## اللي يبي هديّة عيد ##

[إبراهيم]

/



السلام عليكم ورحمة الله وبركاته




صباحكم ومساكم وكل شي في اوقات اليوم الزمنيه


عييّل معهم طرطعان اطول منهم

وبنيّات معهن حلاو يكفي لتسليف حلويات باتشي (اتوقع اسمه كذا)






المهم رقم 1


انا إبراهيم محمد الجربوع

ولد رقيّة إبراهيم اللحيدان

اقولكم :




كل عام وانتم بخير


و


عساكم من عوّاده يارب


و


الله يتقبل منّا ومنكم صالح الأعمال يارب



وغير هذا كلّه


جعل كل عيد و"حنّا " اكثر من اللي قبله بروحنا الاخويّه


ادري الواحد يقول ومن الاخير وين الهدايا


الهدايا الهدايا الهدايا


ايه صح

انا مسوي خطه ماتخرش الميّه في سرقة غنائم العيد حقت "بزاريننا "

وانا اوعدكم من خطابي هذا اني راح اقسمها عليكم بالتساوي

وراح تاصلكم بعد كم يوم بالتمام والكمال



الا ثلاثة منهم ماقدر اسويلهم شي ابد

اللي هم المحمّدين ودانه <<في رادع روحي لي :)




المهم رقم 2

حبيت اعايدكم جميعاً واقولكم بعد اني احبكم وانكم مثل اخواني واخواتي

والله يحفظكم يارب









(حُرر هذ الخطاب في فرع مكتبنا الواقع في البدائع )






وبس وشكراً






أخيّكم / ابراهيم
القصيم - البدائع (مؤقتاً) "قحشة تناهيد "

[..مـي..]

./،




طيب اذا جت الهدايا بنرجع نعايدك:kid:















لاصدز..
وعليكم السلام والرحمه...
وانت بصحة وسلامة ياااااربْ..

والله يتقبل منا ومنكم صالح الأعمالْ...


والحمدلله على سلامتك ووصولك البدائع ،،
اجل موب معيّد بالرياض فااااااتك عيدنا
<<-- ايه هين :p


أنا ابي اطلللق هديّة دامي جيت مبكر ،،
حتى لو انها لدانووه :kid:

/كل سنة وانت معنا :)
وكل سنة ومزيونتك بخيرْ....: )






./،

[مسافر]

.
,


وعليكم السلام والرحمة.,


صباحك أحلى إبتسامة يا أخو قلبي.,



أول شيء / الحمد لله على السلامة., وقرّت عينك بالوالدة.,


ثاني شيء / وأنت بخير وبصحه وسلامة وراحة بال يارب.,


ثالث شيء / الحلاو ذاك ما آكله خابرني :)

والطرطعان تراي ذروق ولا أواطنه.,

يعني أبي بديل.,


ولن ولن ولن أتنازل.,



رابع شيء / حبي لي دانة والمحمدين.,

ولينا ياحرام كنه مب من ضمن اللائحة :)


خامس شي / سلم لي على الوالدة وقله يقول لك أبو عبدالله

" عسى الله مايخليك من إبراهيم , ولا يخليه منك" :)


آخر شيء / وبس وشكراً حسيت لها طعم ثاني وأنت بالقصيم., :)




,,,,



أخو قلبي كن قرقتي زايدة,. وكني قاعد أرسل بالحمام الزاجل

وما ودي أنسى شي :).,


,,



الله يحفظك ويسعدك ويريح بالك.,

وعساك ماتشوف بدنيتك ضيقة.,



أخيّك / أبو عبدالله.,


وبس وشكراً.,


وكانت معكم إذاعة صمت السنين واخيّه المسافر........... :)
/

[مخاوي الاحزان]

كل عام وانت بخير

.

