°oOسالفــة عشــاقOo°
08-06-05, 08:36 AM
كان بالحديقة ورده.. وكانت امي مبلشتنا عليه.. انتبهوا للورده.. لاتكسرون الورده.. لاتلمسون الورده..
ايه وكان ماشي الحال يعني.. واذكر ان الكوره كلما "شتلت" الورده وهزته طلعت ريحتن زينه.. همن نتذكر امي وبنفس الوقت نتذكر حبه لوردته ونتناظر.. ونستمر بلعبنا.. وتستمر الورده تقل تناظرنا وتضحك.. حتى لو هي متقطعه ومحيوسه.. حيه وتضحك..
وبيوم... وبيووووووووم.. جونا اقاربن لنا "متمدنين".. عيالهم ياكلون "بالشوكه والسكين".. ولا يعاطسون ولا يكحون ولا يروحون للحمام حتى.. ويعرفون بكل شي.. وحتى ولدهم الصغير يعرف "انقلينزي"..
المهم.. انتشروا بالبيت كلن يدور له شين يشغله.. وحنا بس نلاحقهم ونناظرهم مبتهرين... واكثرهم مالقى شين يصلح له لان ماعندنا لا كتب ولا تلفزيون ولا شي.. ماعندنا الا اوادم.. وورد...
المهم الولد الصغير اللي يعرف "انقلينزي" شاف الورده.. مع انه حاولت تغبى اول ماهنا.. لكنه لقاه.. وجا يبي يقطعه يلعب به.. ومير نلحقه بسرعه ونمسكه عنه.. قلنا له وردة اميمتنا ماتبي احدن يجيه.. زعل وضربه.. ومير تطلع ريحتن زينه.. مثل عادته.. كل ماضربت صاحت ودموعه طيب..
عرف سر الريحة الزينه وبتل يتغيفلنا ويضربه علشان تجيه الريحة الزينه.. ومير نكتشفه ونمسكه: ياخي لا تضرب وردتنا هي قايلتن لك شي؟.. قال ابي الريحه.. قلنا له ولا فكرت انه تألم؟.. قال مهيب آدمي علشان تألم.. قلنا له الا شف..
فتحي ياورده.. ومير تفتح..
سكري ياورده.. ومير تسكر..
ومير اشوى يقتنع.. وفرحت الورده شوي.. لكنه حقد.. ونوى الشر.. وشوي ومير يقول: طيب الآدمي اذا اخطأ مايعاقب؟ احترنا وقلنا ماندري.. قال الا مافيه الثواب والعقاب؟.. اذا سوينا شي خطأ نتعاقب عليه؟.. قلنا ايه نبي نفتك.. ومير يستبشر وجهه ويتجه للورده..
فتحي ياورده.. ومير تفتح..
سكري ياورده.. ومير تسكر..
فت.. سكري ياورده.. ومير تفتح وقبل تدارك تغليطه له جاه ذاك الكف اللي طير نص اوراقه.. ومسكت روحه لاتصيح علشان ماتبي يجيه ريحته الزينه.. لكن طلعت غصب وتعبرت غصب.. وواصل تغليطه له..
سكر..فتح..سك.. ياورده.. وتفتح ويلقطه بذاك الكف الثاني اللي اعماه.. وهالريحة انتشرت وملت البيت.. ووصلت الجيران والحارة كله.. وهو يغلط ويصك كفوف.. والريحة الزينه كلماله تكبر وتزيد والروح كلما له بذبول.. وحنا بس واقفينن نتفرج.. وهو متلذذ.. ووش نقول له.. احدن يقدر يقول شي؟؟.. ماهي غلطانه برضه.. والا لا؟؟؟....
كاتبها : عبـــدون
ايه وكان ماشي الحال يعني.. واذكر ان الكوره كلما "شتلت" الورده وهزته طلعت ريحتن زينه.. همن نتذكر امي وبنفس الوقت نتذكر حبه لوردته ونتناظر.. ونستمر بلعبنا.. وتستمر الورده تقل تناظرنا وتضحك.. حتى لو هي متقطعه ومحيوسه.. حيه وتضحك..
وبيوم... وبيووووووووم.. جونا اقاربن لنا "متمدنين".. عيالهم ياكلون "بالشوكه والسكين".. ولا يعاطسون ولا يكحون ولا يروحون للحمام حتى.. ويعرفون بكل شي.. وحتى ولدهم الصغير يعرف "انقلينزي"..
المهم.. انتشروا بالبيت كلن يدور له شين يشغله.. وحنا بس نلاحقهم ونناظرهم مبتهرين... واكثرهم مالقى شين يصلح له لان ماعندنا لا كتب ولا تلفزيون ولا شي.. ماعندنا الا اوادم.. وورد...
المهم الولد الصغير اللي يعرف "انقلينزي" شاف الورده.. مع انه حاولت تغبى اول ماهنا.. لكنه لقاه.. وجا يبي يقطعه يلعب به.. ومير نلحقه بسرعه ونمسكه عنه.. قلنا له وردة اميمتنا ماتبي احدن يجيه.. زعل وضربه.. ومير تطلع ريحتن زينه.. مثل عادته.. كل ماضربت صاحت ودموعه طيب..
عرف سر الريحة الزينه وبتل يتغيفلنا ويضربه علشان تجيه الريحة الزينه.. ومير نكتشفه ونمسكه: ياخي لا تضرب وردتنا هي قايلتن لك شي؟.. قال ابي الريحه.. قلنا له ولا فكرت انه تألم؟.. قال مهيب آدمي علشان تألم.. قلنا له الا شف..
فتحي ياورده.. ومير تفتح..
سكري ياورده.. ومير تسكر..
ومير اشوى يقتنع.. وفرحت الورده شوي.. لكنه حقد.. ونوى الشر.. وشوي ومير يقول: طيب الآدمي اذا اخطأ مايعاقب؟ احترنا وقلنا ماندري.. قال الا مافيه الثواب والعقاب؟.. اذا سوينا شي خطأ نتعاقب عليه؟.. قلنا ايه نبي نفتك.. ومير يستبشر وجهه ويتجه للورده..
فتحي ياورده.. ومير تفتح..
سكري ياورده.. ومير تسكر..
فت.. سكري ياورده.. ومير تفتح وقبل تدارك تغليطه له جاه ذاك الكف اللي طير نص اوراقه.. ومسكت روحه لاتصيح علشان ماتبي يجيه ريحته الزينه.. لكن طلعت غصب وتعبرت غصب.. وواصل تغليطه له..
سكر..فتح..سك.. ياورده.. وتفتح ويلقطه بذاك الكف الثاني اللي اعماه.. وهالريحة انتشرت وملت البيت.. ووصلت الجيران والحارة كله.. وهو يغلط ويصك كفوف.. والريحة الزينه كلماله تكبر وتزيد والروح كلما له بذبول.. وحنا بس واقفينن نتفرج.. وهو متلذذ.. ووش نقول له.. احدن يقدر يقول شي؟؟.. ماهي غلطانه برضه.. والا لا؟؟؟....
كاتبها : عبـــدون