--+-- يــمــه...يــبــه....نجــحـــت--+--

[الساهر الوحيد]

http://www.al-wed.com/pic/2123.gif

السلام عليكم ورحمة الله وبركاته

أضع بين أيديكم اليوم..قصة..بلـ قصتي

آملاً أن تحوز على رضاكم

الشخصيّات

أنا = حمد

عبدالله = خويي ورفيق دربي

عبده = واحد أسود...شرير

الوالد _ الوالدة _ الشرطي _ بنت عمي _ صديقة بنت عمي

http://www.al-wed.com/pic-vb/3.gif

في عام 1415هـ

(( الكل فرحان بمناسبة دخول أول سنة في الدراسه ))

أنا : يمه .. متى تجي المدرسة .. والله مشتاق الها حيل.

الوالدة : خلاص مابقى إلا اسبوع وتدخل المدرسة... وتفكنا من صجتك

(( أول يوم من الدراسه ))

أنا : يبه مااابي ادخل المدرسه.

الوالد : أقول انزل من السيارة .. وادخل المدرسة

أنا : انشالله

دخلت الفصل وقلبي طايح بين رجولي...أشوف الكل يضحك...ويطالعوني من طرف عين

على أمل يشوفوني أبكي

عبده : يطالع فيني ... بنظرات حاقده.. ويحط ايدينه على حلقه..ويقولي .. بذبحك

أنا : بديت أخاف أكثر وأكثر

الوالد : طلع من الفصل

أنا : يبه وين رايح .... لاتتركني

الوالد : لاخلاص انا بروح ..وأنت أقعد مع زملائك

أنا : ((بديت أبكي))...لا ماأبي...أبي أروح بيتنا

الاستاذ : تعال حبيبي... وأقلس على ماستك

أنا : ((أبكي)) لا ماأبي... ابي أبوي

الاستاذ : (( عصب ))...ماخلاص بئه...كفايه تعيط...اقلس على ماستك

أنا : خفت .. لأن كان معاه عصا... وجلست

(( الفســحــــة))

أنا : قاعد لوحدي عند البراده ...أنتظر ينتهي الدوام

عبدالله : خذ أمسك...((خبز بالزعتر))

أنا : خذيتها لاني كنت جوعان...وطول الدوام قاعد أبكي وماكليت شي...وأكلنا وتعرفنا على بعض

(( نــــهـــاية الدراسة))

أنا : إستلمت النتيجه ... والحمدلله نجحت

وجيت راكض من المدرسه...وفرحتي ماتنوصف

دخلت البيت وأنا أصيح....يمه يبه...نجحت

الوالدة : مبروك حبيبي...وأخذتني بأحضانها.. وباستني

أنا : يبه نجحت .. أبي سيكل مثل حق محمد ولد جيراننا

الوالد : طلع من البيت...ولاكأني قلت شي

الوالدة : ((تحاول تغير الموضوع))...عفيا عليك...ابيك تصير أحسن من بنت عمكـ

أنا : رحت غرفتي...وقفلت علي

في 1416هـ ثاني إبتدائي

http://www.al-wed.com/pic/5427.gif

(( نهاية الدراسة))

أنا وعبدالله : رحنا للمدرسة مشي...(( مدرسة سعيد بن العاص قريبة من بيتنا ))

أستلمنا النتايج

أنا : عبدالله نجحت وبشهادة تفوق

عبدالله: ههههههه... وانا بعد...غريبه

أنا : وصلت للبيت...وكالعادة أقول ::: يبه يمه .. نجحت وبشهادة تفوق

الوالدة : الف الف الف مبروك.... اي هذا حمد اللي أعرفه...أبيك تكون أحسن من بنت عمكـ

(( الوالدة تبيني اصير احسن من بنت عمي.... نظرا لأن الوالد كان يفضلها علي ويمدح فيها ))