[إبراهيم]

/



مي


شوفي ياوخيّتي قايلكم قبل الا المحمدين و دانه

<<وتراني ابمشيها لك يوم تقولين دانوه هههههههه


بس وصولك اولاً راح تكون الهديّة عليها الكلام

<مو قبل شوي تقول تقسيم بالتساوي

الله يسلمك يارب ويطول بعمرك

واللهم امين ويخلي لك كل غالي على قلبك يارب




اخو قلبي


وبس ؟ ؟ تبي غير هالهدايا ؟؟



ماطلبت شي شي ياخو قلبي

(نعنبو ابليسك) اعطيك قلبي انا

كم عندي انا طلال بهالدنيا وبلشان فيه ههههههههههههههه << كنّه قلب عليك


ابشر اببوسلك المحمّدين ودانه

اما لينا فـ ماعليش

عندك لينا وسما ذولي اكثر ثنتين يدخلن القائمة السودا عندي

ويزعجن وغير هذا

بنات الذينا ينجحن بالسنه الف مره كل ماشافنن يقولنلي ترانا نجحنا


يعني تلاعب وخداع في ميزانيتي :)


<< انواع البخل


وابشر بوصل ماقلته للوالده وابقولها هذا من اخو قلبي اسمه طلال العبدالله

ويحب اني اقوله ابو عبدالله << مو كنّي يبيلي ضرب ياطلال علشان اتأدب

وابشر بقولها دعائك ياخيي


اما القصيم (تناهيد كثيره) خلها بالقلب ايوالله خلها بالقلب ازين :)


الله يسلمك ويسعدك ويخليك لكل مغلينك وغالينك




مخاوي

وانت بخير ياخيي :)



وبس وشكراً

[منوةالبحـار]

وأنت بخير وصحه وسلامه


قرت عينك بشوفة الغاليه

^

^

^

:)

أبد ماجيت أدور العيديه

أقول ابراهيم ترا أنا يمك قريبه

مابي الا حلاو باتشي:)

جراغي أخاف منها:no:

لاتكلف على روحك ههههههههههههه

مصدقه عمرها تأمر

الله يخليلك أمك يارب

وتقبل الله منا ومنكم صالح الاعمال
.
.

أختك منوةالبحــار

[غموض إحساس]

وعليكم السلام والرحمة

صباحك / مساك .. عجيّز توزّع ريالات عند باب المسجد صبحية العيد :)

وكل عام وأنت بصحة وسلامة

والله يتقبل من الجميع صالح الأعمال


..


والحمد لله على سلامة الوصول

وقرة عينك بشوفة الوالدة .. الله يخليها لك :)




* ( لا تنسى تراك وعدتنا بالعيدية .. عاد ابلش )



وكل عام والجميع بخير

:)

[علي مكحول]

-

*

\
ابراهيم
من العايدين ..

و الله يجمعكم .. دايم بالخير ..

لا هنت
-

*

\

دمت بحب
علي مكحول

[روح طفله]

.


وعليكم السلاام ورحمة الله وبركاته

كل عاام وانت بصحه وسلاامه ياارب


انا ابي شرووخ عندكم ضض ؟


ان شاءلله ياارب تنقل للقصيم
قوول آميين : )

أيامك أعيااد ..

[همسة]

وعليكم السلام ورحمة الله وبركاته


ابراهيم


وانت بصحه وسلامه يارب


شكراً :)

[ورود منثوره]

وأنت بخير وصحه وسلامه


قرت عينك بشوفة الغاليه



وكل عام وانت بخير

[( وعيد )]

البدايع البدايع كل شي فيها رايع

هاه وش رايك فيني ابدا اطلب ضض

حنا بنلحقك اليوم انا وسماا خل مزيونتك تجهز لنا شروط العيد

سما كتكاتات وانا حلاااو الوووووان الون شي بس طعهمن حلوو موب تغش تجيب من الرخيص

والا حلاو حلقوم ترى مااحبه : \


والبزارين خلهم علي

دبارتهم عندي <<خبره تشليح حلويات من كافه الاعمار هههههههههههه

كل سنه وانت طيب ياعم الحاق


وبس وخلاص ==

[إبراهيم]

/





منوة البحار


بشوفة نبيّك يارب

ابد خلاص تم

تم تسجيل اسمك بالقائمة حقت الغنائم :)






