// ملامح سيرة شايب.. ! // [الأرشيف] - منتديات الشاعر فهد المساعد

مسافر

03-09-08, 04:33 AM

"اللهم اجعلني كبيراً في أعين الناس.. صغيراً في عين نفسي.."

بسم الله وعلى بركة الله..

/

احترت بالعنوان.. وما احترت أبداً بالمحتوى..

// ملامح سيرة شايب.. ! //

يمكن لأن وصفي بــ "الشايب" الشيء اللي أتفق عليه كل من

عرفني.. الشكوى لله..

وطبعاً لثلاث أسباب.. طلال شايب.. في البيت في الدوام بأي

مكان.. يا الشيبة تعال.. يا الشبية متى بتخلي طبعك..

والأسباب هي /

الأول / أني أنا ووجهي ما أخلي كآس القهوة أبد والقهوة عربية

ترا.. <<< لاحظوا كآس..:)

أصبح فيه .. وأمسّي عليه.. مارفع إقتصاد الـ د.كيف إلا أنا من كثر

ما أشري من أكوابهم..

الثاني / أنا ما أتعامل مع التالي بتاتاً : الغازيات, العصيرات, الشاي

, الكيك, الحلويات, الآيس كريم, الكاكاو

بإختصار تام أنا ما آكل ولا أشرب أي شيء حالي..

حتى التمر ما أعرفه..

كذا ربي خلقني أنا وأحمد أخوي.. وإلى ساعتكم ماندري مين اللي

جذبنا..

تنوية بس / تشوكليت شوكولاين اللي جواته كورن فليكس أكله بمعدل

حبة وحده بس..<<< وفيه ناس واعديني به ولاجابوه :)

والسنكرس أشري أبو ريالين ووأقطع لي قطعة

وبالزور مع القهوة أكل القطعة..

الثالث/ كلامك ياخي كلام شيبان.. دعاويك..<<< عاد أطلّ بالمراية وآتبيسم..

هذي أسباب اختيار العنوان // كل ما قيل لي شايب ابتسمت.. !

أما المحتوى بإذن الله بيكون منوع..

بين مواقفي مفرح / مبكي.. , تطلعاتي , كتب أنصح بها , وأشياء

وأشياء.. لا مجال لذكرها الآن..

سأكون هنا.. كلما شعرت بحاجتي للبوح..

ومشاركتكم الرأي/الإبتسامة/ التعبير/ النظرة في أمرٍ ما..

كونوا بخيـــر.. وكونوا بالقرب..

أخيّكم..

,

إبراهيم

03-09-08, 04:53 AM

/

اخو قلبي

وانا اقول ليش احس ان قلبي مشيّب

اثاريه بسببك ههههههههههههه

شف هنااااك ذيك الزاويه اللي عندها زمزمية شاهي وعلبة قزاز مدوّره

ترا ذاك محلي ابجلس واقرا واطالع بملامحك

ورجاء لا احد يجي يجلس جنبي لأني ودّي ادخل جو بملامحك هههههههههه

<< ارى انك تطرد هالمسخدم من هالموضوع احسنّلك ياخيي هههههههه

بأنتظارك بكل مايحمله قلبي لك يا اخو قلبي

وبس وشكراً

اخيّك
إبراهيم

زيـــنـــة

03-09-08, 05:02 AM

:) :) :)

المسافر ،، يالله انك تحيييه

والله شكله الموضوع بيكون مميز وحلوو ،، بس والله غريبه ماتاكل كاكاو ؟؟ ولا تمر ؟؟

احلى شي الكاكاو مع القهوه بالعكس <<<<<<< وانتي شكوو :)

وبعدين ماعلاك منهم الشيب وقااااااااار ،،، المهم المبدأ

بانتظارك ،، احترامي ..!

ودها تقول الكلمه بس ماتبي تتعرض للمحاكمه :) :)

وش عاد !

03-09-08, 12:43 PM

قبل مابدأ ...
أبى أقدم لك ... جـــــــــــل أحترامي

ثانيا تأكد أننا نسعد.. بوجودك .. وأفكارك من حولنا ..

أما على اللي ماتحبوه .. من جد حسستني أنك كبير

الثالث/ كلامك ياخي كلام شيبان.. دعاويك..<<< عاد أطلّ >> مأجمل كلامهم و...

في أنتظارك بكل (حماس)

ياشايبنا .. أقصد يالمسافر

ننتظر أنسكابك ..

متكيين ..

ودي وأحترامي ..

المــايستــرو

03-09-08, 05:02 PM

لايهمك حكيهم اذا على كذا أغلب الشباب شياب
تصدق وانا اقرا موضوعك
شميت ريحة القهــوه
وضاعت علوومي
بانتظارك

مسافر

03-09-08, 08:17 PM

.
,

الغالي..

حضور أول.. كنت بإنتظار تسجيله من شخصك..

حتماً ستكون ملامحي مبتسمة بحضورك.. أما ملامح سيرة الشايب نخليها

للأيام هههههههههه..

كن بالقرب دايماً..

/

زيون..

الله يحييك.. تسلمين طال عمرك..

الشيب وقار <<< هههههههههه هذي جملتي..

بس البلاء اللي شرايينه شيبت وش يقول.. !

يسعدني يا أخيتي تواجدك..

/

كول مي..

تسلمين طال عمرك.. وجودكم أنتم هو اللي يسعدني..

وإذا على الكُبر ماخبرت بهالدنيا أحد ماوصل لل 25 وينادونه يا الشايب غيري هههههه

يشرفني مرورك..

/

المايسترو..

الله يهديك بس.. قريت ردك وطقت برآسي القهوة..

عاد لا طق برآسي شيء وخروا عني..

أسعدني تواجدك يعلم الله..

وبس وشكراً..

أخيّكم طلال..

/

b!nkdonut

04-09-08, 12:16 AM

المسافر هلا بك

اثر تشربها كاسات لا اجل انا اشربها بياله خخخخ

وان اظطريت وعشان علوم الاتكيت رحت وروحت عليها بفنجاني /هم اللميع

اجل راحت عليك (( شايب )) انا ابوي يقولي انتي بتعجزين قالها لي يوم كنا في العمره انا اضبط الفنجان وهو يحط قدامي العصير وبداخلي اقول اي هين

وباقي الايام اسحب الفنجان تسحب

السموحه طولتها معاك

اقول ترى جهازي بعده يقطر لي القهوه نقطه نقطه تبي اصب لك ولا د. كيف مغنيك :wink_2:

في الانتظاااار

نـــغــّـــم

04-09-08, 06:04 AM

:)

ياالله اول مره في حياتي

ا2 سنه خدمه في الحياه >>>ماتقلد عادل امام

الكيك, الحلويات, الآيس كريم, الكاكاو

ماشفت حدا مايحب هذي المحتويات المذكوره اعلاه...

عن جد انت كيف بتعيش انا بنام وبصحى

على الشكولا

وممكن يمضي يوم بطولو مكتفيه بشكولا والشبس
ولايس والكيك يم يم يم / حرام عليك بتفسد صيامي

الثاني / أنا ما أتعامل مع التالي بتاتاً : الغازيات, العصيرات, الشاي

لا مومصدقه مرررررره تقصد بالعصيرات الفريش مابتتعامل معاها ...