أنا : هههههه... يمه وين أبوي

الوالدة : أبوك مسافر

أنا : يعني ماراح يشوف شهادة التفوق

الوالدة : أكيد حبيبي بيشوفها ... وأنا الحين راح أبروزها.. وأخليها بالصاله

أنا : رحت قفلت علي غرفتي

[الساهر الوحيد]

http://www.3eon.com/picvb/51.gif http://www.3eon.com/picvb/51.gif

في عام 1419هـ خامس ابتدائي

أنا : نجحت الحمدلله... بس جبت في القواعد... مقبول

عبدالله : اخيرا افتكينا من خامس وبلاويها... بجد صعبه..وخاصه القواعد

أنا : معاك حق عبدالله...لكن الحمدلله... عّدت على خير

عبدالله: الحمدلله

عبدالله : حمد... شرايك نتسابق للبيت

أنا : زين...يله خلك جنبي.. عشان ماتغش يالمجرم

عبدالله: هههههه.. يله 1 _ 2 _ 3

أنا : هههههههه... مسكين ماتقدر تسبقني

عبدالله : حمد...حمد...انتبه

أنا : إستغربت منه...وقلت..أكيد قاعد يقص علي.. عشان يسبقني

عبدالله : حمد انتبه سياره

أنا : طالعت قدامي...ومادريت إلا وانا بآخر الشارع الثاني

عبدالله : راح للبيت ركض

الوالده : شفيك عبدالله؟؟

عبدالله : (( مايقدر يتكلم من التعب ))...خالتي...حمد...حمد

الوالدة : حمد!! .. شفيه حمد...تكلم ياعبدالله خرعتني

عبدالله : حمد صدمته سيارة

الوالدة : وي وي على ولدي...ودمعاتها تذرف

الوالدة : وينه فيه؟؟

عبدالله : عند المسيرة

أنا : خذوني الاسعاف...وودوني المستشفى المركزي

الوالد : دخل الغرفة : ويقول:: يله حمد نمشي البيت

أنا : طيب شيلوني ...وإلا جيبولي عربيه...ماأقدر أمشي

الوالد : يله امش...مافيك إلا العافية

أنا : نزلت من الكرسي...وماحسيت برجولي..إلى وانا طايح

الوالد : حمد...امش فضحتنا.. ياأبو مقبول

أنا : إنشالله

أنا : أتذكر وأنا أمشي..أشوف الواحد ثنين...ودايخ...ومن قوة الدوخه

صفقت ببطن عامل التنظيف ... وإلى الحين أتذكره

وصلنا البيت...ورحت غرفتي

وبعد 10 دقايق...دق الباب

راح الوالد وفتح الباب...ولقاها الشرطه

الشرطي : السلام عليكم

الوالد : وعليكم السلام

الشرطي : حنا عرفنا عن سالفة ولدك...والصادم معانا

الوالد : طيب وبعدين

الشرطي : ممكن نشوف ولدك ؟

الوالد : طيب لحظة....حمد....حمد تعال

أنا : انشالله يبه

الشرطي : هلا بالبطل...وش إسمك ؟؟

أنا : حمد

الشرطي : هلا حمودي... كيفك الحين ؟؟

أنا : الحمدلله أحسن

الشرطي : قام شلني..وقالي :: نجحت؟؟

أنا : اي نجحت الحمدلله

الشرطي : مبروك...قام طلع من محفظته 50 ريال

الشرطي : هذي هديتي لك

أنا : فرحتي ماتنوصف ... لأني لقيت أحد يباركلي .. و فرحان للهديه

لأن المبلغ كبير.. وأنا صغير

وبنفس الوقت ضاق خلقي...لأن أبوي ماباركلي

الشرطي : حمد شفيك ؟؟ الهديه ماعجبتك؟؟

أنا : لالالا عجبتني...شكرا عالهديه

الشرطي : بإبتسامة...تستاهل حمودي

[الساهر الوحيد]