غموض احساس

الله يسلمك من كل شر يارب

تسلمين يا " عجيّزنا " :)

ابد ابشري بالهديّة بس خليها تنجح الخطة






ابونواف

الله يسلمك

والله يخشرك من دعواك يارب






روح طفله

خلاص تم تسجيل طلبك

وسوف نقوم بأرساله دستة شروخه لك بعد نجاح الخطه :)

اللهم امين الله يسمع منك ياوخيّتي







همسة

عفواً

ومشكورة على مرورك ياوخيّتي








ورود منثورة

بشوفة نبيّك يارب

تسلمين على المرور ياوخيّتي




الواعده

تصلحين مقدمة برامج خصوصاُ مع البنيّات اللي يلبسن فساتين بيض

ويبدن يروحن يمين ويسار ويحرّكن يدينهن

تنور القصيم ولله

ومزيونتي لي لحالي مابي احد يجي لمها وتشرطله بس تشرطلي انا

انتم حقكم بعد ماتنجح الخطة

بس مافيه كتكات ولا حلاو الوان

مافيه الا باتشي وطرطعان

ولا ارسلك البزراين الا الثلاثة المذكورين اعلاه وانت دبريهم

او تنتظرون اجي للرياض

واجيبلكم على دربي ريكو

< يبي ينجلد :)







وبس وشكراً

[نـــغــّـــم]

كل عام وانت بخير

والله يخليك مامتك يارب

امممممممم

كويس رحت ع البدايع>>>اول مره اسمع عنها

عشان ماتضيع في شوارع الرياض

ويصير العيد عيدين ههههههههههه

وماحدا يعايدك ولاتاكل حلاوة وشكولا

المهم انتظر العيديه:)

يمكن تكون مختلفه


ابراهيم
يعطيك العافيه

:)

[غباش !]

وأنت بـ صحه وسلآمه يارب ..
وتقر عينك بـ شوفة مزيونتك ..

صراحه يا "بيبيم" .. :)

أول ماشفت موضوعك قلت شكله مايباعد موضوع الواعده اللي حطته بــ ظهر ابو نوره وسافرت وحنا ماشفنا شيء ..

بس من شفت ردودك حسيتك من جد بــ تعايدنا بــ شيء عليه القيمه << إيه هين http://www7.0zz0.com/2008/09/29/18/511764552.gif (http://www.0zz0.com)

عشان كذا بــ أقولك : (كل عيد وأنت في البدايع يارب) .. :)


وترى شف حركات الدلع ذي ماأحبه حلاو باتشي ماحلاو باتشي ..
جب لنا (مضير و نيدو) الله لايهينك .. http://www7.0zz0.com/2008/09/29/18/511764552.gif (http://www.0zz0.com)

<< لاتستغرب هي وبنت الآجواد قاشينهم من خيمه وحده http://www7.0zz0.com/2008/09/29/18/511764552.gif (http://www.0zz0.com)


وأيامك كلها أعياد يا رب ..

[ما فادنا كثر الاحلام]

/


كل عام وأنت

<< تقول لك الباقي إذا جبت العيدية :p

/

لا لا جد جد ..

كل عام وأنت و(رقية اللحيدان) قصدي أمك والقصيم بخير وعافية

والله يتقبل منكم ..

/

وو .. أبي العيدية :p

[تفاصـيـل]

وعليكم السلام ورحمة الله وبركاته


كل عام وأنت بخير .. :)

[نزف !]

كل عام وانت و والدتنا بألف خير يارب :)

بس عندي سؤال





وشو طرطعان :(


:rose:

[ســـــوار]

.
.

وعليكم السلام والرحمه ..,


كل عام وانت بخير .. وينعاد عليكـ وع الجميع بالخير والمسرات ..,




ودام على قولتكـ لينا وسما في القائمه السوداء .. لاتخلي هديه من هداياهم الا جايبها


<<< وش تبين


<< تمصلح ماتبي تجيب طاري دانوه قصدي دنون :)




/


ربي يسعدكـ ويسعد الوالده بشوفتكـ ..,




/




وكل عام وآل مساعد بخير وصحه وسلامه ..,







:rose:

[عبدالعزيز بن بدر]

عليكم آلسلآم و رحمة آلله و بركآته



آبرآهيم



كـل عآم و انت بصحة ..



