هكذا كنّا ~ / ~ أشقّاء ,!

[جليلة]

،‘



كان شقيقي , وكنتُ أكثر



http://www.almusa3ed.net/uploads/37665bd205.jpg (http://www.almusa3ed.net)


تحْتْ شَجَرة التوت ربينا , وكبرت أمانينا
وبطين ( الحوش ) وسخنا أيادينا


كنا نرسم كوخ , وشجرة , وعصفور وسحاب وشمس
ورجّال ومرَه , وطفلين

كنت أرسم بالأسود وكان يحب الأزرق !

نلعب .. نتعب


نطير لأسرّتنا بعد ما بوسنا الأيادي


كانت حكاياتنا أكثر من نومنا , !



،‘


يوم ورى يوم

سنة ورى سنة


كبرنا وكبرت أمانينا


حتى رسمتنا تغيرت !

صرت أرسم ملامح مبهمة , وصناديق وثعابين
وصار يرسم جيش وسكين ودبابه !


صارت لي ألعابي , وصارت له ألعابه


حتى بالنوم انفصلنا




،‘


خلاص ما عدنا أطفال


كبرنا !


.


هكذا كان شقيقي وكنتُ أنا
هكذا كنتُ أنا وكان شقيقي

.



[ ** ]

هوّ مسافر , وتاركني
صوته كان تعبان وتعب قلبي!

قلقني !

روح المستشفى يا بغيض
طيب أعرف أدبر نفسي , شكراً
طمني عليك
يصصير خير
لا تتأخر علي أنتظرك
طيب خلاص
متى بتروح
مممم بعدين
طمني الله يطمن قلبك
طيب لا تقلقي

صارت سبع صارت ثمان ..
وصارت عشر , وصرنا تسع الصبح وما اتصل !




،

كبرنا يا شقيق وصرت أنا أحن وصرت انت أقسى !


باقي بنفس المكان أنتظرك : )


.

[( وعيد )]

ياصباح الـ ذكرى : )


نكبر وكثير أشياء فينا تغير


لكن نبقى نحن دايم لأيامنا وذكرياتنا


كن بدر كاتبها فيكم اسمعيه زين




غديت انا .. وانتي .. طفلة وطفل ..

تبكين فـ وداعي .. وانا كني مفارق أهل ..
وبيتٍ صغير .. ودربٍ كهل ..
ياللي على خدك كحل .. لوتمسحيه
وتتبسمي .. مال البكا داعي
ياللي سنا عيونك أمل .. لا تقتليه
تتألمي .. مال البكا داعي
يا اول مواعيدي .. ويااخر مواعيدي
انتي فرح عمري .. وجرحي وتسهيدي ..
افارقك ليله .. يا طولها ليله ..
واجيك انا باكر .. وقلبي على إيدي ..
ومادري سبب خوفك .. وانتي العمر شوفك ..
ياللي على خدك كحل .. لوتمسحيه
وتتبسمي .. مال البكا داعي
ياللي سنا عيونك أمل .. لا تقتليه
تتألمي .. مال البكا داعي

وغديت انا .. وانتي .. طفلة وطفل ..


تبكين فـ وداعي ..



هكذا كنَا وهكذا صرنا

الأمس جميل .. لكن لاندري ربما الغد أجمل !




وووو


أولي :)

[روح طفله]

.
.

يووه ياذكرى
يوووه يالذكريات !


كذا الدنيا ياقمري ،

بس مشكلتنا عندنا مناعه من التأقلم
مع كل تغيير يطرى على حياتنا ..

صحيح الماضي حلوو وذكرياته حلووه بس موجعه ،

نقدر نعيش حياتنا ، نلونها ببسمات اللي حولنا
نلعب و نضحك و نطيش ،

والماضي يبقى ماننساه ..
نرتكز عليه في كل تصرفاتنا المستقبليه ..

بس المهم .. انك تعتبرين الماضي
بدايه حلووه لمستقبلك : )


أيامك ضحكة طفل



..

[تفاصـيـل]

ذكرى الودااع ..


ذكريات مشرقه كثير ..
بالأزرق والوردي .. :)
دمتِ ودام لكِ أخوك ..وأحباابك ..
يارب ..