http://www.al-wed.com/pic-vb/124.gif

في عام 1423هـ

تسليم النتائج

عبدالله : الحمدلله خلصنا الاختبارات أخيراً

أنا : الحمدلله

وأنا سرحــان

عبدالله : حمد...حمد...ألحق روحك

أنا : نعم شتبي

عبدالله : إسمك طلع من العشرة الأوائل

أنا : ترى مو فاضيلك

عبدالله : الظاهر ماينفع معاك إلا كذا...قام دفني للمسرح

أنا : مع دوجة تسليم النتائج والجوائز....شفت المدير يبتسم لي

أنا : قلت لروحي.. والله عبدالله ..من جده قاعد يتكلم...غريبه

رحت إستلمت النتيجه والجائزة

وحنا طالعين

عبدالله : أقول حمد

أنا : هلا

عبدالله : شرايك نترك السيارة ونتسابق ركض

أنا : عرفت انه قاعد يتطنز علي...عشان أسوي حادث مرة ثانيه

قمت رميت الشماغ عليه

عبدالله : هههههههه....ياخي حلو شكلك وانت طاير من فوق الشجر اللي بين الشارعين

أنا : هههههههه الله يرجكـ

عبدالله : هههههههههه

أنا : إبتسمت له وقلت...بمناسبة إنك أول مرة تبشرني ببشارة حلوه

وماسويت علي مقلب...عازمك على قوطي ببسي من السوفيه ((التميمي))

عبدالله : قوطي ببسي يالنذل

أنا : هههههههه...خلاص ولا يهمك...كيكه...وقوطي ببسي

يله إحمد ربك...صارت 3 ريال

عبدالله : هههههههه خلاص موافق

أنا : هههههه غصبن عليكـ توافق

وحنا راجعين للبيت

خطرت ببالي فكره...اني اسوي بالوالدة...مقلب

أنا : دخلت .. ومنزل راسي

الوالدة : هاه حمد...بشر...نجحت ؟؟

انا : لا

الوالدة : قلبها طاح... والحسره.. بانت بوجهها

أنا : ((خفت عليها))...ههههه...اي نجحت يمه...نجحت

الوالدة : (( رجعت الابتسامة))...ههههه...الله يغربل إبليسك..خرعتني

يعني إنت ماتبطل المقالب...اللي تسويها فيني كل دقيقه وكل ثانيه

أنا : هههههههه...

الوالدة : ولك عين تضحك...>>> رمت علي الملعقه

أنا : هههههههههههه...على فكره وين أبوي

الوالدة : بالصاله

أنا : يله انا رايح أبشره

أنا : يبه يبه....يبه..نجحت

الوالد : يعني وش الجديد...ياجايبلي مقبول...وإلا ضعيف

أنا : إبتسمت...يبه...جبت ممتاز...ومع شهادة تفوق

الوالد : انسدح ونام

أنا : رحت غرفتي وقفلت علي

[الساهر الوحيد]

http://www.al-wed.com/pic-vb/126.gif

في عام 1426هـ ثاني ثانوي

تسليــم النتائج

أنا : أحلى ياعبدالله ... الثامن مره وحده...مين قدك ياعم..يله أبسط

عبدالله : اي شعلى بالك

أنا : ههههههه....مبروك

عبدالله : الله يبارك فيك...ومبروك عليك بعد

أنا : الله يبارك بعمرك

عبدالله : أقول حمد... شرايك بهالمناسبة الحلوه ... نروح أسواق الواحة

أنا : الحين...ليه شتبي فيه

عبدالله : أبي أرقّم..شأبي فيه يعني...أبي اشتريلي كم غرض

أنا : هههههههههه...يله مشينا

وحنّا قاعدين ندوج من محل لمحل

عبدالله : يدوس على رجلي ويقول...حمد..حمد

أنا : نعم شتبي

عبدالله : في بنتين يبون يرقمونك

أنا : ليه صرت توم كروز على غفله

عبدالله : لاتكثر هرج...شوفهم يأشرون عليك

أنا : طالعت...وشفت بنتين يقولون لي...تعال

عبدالله : روحلهم ياللوح

أنا : زين زين

وانا رايح الهم...واقول بقلبي...أمسك اعصابك ياحمد ولاتتهور

أنا : مساء الخير

ردت علي وحده منهم

وقالت : مساء النور والسرور...ممكن أرقّمك ياولد عمي

صديقة بنت عمي : قاعده تضحك

أنا : هههههههههههههه...إنتي ماغيرك


بنت عمي : ههههههههه....اي انا..ليه مو ماليه عينك ؟؟

أنا : حشاااك...شلونك بنت عمي ؟؟

بنت عمي : بخير ..يسرك الحال

أنا : دووم انشالله

بنت عمي : تسلم...إنت شخبارك؟؟

أنا : تمام الحمدلله

بنت عمي : شتسوي بالسوق...؟؟...لايكون قاعد ترقّم....ترى أعلم عمتي

أنا : ههههههه....لالا..بس بمناسبة نجاحي انا وعبدالله..حبينا نمر السوق ونشتري كم غرض

