م ـعزوفات .. داميه .. ح ـزن .. بس خلاص .. إنتهى الوقت .. [الأرشيف]

مشاهدة النسخة كاملة : م ـعزوفات .. داميه .. ح ـزن .. بس خلاص .. إنتهى الوقت ..

غ ــرق ..

18-08-08, 09:59 PM

http://up.rabe7.com/uploads/d169f5ae60.jpg (http://up.rabe7.com/)

هاه حبيبي .. مو على بعضك أحسك ..
هاه حبيبي .. لخاطري لا تأذي نفسك ..

من زعلك ..
أنتـــا ..
والله أزعل الدنيا كلها ولا مكروه يمسك حبيبي ..

لا نغير .. لحظه بس ..

آآآه .. آآآه .. آآآه .. كانت معيييي .. منذ الصغر ..
نون وهدب .. كانت معي ..
كانت معييييي .. منذ الصغر ..
حب إنكتب .. كانت معي ..
واليوم أنا .. عندي خبر .. وعلم أكيد ..
حبيبتي .. في قلبها .. حب جديد ..
وآآآه .. آآآه .. على عمري اللي كان .. يازمن مابه أمان ..

( إلى آخرها اللي مايسلم من التحريف )

بس .. خلاص .. إنتهى الوقت ..

هذي المقطوعتين اللي أجيد عزفها ع الاوورق دون غيرها ..
أحاول .. ببعض مقطوعات عبد الحليم .. بس أخاف اتفاجئ بحبة طماط أو بيضه تشلخ خشتي زي توم وجيري .. يعني حتى وأنا وحدي ابتدي أعزف وأقول عيب والله أفكر أحاول ..

مارست شغب العزف بحجره مغلقه جدا .. بعيد عن أضواء المنزل العامر .. بس حجره مغلقه ..
ناس كل مامرت قالت الله يهديك يالسوسن .. وارخي راسي واسكت ..
وأخوان يتهزون بي .. حي الله كاظم .. يالله بيمشي الحال لو أعرج .. واتلفت أدور شي يمشي 260 على خشة اللي يتهزى بي ..
رغم إني أغلقت عزفي أغلب الوقت بسماعات الهدفون .. بس ما أسلم من التعليقات .. وأحيان يجون يسمعون من قلب .. وأنا وقتها ماعطيهم وجه ..
مابي اسير بيوم ميسترو مشهور .. شي حبيته من صغري .. وماعترف فيه كثير بحياتي ..
كان عندي أورق صغير حق الأطفال من وانا صغيره .. ولما كبرت أشتريت أورق كبير رغم معارضة الكل .. بس يالله دلوعة أبوها على قولهم .. واستغليت هالنقطه وجبته .. وأكلت تهزيئه محترمه من أبوي ..
ولليوم يقول لاشوفه أبد .. ولا سمع صوته .. الله يخليهم لي ..

تظل موهبه .. أو هوايه .. أو .... مادري وشو .. ماعرف أصنفها وش تكون ..

بس خلاص .. إنتهى الوقت ..

أوتاري بهالمتصفح اللي ماعرف وش يبي .. كانت سلم الوقت .. بدل السلم الموسيقي ..
وماعزفت بأصابعي الفولاذيه بلاش الذهبيه عشان مامدح نفسي ..
كان العزف متفرد عن عزف الأورق .. بلا صوت .. ولو لابد أحكي .. بتنهد حيل .. آآه يا حلو الحياه ..
بس ليه أنتهى الوقت ..؟
هذا تخطيط الزمن وش نقول .. :(

أوقات كثيره تنتهي ونبيها ترجع بس ...........
بجد .. بس خلاص ..

المقطوعه الأولى ..ماعرف وش تبي ..
http://up.rabe7.com/uploads/38e188211f.jpg (http://up.rabe7.com/)

من أول لحظه ابتديناها بالدنيا ساخطين على انتهاء الوقت .. نبكي ...
فسر العلماء بكاء الطفل وقت ولادته ... ( إنه مايبي يطلع ) .. بس خلص .. هي تسع أشهر .. وقضت .. و أنتهى الوقت .. يعني تصيح .. ماتصيح .. إنتهى الوقت ..