يلآهوي>>>احس اني صرت في في عبده من الصدمه

انا لااتعامل مع من تحته خط :d

واللحوم:)

انامااظنك شايب هذا بسبب بعدك عن كوكب الارض:d

حاول تتواضع وتزورنا في ارضنا

ننتظرك

وبس وعفواً

:)

غنوجة القصيد

04-09-08, 06:31 AM

المسافر

والله وانا أختك عندي خال 26 يمكن

أبد مانناديه إلا يالشايب

فيه من دعاويك

وفيه من حبك للقهوه

وزياده عليك هالمكيف يقول يوجع راسي

ياويل من شغله

احيان لا جا الحر الموت يالله شغله

ويالله يسولف

يعني صدق من سماه وسماك شايب

وبنكون قريبين من مقر

شايبنا الموقر

إحترامي ..
,,

غنـوجة

تفاصـيـل

05-09-08, 02:48 AM

خخخخخخ

شيبان الحين . تطوروا ..
موزي اول ..
مايخلص الحلااو إلا هم ههه ..

السنكرس .. عدوي القديم ..

شكراً جزيلاً ..
:)

مسافر

05-09-08, 08:27 AM

.
,

دانكن دونت..

ماذبحنا وأنا أخوك إلا علوم الإتيكيت.. وإلا كان نقلت كوبي للعزايم :)

تصدقين عاد جدتي الله يطولي بعمره ماتسمي كآسي إلا البرميل

ههههههه ذاك اليوم بالقصيم طالع معها مشوار ومره مستعجل.. وإلا أشوفه

بيدينها وتقول لي / دوك برميلك :)

لا عادي يا أخيتي خذي راحتك.. انا أحب علي حتى زوار صفحتي يعلقون بمواقفهم المشابهه..

أسعدني تواجدك..

/

راقصة البالية..

ارحبي وأنا أخوك.. وينك مالي علم بك من أيام الكشكول..

نعم نعم.. أقصد بالعصيرات الفرش..

الأربعاء كنت معزوم.. ومدوا لي عصير مشكل فرش .. وأنا ما أشرب بس

ما حبيت أرد الأخ اللي مد لي إياه..

صورت الكآس قبل وبعد..

بتضحكون ضحك.. بس يتعدل مركز التحميل بنزله لكم هنا..

وأما عن الكوكب والأرض..

اكتشفت اكتشاف أخير ومتأخر بعد.. إن الواحد يعيش بروحه أصدق

وأحسن له..

ويسير على الأرض بين وقت وثاني..

توصين على شيء معي وأنا جاي للأرضية.. ؟

أسعدني تواجدك..

/

غنوجة القصيد..

الله يطول بعمر خالك ويحفظه..

أتفق معه إلا بموضوع التكييف.. أنا أستخدم السبليت كوسيلة للتخدير

عشان أنام لاذبحني الأرق..

واقوم متيبس..

شكراً لمرورك..

/

تفاصيل..

الشكر لتواجدك طال عمرك..

أجل انقلبت الآيه هاه.. :)

...

وبس وشكراً..

أخيّكم / طلال..

مسافر

05-09-08, 09:05 AM

.
,

موقف طفولي.. قد أنسى أشلائي المتناثرة هنا هناك..

ولكن لا يغيب هذا المشهد أبداً..

وهو أما ناظري الآن..

سأكتب ماأتذكره كيبوردياً ودون تحضير مسبق..

,

السالفة لما كان عمري 5 سنوات أتوقع كنت بالروضة .. المهم كان بكورنيش

الدمام زحليقة.. حول فايتم بيتزا حالياً .. لاتدورونها شالوها من مبطي.. ؛<< علوم الإتكيت

يادانكن:)

المهم أنا وأخوي اللي أكبر مني بسنتين ونص كان هذا متنزهنا..

يعني ودونا للزحليقة الصفراء نصير أكوس ناس ونسمع الكلام..

ذاك اليوم رحنا شلة.. عيال العيلة وبناتهم.. المهم كنت أنا قبل الطلعة

ذي مسوي عمل بطولي والله مانيب أذكره الحين وكنت أبي هدية

ساعة صنقل << لاحظوا 5 سنين وأتمرجل..

لفينا كم محل وماعجبني شيء.. بيني وبينك مب ماعجبني إلا كنت حاط

عيني على ساعة أبوي يطول لي بعمره..

وبعد حن وصياح واحتجاج شعبي قصرها أبوي لي ولبستها..

صحيح هالأيام ماتجيب شي.. بس كانت غالية على زمناته..

المهم مالكم بالطويلة.. طلعنا للزحليقة الصفراء

وأنا كنت كاشخ.. كن محد لابس ساعة إلا أنا..

وحنا نتزحلق..<<< كنا محتكرين الزحليقة احتكار..:)

كان الدور علي.. يعني كنت بقمة الزحليقة.. وألقى جنبي زول.. !

لابس ثوب أبيض وعمامة بيضاء << كنه قدامي ألحين ورب البيت..

ومعه طفل أصغر مني يمكن بسنتين.. مدري بصراحه بس كذا قدرت..

المهم أنه أصغر مني..

أخوي يقول لي / يالله تزحلق..

وأنا ووجهي والحنية اللي بي / اصبر شوي..

تدرون ليه ؟ كسر خاطري الصغيرون هذا بروحه.. <<< مشكلتي كنت أشوف نفسي كبير..:)

وأحتري أبوه يعطيني إياه وازحلقه معي.. لأنه بروحه يمكن يطيح..

<<< ياعمي إبلش بروحك 5 سنين..

بدل ما الزول يفهم نظره عيوني له ولولده.. ويتراجع عن اللي جاي لأجله..

طلع شي أحمر من جيبه.. ومسك إيديني وقص ساعتي..

وركض هو وولده <<< لما كبرت بالصحيح عرفت إن الأحمر كان زرادية..

عاد طلول الخبل وش سوى..

تحسبوني صحت !

وإلا سويت شغل البزران <<<< أقول لكم كبير :)

وقفت على الزحليقة من فوق..

وقلت جملتي المأثورة.. واللي مابقى أحد يعرف طلال إلا وضحك عليه ..

قلت ببراءة الطفل/

" بابا .. ماما.. يمه.. عمي الاسود سرق ساعتي.. ! "

<<< ركزوا أقوله عمي..

ويالله لك الحمد وأكمل لعبي.. ماكني كنت أزن على الساعة ولاشي..

برب..

/

ســـــوار

05-09-08, 09:09 AM

.
.

الله يحييكـ المسافر ..,

تجي تصادق ابوي ..:)

,,

انا ع القهوه مسميتني جارتنا ام مناحي << عجوز عندهم بحارتهم دايم ترمسها وياها ..,

اجل لو اهبب الهبايب الاخرى اللي تهببها انت<< اتحداكـ تقولها 5 مرات بسرعه

<<براااااااااااااااااااااا

شلون عايش لا حلويات ولا كيكـ ولا غازيات<< تقدر شي اسمه بيبسي

شوكلاتة شوكلاين اللي جواتها كورن فليكس <<اكيد مو انا اللي واعدتكـ صوووح؟؟

,,

ننتظر مواقفكـ شايبنا :)

سأكون هنا ..,

:rose:

مسافر

05-09-08, 09:10 AM

.
,

لا أزال أتسأل..

ماحال ذاك الطفل الذي لا أعتقد أن شريط ذكرياته قد لغى بعض المشاهد

السوداء التي شهدها..

والذي أنا من ضمنها..

ويؤسفني حاله والله..

,

أحد الأصدقاء يقول لي / طلال بالله وشعورك ألحين بالنسبة لذاك الزول..

بعفوية وبسرعه قلت / الله يعطيه العافية..

الصديق / إيش !

أنا / إيه والله يعطيه العافية اللي ما أخذ مع الساعة إيدي..

