ستار أكاديمي

[عبدالكريم العساف]

حبيت اطرح موضوع عن ستار أكاديمي


هو اسئله



هل تابعت ستار أكاديمي 1
وأذا ماتابعته ليش ؟



وأذا تابعته


من هو المشارك اللي اعجبك ؟

اذكر موقف لستار اكاديمي بقى عالق في ذهنك ؟

من هو المشارك اللي تعتقد انه بيواصل في مجال الفن وبيحقق نجاح ؟

من هو المشارك اللي كان ماله داعي في نظرك ؟

من هو المشارك اللي تحس انه كان يمثل طول البرنامج يعني مو على طبيغته ؟

من هو ستار اكاديمي في وجهة نظرك لو كان مو محمد عطيه ؟

[عبدالكريم العساف]

بالنسبه لي انا تابعته بس طبعا للتسليه




وهذي اجاباتي



من هو المشارك اللي اعجبك ؟
بهاء الكافي .

اذكر موقف لستار اكاديمي بقى عالق في ذهنك ؟
لما زعل بشار من صوفيا :)

من هو المشارك اللي تعتقد انه بيواصل في مجال الفن وبيحقق نجاح ؟
بشار الشطي

من هو المشارك اللي كان ماله داعي في نظرك ؟
أمين المغربي :)

من هو المشارك اللي تحس انه كان يمثل طول البرنامج يعني مو على طبيعته ؟
بشار بعد :)

من هو ستار اكاديمي في وجهة نظرك لو كان مو محمد عطيه ؟
بعد بشااار :) وبهاء الكافي

[سعود السبيعي]

حياك الله اخوي عبدالكريم واشكرك على طرح الموضوع

من زمان وانا منقهر من ستار اكاديمي وطرحت انت الموضوع ولقيتها فرصه ادلي بدلوي فيه

هل تابعت ستار أكاديمي ؟

اكثر مره تابعته لمده ثلاث دقائق ومو على كيفي دايم اكون عند ناس ويكون حاطين عليه

وأذا ماتابعته ليش ؟

انا اقولك ليش ياعبد الكريم لانه قمه في الانحلال وقمه في الضحك على عقول الناس

وانا صراحه ما ادري وش المتعه فيه تشوف واحد نايم ولا يطبخ ولا بنت وولد يتميلحون على بعض

والمصيبه الكبرى اغلب مشاهدينه من منطقه الخليج وكل كلام الناس شفت فلان وش سوى مع فلان ولا فلانه

فكره البرنامج جايه من اوروبا و المعروف عن اوروبا منحله اخلاقياً وجايبينه هنا في البلدان العربيه حتى يطبقونه علينا

وحتى يلوثون عقولنا ويغسلون ادمغتنا حتى نصير زيهم بعض الناس غايبه عنه فكره ان اكثر الدول ترابط اجتماعي هي الدول العربيه

والاوروبيين يقهرهم هذا الشي عندهم تفكك اسري وتفكك اجتماعي وانحلال اخلاقي الحيوانات ماوصلت له الله يكرمكم

يقهرهم ان الولد والبنت عندنا يحترم ويطيع والديه ويقهرهم اننا ماوصلنا مواصيل الحيوانات الله يكرمك الولد كل يوم وهو مع بنت

والبنت كل يوم وهي مع ولد

اضف على ذلك الصحوه الاسلاميه الان في كل البلدان العربيه خاصه مع مشاكل العراق وافغانستان وفلسطين فيه ناس بدت تصحصح

بدت تعرف وش قاعد يصير من حولها ووش قاعد يخطط عليه ضدهم فهم لازم يدمرون الصحوه هذي بطريقه التخدير مثل ستار اكاديمي

اخلي الولد والبنت من اكبر اهتماماتهم ستار اكاديمي وهم اذكياء بعد مستغلين احلام الولد والفتاه خاصه في فتره الشباب لان الفتره

هذي يكون كل واحد منهم محتاج الثاني .

حتى الواحد اذا يبي يتغزل في وحده صار يتغزل على حسب طريقتهم ويمشي على منهجهم

المصيبه ماصارات الدعوه انك تتابع صارت الدعوه حتى انك تدفع من جيبك حتى ترشح وتخلي فلان يفوز وعلان يخسر وهذا لبناني

وهذا كويتي وهذا سعودي وهذا ما ادري ايش وهنا دعوه للتفريق بين الناس اضف الى ذلك بعد الناس تتفرج على التمايع والانحلال

الي قاعد يصير في البرنامج والناس تصفق وتفرح وودها يصير اعظم من كذا والبعض صار يقلدهم الي يلبس مثلهم والي

يتكلم مثلهم ويتمايع مثلهم الا من رحم ربي

ومشاكل واذا خسر احدهم قام يبكي وربي مصيبه من جد يازين القناه الاولى من زمان لا دشوش ولا خرابيط كانت الناس اول احسن

من كذا بكثير الان الناس بدت تتغير ومافيه احد يقدر ينكر بدينا ننفتح على اشياء ماهي لنا ولا هي من طبعنا وبدل ما نحاربها

صرنا نركض وراها ما اقول الا حسبي الله على من سوا البرنامج هذا ومن اعان عليه والناس تاكل وتشرب وتتفرج على هالخرابيط

ولا تدري وش يصير من وراها

[همسة غلا]

انا مع اخوي سعود باللي قاله

كفيت ووفيت يابوعبدالعزيز

[ولـد ^ الكـويت]

بالنسبه لي انا تابعته بس طبعا للتسليه




وهذي اجاباتي



من هو المشارك اللي اعجبك ؟
بهاء الكافي .

اذكر موقف لستار اكاديمي بقى عالق في ذهنك ؟
لما زعل بشار من صوفيا :)

من هو المشارك اللي تعتقد انه بيواصل في مجال الفن وبيحقق نجاح ؟
بشار الشطي

من هو المشارك اللي كان ماله داعي في نظرك ؟
أمين المغربي :)

من هو المشارك اللي تحس انه كان يمثل طول البرنامج يعني مو على طبيعته ؟
بشار بعد :)

من هو ستار اكاديمي في وجهة نظرك لو كان مو محمد عطيه ؟
بعد بشااار :) وبهاء الكافي

انا معه اخوي عبداللطيف
بكل كلمه قالها

[علي مكحول]

-

*

/
عبد الكريم العساف
انا بجوابك

انا ما اشوف في التلفزيون الا المباريات والا المسلسلات
في رمضان او اذا فيه برنامج شعر ...
واعتقد اجابتي تكفي ...
تسلم اخوي سعود
على ردك
-

*

/



دمت بحب عبد الكريم
على مكحول

[عبدالكريم العساف]

ياجماعة الخير


انا ماقلت شي يخليكم تنرفزون


كلنا الحمدلله عيال فطره ونصلي ونصوم ونعرف واجباتنا


لكن ترى ستار اكاديمي مثله مثل اي مسلسل فيه اختلاط بين حريم ورجال


انتم تعتقدون ان هذاك تمثيل وهذا مثلا واقع
,, كله واقع حتى لو تمثيل الحريم اختلطن مع الرجال :)

ياحبايبي ترى البرنامج مايستاهل كل هذا ولو مهو ناجح ماصار متابع على مستوى الوطن العربي كله


وهلحين واحد مثل محمد خلاوي والا بشار الشطي والا محمد عطيه
اشهر من خالد عبدالرحمن على المستوى العربي




وبس :)