وبعدهــــا ..

http://up.rabe7.com/uploads/7f81672b61.jpg (http://up.rabe7.com/)

.. كلها سنتين .. ينفطم .عن الرضاعه .. يصيح يقلب الدنيا .. خلاص .. إنتهى الوقت ..
وبعدهـا .. وبعدهــا .. وبعدهــــــا ..

http://up.rabe7.com/uploads/9449877715.jpg (http://up.rabe7.com/)

انتــ ـ ـ ـ ـهـ ـ ـ ـ ــــى الوقت ..

أعتذر .. صوره قاسيه لكنها واقع ..

أمور طبيعيه تاخذ مجراها .. رضينا والا ارتضينا ..

بس خلاص .. إنتهى الوقت ..

المقطوعه الثانيه .. هي أعذب .. رغم ألمها .. طولت الأنصات لها ..
وأوتارها ..
كوب كابتشينو لسا يصرخ بأبخرته .. الحوض الصغير لسمكتي الحمرا فديت زعانفها ..
وين مارحت جبتها أمامي .. وترى مسميتها ( مخمليه ) .. لاتضحكون على هالشي بس بجد مسميتها ..
وطبعا بعد ماقطوتي ضاعت ماشتريت غيرها .. أحس أني بكوكب زمرده للبنات .. مو بعالمنا المر ..
يالله ويمشي الحاااال لو أعرج ..

يااااه .. يا حلو الحياه ..

يارب تعيد أوقاتنا الحلوه .. و اعيد المقطوعه .. وأسمع صداها بهدوء أكثر ..

بس خلاااااص ..

أنتهى الوقت ..

:)

غ ــرق ..

19-08-08, 06:05 PM

وابتدى ع ـزف مقطوعتي الثانيه ..

ليه ينتهي الوقت ..

السلم الموسيقي ..

سبع درجات لا أكثر ..

سي لا صول فا مى رى دو

مع تضخيم الصوت وإبساطه ..

وسلم الوقت .. دهر لا أقل ..

المقطوعه الثانيه ..

بس خلاص انتهى الوقت ..

ليييييييييه ..

قبل أسبوع تمنيت اشتري لعبه دميه .. أمي قالت واخزيااااااااااااااه اشتريها للجوري ..

تقصد بنت اخوي .. عيب إنتي كبيره ..

سكت ..

كتبت مقطوعه صغيره ماعرف وش تبي ..

ياجوري لو تدرين عن حزن عمه ..
ماحضنتيها بلحظه ولاقلتي ياعمه سـ( ش )ــيليني ..
ترى يابنت اخوي قلبي ممتلي بهمه ..
شايله همي .. وغم في جوفي مكفيني ..
شي كل مانتثر .. ياعمه .. أرجع وألمه ..
بقلبي هموم .. ياعيني .. مكحـّـله عيني ..

ماعرف شلون طلعت بس انكتبت رغم غبائها ..

كثير ايام تنتهي وينتهي وقتها ونبكي نبيها ترجع ..

لكن ..

انتهى الوقت ..

في سلم الوقت كانت اجمل درجاته فتره من الزمن اتمنى ترجع بكل مافيها لكن ..... لاتعليق ..

http://up.rabe7.com/uploads/6acc509cda.jpg (http://up.rabe7.com/)

أوّل اوتاري ..

رحلة لينبع قبل فتره ..

من أجمل أيام عمري ..

هالصوره صورتها من البحر وسوتها حكاية حب منسيه باحد مواضيعي فديت قلبها ..

خيـّـمنا ع البحر .. صدنا سمك .. لعبنا .. تهاوشنا .. سبحنا .. طبعا بشرم ينبع مابه احد يعني نسبح لليل ..

غنينا رقصنا .. كنا مجانين بأبعد حدود الكلمه .. ومانسلم من تهزيئ والدينا ياخزياه قصرو اصواتكم ..
أقول يمه .. بر مابه عربان .. تقول عشان تعودون ماتضحكون بصوت عالي ..
إن شاااااااااااالله ..