:)

[سـحــابـه]

يااااه شعورك جميل جداً جداً جداً ...

حسيت فيه لما كبر اخوي و تغيّر !

صار يسهر ، ينعزل ، يعاند ، و يستهتر !

زي أي طفل يبي يصير شاب بأقرب وقت ..

وبما اني أكبره بأعوام كنت أحس بمسؤوليتي تجاهه و أقلقني كثير هذا الخوف ..

تأزمت فترة بس بعدين الحمدلله بدأ يحط بريك لتصرفاته : )

وأيقنت انها مسألة فطرية .. أحن و يقسى !

:rose:

[جليلة]

.,‘


ما كانت ذكـرى , أكثر مما هيّ صدمة !



،


كان يحكينا بدر , !


تدرين : أحلى شي انك أووولي يا ماما حسب الله


وش عندك عقلتي فجأه :p


.

[زيـــنـــة]

رائعه ذكرى :)


والله امس أقول لاختي كل شي تغير ماعاد في شي نفس اول :(


الناس تغيرت .. والدنيا كلها تغيرت .. واحنا بعد تغيرنا .. بس حلوه الذكريات ..!


وناسه يعني لما اقعد مع امي او اخواني ونتذكر ايام أول ،، ولا مع الصديقات ونتذكر ايام الدراسه


ذكرى مادري ليش حسيت موضوعك شوي يبكي :( :(



بس شكرا يارائعه .. يمكن اجي مره ثانيه يمكن :)

[وضاحي]

ذكرى الوداع\
هكذا نحن عندما نكبر لابد وأن يغيرنا الزمان
والزمان يغير من يريد لا من أريد او تريدين

وإذا كان أخوك قد تغير فأصبري وكلميه
حتى يحن قلبه عليك
وتصبحين (أختــــــه وصديقته)


طرح رائع جدا
الله يعطيك العافيه...

[حبّذا]

/


( أخ ) !

آآهـ .. ياكبرها بـ قلبي .. !


ذكرى ~
موضوعـك إستنزفني .. إسمحيلي آجمـّع تناهيدي و آرجع ارتبها معـك


:rose: < لـ روُحك يا راقـيه



..

[جليلة]

،‘


مشكلتي ما وقفت عـ الذكريات


مشكلتي تأملت قدام وما شطحت !


طليت شوي بس شوي



،

روحي / تجين نضحك على الفاضي والمليان :/



أحبك قد الفراشات اللي ترفرف حولك : )


.

[إبراهيم]

/


:)


ذكرى




قرأت ماكتبتي



الله يخلي قلوبكم على بعض دايم



:)





لكي احترامي
إبراهيم

[كغـــّـــيم]

عادي ياذكررى كلنا نتغير وعلى فكره هي فتره ياغاليه وتتعدل بامر الله ويقرب لك:)
اتذكر اول كنت اهبل:)ومسوي مابي اقعد مع خواتي وزحمه بس اللحين اتغدى واتعشى معهم:)
الي لابد نعترف فيه
ان مراحل كثيره تمر فينا لكن ماتعني انه تغيرنا يمكن تغيرنا شوي لكن نرجع زي ماكنا اذا اصلنا طيب
واخوك اصله طيب بامر الله:)

[..مـي..]

./،

هِنا ياكم نخبّي من براءة فـ علبة الأسرار !
وصرنا مثل ماكنّا إنتمنّى !!
والغريب اشـ صار !!
رجعنا كبار تنمنى لو إنّا بس بقينا صغار !!


/


وكلنا نكبر ..!!

ذكرى..،،،

واخواني بعد بعيييد ..:(

بس " مرحلة" زمنيّة ونرجع مثل ماكنا صغار..!


:)

،،

الله يخلي لك اخووك ويخليك له..،




./،

[ورود]

كلنا نتغير مو بس اخوي واخوك ياذكرى


صح ولا :)

[رُوحٌ محلقةٌ]

أنا : ليش ماعاد تحكي لي أسرارك ..؟! :(

هو : يابنتي روحي بس / أصلاً ماعندي أسرار !

أنا : بس ماكنا كذا احنا .. إنت انشغلت عني :(

هو : لا ماتغيّر شي ..