الحمد الله على سلآمتك و قرت عينك بشوف آلوالدهـ - الله يطول بعمرهآ -



..




من العايدين

[إبراهيم]

/





أخواني واخواتي



أنّي اتحدث اليكم وانا يغمرني الخجل منكم

بـ بـ

بـ بـ

بسبب ان الخطة فشلت<< كتبها بسرعه


ولله من صبح العيد وانا كل علبه القاها اخذها واوديه للمقلط

وخذ يا ابراهيم وود للمقلط

ولا حد درى

ويوم جا المغرب جت حدى خواتي معها هاك العلبه الفاخره من باتشي

انا طمعت واخذتها وما امدان واصل للمقلط

الا و خلفي جيش لايرد ابداً ابداً (روحياً)

الا وهوا

الرباعي

مزيونتي و ومحمد السليمان ومحمد الابراهيم ودانه

ودخلو الغرفه وشافو البلاوي المتلته اللي كنت بصورها لكم

وش تتوقعون سوو

تتوقعون بيقولون حلالك

لا ههههههههه لا ابد ابد

اخذو نصيبهم تحت مرأى من مزيونتي وروحي قبل ولا اكتفو

راحت اميمتي ونادت باقي البزارين وعلى رأسهم لينا وسما

<< ترا مافكر يروح للمطبخ ياخذ سكين خضره

وراحن الحلاو ولا بعد

اخذتلي علقة محترمه من هالجيش البزاريني وامي توجههم من شرقي الى غربي الى شمالي الى جنوبي


وطلعت خالي الوفاض وتشوفوني ماطبيت المنتدى من يوم العيد الا اليوم

رحت لاجئ عند استراحة الريكو اللي بعد لهم ثار عندي

يعني عيدي مو عيدين الا كرتون اعياد






بس ان شاء الله العيد الجاي ابسرق الخروف وابهديه لكم

واذا قالو شي ابقولهم تبرو مني

<< يبونها من الله






لا صدق عاد


شكرا لكم وتقر عيونكم بشوفة النبي صلى الله عليه وسلم :)







وبس وشكراً





(حُرر هذا الخطاب من المستودع حق البيت بسب الظروف السياسيه المظطربه )



اخيّكم / إبراهيم

القصيم - البدائع (مؤقتاً)

<< يردد بكرا السفر (بس تراني مامليت ولله مامليت ) (شحنة تناهيد )

[فهد الزغيبي]

والله ياصديقي

اني مادري وش تبي

بس جيت ابغى عيديتي ...

وترى البدايع بتنوّر اليوم لأني ابمر فيها :)

تشوّف لك سوناتا بحري / فضي

على فكرة

البارح وأنا رايح للرس ومعي اخوي الصغير

يوم مرينا على البدايع

كل شوي جالس يعد ويقول


1 ، 2 ، 3 ..6 ..7 ..14 ..الخ

طلع بالأخير يعد النوافير اللي عندكم


وسلامتكم ..

[حَياة]

::


والله اني متوقعه أنها بتصفى على ريكو ..
هذا كانه بقى شي

من سمعت باتشي وانا مارجيت خير ..!!