وقت .. غربي وراب وإنركي والا ففتي سنت والا مساري مانعرف وش يقولون بس ايقاعاتهم زوينه .. وبعده .. طقاقات .. ونقفله ونروق شوي مع شيماء الشايب .. والا عبد الكريم ..
شويتين عبادي .. ثلاث شويات سكووووووووون بلاصوت ..
اذن .. شلون عرفت .. الساعه تقول وقت صلاه .. يالله نصلي ..
أوونو .. بلوت .. طبعا ماعرف العب بلوت بس اشوف اخواني ..
ألعب اونو معهم واغشهم ..
سقت وأنا خااايفه ع البحر .. بسيارة اخوي .. صغيره وهه سهله شوي .. ..وغرزت بالرمله وأكلوها أخواني طلعوها .. ومابقت شتيمه ناعمه ماكلتها .. هي آخر مره سقت فيها :(

كانت أوّل ايام مانزلت اغنية عزاه في ألبوم راشد الفارس .. الظاهر شهر ثلاث العام ..

وكانت هالاغنيه تقول انا ياسوسن هنا .. يعني بجد خيبه كبيره ..

ماشعرت بحدوث اي مراره تسري بدواخلي لأني كنت بعسل من السعاده مع العيله ..

ومن زماااااان ماجتمعنا كلنا كذا .. بحكم وظايف الاخوان وبعدها .. ودراستي المريره بالجامعه ..

كان من عمري شهر .. يسوى الدهر ..

وبيوم رجعنا الشقه لان ايامنا مو كلها بالخيمه .. بس ناصبين خيمتنا حساده ماحد يجي المكان .. وفكرة الجهنميين سوسن واخوها فهد ..على قول اهلي ..

نمنا منهكين على امل نصحى ونكمل مشوار الوناسه ..
ومخططين بنفس اليوم نبني بالرمل قلعه زي اللي بنيناها اول يوم .. حشا بميامي ..

وبنص النومه الهنيه .. يصحينا الوالد .. يالله طايفكم يناديكم ..

وت .. باب وت آر يو توكنق ..

أقول قومو شغلت السياره .. الديار طلبت أهلها ..

يعني انتهى الوقت ..

طبعا نخلي حوستنا مثل ماهي به اثنين طول الله عمرهم بيرجعون بالعفش .. وحنا بالسياره المرفهه .. ههههههههههههههه
هذولا اثنين من اخواني واحد يقول عن نفسه سنجار .. والثاني كومار .. يقصدون سواقين ..

الله يسعد قلوبهم .. مو مشكله هم سواقين لنا وحنا شغالات معهم .. ويمشي الحال .. :)

انتهى الوقت ..

ايام ماتكرر ولا يمكن رجعتها ابد الأبدات ..
تفرقنا .. واهم شي انا بخير :( لاتعليق يليق ..

لليوم نذكرها بكل مافيها .. كلنا كنا فيها اطفال .. بلعبنا بضحكنا .. بقلوبنا مع بعض ..

الحمدلله أيام حلوه .. والله يعيدها بالخير ..

و ليييييييييه ..

انتهى الوقت ..

غ ــرق ..

19-08-08, 06:26 PM

http://up.rabe7.com//thumbs/f7b34b56cb.jpg (http://up.rabe7.com/uploads/f7b34b56cb.jpg)

هذي أحد الصور وقت الغروب ( أضغطو ع الصوره تطلع بحجم أفضل )

هنا ..

إنتهت المقطوعه الثانيه .. بعزفها .. بنزفها .. بكل مافيها ..

ويبقى لي مع انتهاء الوقت أوتار .. تعزف بأنامل الذكرى .. ..