ربك ستر..

هكذا كنت في صغري.. وانتهت أول لمحة..

وبس وشكراً

مسافر

05-09-08, 09:23 AM

.
,

حيا الله أم مناحي..

<< الله يعينك إنسي أناديك سوار من يوم ورايح..

يطول بعمر الوالد ويحفظه..

إذا على الكاكاوات وخوياته.. ودي والله .. وخاطري آكل

التمر وأشرب ببسي..

بس ما أقدر للأسف..

حتى المستشفيات ما لقيت عندهم حل !

أسعدني تواجدك..

وبس وشكراً

b!nkdonut

06-09-08, 02:43 AM

اول شي بققت عيني ((عمك الاسود)) ههههههههههههه

برائه شوي عليها انت احسك بذا الموقف جمعت برائة الطفوله كلها زين والله انه ما خذك وياه

والله سلمك ولا ما شفناك هنا تكتب لنا سوالفك يا جدي اوبس اقصد يا خيي:cheezy:

<<< كش شعر جسمها

عندي موقف يشب :cheezy:

<<<< طسي

اي والله بعد شسوي يشبه له

كنا في حديقة الملك فهد ويوم عيد كنت لابسه قلب ذهب

وسرقته بعد عبده زولعه على قولتك خخخخخخخخخخ

خارج الاطار

هذا وانت ما تحب الحلويات وتناديني دانكن اجل لو تعشقها

ومع هذا تمون عاجبك الدانكن دانكنولا يهمك

يلا كمل منتظرينك :smilewink

إبراهيم

06-09-08, 03:38 AM

/

بعلّق علي شيين بس

" بابا .. ماما.. يمه.. عمي الاسود سرق ساعتي.. ! "

ياويليه على البراءة هذي اقطع نفسي واعطيك اياها لو اني بهاك الوقت

<< عيال وبنات خخواته واخوانه مايقدر يقولهم شي اذا جو لمه بهالطريقة

هذا اول تعليق الثاني

ولله اني مستحي بس مايخالف

ولله مادري وش اقولك بس ماعليش ابقولك اخو قلبي ومالي دخل فيك

ياخي حبيّت جدتك ما تصير صديقتي او من هالقبيل علشان اجيبها واجيب مزيونتي واستاجرلي

بيت بالرياض وربي ما اطلع منه مادام كل البركه فيه

<< الولد له مدّه كنّه يدور احد يضربه بسبب خطماته اللي مادري وش تبي

وبس وشكراً

خجل حد الذبول..

06-09-08, 05:39 AM

مساء الخير جميعــاً..
الشايب
وربي الصفحه تجنن ومواقفك رهيبه ولأرهب جدتك" احسها فله"
الله يخليها لك..

متابعتك..

مسافر

06-09-08, 08:24 AM

.
,

البينك<< بالله ماكنتي أول دانكن :)

إيه اضحكي بس.. أحسن من اللي انسرق سلسالها..

بعدين تعالي أحد يروح لمنتزة الملك فهد يوم العيد.. أقص

إيدي كانك لعبتي أي لعبة ههههههههههههههه

إلا كانك من النوع المفترس هذا شيء ثاني :)

كل الشكر لمتابعتك..

/

أخو قلبي..

بالنسبة لتعليقك الثاني.. زين اللي جت منك.. وإلا

أنا تقرقع بصدري من ومبطي..

كانك حبيت جدتي وودك تصير صديقتك.. أجل أنا عشقت أمي رقية وربي..

<<< ياخي لاتفضحنا حتى هنا أنت ووجهك..

فأنا إذا تسمح لي بجيبهن يطولي بأعمارهن عندي الشرقية..

ونصير أنا وإياهن أصدقاء.. اروح أوديهن بالأودي

<<< ياخي شلخ غير كذا أودي مره وحده..

إيه أوديهن الراشد يوسعن صدورهن.. ولا أخلي

عليهن قاصر..

وأشري لكل وحده برميل مثل برميلي..

ههههههههههههههه..

كن بالقرب..

/

خجل حد الذبول..

تسلمين طال عمرك..

الله يخلي لك كل غالي..

أسعدني تواجدك..

الله يحفظكم..

وبس وشكراً

زيـــنـــة

06-09-08, 10:56 AM

" بابا .. ماما.. يمه.. عمي الاسود سرق ساعتي.. ! "

هههههههههههههههههههههههههههههههههه

ياحرام ،، طيب ليه ؟؟

لو انا منك اروح واسأله واقوله ليه ياعمي الاسود ؟؟؟

يعني اتوقع لازم في سبب منطقي لكل هذا :(

ياحرام الله يعوووضك :) :) :)

كنت هنا ،، وبكون هنا دائما اذا ماعندك مانع :)

<<<<<< ولو عندك مانع بجي بعد قاطه بالموضوع انا :)

فهد الزغيبي

06-09-08, 07:20 PM

هلا والله بالشيبان ..

اقول شلون رجيلاتك وركيباتك وعسى السكر مايرتفع عليك

وعساك توصل المسجد على رجولك ..

..........

تدري دايما اتهاوش انا وواحد من اخوياي يقول اننا شيبنا

واحس اني شايب صدق كل ماجلست ويااااه

........

انا يامحاكيك لي تصرفات تخلي اللي حولي يقولون عني شايب ..

.......

بس أنا اشوف نفسي صغيرون ابو 13 سنة

......

عسى ايامك كلها فرح

أُمِنيّآتْ

13-09-08, 07:11 PM

هلا بك يالمسافر بس عن جد تعبت حالك بشكولاتة الى جواتة كورن فيلكس

انتبة وانا اختك تاكلة يمكن تجيب لك السكر ويبلشون فيك

برميلك اقصد كاسك حق القهوة افيدلك ههههههههه

بس انك تناظر الزول ونازلة عليك الحنية ومسوية فيها كبير وودك تاخذة وتزحلق فية

وانت ابو 5 سنين نكتة<<<<<<<ضحكت عندها كثير

ياعينى بس ع البراءة عمى الاسود ههههههههههههههههههههه

مابغى اطول عليك ياشايبنا وسعدت كثير بتواجدى هنا

وبس وشكرا

sMaiLe

14-09-08, 03:41 AM

شايبنا العزيز ..أتمنى انك تسمح لي بالسنتره بصفحتك لانها تشبهني على حد قول المقربين

الصراحه اول كنت ازعل لما احد يقوولي اني عجووز بس في النهايه عرفت اني عجوز صح
وتقريبا تتشابه الاسباب ..الدعاوي ..كثره التشكي من رجليني ..وافكاري الغريبه في كثير من الاحيان
وومرابطتي في كثير من المستوصفات ...والفقس اللذي لايخلو من شنطتي <<تعدت مرحله الشياب

مااطول عليك يااخي <<ماقصرتي
ولي جيه مرتن ثانيه
فمان الكريم

الأحساس المرهف

14-09-08, 04:49 AM

أن كان أنت الشايب فأنا العجوز طبعي مثل طبعك وعاااااااااااااااااااااااااااااااااااااااااااااااا اااااااااااااادي خلهم يقولون اللي يبون وش علينا منهم ماهم دافعين من جيوبهم شي القهوه حن نشريها وحن نسويها وحن نشربها .....
وعساك على القوه يالمسافر .....
الله يازين ريحة القهوه....

مسافر

15-09-08, 02:26 AM

.
,

زينه /

أنا ودي بشيء واحد .. مب أسأله ليه سويت كذا ياعمي..