أخاف بس انه باتشي [ غندور ] :p



::


ابراهيم .. انا ماتحركت من مكاني انتظر عيديتي انا والواعده ..
لاتطول علينا :D

<< مقرره تكلم دانه بعد ماصارت صديقتها للطوارئ اللي زي كذا :p

[b!nkdonut]

كل عام وانت بصحه وسلامه وقرت عينك باميمتك

مو مشكله نستنى خريف العيد :d

بس اب قولك شغله

انا من قبل كل ما تقول مزيونتي وانامدري من هي؟؟؟؟واقول ياربي من تطلع مزيونته من هي بالضبط

وبعدين يوم قريت اسمها بعد ني ما استوعبت فرحت سويت بحث في قوقل يوم ما شفت

شي عرفت انها اميمتك

خخخخخخخخ<<<< قمت ابو خامس التناحه ههههههههههه

الله يسلمها ويخليها لك ولكم

:)

[حــــور]

هلا ابراهيم

كل عام وانت بصحه وسلامه

عموما العيديه ونحتريها وش ورانا عادي :)

بس عجل علينا

ويمدحون الريكو هماه عيديه بس

و تسلللم اخوي ماتقصر

[إبراهيم]

/



فهودي احلى واحد سعودي :)


طيب ليش ماحطيت خبر انك بتمر البدائع اقل شئ نتقهوى معك

بس الشكوى لله ماتبينا شكلك

النوافير والدوارات اكثر شي في مدينتي الجميله




سماء

اجل كنتي شاكه انها ماوراي انا وخشتي الا ريكو ويخب بعد

<< اجل مسوي فيها وتتميلح وتقول باتشي بعد مالت عليك

خلاص لاتتحركين لين اجيب العيدية حقت عيد الضحيه :)




البينك دونت
طيب ياوخيتي كان سألتيني واقولك بدل ماتتعبين روحك
الله يسلمك ويخليك يارب





حور
خلاص ياوخيتي انتظري ترا ماباقي الا شهرين واجيبلكم الخروف بس ترا خروف واحد لكم كلكم

مو تقولون كل واحد خروف مو شركة مواشي انا

واذا تبين ريكو ابد ابشري بأي وقت تبين علميني

<< انبسط لقى احد غيره ياكل ريكو


( وجه يناظر سما ويقول خليك على كتكاتك )






الله يحفظكم



وبس وشكراً

[( وعيد )]

\


http://www.alraidiah.org/up/up/22312197920081004.bmp


قصدك زي هذولي صح اطلق شي عندي بالحياه هذا الشي ههههههههههههه

اقول شي ولااحد يضحك انا ناجحه من ثاني لثالث متوسط مسوين حفله نجاح باستراحه واغرد

زي هذولي انا ناجحه ياماما انا ناجحه يابا وهذي الشهاده شوفوا مااحلاها

قدام الله وخلقه ههههههههههههه ابزر شي كنت بس كبرت شوي ترى اغرد موب جماعي لحالي بس

مع خواتي بالحوش

ابي ابي ابراهيم حطنا نغني بس انا الرئيسه هم يعيدون وراي << ثقه الصوت

\


سما تدور كلنااااا نحب القصيييييييم كلناا نحب القصيييييم مالقتها وقاعده ادور معها يارب نلقاه

والحلااو خييير موب كيفك اصلا مااحب باتشي عادي حلاو مصاص غندور والله

والا داناو اي اي شي الا ريكو : \

[إبراهيم]

/





ههههههههههههههههههههه


ابد عليك نور هذولي اللي اقصد انك مثلهن

اجل بابا وماما ؟؟

متأكده مو يوه ويبه ؟ ؟



خلاص اللي تشوفينه صيري الرئيسه واختاري الكورس قصدي المنشدات اللي يرددن


اما الانشوده مادري ماكنت مولود ذاك الوقت << ترا مايقصد انهن عجز


ولله اني مغبيهن بالمقلط بس صار اللي صار

بس اشوفك كنك كنك تقصدين شي بداناو ؟ ؟ قولي دانه احسن

رجاء الزمي حدودك ولا قدمي استقالتك من فرقة الانشاد وابخلي كل الفرقة كلها عيال




وبس وشكراً

[( وعيد )]

\

ماما وبابا ماخذيهن من اطفال المدينه وش نسوي بس يجون كل يوم كل يوم هههههههههههه

اتذكر هايدي مره بالمدرسه تنادي امي تقول يوه هاشته مدرسه صديقه امي قالت لاعاد اسمعتس

