]

فـــــــــــــــهــــــــــــد مررررررررررررررررررررررره حلوه القصه بس بلييييييييييييز لا تموت او تتزوج حتى لو صار بالحقيقه لا تقولنا ماابي اضيق صدري واذا كانت صايره لك (مع اني مااظن) او احد قريب منك لا تقول بعد لاني كل مابشوفك بتعور قلبي <<<< لا تقرينها وريحي نفسك!! :p

تسلم ولا تتأخر علينا :)

[فهد الزغيبي]

غريب الدار

قرار إداري

إن ماكملت القصه .......

ابقفل كل المنتديات

واخلي كل الاعضاء يجون لك بالرياض

ويسمعونها منك شخصيا يالرواي

على العموم ياليت تكمل القصه بأسرع وقت

وربي تشوقت لهـــــــــا ....

انتظرك بفارغ الصبر.....

[علي مكحول]

-

*

/
حسبي الله عليك ....


قل امين ؟

-

*

/

لا انت اللي كملت ولا انت اللي سكت ..

[غريب الدار]

غروب

لا لا لا ماقدر تعبت خلاص


ماقدر اكمل مايهم الباقي http://www.n9wn9.com/vb/images/smilies/17.gif















طيب بكملها والله يعيني

هلا فيك وتسعدني متابعتك

/
\
/
\

غريب الدار

[غريب الدار]

تـــركــى

يادوب ارجع مابقى الا النهاية

انتظرك تعود ياقلبي

لاهنت

/
\
/
\

غريب الدار

[غريب الدار]

الــدلـــــوعـــــــــــه

موت ... يمكن
لكن زواج ..... / بعد يمكن

الــدلـــــوعـــــــــــه

حياك واسعدتني متابعتك
وشفيكم مع هالمشاعر كلها
والأحاسيس وتبون تنامون ؟http://www.alshyokh.com/vb/images/smilies/AR15firing.gif

/
\
/
\

غريب الدار

[كغـــّـــيم]

فهد وينك ساكن فيه انت؟؟
تعال تقهوا معي المغرب واوريك والله ماتطلع لين تكمل يادب هههههههههههههههههههههههههههههههههههه
اخلص ياخي
صارت اطول من شوتت كابتن ماجد ههههههههههههههههههههههههههههههههههه

[غروب]

>>> يافرحه ما تمت

شفتك رااااااااد قلت بس جاااااب العلم .. طلعت ردوووود :(

http://images.animationfactory.com/animations/people_a_l/girl_young/mel_sitting_on_brick_wall/mel_sitting_on_brick_wall_lg_nwm.gif >>> جااااااري الانتظار

[غريب الدار]

فهد الزغيبي

اهجد تراك خربطتني http://www.alshyokh.com/vb/images/smilies/bash.gif

على مكحول

مأساة فهد غير

قصدي مأساتي أنا غيرhttp://forum.matlaalshams.com/images/smilies/tears.gif


اليوم انتظروا الجزء الأخير
ارق تحيه للجميع

/
\
/
\

غريب الدار

[غريب الدار]

كغيم انا ساكن بجانب بيت فهد المساعد

يعني ساكن .......

غروب ابي اكملها وربي

بس ابي توقعاتكم عن القصة http://www.ha1l.com/vb/images/smilies/biggrin.gif

/
\
/
\

غريب الدار

[علي مكحول]

مدري كنهااا بتطلع ... تسحيبه ..

ثم يا غريبوووووووه ... بجيك الرايااااض واسحبك الين تقول بكره العيد .

[غريب الدار]

يالله ياعلي تجهز على ما بال اختمها

بس ابي رأيك انت ياراعي التسحيب http://www.n9wn9.com/vb/images/smilies/17.gif

لاهنت

/
\
/
\

غريب الدار

[غريب الدار]

اعزائي اليكم ماتبقى من المأساه وسعيد لتجاوبكم وتفاعلكم معها
واتمنى دائما ان اقدم ماينال اعجابكم ويحوز على رضاكم
وأعتذر عن التأخير

ــ الجزء الخامس ــ
( المأساه )

نايف : اللي صار .. ان مرّه كانت ساره تزور بيت اهل فهد وكـ العاده هي والبنات
جالسين بالصاله .. يسولفون .. وفجأه دخل ابو فهد عليهم ..
ابو فهد متزوج من وحده ثانيه وساكن ببيت ثاني .. المهم انه شاف ساره
وانبهر بجمالها ونعومتها .. طلع منهم وهو يفكر بهذي المخلوق الفاتن ..
وابتدأ يخطط لشي في داخله .