ودي أقوله / ياخي ليه الزرادية..؟ وترعبني من طفولتي..

بكل بساطه فك الساعة وخذها..

ماتلاحظين شيء تركت عمي وصرت أقوله ياخي :)

حياك الله يسعدني تواجدك..

/

فهيداااان ..

أقصد أبو ضاري :)

حياك يا الشايب.. أبشرك السكر زين.. ورجيلاتي

زوينه..

ماناقصن إلا العجوز..

وأبيها نتية <<< إيقالي بأعجزهم :)

وأيامك سعادة يارب..

/

كلي دلع /

أهلاً وسهلاً..

الحمد لله على السلامة.. سافرتِ وصكّوا الكشكول..

وحنا نقلنا الكوكب لمجرة ثانية :)

حياك الله..

/

سمايل/

ولي جيه مرتن ثانيه
فمان الكريم

هااااااه وكدت إنك عجوز..

حياك الله.. وشهي صفحتي بدونكم ؟

بس بالله هذا الفقس دوري له بديل..

أسعدني تواجدك..

/

الإحساس المرهف/

الله يقويك يا أخيتي..

قلت من البداية : كل ماقالوا شايب // طليت بالمراية وابتسمت..

باقي ساعة وشوي على الآذان..

بروح أجيب برميلي.. :)

/

أسعدني تواجدكم.. كونوا بالقرب..

الله يحفظكم..

وبس وشكراً :)
.

مسافر

15-09-08, 02:35 AM

.
,

//ملامح سيرة شايب//

بارت أول..

بعد إفطاري لمحت جريدة اليوم, فأسرعت بإمساكها..

فأنا منذ صغري شغوف بالإطلاع على الجرائد.. وإن كنت لا أعي

ما بها.. الديمقراطية / الدكتاتورية / الليبرالية..........

الأيام وحدها هي التي تكفلت بتوضيحها لي..

بدأت الصفحة الأخيرة أطلّع.. وكعادتي لا أقرأ إلا ما أريد..

ووصلت إلى الصفحة الأولى !!

الغريب بالأمر أني شعرت أن الجريدة ليست سوى

كلام مثخن بحشو فارغ.. لم أخرج منها بشيء !!

تسألت أهل الجريدة سخيفة؟

أم أنني من يستحق وبجدارة ومع مرتبة الشرف نعتاً كهذا ؟ !!

طلال

مسافر

15-09-08, 02:37 AM

.
,

// ملامح سيرة شايب.. //

بارت ثاني..

Transformation, you will see it when you"
Believe it.."

أكثر المبادىء التي يؤمن بها شايبكم.,

,

مسافر

15-09-08, 02:41 AM

.
,

// ملامح سيرة شايب..//

بارت ثالث..

آخر موقف مضحك / ومبكي في نفس الوقت.. تعرضت له :

إبنه خالتي الصغرى "ليان" عمرها بعد تحققي من ذلك سنة وثمانية أشهر..

الصعنطوطة هذي ما تنطق غير ماما / وبابا..

وعلى كذا أي رجل بالعالم تناديه بابا..

وأي مره بالعالم تناديه ماما .. <<< طرت عليّ براءتي مع عمي..

كانوا جايين عندنا , وأنا قاعد أتدلل على هالبنية وألاعبها..

ما أدري إلا

وتقول لي / أيّا .. أيّا..

بصراحه تعجبت لأنه ماتنطق غير ماما و بابا..

قلت / وشو ليلي.. وشو ؟

قالت لي / أيّا.. أيّا.. ميس

" كني فهمت بس استبعدت الفكرة وبقوة بعد.. "

طلال / يا خالة وش تقول ليان ؟

الخالة / تقول يحيى ولميس !! !!

مدري أضحك وإلا تخنقني العبرة..

يعني بنت ماوصلت السنتين يعلمونه كذا..

ومين اللي معلمه خواته / سادس إبتدائي , ثاني إبتدائي , الروضة

وأنا اللي أتكلم عن الرقابة والرقابة والرقابة.. !!

طالعت خالتي بنظرة.. مدري وشهي..

قالت / تصدق طلال المشايخ حرموا نور بس سنوات الضياع......

ومازالت نظرتي زي ماهي..

بصراحه آثرت أني أسكت..

فإذا الكلام من..... السكوت من..... مثل ما قالوا..

" قد أقصد رسالة من هذا الطرح.. كل من مر من هنا أنت مسؤول..

أنت مسؤول..

سواءاً كنت أب / أم / أخ / أخت / عم / خال / فرد في مجتمع.............

أنت مسؤول "

طلال

مسافر

15-09-08, 02:49 AM

.
,

//ملامح سيرة شايب..//

بارت أخير لهذا اليوم..

صمتك كلام / أحمد سليمان الفهيد.. / 1424هـ

منذ صدور هذا الكتاب و أنا أبحث عنه.. لم أترك مكاناً إلا وسألت عنه

فيه.. وكل محاولاتي باءت بالفشل..

وفي شتاء 1428 هـ وبينما كنت في جرير / الخبر..

قسم الروايات أنقب عن روايةٍ ما..

وجدت كتاب مدسوس خلف كم من الكتب في هذا القسم.. سحبته ببطء..

وإلى به ذاك الذي كنت أنقب عنه مده 4 أعوام..

لم أستطع ان أُخفي ابتسامه ارتسمت على محياي..

وبدأت بأول سطر منه مع أول رشفة قهوة ذاك المساء..

الغريب في الأمر.. إني لا أستطيع أن أقرأه إلا وكآس القهوة بيدي

اليمنى..

والغريب كذلك.. أن الفهيد / أحمد .. يرغم ملامحي على التلون..

كيفما شاء بسطوره..

قرأت الـ 78 صفحة ب نشوة / لذة غريبة..

رغم ما قلبّت بي من الجروح.. وأثارت به جروحاً قد تندمل..

نشوة اللذة وأنين الوجع.. هذان الشيئان لا أشعر بهما إلا حين أقف على أطلالي..

وحين أقرأ بعيناي هذا الكتاب..

فقط !!

وهذا بعض منه /

قال في

كره لا أول له ولا آخر /

"كان حديثك عن التضحية.. و الخيانة.. و الحب.. مجرد حديث!!

الحقيقة التي لم أنتبه إليها إلا بعد فوات الأوان..

وتحديداً حين استقرت فأس خديعتك في رأس ثقتي بك..

وقذفني واقعي المعاصر بجروحه بين أمرين أحلاهما مر:

أن أستمر في حبك.. وهو بالنسبة لي ثامن المستحيلات السبعة..

أو أن أستبدل هذا الحب ( بكُره ) لا أول له ولا آخر..

وهو بالنسبة لي عقوق و خطئية لن أسمح لنفسي بارتكابها..

لذا قررت أن أمحو هذا الجزء من الذاكرة وكأنه لم يحدث

أصلاً..

الجزء الذي يتعلق ( بحبي الصادق ) لك.. و ( بحبك الكاذب )

لي.. ! "

وقال في

مبتدأ بلا خبر/

"( الحب هو أن تضم شخصاً ما ولو تساعده

على الموت.. الموت أن تحلم بالحب )..!

ومن هنا يمكنك اكتشاف ( موتي )...!
.
.
.
.
.
.
.
.
.
لم أفهم الحياة.. والأقنعة تحاصرني مع كل الإتجاهات..

والوقت ناصبته العداء لأن حسابات الثانية والدقيقة تؤجج

في داخلي نار الحرص.. وحينها يبدأ حلمي بالإحتراق..