تقولين يوه قولي استاذه لطيفه تخيل ننادي امي كذا ههههههههههههههه


لا داناو حق دعاية (مافي دانااااو )

دانتك مزاعلتها مايكفي ماكلتن حلاونا بعد بعد

والعيال جبهم لي مايعلمهم السنع غيري ==


وووبس وخلااص صايمين لاتنادينا وترجع تجيب طاري الشسمه ضض

[إبراهيم]

/




هههههههههههههههههههههه


ولله اني داري

قصمنجيات ويقولن ماما وبابا ماتجي ابد ابد


انا اول مابديت اهرج قلت لأمي ماما صبختني بالمركا وقالت هذي خشتك وتقول ماما




الله يتقبل منك يارب ومن كل صايم



وانا بعد


بس وشكراً (مدتها طريق القصيم الرياض)



هنا اخر شي يكتب وانا بالقصيم (تريلة تناهيد)



<< يقول اللي عنده سلف واحد يسلفني اياه لين اصل الرياض




مع السلامة والله يحفظكم جميعاً يارب

[▌ ▒♥الــــرـريــم▌ ▒♥]

انا ابي هديه ما بعد العيد لانه خلص على ما اعتقد هع هع

عاااااااد اكيد بااااااقي من الغناااائم شي(ن) تسـثير <<كنها عجوز مضيعه بيتهم

ابراهيم الجربوووع=سبيعي صح؟؟...
<<يقالها ذكيه الحين

يعني اذكرنا بكم هديه يا ولد العم <<تقردن

وثانكس عالموووضوووع الختتتتييييير ولا تنسى تسلملي على دنوو <<يقالها تدلعها الحين
والمحمدين لا تنساهم ^_*

[إبراهيم]

/



الريم


هلابك ياوخيتي


نشوفلك اذا باقي شي من الريكو ولا من فصفص الطريق امس

<< ولله من البخل ههههههههههه


رجاء ابتعدي عن هالثلاثه هذولي لي انا بس رجاء




شكراً لمرورك ياوخيّتي



وبس وشكراً

[▌ ▒♥الــــرـريــم▌ ▒♥]

مسويتلي ساااااالفهـ واقردن من الصبح وآخرتها طلع الاخ بخييييييييل هع هع

حووووومت كبدي يا اخوي الفاضل
ريكووو عااااد ... !! ((مدري شلوون كنت اكله وانا بزر))

والفصفص اموووووت عليه بس "فصفص الطريق" هع هع
يعني لازم تخربها و تقول الطريق ... ؟؟ <<طراره وتتشرط

[جمانة عبدالعزيز]

وعليكم السلام والرحمه
,

والنعم فيك يا ابراهيم يا ولد رقية اللحيدان :icon_cool
,

وانت بخير ورضا ويارب يخلي لك الماما والناس اللي تحبهم كلهم:cheezy:

,

وشسمه .. ترا ما يعني اذا صار فيه هجوم على املاكك اللي مجمعها واللي هي المفروض تكون عيديات للي هوني , انه ما يصلح تجيب انت حلاوة العيد

وبعدين يقولون . ريكو ولو جبر خاطر ولا كتكات من بعيد <<<< على وزن ذيك الأغنيه:cheezy:

المهم ترانا محنب راضين الا اذا جبت لنا <<<< أحد سأل عن رضاتس .. اقرب جدار :beatup:

وشسمه هالمره انا عني بسامحك بس لا عاد تعودها والمره الثانيه خذ احتياطاتك الأمنيه على عيدياتنا:bruce_h4h .

,

مع السلامه

[لون الغيم]

ابراهيم
وعليكم السلام والرحمه

قرت عينك بشوف غاليتك وسلم عليها

بس وش ذا البخل ماهقيتها يابرهووم >> مسويه تمون

والعيديه ماراح نتنازل عنها ابد درو لنا غير الريكو>> إنت اللي جبته لعمرك

بس انا مستعده اتنازل بشرط تجيب لي حلاو مصااااااص بالكرز تراي اموت عليه

لكـ ودي

لون الغيم