وابو فهد شخصيه معروفه بالبلد ذات نفوذ وسلطه جمع تحريات عن البنت واهلها
واخيرا قرر انه ياخذها بأي شكل من الاشكال وبأي طريقه ... ارسل لبوها ناس
يطلبونها منه ..ابو ساره تفاجأ وماقدر يعطيهم رد ...
حلت المفاجأه على بيت اهل ساره ... الام انذهلت .. ساره انصدمت من الخبر .

ابو ساره .. قال لبو فهد عن ولده وان حاجز ساره من اربع سنوات ..
لكنه ماعطى اهميه لهذا الشي وقام يضغط على ابو ساره ونظرا لنفوذ ابو فهد
وسلطته في البلد .. وافق ابو ساره .. ورضخ للأمر الواقع .

وصل الخبر لأم فهد .. وحاولت تثني ابو فهد عن اللي في باله وذكرته بفهد وحبه
لساره وانتظاره كل هذي السنين .. لكنه .. قلبه تحجر ورفض انه يرجع عن قراره .

ام فهد .. طلبت من الجميع ان مايعلمون فهد .. وهو بالغربه.. وطلبت منه الحضور
بحجه واهيه .. عسى قلب ابوه يحن لما يشوفه .. لكن فهد ماقدر يجي يمكن
عشان ظروفه الدراسيه او يمكن عشان القدر المكتوب له ..
الا في اليوم اللي سيبق يوم زفاف حبيبته لبوه .

كان جاي متلهف لشوف حبيبته ساره ومشتاق لسماع صوتها وكـ العالده وهو
رايح لبيت اهله .. مر بجانب بيت ساره ..... ! !
لقى فيه شيء غريب .. حركه .. وناس داخلين وطالعين .. كان وقت العصر ..
حس ان فيه شي صاير .... ! !

قال في نفسه .. عسى ماشر .. وش صاير لهم .. وش ذا السيارات عند بيتهم .
دخل على امه وخواته وسلم عليهم ... واستغرب من نظرات الحزن والالم الباديه
على وجوهم ..

سألهم : وش صاير ؟؟ وش فيكم ؟؟
محد قدر يتجرأ يقوله شي .. الكل ساكت ..
قام يتكلم بعصبيه : علموني ؟ وش فيكم ؟ ساره صار لها شي ؟؟
هنا ارتبكت امه وقالت : ياولدي كل شي قسمه ونصيب
فهد : قسمه ونصيب ! ! في من ؟؟ وش نصيبه ومن قسمته ؟ فهموني
نوف : فهد .... ساره زواجها بكره
فهد : تمزحون وياي انتم ؟؟ اكيد .. تمزحون
( وضحك بس كانت ضحكة خوف .. انه يكون حقيقه مو مزح )
فهد : نوف .. تكفين قولي انك تمزحين ... شلون زواجها بكره ...
وانا ... ؟ ومن بتاخذ ... ؟

سكتت نوف .. عقب بكت... وصرخت بصوت عالي فيه الم وخيبة امل :
ابوي .. ابوي يافهد اللي بياخذ ساره منك .

هنا اظلمت الدنيا بعينه ... انكسر شي بداخله .. ضحك .. عقب سكت ..
عقب دمعت عيونه : ابوي .. ! ! ابوي انا ؟!!

ماتمالك نفسه .. طلع من عندهم وراح يتأكد .. راح لبوه وهو يفكر
( مستحيل .. اكيد انا بحلم )
حاول انه يكلمه ويذكره بأن ساره حبيبته هو وهي تحبه بعد ..
لكن ابوه امتنع عن الرد وكأن اللي بين ضلوعه صار حجر .