والأحلام غير المرتبة دعوة أنيقة لممارسة الحياة بشغف..!!

أما الماضي فتركته لما أتيح من الندم..

والمضارع أتعاطى لحظته بقناعه لا تفنى..

والمستقبل أقذف فيه من الأمل ما أقذف ثم أبدأ رحلة الملاحقة..!!"

وقال في

رصاصة حب طائشة/

"مؤلم حقاً أن تشعر ( بعجزك ) عن الحب بشكل كاف..

مؤلم أيضاً أن تحب بشكل كاف..

مؤلم أن لا تحب..!!"

وقال في

أغنية حب /

"أسمع ( صمتك ) واضحاً..

أنفاسه تتغلغل إلى وحدتي..

تخنق فراغها على مهل..

ثم تحك رأسها لتستدرجها إلى المقفر من النوم..

الزمن يتآكل..

وعقاربهُ المُسنّة تلفظ القبر تحت جثتي الخاملة.."

أحمد بن سليمان الفهيد / أبو تالا

/

هذا بعض مما عايشت من سطوره.. وأستنشقت نزفها.. حرفاً
حرفـا..

المســـافر..

,

b!nkdonut

15-09-08, 03:37 AM

إلا كانك من النوع المفترس هذا شيء ثاني
لا كنت لسه ما بعد اتفسر كاني مفترسات ولا لا :D

بارت اول

النعت على الجيده ذاتها .. هذا ما ااعتقده ... هذا لأني اقرأ جريده وبنفس الطريقه فكل ما تحتويه على ما

نشيتات عريضه تبعدك عناء قراة الموضع في مواضيع ومواضيع اخرى قد تحويل حادث بسيط تحت

عنوان مربك

بارت 2

Transformation, you will see it when you"

Believe it.."

no comment

أراني اتعمق فيه لتوي ....

بارت 3

أنت مسؤول :)

بار ت 4

اذا الله سهل سأقتنيه

المسافر Continued... الله لا يهينك :)

ســـــوار

15-09-08, 03:45 AM

.
.

<< متأخره حيل ..,

اقولكـ شي وماتزعل ..,

ديني ودين البزر اللي يتمرجل .. عندنا واحد بالعائله مسوي روحه ابو 30

ياهووووووو ياقهرني بشكل ..,

ماعلينا ..,

وبعد حن وصياح واحتجاج شعبي قصرها أبوي لي ولبستها

وبعد لكـ عين تقول :

" بابا .. ماما.. يمه.. عمي الاسود سرق ساعتي.. !

ودي اعرف شنو شعور ابوكـ حزتها .. مادري ليه حاسه انه وده يسطركـ ذاكـ الوقت ..

يوم كبرت شريت لابوكـ ساعه ..؟؟؟؟؟؟؟؟؟؟

,,

لي عوده ..

:rose:

لمووش

15-09-08, 04:28 AM

اخوي المسافر وانا اقراء ملامح سيرتك نقلتني من حاله لحاله ثانيه وربي كان ضايق خلقي ورغم محاولات البعض في انهم يطلعوني من هالحاله بس محاولاتهم باءت بالفشل وماضحكت الا وانا اقراء كلامك
اجل يسرق ساعتك وتقوله عمي >>ياقلبي بس عالبرائه
واكثر شي خلاني أروق البارت الأخير..
انا الكتاب عندي بعد ماصدر بشهرين لاواللي عندي حاجه سبشل>>يعني بتقهر.. بس منيب قايله لك عنها
هالكتاب كثر ماقريته مامليت منه وفيه اشياء كأني اول مره اقراها>>والله من الدلاخه
وأسمحلي اشاركك وأذكر شي من الكتاب..
هزيمه أخرى

-ماذا تفعل ؟؟
أبحث عن قلبي الذي تركته هنا قبل هزيمتين
-وهل ستجده؟؟
سأحاول اقتفاء أثره رغم أنني أعرف أنه يسير باتجاه الموت أبدا؟؟
-لماذا؟؟
لأنه عاجز عن مقاومة الحياة
-كيف؟
كل تجاربه المتواطئه مع الحب باءت بالفشل ومن هنا بدأت محاولة (انتظار مالايجيء)
-ألم تشرح له التجارب درسا" في تعاطي القلب الآخر (بذكاء)؟
كل مره يقرر فيها اقتراف الحب يكتشف أن البدايه مدثره ((بالكذب))لذلك يلوذ إلى ماتبفى من الصمت
-أي صمت ؟؟
صمت الانتماء للمتاح من الوجع

مسافر

17-09-08, 07:25 AM

.
,

دانكن :)

إذا لعبتي يوم العيد .. فأنت من النوع المفترس..

والعكس صحيح..

بارت أول /

لا ازال أتساءل..

بارت ثاني /

تستحق التعمق بحق..

بارت ثالث../

فعلاً أنا مسؤول.. تيمون اللي بثالث متوسط وبومبا

اللي بثاني متوسط أخواني..تعالي شوفيهم مساكين

هههههههه أبطال المسلسل حدّهم يعرفون أساميهم بس..

بارت أخير/

بالفعل يستحق الإقتناء..

سأكمل ملامحي بإذن الله بوجودكم..

كونوا بالقرب..

الله يحفظك..

وبس وشكراً..

,

ســـــوار

17-09-08, 07:50 AM

.
.

باكـ ..,

../ بارت اول ..,

يا اخي لولا اختلاف الاذواق لبارت السلع ..,

الجريده ليست سخيفه .. وانت لست بذلكـ ..,

ماتراه انت حشو وصفصفة كلمات قد يراه غيركـ كلام ذو اهميه بالغه ..,

وماتراه سخيف قد يراه غيركـ من خفة الظل ..,

والعكس صحيح .. فالجريده لم تطبع للمسافر فقط او ســوار او نغم او.. او .. او ..

فهي للجميع .. ولجميع الميول ..,

8

8

كأني قاعده اتفلسف :)

/

بارت ثالث ..,

يا اخي جدا مؤسف حقيقه ..

والاهل جدا مبسوطين بمهارات ابنائهم ..,

..

تدري مره كنت ببيت عمي ..

فشوي الا البزارين جايين ركض ومتسطرين عند التلفزيون ..

وصراخ جات جات وين الريموت ..,

اعمارهم كلهم الموجودين من 10 وتحت ..

صراحه توقعتهم يقصدون افلام كرتون

توم وجيري <<اخبر كل خلق الله يحبونها حتى احنا يالكبار

سالت بنت عمي شني اللي جات قالت (نور) ..

ولكـ ان تتخيل ملامح الصدمه اللي اعتلت وجهي ..,

..

يا زين ايامٍ مضت بس ..

/

ولي عوده مع احمد الفهيد ..

<< راعية طويله ..

/

المسافر ..,

بأنتظار ملامحكـ ..,

كل الشكر ..,

:rose:

فاقد شي ..!

17-09-08, 07:34 PM

شايب ويبي يفضفض !
عز الله بيقلب الموضوع دعاوي :gap:
طلال ترى حنا نحبك :s_4:
اكفينا شر دعاويك
لي عوده ..
برب

مسافر

18-09-08, 04:28 AM

.
,

أم مناحي.. :) أقصد ســــــوار..

صباح الليل..

لا عاد ماسويت روحي أبو 30 مثل اللي

عندكم.. لا سويت روحي 15

<< إيقالك بترقعها.. :)

,

أما عن لي عين .. وش أسوي هلي ربوني

كذا أي رجل عم وأي مره خالة..