، ملآذ ،

19-08-08, 06:49 PM

،

حزن السوسن ،،

لم أرد أبداً أن أرد لكي لا يشذّ عزفك الحزين ،،

لكن جمال العزف _رغم حزنه _ أرغمني ،،

،

حزن ،،

للحزن رغم قسوته وسواده ،، وجهاً آخر مشرقاً..
فلولا الحزن ماعرفنا طعم الفرح أبداً،،
ولكِ أن تقيسيها بإنتهاء الوقت ..
فلولا إنتهاء الوقت ،، لما ذقنا حلاوة بداية الأشياء _ رغم صعوبتها _

السوسن ،،

قبلة سُكر للمخمليه ولجمال متصفحك ،،

ولروحك :rose:

المــايستــرو

19-08-08, 09:52 PM

حِزنـْـ

شُكراً

لِكُلْــ هَذَا الحُزنـْــ

لِكُلْــ هَذَا العَزْفْــ عَلَى وَتَر الذِكْرَيَاتــْ

ِِِ

مَعــ كِلـْـ حَرفـْـ

نَبْضــ قَلبِي تِضَاعَفــْـ

ومَعــ كِلــْـ كـِلمَهــ

هُنــاكــْ مَعنَى للحَيَاة

ِِِ

شُعور طَاغِـي حَضَر

وأَنـَا أَتْمعّنــْ بكلــْ سَطِر

شكراً

حِزنــ

لِكُلــ هذاَ الحِزِنــْـ

ِِِ

زيـــنـــة

20-08-08, 03:27 AM

غ ــرق ..

20-08-08, 04:32 AM

،
حزن السوسن ،،
لم أرد أبداً أن أرد لكي لا يشذّ عزفك الحزين ،،
لكن جمال العزف _رغم حزنه _ أرغمني ،،
،
حزن ،،
للحزن رغم قسوته وسواده ،، وجهاً آخر مشرقاً..
فلولا الحزن ماعرفنا طعم الفرح أبداً،،
ولكِ أن تقيسيها بإنتهاء الوقت ..
فلولا إنتهاء الوقت ،، لما ذقنا حلاوة بداية الأشياء _ رغم صعوبتها _
السوسن ،،
قبلة سُكر للمخمليه ولجمال متصفحك ،،
ولروحك :rose:

قلب طفله

مرورك عذب وأسعدني .. وأسعد المخمليه ..

دمتي بالقرب ..

مودتي

غ ــرق ..

20-08-08, 04:34 AM

حِزنـْـ
شُكراً
لِكُلْــ هَذَا الحُزنـْــ
لِكُلْــ هَذَا العَزْفْــ عَلَى وَتَر الذِكْرَيَاتــْ
ِِِ
مَعــ كِلـْـ حَرفـْـ
نَبْضــ قَلبِي تِضَاعَفــْـ
ومَعــ كِلــْـ كـِلمَهــ
هُنــاكــْ مَعنَى للحَيَاة
ِِِ
شُعور طَاغِـي حَضَر
وأَنـَا أَتْمعّنــْ بكلــْ سَطِر
شكراً
حِزنــ
لِكُلــ هذاَ الحِزِنــْـ
ِِِ

وشعور طاغي حضر .. وأنت متواجد بمتصفحي ..

المايسترو

دمت بخير

مودتي

غ ــرق ..

20-08-08, 04:39 AM

:(
حزن .. أجدتِ العزف على أوتار القلوب :)
موضوع رااايق عجبني بقووه .. وبكون متابعه بأذن الله ..
بس عندي سؤال ودي اسأله من زمان .. يابنت انتي ليش تحبين النكد :( :( :(
يعني حتى بالمواضيع حزن :)
امزح <<<<<< خافت منها ههههههههههههههههه
دمتِ بووود غاليتي

زينه

ولوجودك نكهة الكابتشينو الصباحي

سؤال ..

الحين وين النكد .. افرح متصفح طرحته أيتها الدبه ..

وبه سؤال بعد ..

الحين رجة العالمين اللي معك ع المسن مو عاجبتك .. و1 ( معصب ) طيري ..

:)

فديت قلبج فدا جما

مودتي

نوت ,

20-08-08, 06:59 AM

حـزن ...

عزف رآـئع ... استمتعت بقرآئتـه ..!!

لن نبدأ بوقت ... اذ لم ينتهي وقت .......~

.
.
.

غ ــرق ..

20-08-08, 06:11 PM

حـزن ...

عزف رآـئع ... استمتعت بقرآئتـه ..!!

لن نبدأ بوقت ... اذ لم ينتهي وقت .......~

.
.
.