ابو فهد : ابشر بالعوض ... البنات غيرها كثار أشر وانا اجيب اي وحده لك
تحت رجليك .. بس ساره خلاص .. انساها .. ماعادها بلك .. انساها ولا تفكر يها .
فهد : يبه بكل بساطه تقول انساها .. يبه انا احب ساره وهي تحبني من زمان
ومتواعدين نكون لبعض
ابو فهد بكل قسوه : خلاص انسى الموضوع .. ساره لي انا .. وانت بتلقى غيرها
فهد : مابي غيرها .. مابي الا ساره .. حبيبتي .. يبه انت حطمتني وحطمتها ..
وحطمت امآلي ومستقبلي ... يبه انت انهيتني .. انهيت حياة ولدك .. فهد

كمل ابو فهد مابدأ فيه ... بكل قسوه .. وبدون رحمه .. ودون تفكير بفهد وساره
وبحبهم اللي انولد من اسنين وكان ينتظر لحظة الفرح اللي تجمعهم مع بعض ..
وتنسيهم ايام الشوق واللهفه والانتظار .

دخل ابو فهد على عروسه .. بكل مايملك من نفوذ وجبروت .. ونظر لها بابتسامه
شيطانيه كلها غرور بأنه يملك اجمل مافي الكون .. وبتكون له خلال لحظات .

ارفعت ساره نظراتها لأبو فهد .. وتذكرت حبيبها ... وتذكرت كلمته اللي يقولها دايم
لها في كل رساله ( ياقلب فهد )
هنا اظلمت الدنيا بعين ساره .. وطاحت على الارض وهي تصرخ بألم

( آآآآآآآه .. ياقلب فهد )

تفاجأ ابو فهد .. وحل في قلبه الخوف لا يكون صار لها شي .. وركع بجانبها ..
لكن حس انها بعدها حيه وقلبها ينبض .

جرى كل من سمع صرختها ليتفاجأوا بمنظرها وهي بين طيات فستان زفافها الابيض
لا تدرك من حولها وكأنها جثه هامده

هنا سكت نايف .. والدموع تبلل عيونه ..

ناصر : كمل نايف وش صار بعدها ؟؟

( محمد وعلي حل عليهم السكون والحزن راسم ابشع خطوطه على ملامحهم )

نايف : خلاص مابقى شي ينقال .. ساره انقلوها للمستشفى ..
ولما فاقت كانت مشلوله وعاجزه عن النطق الى هذا اليوم
ناصر : طيب وفهد وش صار معه ؟؟
نايف : فهد في ليلة زواج ابوه كان هو في الطياره جاي صوب لندن
ومن ذاك الوقت الى اللحين .. وهو مثل ماشفتوه .. في شقته لحاله ..
ويسمع .. غريب الدار

.
.
.






غريب الدار ومناي التسلي = أسلي خاطري عن حب خلي
سمعت الشور من قاصر معرفه = يحسب البعد عن داره يسلي
اسافر عنه من ديره لديره = عساي اسلاه لكن ماحصلي
واهوجس فيه وانسى اني نسيته = وافكر في ليالياً قد مضن لي
انا ليا جيت ابي انساه التوى بي = خياله وانهمر دمعي يهلي
واشوفه واقفاً من دون دمعي = حبيب القلب في عيني يهلي
دعاني ياغريب الدار عود = ترى مالك محل الا محلي
مكانك في عيوني ياعيوني = وصدري من عناقك مايملي



.
.

ــ تمت ــ

وش رايكم بهذا الأب وهذه المأساه ... ؟

/
\
/
\

غريب الدار

[سـحــابـه]

:(
بعدقلبـــــي الله يساعدهم ويشفي ساره ويرجعون لبعض
وش ذا الابو!! حسبي الله عليه يسوي في ولده كذا!!

فهد اتمنى من قلبي انو ماتكون القصه لها اي صله فيك ويعطيك الف عافيه..
وحبيت الاغنيه زياده :)

[الغزال العارضية]

أول شي بقول لك أني أقراء التفاصيل وأسمع لـ غريب الدار
أول مره أستشعرها من قلب حتى حفظتها بالجهاز,,,,,,,,

والله القصه تعور القلب اللي من جد وكسر خاطري
يوم دخل على خواته وأمه ومايدرون وش يقولون
بس قلب العاشق دليله هو حاس أنو فيه شئ,,

بس معقوله في أنسان زي كذا
يرضى يتزوج وحده عارف أن ولده يحبها وهي تبيه
صح وأنا أقرى جاببالي أنو تزوجت غيره بس أبوه ولاتوقعت