تصدقين عاد جملتي المأثورة هي اللي

أنقذتني.. :)

,

إيه وربي شريت له .. هذا // أعز إنسان.. //

بس يومي كبرت..

بصراحه قبل 6 شهور أهديته إياها..

متأخره.. بس أهم شيء إنها وصلت :)

عاد الوالدة سوت لي حكاية.. تشتري لأبوك

ولا تشتري لي..

<<<< :)

كنها نست إني مهديها قبل أبوي بشهرين..

برضو ساعة..

الله يخليهم لي.. ويخلي لكم أهلكم..,

,

وحياك الله..

كوني بالقرب..

وبس وشكراً

زيـــنـــة

18-09-08, 06:21 AM

ماتلاحظين شيء تركت عمي وصرت أقوله ياخي

//

اي ملاحظه وبقوه هههههههههههههههههههههه

على جذيه كل الناس بيصيرون اخوانك يا الشايب اقصد ياطلال :)

//

اعجبتني بنت خالتك ياحبي لها ههههههههه

يارجال احنا بنشره على اليهال ،، يشوفون الكبار ويقلدونهم شي طبيعي يعني :)

//

متابعه وماوراي شي <<<<< ياليل النشبه ههههههههههههههههههه

على فكره اسلوبك ممتع جدا ومشوووق و و و و و الخ

ووووبس وومتااابعه :) :)

مسافر

20-09-08, 03:35 AM

.
,

لموش.,

أنا اللي بقول لك شيء., يا أخيتي.,

كنت بحاله وردك نقلني لحالة ثانية., ليتك والله ياوخيتي

تشوفين صدري كيف إتسع ., حسيته يقدر يشيل الدنيا بكبرها.,

كيف لا., وأنا رسمت إبتسامة على محيا غيري.,

الله يسعدك يارب.,

/

سبشل هاه., إيقالك بتحريني يعني :)

لا يكون أبو تالا بس قريبك وموقع لك على الكتاب وحنا ماندري..

,

صمت الانتماء للمتاح من الوجع .,

:)

يسعدك ربي.,

والله يحفظك.,

أخيّك / طلال.,

,

طفله حالمه في هدوء

20-09-08, 04:03 AM

انا واختي قاعدين نقراء كلامك وبصراحه ذكرتنا بجدي لانه لازم يشرب قهوه كل يوم قصدي كل ساعه
ولا يحب الشوكولا ولا الايس كريم ولا هالاشياء

بس بصراااحه انت روحك معنويه لانهم يقولون لك شايب ولا تزعل منهم انا لو قالوا لي عجوزه مثلا ,,,,اللله لا يقوول ...راح ازعل منهم

لو سمحت اخووووي عندي سؤال
اللي هو
اكيد انت تحب قناه الساحه
جاوب بنعم او لا
ههههههههه

لمووش

20-09-08, 04:58 AM

يعني هو الصراحه الصراحه وبيني وبينك "مو المسلسل">>بط.. يقالك تنكت

التوقيع مو لي لقريبي اللي يقرب لبو تالا "شف المشوار"
وطبعاً انا الله يخليني "قل آمين" قلتله بقراه وأرجعه لك على طول وللحين وهو عندي تخيل بس أرجعه:)

وإذا تبي توقيع عالنسخه اللي عندك انت بس قلي وابشر:)

أختك:لمووش

مسافر

20-09-08, 05:16 AM

.
,

ســـــــوار.,

أهلاً أهلاً.,

بارت أول.,

ذكرت دبلوماسية فيصل القاسم حق ( الإتجاة المعاكس )

مدري ليه؟ :)

وأنا معك باللي قلتيه., بس للأسف مدري ليه إلى ألحين

أنا أتسآءل.,

بارت ثالث.,

ذكرتين بقصتك بشيء.,

لما كنت بالقصيم هالسنة., كان فيه أحد الإجتماعات بإستراحه.,

ع الساعة 9 ونص أعتقد وأشوف الشباب والجذاعين والمبزرة

يتسحبون ويدخلون الملحق.,

لما فضى المكان منهم.,

أنا دخلت أشوف وش القصة., وعينك ماتشوف إلا النور.,

الشباب اللي بعمري واللي أكبر مني بسنتين واللي أصغر., لمين

نصل إلى قروب الخمس سنين مرتزين ع الإم بي سي.,

عاد أنا وأفكّر وأفكّر وأفكّر وش أسوي.,

وأجيك يطول بعمرك وأدخل القهوة وأزين شاهي وأطلع أقهوي

الشيبان ., :)

والله قعدة معهم تسوى الدنيا بحاله.,

خلاصة قولي / أنا مش مع أو ضد المسلسل., ولا مع ولا ضد

اللي يشوفونه., كلن وحريته وميوله,. " ولا تزر وازرة وزر أخرى"

بس اللي مخليني أكتب عن الموضوع الرقابة اللي مفترض تكون على عيالنا

الصعننين,,

لا أكثر.,

والأعمال هذي أخذت أكبر من حجمها بوجهة نظري.,

لأجل كذا., خلاص مارح أتكلم بـ لميس ونور والشباب :)

أتمنى بس إن رسالتي وصلت للي يبي يقتنع .,

بارت أخير/

بإنتظارك أم مناحي,.

/

كل الشكر لتواجدك.,

الله يحفظك.,

أخيّك / طلال.,

,

أعز الناس

20-09-08, 05:35 AM

:regular_s

استمتعت كثيرا
..
وينك منذ مبطي وانا ابحث عن شبيه :regular_s

؟؟

أنا من يوم قريت إن الموضوع له إرتباط بالقهوة
قلت اكيد إن الموضوع بيطلعني من اللي أنا فييه(طفش)
وفعلا قريت ملامحك مع الردود
وماخليت حرف ماقريته

,,
بجد استمتعت
وكانك خلصت من الكتاب ارسله ع البريد لي
لأني تحمست وودي أقراه
واخاف أبحث عنه ومااحصلة زيك

..

نحياااااااااااااااااتي لك يـ( الــشـــــــــــــــــــــــــــــــــــــــــــــ ــــــــــــــــــــــــــــــــــــــايب المثقف)

,,
اختك
(أعز الناس صاحبة أعذب إحساس)

مسافر

22-09-08, 03:30 AM

.
,

فاقد شيء.,

ياخي قلنا شايب ., بس مب شرير.,

<<< ترا بدعي عليك.,

<<< قال مب شرير قال :)

بإنتظارك..

تيك يور تايم :)

/

زينة.,

أفااااااا عليك صاروا كل العالمين أهلي .,

هذي مافيها كلام..,

ههههههههههههه..

,

أعجبتك ليونه أجل., الله يطرح فيها بركته يارب.,

ويسلمك يا أخيتي.,

وحياك الله.,

وشكراً لإطرائك .,

/

طفلة حالمة في هدوء.,

حياك الله أنتِ وأختك., والله يطوّل بعمر جدك ويخليه

لكم.,

وعن سؤالك., أنا آخر سنتين ماني لّم التلفزيون أبد أبد.,

<<< شيبت فعلاً., :)

/

لمووش.,

شفتي إني ذكي هههههههههههههه.,

,

آمين يارب العالمين الله يخليك ويحفظك ويسعدك.,

شوفي أنا عندي فكرة.,

أشتري كتاب الفهيد / أحمد., طيب وعطيه قريبك.,

وقولي له / دوك كتابك.,

وإلا اللي عندك إياني وإياك ترجعينه <<< حسيت عمري شّري :)

/

الله يحفظكم.,

وبس وشكراً.,

,

مسافر

24-09-08, 05:28 AM

.
,

أعز الناس..