رؤى حالمه

يظل الوقت سلم لابد من صعوده

رؤى

ألف شكر لمرورك يالغلا

مودتي

غ ــرق ..

20-08-08, 07:59 PM

المقطوعه الثالثه ..

كانت انتهاء وقت من التفكير الساذج بمرحلة الطفوله ..

وكبرت وعرفت حقائق كنت أجهل أو ما أتوقع وجودها ..

http://up.rabe7.com/uploads/260f3853c7.jpg (http://up.rabe7.com/)

وش خلف هذا الباب ..

التاسعه مساء كل يوم .. يعني أخبار الأولى .. استشهد رقم بلا حساب .. بالضفه الداميه .. من قطاع اسمه بلا ضمير.. شمال غربي كوكب الأرض .. ؟!

في السنه الأولى من المرحله الأبتدائيه ..

كنت أسأل .. أبوي .. وش فلسطين .. وكان يقول دوله فيها المسجد الأقصى .. ووش المسجد الأقصى ..
مسجد لاجابوه بالاخبار اناديك تشوفينه .. ولايفوتكم اناديك تشوفينه .. يعني قومي تقلفعي ..

به أنشوده ماعرف غيـّـروها والا لسا مثل ماهي بمنهج القراءه الصف الأول الإبتدائي ..

بلادي ..
موطن الوحي بلادي..
افتديها .. في فؤادي..
هي في قلبي وروحي ..
سوف تبقى .. سوف تبقى ..

اذكر معنى طاالبه فلسطينيه انشدتها .. وكانت تتحمس .. تدخل جو وهي تنشدها وتحرك ادينها ومادري شلون .... قامت وحده من البنات قالت لاتغنينها انتي مالك بلد ها ها ها ها حاطه بزمزمية المويه حجار كا كا كا .. :(
هي سبت وسخطت ع البنت طبعا ماقصرت الثانيه ( أطفال يالبى القلوب ) ..
والنتيجه تدخل ابله وتعطينا كل وحده اربع مساطر اللي حكا واللي ساكت وجنب الجدر زي حالتي ..

لايفوتكم لاتغنينها ..

من وين البنت من فلسطين .. يعني بلا بلد ..

مع الأخبار وان فلسطين بها حروب واحتلال و و و

كنت أعتقد إن فلسطين يعني اسطوره مثل هايدي وقرانديزر و سنشيرو يااااااااه يازمان أول ..

ليت ظلينا صغار بلا تفكير ..

بس خلاص .. أنتهى الوقت ..

وكبرت .. ووش هي فلسطين ..

وكان انتهاء الوقت هنا بمفهوم وش هي فلسطين ..

http://up.rabe7.com/uploads/e0d40aeb09.jpg (http://up.rabe7.com/)

وصارت فلسطين .. دره يموت بحضن ابوه ..
شيماء تصرخ ........... لاتعليق ..
* جزئ من النص مفقود * بجوار طفل مولود ..

أصبحت فلسطين يعني حرب .. حجاره .. قضيه ..
ويمكن ينضحك علينا لو قلنا متى تتحرر فلسطين ..

لكن أرض خصبه للأغاني الوطنيه .. والتصاميم الحزينه .. لا أكثر ..
وأصبح الشماغ الفلسطيني فتره من الزمن كشخه يوضعونها البنات بالجامعه مصحوبه بعلم فلسطين ..
ليه تبي تكشخ .. الله يرحم الحال ..

وصار لو أحد يبي يدعي للثاني دعوه وش كبرها يعني ماعرف يدعي ..
قال : إن شالله تصلي بالأقصى .. دعوه مضحكه مبكيه ..

صارت فلسطين .. تفكير طالب قديم في فصل من طين .. :)

كتبت قصيده أسمها وش ذنب لبنان ..
وذكرت فيها فلسطين والعراق ..
أحد صديقاتي سمعتها قالت .. ول اخص يالسياسيه كوفي عنان على غفله .. أقول غيري السالفه بس ..

لاتعليق يليق ..

بجد ..غيري السالفه بس ..

ليت وقت التفكير القديم مانتهى .. وظليت اعتقد ان فلسطين مثل قرانديزر ودوق فليد .. والقضاء ع الشر .. من مفهوم طفولي ..