والنهايه هي اللي تقتل
شوف حال فهد كيف صاير
وساره وين نايمــــــــــــه,,
وماظن جروحهم بتنتهي للأبد

وربي قصه تموت بشكل فضيع
ياربي يالهواجيس

بس شكريا لك والله روعه ياغريب حتى لو كانت مؤلمه
بس طرحك وأثارتك لنا كانت سبب من أسباب روعة القصه

وهذا تثبيت لروعتها وروعتك أثارتك


الغزال

[كغـــّـــيم]

يعطيك العافيه..
وفيه اكثر من كذا..
مدام القلب مات وش يرده هالشايب الله لايبلانا..
قواك
ربي
ياغالي
..

[نجووود^]

http://wlodi.jeeran.com/mm.gif



قد.......أكووون.......أتيت فى الختااام...........

ولكنى تفاااعلت.........معهاااا........وكاننى فى خيوط حروفهااا الاولى.........

هذه القصة........هى نتااااج عقليه......سيئة يعيش بها الاب...........


http://members.lycos.co.uk/edborders/b179.gif

أتعلم.......سيدى......

كم......تألمت........وكم........تملكنى الخوووف.......من نهاية هذه لقصة..........

أى أبااا"........هذااااا.......

وأى القلوب.........يحمل بداخله......

ولكن ألست معى أن ساااره هى المتضرر الاكبر فيمااا حدث..........!!!

]@...^^^... غريب الداااار ...^^^... @

أعووود.......لحرفك.......لقد تناولت القصه.......تناولا" بارعااااا".........

ملكت زمااام التشووويق........

كنت بارعا".......فى اختيار الحدث حين تريد التوووقف..........

الحوااار بين الشخصيااااات.........يضاااهى روووعة اتقانك السرررد..........

بالفعل......انت تملك........كل أدوااات القاص الادبى..........

أنتظر جديدك........
http://members.lycos.co.uk/edborders/b179.gif

[تـــركــى]

اخيرا خلصت القصه يا غريب الدار


بس القصه حلوه رغم انها قصه مؤلمه

ونهايتها داميه

الله يعين فهد ويعين ساره

ولا حول ولا قوه الا بالله


تــــــركــى

[غروب]

ابووووووووووه ؟؟؟؟؟؟؟؟

>>> والله الي ما جت ببااااااااااالي ابدددددد
حسبي الله ونعم الوكيييييل :(

غرييييييب قصه بدايتها كان مشوقاً ونهايتها مؤلماًااااااااا الى درجة انني وقفت عاجزه عن التعبير .. وظل الصمت بداخلي سيد الموقف


تحيتي لكـــ

[علي مكحول]

-

*

/
غريب
السالفه .. صدق .. و وين صارت اذا صدق .

علشان اروح ليوه .. هاللي ما عتده قلب .

-

*

/

[محمد العتيبي]

غريب صحيح جيت في الختاام لكن:

الطرح مميز , البدايه جذاابه ,الوقفه مشوقه , القصه مؤلمه , النهاايه داميه من غير دم.....


وما نقول الله يكوون بعووون كل العاشقين

0000وخصوصا إذا كاان هناك كينا يحمل اسم (سااره)








غريب تقبل احترامي وتقديري000
م
ح
م
د

[نسيم]

قراتها ..,,


وهزتني بشده من الداخل .,, حتى دمعت عيناي ..

حين يموت الاحساس ويتحرك وفق رؤاه المستبده للامتلاك

حتى لو كان الثمن موت الاخرين ,,


وممن من اب ماتت مشاعر ابوته بلارحمة ,,


اثرت فيني هذه القصة ياغريب الدار ,,


دعاني ياغريـب الـدار عـود
تـرى مالـك محـل الا محلـي
مكانك فـي عيونـي ياعيونـي
وصدري من عناقـك مايملـي

يستوطن الحزن قلب فهد ويهجر الى الغربه

وترقد سارة جسد خاوي من الحركه الا من انين حزين


نسيم

[غريب الدار]

اللهم آمين وهذه أشد قسوة رأيتها http://forum.matlaalshams.com/images/smilies/tears.gif

الــدلـــــوعـــــــــــه ... /

متابعتك منذ البدايه كان لها ( مذاق ) خاص ..