أثاري القهوة جايبة العيد مع الكل., :)

تأكدي بأني استمتعت أكثر بقراءتك لملامحي .,

الكتاب ما أظن إني بخلص منه أبد أبد.,

بس مايغلى عليك أشري جديد ويوصل لبريدك., :)

الله يحفظك.,

وبس وشكراً.,

/

مسافر

24-09-08, 06:08 AM

.
,

//ملامح سيرة شايب//

//الجوال , بارت أول.,//

الجهاز /

شايبكم مابقى جهاز بالعالم ماجربّه.., راعين المحلات حفظوا ملامحي.,

مب ملامح الشايب إلا ملامح الشاب العيّار اللي مايعجبه شيء., وكل شيء يطلّع فيه عيب.,

طبعاً خلال مسيرتي مع الجوال., الجهاز الوحيد اللي تنازلت عنه وهو زين ماقصّر ابن الحلال

( n 70 )., وأسباب التنازل عيارة بعد.,

بس لأني ماتحملت 3 أجهزة بالبيت نفس النوع., ويكون جهازي الرابع.,

كله من النحيسين ( تيمون و بومبا ) ومن غيرت جهازي., قعدوا 3 شهور وغيروا

أجهزتهم., أما الجهاز الرابع حق الوالد يطول بعمره ماغيّره., بصراحه هالجهاز أبد ما يقصّر.’,

طبعاً أنا أقصى مده يقعد فيها معي أي جهاز 4 شهور..,

و أنا مضرب المثل بهالشيء "مضرب مثل سيء"طبعاً.,

وشايبكم يفر يفر ويرجع على ( سوني أريكسون ) عشق ذاتي لها لشركة

كُبر عشق ذاته لإيطاليا.., ومازلت أجهل سبب عشق هذا وذاك.,

آخر جهاز شريته رمضان العام., سوني طبعاً., تخيلوا تم سنة معي.,

بحياتي ماصار هالشيء., ومازلت متمسك فيه بسنوني., وياويل أحد يغلط عليه.,

ولا مسميه " حبيب روحي"

هههههههههه وإن طاح سمّيت عليه.. <<< غصب عليّ ترا.., أسميّ لا شعورياً.,

وبعد تمامه السنة., ماعندي إستعداد أغيره أبد., غير عن الحب اللي بيننا,.

صارت بيننا عشرة :)

والعائلة الكريمة يحسبون إني عقلت وتركت تغيير الجوال.,

مادروا "ومن الحب ما عقّل"

برب.,

/

مسافر

24-09-08, 06:10 AM

.
,

// ملامح سيرة شايب., //

// الجوال., بارت ثاني., //

الرقم /

على كثر ما أغيّر أجهزة " سابقاً " ,. بحياتي ما غيّرت رقمي.,

ولاعندي إستعداد مستقبلاً,. عندي وفاء مب طبيعي للأشياء اللي أعزه.,

عاد رقمي أحبه حب غريب جداً.,

يمكن عشان التسعات اللي فيه., مدري يمكن.,

الكام /

غطاء كام الجهاز 24 ساعة مفتوحة., من عشاق التصوير أنا., وعادةً جهازي فيه لقطات نادرة.,

طبعاً أنا أحب يوخذ لي صور على غفلة., عشان كذا ( تيمون و بومبا ) ما يقصرون ., من يشوفوني

منسجم بشيْ أقرأ أو ع النت أو أقحن قهوتي و أهوجس فتحوا كاميرا جهازي وأخذوا لي كم صورة.,

البلوتوث/

إسمي بالبلوتوث "المسافر...

هذا الشيء ما أفتحته إلا لما أستقبل أو أرسل من و إلى أحد أعرفه وبس.,

وأسكره سيده ما أحبه مفتوح بتاتاً.,

برب

,

مسافر

24-09-08, 06:14 AM

.
,

// ملامح سيرة شايب., //

// الجوال ., بارت ثالث., //

معروف عني /

*المس كول أضعاف أضعاف الوارد., لأني لاصرت مغلّق / معصب /

ضايق صدري / فيني نوم وذابحني الأرق ما أرد عشان ما ارتكب جريمة بالمسكين اللي دق.,

*أقدس الرسائل " مب كلها طبعاً " اللي أحسه صادق,. وخصوصاً الرديات اللي بيني وبين

أخوياي و بعض أهلي اللي لهم بالتعبير :)

أحد أجهزتي متحفظ فيه إلى ألحين لأنه يحتوي على 3000 رسالة وكسر.,

"نوكيا.., وإلا غير نوكيا ما يتحمل .,"

*صدى الحالية / الأماكن , فهد المساعد.,

ومستقبلاً لو بغيرها بختار فهد., غير إنه يروق لي إسم الله عليه

هادي بإلقاءه وما يهبل اللي يدق .

*جهازي ما أقفله أبد أبد., إلا لما أكون بوضع "أحتفظ فيه لنفسي".,

فلما يدق أحد الأصدقاء / أفراد العائلة المقربين., ويلاقونه مقفل

يدرون إن العيد عند طليّل جاء., فلازم لازم ألاقي لهم مكالمات عند أهلي يسألون عني.,

وعادةً ماتكون المكالمات على تيمون أو بومبا الحلوين.,

اللي مايعطون علومي لأحد إلا بمقابل شريط سوني.,

" كنهم يدرون عني., "

ماغير يشلخون ويقولون / نايم , يآخذ له شور, ماشحن جواله.,

شلخات على كيف كيفكم بس دامها بمقابل راضين فيها الجميلين.,

برب.,

,

مسافر

24-09-08, 06:18 AM

.
,

// ملامح سيرة شايب., //

// الجوال., بارت أخير., //

موقف لن أنساه., /

يمكن له3 سنوات., أدوخوني حريم وبنات يدقون

بعضهم يقولون " هذا جوال زمزم"

والنص الباقي يقولون " وين أم يزن., "

بصراحه حيل تعبت منهم ومليت من كثر ما أقول غلطانين.,

البلاء مو وحده ولا ثنتين واجد واجد وكل مره رقم., واللي أقوله غلط مايدق مره ثانية.,

ظليت على هالوضع أعتقد حول الثلاث شهور.,

وبيوم كنت قاعد عند خوالي., ويدق رقم غريب., ما رديت.,

دق مره ثانية وأطلع للحوش.,

أنا / هلا.,

بنية / السلام عليكم .,

أنا / وعليكم السلام.,

هي / ممكن أكلم زمزم؟

" أنا مدري الذهانه من وين حلّت وأربط بعقلي زمزم بـ أم يزن.,

مع إني 3 شهورعمري ما ربطت بين هالشخصيتين., "

أنا / تقصدين أم يزن يا أختي ؟

هي / إيه لو سمحت.,

أنا / الله يخليك انا اللي بقولك لو سمحتي إذا توصلتي لأم يزن بيوم من الأيام.,

قولي لها خوياتها ماخلوني أنام., ياليت لو تتصل فيهم وحده وحده وتعطيهم رقمها الصح.,

لا هنتي أوكي مع السلامة.,

هي / هيه لحظه شوي <<< رحمتها وعديّت هيه :)

أنت وش عرفّك إن زمزم هي أم يزن؟

أنا / مجرد ربط لكم هائل طيروا النوم من عيوني أكثر من مره,

لاتنسين يا أختي اللي وصيتك عليه.,

هي / إن شاء الله ., مع السلامة.,

" ومن ذاك اليوم., ماجاني ولا إتصال يطلب زمزم., أقصد أم يزن., "

// هذا علاقة شايبكم ب " حبيب روحه " أتمنى إن مايكون فيها

ثقالة دم., //

// ملامح سيرة شايب , وتقنية الجوال انتهت., ,. //

// الله يسعد قلوبكم., //

أخيّكم / طلال.,

ســـــوار

24-09-08, 06:24 AM

.
.