لها ولشعبها رب مايضيعهم .. ولو انحرمو الدنيا يكسبون الآخره ..

هذيان مر في بالي .. شعرت برغبه بوضعه هنا ..

معزوفه داميه .. أصبحت هامشيه رغم جودة ايقاعها المبكي ..

http://up.rabe7.com/uploads/db63cae2fd.jpg (http://up.rabe7.com/)

أعتقد أن البعض بيشوف هالموضوع افقد المتصفح حلاوته لو كان به ملح وحلاوه من الأصل ..
واعتقدت انا .. محبتي لهذا الطرح هنا .. :) فقط كأحد معزوفات سلم الوقت

بس خلاص .. أنتهى الوقت ..

غ ــرق ..

10-10-08, 05:25 AM

ولأنني أجدني هنا دون هناك ..

http://www.almusa3ed.com/vb/picture.php?albumid=25&pictureid=1214

أحدها هنا كان عزف متفرد ..

شعرت بمعنى نشوة الحياه ..

وأخذ نفس عميق من ريح الصبا البارد ..

حسب التوقيت المحلي الآن .. الفجر ..

ريح الصبا معروف أنه النسيم العليل الذي يداعب الأفق بعد صلاة الفجر

وهو نسيم له فائدته على الجسم والروح ..

وحسب توقيتي المحلي الآن أمام نافذه كبيره أطلقت علي جل أنواع الهواء البارد ومازلت أنتظر هبوب ريح الصبا :)

وهنا مازلت متناغمه مع تسبيح العصافير من أحد شجرات الحديقه التي استعمرت من قبل العصافير .. :)

معلومه جميله عن العصافير ( عند إصدار صوت صفقه قويه من راحة اليدين تسكت جميع عصافير الشجره .. أيضا تلتزم الصمت عند وجود صوت الغراب .. لأن الغراب يأكل العصافير ) ..

*
دائم ما أطلق العنان للتفكير ليعبث بمخيلتي المخملية .. كيف ما شاء ..

حتى أنني ببعض لحظات الصمت .. أسأل نفسي عن سببه .. محاوله أن أتذكر ماذا كان يدور في ذهني من تفكير ..

يعني .. الخروج من فكر لفكر لآخر حد الإختناق ببوتقة التفكير ..

اليوم طرت لي فكره علها تكون أقرب لجنوني مني ..

أن أستخدم مع تفكيري ورقه وقلم .. أعبث بما يجول بخاطري بجميع أشكاله العشوائيه ..

وابعثره بأرجاء الورقه بلا ترتيب ..

من رسم وتجربة تواقيع مختلفه وتكرار كتابة أسمي وكتابة بيت شعر وجدته الأقرب لي و و و إلى المالا نهايه .. والعوده إليه بإشعار آخر .. :)

لأقراني من جديد ..

أنا حسب التوقيت المحلي الآن .. جعلت بداية العبث هنا .. بمتصفحي ..
ليكن بعيدا عن روتين مقطوعاتي بسلم الوقت ..

ويبقى الخوف من إنتهاء محبرة الأيام وتمزق أوراقه بعبث مخيلتي ..

قد أجدني هنا .. بهذياني الذي أمقته ..

سحقا لك يا أنت من هذيان ..

وأبقى هنا .. حتى أجدني هنا أكثر .. وأجدني وحدي لأقرأني بعمق :) ..

حبة التوت ..!

10-10-08, 10:07 AM

رائع يا حزن السوسن رائع ,,,
واصلي و سأواصل الاستمتاع بالقراءه ,,,

أعز الناس

12-10-08, 07:21 AM

غ ــرق ..

14-10-08, 04:16 AM

رائع يا حزن السوسن رائع ,,,
واصلي و سأواصل الاستمتاع بالقراءه ,,,

ريوووم

الأروع مرورك

وأنتظر عودتك لـ هنا ..

دمتي :)

غ ــرق ..