أنا ( بـ يأس ) : طيب خلاص :(

أنا ( وأنا ماشيه وأقفل الباب بـ يدي ) : .................. !



" تخلينا .. تنكرنا .. تباعدنا .. تفارقنا .. وتبقى ريحة الذكرى فُل بـ أنفاسنا تبقى تبقى"



..


ذكرى الودآع ،

حرّكتي أشياء كانت ساكنه والله ..

يوووووه بس خلاص !

شكراً غاليتي ..

:rose:

[جليلة]

،


تصدقين تفاصيل /

عمري ما حبيت الوردي , أحس فيه كآبه :p


الله يخليكِ لأحبابك , ويخليهم لك : )

.

[حبّذا]

/

تعالي بقولك شي ذكرَى

تدرين .. من كثرر ماكنت فاااقدهـ وجوُد اخ اكبر مني ،
كنت اقول لـ امي : صح جبتي ولد اكبر مني و مات ؟ كان عمري وقتها 15 سنـه :)

عشاني بكرهم اللي بعد سنه ونوص نورت الدنيا ..
و كنت اشوف صديقاتي اللي تتشكى من اخوها والليّ تمـدح فيه ..
و انا اردد : ياارب يخليه لك ، و شعوور بالغبطـه !

.

يمكن ماعشـت الوضع اللي انتِ فـيه .. بس إحساسي فيه كبير جداً
محد فينا ماتغيـّر يا غاليه ..

شجرة التوت اللي ربيتوا تحتها .. لها يوُم تجمعكم من جديـد

الله لا يحرمكم من بعض قولي : آمين ..


" :rose: "


..

[اسرآر]

..


مساءك راحه

الله يجمع قلوبكم يالغلا على خير ..

ما بضيف على كلام اللي فوقي ,

فتره زمنيه " فقط "

,

الله يسعد قلبك

:rose:

[أبونوره]

تراي رديت على شان لونك (الأخضـــر ) بس ههههههههههههه



المهم //


ترى الدنياء وانا اخوك تلهي (أهله) //



والله يلوم اللي يلوم الشاب (لو تغيّر) والله يالدنياء تلعب بمخ (أحن) قلب //




وترى (البنيات) يدققون على اخوتهم بزود //

يبونهم بنفس الوضع السابق وهذا مستحييييييييييييييييييييييييييييييييل //للأسباب اللي قلت //


لكن نقول اللي (يحنن) القلوب يارب //



الله لايحرمن منكم كلكم //


أخوكم ::

[نـــغــّـــم]

يوه ياذكرى

كلماتك مؤلمه

برغم اني ماعشت الحظات هذي

لانو اخواني باقين على عهدهم الثرثار:)

وبعض احيان اتوه بفكري عنهم

وماافوق الا بضحكه مجنونه .. اوصرخه

اوخبطه

وبعض احيان انزعج من حكيهم

بس احاول .. اسمع

بس يارب مايجي يوم ويتغيرو

ويظلو متل ماهم بثرثرتهم المزعجه

ذكرى
ان شاء الله ترجعو مثل اول واحسن يارب

تسلمي ياعسل

:)

[حكاية حب منسية]

.
.
http://tn3-1.deviantart.com/fs11/300W/i/2006/225/0/f/friends_by_m4rea.jpg
.
.
{..كبرنا وكبرت أمانينا .!!
.
.
:(...عمريً ما حسيتً بوجود اخ اكبر منيً
..يحبنيً//يحنً عليً..يخاف عليً //يهاوشنيً..
اتشابه معً..{..حوسة مشاعرً..يا كم تمنيتً يكونً لي اخ ..
:) لكن الحمد لله ع كل حالً الله عوضنا بـ اخ اصغر مني بـ 18 سنة تقريباً..
وعوضنيً بـ وجود اخوة..كثارُ..:)..فيهمً من الطيبة والخير
بسً موضوعكً بعيونيً شاملً يعنيً حتىُ خواتيً..البناتً
ما عدناً مثل أولً..:) صحُ للحينً نتضاربً ونتهاوشً نسولفً..نسوي لـ بعض مقالبً..
..لكنً تجيً أيامً،،ومواسم..وخاصة بـ أيام الدراسة..{..وتصيرً كلن بحالهاً..
الي تروحً لـ امارة بعيدة عنا تدرسً واللي ساكنة معايً بنفس البيتً وما اشوفهاً كثيرً..
.
.
اتمنىُ فعلاً انها فترة وتعديً../..مثلً ما قالواً هناً..
.
.
الله يجمعكُ..معه..
ويسعدكمً اجمـ عينً
.
.
{.. واللي معدنــه طيب ما تغيره الأيام.!
.
.