عوده مع الـ / عذب .. احمد الفهيد ..,

يمتلكـ احساس جدا مرهف ..,

اسلوبه جدا راقي .. يجبد انتقاء الالفاظ ..,

كنت دائما اقرأ له بفواصل ..,

ايضا اسلوبه في التقديم يعجبني كثير << بما اني اتكلم عن احمد يعني :)

/

أما الماضي فتركته لما أتيح من الندم..

والمضارع أتعاطى لحظته بقناعه لا تفنى..

والمستقبل أقذف فيه من الأمل ما أقذف ثم أبدأ رحلة الملاحقة..!!"

فالحياه هكذا تريد لنعيشها بسعاده ..

حقيقه اشكركـ انكـ تطرقت لذكر الكتاب ..,

فلم اعلم به الا من حديثكـ عنه << والعتب يعود لعدم حرصي كثيرا ..

<< تحمست اشتري الكتاب ..

/

المسافر ..,

>> لاعاد تقول ام مناحي بليييييييييييز ماصدقت جارتنا نقلت :)

يعطيكـ العافيه ..,

زيـــنـــة

24-09-08, 06:54 AM

المسافر ههههههههههههههههههههههههههههههه

والله انك شايب صج :) :) :)

بصراحه انا مثلك لاحبيت الشي ما يهون علي اغيره <<<<< منو اسألج :)

بس والله الاجهزه عندي ماتعمر ابد دايم تطيح وقسم باليوم الجهاز يطيح اكثر من مره غير طبعا احيانا يحوشه ماي غير بنت اختي تاخذه تلعب فيه ،، يعني قصه :)

بس انا عندي ان نوكيا افضل شي <<<<<<<< خلي رايج لنفسج :)

عجبني تيمون وبومبا هههههههههههههههههههههه

ذكرتني ( احنا الخنافس فسفس فسافس ) هههههههههههههههههاااااااااااي

ع فكره احبهم خاصه البطه هذا :)

وووووبس وانتهى

تابع وانا كل يوم قاطه هنا واتابع معاك

اخيتك

أعز الناس

24-09-08, 05:45 PM

مساك الله بالخير ...
والله إن سواليفك ماتنمل ..ودي كل يوم عندكم..

:regular_s

هذا كوب قهوة وأنا أختك وخليته منزوعة الدسم والسكر علشان صحتك طال الله لنا بعمرك

http://www4.0zz0.com/2008/09/24/14/605427484.jpg (http://www.0zz0.com)

b!nkdonut

26-09-08, 12:26 AM

^
^
^

اعز انسان تكفين خليه على الاقل بالدسم شايبنا اظن قهوته مره محتاج لنسكافيه من مجاميعواااا

سوني أريكسون

الكل يمدحون فيه إلا انا كان اول جوال لي بس مو شي الله وكيلك بس يصير تحت العبايه يطفي او ينقطع الارسال

غيرته وكاليميرو ما قصر فيه بس ضنتي بعده موجود

"أحتفظ فيه لنفسي".,

قوول والله العظيم وبكسر الهاء ما اعلم :d

سي يا

ســـــوار

04-10-08, 03:46 PM

.
.

باكـ ..,

طبعا بما ان الاجزاء هذي تتكلم عن الجوال ..

وبما انكـ من عشاق سوني اريكسون ..,

جبت لكـ وياي هديه .,

http://www.up-00.com/bzfiles/ECh22675.jpg

:)

بالنسبه للاجهزه .. انا افضل نوكيا

بس اللي يقهرني بنوكيا اشكال الاجهزه ..

تلاقي بسوني اريكسون وسامسونج اشكال الاجهزه مره حلوه

/

بعدين ماشاء الله عليكـ .. الاحظ كثير ناس عندهم هالهوس في تغيير الاجهزه ..,

/

بالنسبه للرقم ..,

امتلكـ نفس الوفااااء لرقمي .,

ابدا ابدا ما افكر اغيره ..,

مع انه تجيني عروض يبون رقمي << مدري شمسلطهم عليه :)

/

يارااااااااااقل اشوا اجل انكـ ماترد وقت ماتكون ضايق ..

تخيل عاد واحد يدق عليكـ ويكون مشتاق لكـ وترد وتاخذه بشراع ومجداف ..,

بيحرم يشتاق لكـ .. : )

بس لازم الواحد يكون عنده كنترول على اعصابه ..

/

بالنسبه لصدى ..,

يسلملي صوت الـ / فهد ..,

تدري حلو يكون عندكـ ناس تقدر اعجابكـ بشاعرية فهد ..,

يعني بنت عمتي حطت صدى قصيده لفهد عشاني .. <<الله يعز شانها

مادري هل هو تقدير والا اغراء لي عشان كل شوي ادق عليها :)

على فكره ..

ترى خطر تتركـ الجهاز مفتوح وانت نايم .. لان الشحنات اللي يرسلها الجوال

تأثر ع المخ <<<مجرد نصيحه : )

/

بارت اخير ..,

وسالفة الازعاج ..,

اعتقد مايخلو رقم من الازعاج ..,

صراحه شحسيت فيه عقب ماسكرت من البنت ..؟ :)

وهي الصراحه وسيعة وجه : ) عقب كل هالتهزيئ وتسأل شعرفكـ بام يزن ؟؟

قاعده اتخيل اشكالكم عقب المكالمه :)

/

بإنتظاركـ ..

:rose:

/

مسافر

10-10-08, 09:21 AM

.,

أم مناحي والعودة حقت أبو تالا :)

أجل نويتي تشترينه., من هنا لأربع سنين إن حصلتيه فأنتي

قدعة.,

أما عن أم مناحي ., أنا هنا جاي أحيي ذكرى جارتكم.,

يعني غير أم مناحي مافيه.,

أسعدني تواجدك.,

/

زينة.,

أجل تحبين الأنمي هذا ؟

أنا ما أواطنه بعيشة الله., أما بس لو أخواني يدرون إني هنا قاضب

سيرتهم .,

كان على لابي السلام.,

كل الشكر لتواجدك.,

الله يحفظكم.,

وبس وشكراً.,

/

مسافر

10-10-08, 09:33 AM

.,

أعز الناس.,

هلا بك يمسيك بالنور وبالصحة والعافية.,

والله حضوركم اللي ماينمل.,

شكراً على الكوب., شربته :)

/

دانكن.,

من مجاميعو إيه والله., بس ما قوى.,

سوني حبيّب., وبعدين وشهي عباتك مدرعة وإلا عازل.,

ووش يدخله أصلاً تحت العباة.,

هههههههههههه

أما عن قووول., أنتي بتهزري يابت.,

/

ســــــــوار << دام هذا آخر رد لي مانيب قايل أم.......

الهوس كان., عقب "حبيب روحي " بطلّت أغير أجهزة.,

,

كنترولي عل أعصابي فـ إني ما أرد., :)

,

يعطيك العافية على النصيحة ., بس دعواتك.,

أتوب :)

,

بعد ماسكرت من البنت تنهدت تنهيدة قوية وأنا مبتسم.,

أسعدني تواجدك كثير.,

,

الله يحفظكم.,

وبس وشكراً.,

/