14-10-08, 04:19 AM

حزن السوسن
,,
(أخذت نفس عميييييييق)
ليتك تشوفين حالي وأنا اقرأ عزفك
جميع أشكال وانواع الحوادث صارت لخاطري
لكن للحين ماوصل مرحلة الشلل
..
بصراحه استمتعت كثييير بقرأت معزوفاتك
وتاثرت بها فلا تحرمينا منها
//
دمتي بود عزيزتي
أختك
(صاحبة اعذب إحساس)

أعز الناس

سلامت قلب قلبك

من تعبير ردك ابتسمت من قلب يعني استانست ههههههههه

الله لايحرمني قلبكم

دمتي (وردة جوري )

غ ــرق ..

14-10-08, 05:03 AM

عزف على أوتار اللا وجود .. للــــــ لاشيء ..

http://www.almusa3ed.com/vb/picture.php?albumid=106&pictureid=1262

ما أصعب الشعور عندما لا يفارق قضبان القلب .. ولاتستطع النفس التعبير عنه ..

أشبه بالغرق في أرجاء الهواء الطلق ..

ترتسم الابتسامه على محياها .. يعتقد من ينظر إليها أنها سعيده ..

تتألم وترتعش جوانحها .. من أشواك الذكرى وحطام زجاجات الحاضر ..

ومن حولها يتناغم معها يعتقد أنها ترقص طربا .. ولم ينظر لنزف أقدامها القطنيه ..

سحقا لإحساس البشر .. سحقا لها .. لصمتها .. لحزنها .. سحقا حتى لنسمات الهوى من حولها ..

هل ذكرى شخص فارق الحياه .. لابد من طغيانها على المضارع لتحرقه .. وينظر .. وينتظر .. المستقبل للظاها ..

وهل تنسى .. هل تنسى .. هل تنسى ..

أم تتناسى لتكن مجرد دميه متحركه .. أحتضنت بأطرافها خيوط حياة جديده ..

وأرتسمت على محياها ابتسامه تداعب سذاجة أطفال العالم ..

وأهداب لا تقوى ع الحراك .. ولا تمتلك سوى النظر للا شيء ..

* جزئ من النص مفقود *

سحقا له من تفكير .. أعتلاني هنا .. قبيل سويعات من موعد وفاتي الصغرى ..

http://www.almusa3ed.com/vb/picture.php?albumid=106&pictureid=1261

قد أعود أنا .. وقد تعود هي .. وقد نعود أو لانعود كلانا ..

هلالي وان جار الزمن

14-10-08, 05:23 AM

ما لهذا الحزن آخر
او لهذا الجرح آخر

صدق بدر عبدالمحسن

وابدعتي يا حزن السوسن

وفي كل مرة .. أنتي اروع واجمل واحسن

غ ــرق ..

22-10-08, 05:16 AM

ما لهذا الحزن آخر
او لهذا الجرح آخر
صدق بدر عبدالمحسن
وابدعتي يا حزن السوسن
وفي كل مرة .. أنتي اروع واجمل واحسن

كانت الرحله حزينه للأسف ..

أبو ريان

:)

مرورك الأروع .. الأجمل .. الأحسن ..

خروج لأجل المزهريه

أبوريان

شكر لروعة مرورك

دمت

غ ــرق ..

25-10-08, 03:41 AM

شعور بهذيان مختلف يعصف أرجاء الـ أنا ..

أنثى تجيد الرسم وتفتقر للألوان ..

لاتملك منها سوى الرمادي ..

تشعر أنها مختلفه ..

لأنها الأنثى .. اللا أنثى ..

لأنها تجيد العزف على وتر الحزن .. تسمع صدى صوت حولها .. متناغم يقول الله ..

ودواخلوها تقول الـ آه .. تتألم ..

هل العالم غريب ..

أم هي قد أتت غريبه ..

تجيد نسج المشاعر من الثياب الباليه .. وترتديها بحثا عن الدفئ ..

تغفو على وسادة أحلامها الرماديه ..

فهي لاتعلم ماهي الألوان ..

ماهي الألوان ..

سوى أغنيه عاتيه من كوكب الشرق ..

أجدها تقطع صمتها بهذيان مضحك مبكي ..

لسا فاكر .. كان زمان .. كان زمان ..

كان زمان ..

( طفله تسألأ عن الألوان ) ..