بنت عمي : نجحت !!!...مبروك ..الف الف مبروك

أنا : الله يبارك فيك...وانتي شتسوين بالسوق ؟؟

بنت عمي : ههههههه...بعد مثلكم...بمناسبة نجاحي انا وصديقتي..حبينا نمر السوق

صديقة بنت عمي : القلوب على بعضها

بنت عمي : ههههههه...اي باين

أنا : الف الف مبروك يابنت عمي

بنت عمي : الله يبارك فيك...

أنا : يله أخليكم تاخذون راحتكم

بنت عمي : أوكي...سلملي على عمتي

أنا : يوصل انشالله

عبدالله : يلعن أبو الحظ اللي زي كذا...ضحك وسوالف...العن حظي انا

هاه بشر...أخذت الرقم

أنا : ههههههههههه...شوي شوي علي....لا حبيبي...هذي بنت عمي

عبدالله : يطالعني من طرف عين...وهذا اللي قلت انه شبك ..يله إمش وانت ساكت

أنا : هههههه انشالله

رحنـــــــــــا للبيتـ

أنا : دخلت البيت وانا انط وارقص من غرفه لغرفه...وادندن ((إني خيرتكِ فأختاري....

الوالدة : بسم الله على ولدي...شفيك أنخبلت؟؟

أنا: تراااااا تراااااا...تقريباً

أنا : مسكت ايدين الوالده...وقعدت أرقص وياها

الوالده : حمد حمد...شفيك؟؟

أنا : نجحت يمه...نجحت

الوالدة : الف الف مبروك حبيبي....ههههههه...من حقك تنخبل

أنا : ههههههههه

أنا : يمه...وين أبوي

الوالده : بالغرفه

أنا : يبه ... يبه...نجحت

الوالد : عارف نتيجتك زي وجهك

أنا : لالا انت شوفها...أعجبك أنا

الوالد : روح روح...صدقني انت بتبلشني ومابتدخل الجامعه

وبصير انا اللي أصرف عليك

أنا : قفلت علي الغرفه

ومازلت..أحيا...وحيد...بالأمل

أني راح أسمع...مبروكـ...يوم من الايام

http://www.al-wed.com/pic-vb/3.gif

نصيحة :

حنانـ الأبـ ثروة عظيمة....فلا تحاول أن تفرط بها

بقلم : الوحيد

http://www.al-wed.com/pic/2123.gif

[لون]

قصتك حلوة

و مشوقه ان الواحد يقراها

خوش اشياء مسوي انت كل ما تنجح تروح تقفل الباب على نفسك و تكعد بغرفتك خخخ


ومازلت..أحيا...وحيد...بالأمل

أني راح أسمع...مبروكـ...يوم من الايام

ان شاء الله تسمعها دوم و ما تمل منها ..:)

و الله يجعل حياتك كلها نجاح و سعادة ..

دمت بكل ود

اختكـ

[$^بصيص ~ امل^$]

نصيحة :

حنانـ الأبـ ثروة عظيمة....فلا تحاول أن تفرط بها

ليس حنان الاب فقط ايضا حنان الام مهم جدا
ولكن من يحس :(

شكرا اخوي على القصة المعبرة واللي هزت احساسي يمكن لان احس فيها

تحياتي اختك
بصيص امل

[الساهر الوحيد]

لون

شكرا وكل الشكر لمرورك الكريم

يشرفني انكـ تشوقت لقرائتها

شكرا


بصيص امل

اقف بجانبكـ...نعم حنان الام ايضا

ولكنـ اظن انني امتلكه

وشكرا لاني احسست بما في القصه...ومبتاغها

فشكرا لك وشكرا لتواجد

لاعدمناااك

لكم تحياتي

[روح أمـها]