اسعدني رضاك والسموحه على الإطاله ..


/
\
/
\

غريب الدار

[غريب الدار]

قسوة لاتوصف ........
وتسلط غير معقول ........
ألم ليس له حدود ...

.
.

قسوه من نوع نادر جداً
لأنها ببساطه قسوة ( والد ) !!
لذا اعتقد ان صدمة فهد وألمه كان
من نوع ( نادر جداً )

الغزال العارضيه ... /

رغم المأساه وحزني وقت تدوينها
اسعدني رضاكِ واستمتعت بتلقايتك في التعقيب والمتابعه والتثبيت
سُررت لثنائكِ لي ...
بس اللي حافظ الأغنيه ويرددها على طول http://forum.matlaalshams.com/images/smilies/tears.gif

لاهنتِ

/
\
/
\

غريب الدار

[غريب الدار]

أي والله ( مدام القلب مات) .. ؟
لكن نقول مثل ماقلت ( الله لايبلانا ) ؟

كغـــّـــيم ... /

متابعتك منذ البدايه كان لها ( مذاق ) خاص ..

اسعدني رضاك والسموحه على الإطاله ..

لاهنت

/
\
/
\

غريب الدار

[غريب الدار]

نجووود^


http://wlodi.jeeran.com/mm.gif

لا شك ان ( مصيبة ) فهد كانت كبيره ..
الا ان ( الإستسلام ) مرفوض مهما كان حجم المأساه ..

شكرا لمتابعتكِ واسعدني الرضى ..

/
\
/
\

غريب الدار

[فهد الزغيبي]

فهد

حسبي الله عليك

عورت قلبي ......

[غريب الدار]

تــــــركــى

متابعتك منذ البدايه كان لها ( مذاق ) خاص ..

وتهديداتك وتلويحك بتقفيل الموضوع هي الأحلى ..

اسعدني رضاك والسموحه على الإطاله ..

/
\
/
\

غريب الدار

[غريب الدار]

ايه ابوه ووهذا ولده حشاشه جوفه

في هذا الزمن توقع كل شيء نادر الحدوث


غروب

متابعتكِ منذ البدايه كان لها ( مذاق ) خاص ..

اسعدني رضاكِ والسموحه على الإطاله ..

لاهنتِ

/
\
/
\

غريب الدار

[e7sAs 6flah]

افففففففففففففففففففففففففف

لا حول ولا قوة إلا بالله

اي قلب هذا اللي يحمله أبو فهد ..!!

مايكفونه هالثنتين اللي ماخذهم .. بيخاذ حلم ولدهـ ...!!!!!!!

فعلاً قصه تعور القلب ..

وتمنيت اني كنت متواجده من البدايه علشان الحماس يسيطر علي

مثل بقية الأعضاء ..

لكن الحماس كان مسيطر علي لاجيت انتقل من صفحه للثانيه ....

تسلم اخوي غريب الدار على القصه اللي تعور القلب وتدمع العين لها .....

واسلوبك فيها رائع ومشوق ...

الف شكر لك ...

[غريب الدار]

لا فات الفوت ماينفع الصوتhttp://forum.matlaalshams.com/images/smilies/tears.gif

على مكحول

متابعتك منذ البدايه كان لها ( مذاق ) خاص ..

اسعدني رضاك والسموحه على الإطاله ..

/
\
/
\

غريب الدار

[غريب الدار]

الله يكون بعون كل العاشقين

وساره وكل بنت بأهلها باره

محمد العتيبي

شكرا لمتابعتك واسعدني الرضى ..
/
\
/
\

غريب الدار

[غريب الدار]

نسيم

الأسم الروايه .. والروايه .. المترامية الأطراف
فـ المعنى .. والخبايا

أحزنتنا بالفعل جراح ( فهد )
الا أن عزائنا رضاك واستمتاعك
تحيه صادقه لروحك النقيه

/
\
/
\

غريب الدار

[غريب الدار]

فهد الزغيبي
سلامتك وسلامه قلبك ياقلبي
ولكن هذا الواقع المّر الذي يجب معرفته
تمنيت انني لم اعور قلبك ولكن شاءت الأقدار للجميع

لاهنت

/
\
/
\

غريب الدار