[مِسكْ عتيبَه]

http://www.almusa3ed.net/uploads/ee73004979.jpg (http://www.almusa3ed.net)

كنت البنت الوحيدة بها السن وكل من حولي عيال لو مو اخوي حبيبي مدري كيف بقضي الليال ..

كان يخليني معاه من وين مايروح وراه , صارت ميولي غريبة وللذكر طبعاً قريبة ..

عشقت الكورة والمرمى ..وطبعاً صرت افتخر احفظ أسماء اللاعبين واشجع أحسن المصارعين ..

لين جات فترة كبر فيها اخوي وتغير صار يسهر صار يطلع ماعدت كاتمة أسراره ولا عاد يقول لي

أي شي زعلت كثير بس صبرت حتى دخل الجامعة وصار عمره 22 سنة رجع مثل ماكان

خلاص افرحي يابنت آن الآوان شوي شوي ورجعنا مثل الأصحاب كل شي نقوله لبعضنا

والحمدلله على كل حال رجعت لأنوثتي المترفة وعاد هو لأخته كما كان بـ الماضي وصرنا

نعقد جلسة بكل شهرين أو أكثر اسمها [ جلسة مصارحة ] ..

بالأخير عرفنا إنو مصيرنا لبعض وعادت المياه لمجاريها لأنه علم أن الأخت أنقى من الأصدقاء ..


وتوتة توتة خلصت الحتوتة ..

شكراً ياقمر ع الطرح التحفة واعذري فضفضتي لم استطع المغادرة دون بوح ..

سلمت أناملك ..

[رووح مـغـلـيـهـا]

الذكريات بعضها مؤلم وحزين وهي الي تبقى بالذاكره اكثر من السعيده
ولو تلاحظون ان الذكريات اكثرها موحلووه والسعيده قليله
لان الوقت الحلووو يمر بسرررعه اما الحزن يبقى بالقلب لوحاولنا نخفيه
يبين ما نقدر على الحزن الله يكون بالعوووون

اختكم..رووح مغليها..

[جليلة]

،

أتعلمين يا سحابة ,

قرأت ردك أكثر من مره , شعرت بأني أنا التي تتحدّث


أجدتي قراءتي يا " رحبه " !



.

[b!nkdonut]

اه

ذيلت قرائتي لها

رائعه/ مشاغبه


عساك عل قوه

[مسافر]

.

,


الله يحنن القلوب.. // هذي حال الدنيا وأنا أخوك..


الله يحفظكم ويخليكم لبعض..


:)


طلال..

[جليلة]

،


زينة


أذكر أول ما قرأت ردك كنت أسمع ذكرى " الله يغفر لها "


وهي تقول ( الأسامي هيّ هيّ والقلوب تغيّرت , والسنين رايحة وجاية والأماني تبعثرت
واحنا ملينا الرجوع ! )


،

مافي شي يدوم على حاله , والذكرى مؤلمة والطلل " سراب "


كل شي يروح (:


بس انتِ خليك هنا دايم (f)

.

[عسولة]

..



ذكرى : فيه بيت قريتة من ثلاث سنوات أو أكثر حتى ان ذاكرتي بيحت أسمة ..
بس احفظة زيين ..


(( تفقد أخو ماظنتني شي عادي ..
مصيبتي لازال حي ورثيتة ! ))


وبلاااش نمشي ع المليان !


..

[جليلة]

..

وضاحي

لا تعودُ الأيام , ولن يعود هو !


كوني بخير

[جليلة]

حوسة مشاعر


لم يكن الأكبر , وهنا الألم :"(


أجده يكبر أمامي , وليس لي إلا { دمعة , وابتسامة !




* يا عيون تيتة , بالجنة تلاقينه :"))