أولا مبروك ولو أنها متأخره وإن شاء الله السنه الجايه نشوف النتيجه

والنسبه الحلوه وتسمع كلمة مبروووووووووووووووووووووووووك

أخوي قد لايكون الحنان بالكلمه فقط وإنما الحنان قد يحصل بالأفعال

ويمكن يكون والدك من الناس اللي الحنان عندهم بالأفعال لا بالأقوال

وأتمنى أنك تشوف الحنان من جوانب ثانيه غير الكلام شوف أشياء كثيره

والدك حاول يسويها علشان يرضيك وأحب أذكرك وجود الأب والأم

في حياة كل واحد مننا هو الحنان ونعمه كبيره لايعرف معناها إلا من فقدها


أخوي شد حيلك في السنه الجايه ولاتخاف ثالث سنه زي أي سنوات عمرك

اللي راحت حاول تستغل كل لحظه فيها لأنها بتكون آخر سنه دراسيه ((من غير شر))


وحركات طلعت كبرك أنا إن شاء الله السنه الجايه ثالث


مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك

عدد حبات الرمال


أختك سحابة صيف

[الساهر الوحيد]

سحابة صيف

كلمات الشكر ابسطها امامك

شكرا اختي الغاليه

بجد فرحتيني بردك الحلووو

تسلميلي

وصدقيني

ممكن يكون كلامك عين الصواب

وممكن....

احب اشكرك من كل قلبي على مرورك وردك

والله يبارك بعمرك اختي

كل الشكر لك

يعطيك العافيه

لك تحياتي

[روح أمـها]

كلمات الشكر ابسطها امامك

شكرا اختي الغاليه

بجد فرحتيني بردك الحلووو

^
^
^
العفو أخوي ردك الأحلى




وصدقيني

ممكن يكون كلامك عين الصواب

وممكن....

^
^
^
وممكن أيش أخوي لاتقعد تفكر في أشياء ثانيه فكر في الممكن الأولى




احب اشكرك من كل قلبي على مرورك وردك

والله يبارك بعمرك اختي

كل الشكر لك

يعطيك العافيه
^
^
^
العفو أخوي ماسويت شيء والله يعفيك أنت على الرد

وأحب أقولك أني أبغى موضوعى السنه الجايه ((إن الله أعطانا عمر))تبشر الأعضاء فيه

بنجاحك والنسبه الحلوه ولاتخاف بنقول لك مبرووووووووووووووووووووووووووووووووووووووووك

مبرررررررررررررررررررررررررررررررررررررررررررررررر ررررررررررررررررررررررررررررررررررروك

مبرووووووووووووووووووووووووووووووووووووووووووووووو ووووووووووووووووووووووووك


قد جماهير الهلال <<<والله أن طلعت مو هلالي بسحب الرد الأول وهذا الرد من الموضوع ((بوريك أني قويه))



أختك سحابة صيف

[الساهر الوحيد]

هلا وغلا مرره ثانيه اختي الغاليه

وأوعد انشالله

اذا عطانا الله عمر

أنتو اول ناس ابشرهم بنجاحي

يعطيك الف الف عافيه اختي


هههههههه

لالالا لاتخافين

<<< هلالي حتى الموت

مشكوره

ماقصرتي

لك تحياتي

[. ! . سعود . ! .]

هلا والله أخوي مشكور على الموضوع ويعطيك ربي ألف عافية

[سر الحياة]

مبرووووووووووووووووووووووووووووووووووووووووووووووو ووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو ووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو ووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو ووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو ووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو ووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو ووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو ووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو ووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك
مبرووووووووووووووووووووووووووووووووووووووووووووووو وووووووووووووووووووووووك


سوري مـتــأخــرهـ

أخوي الساهر
بعض الاباء يعتبرون
الحنيه على الاولاد وتدليعهم
سبب من اسباب فشلهم
ويمكن والدكـ من هذا لنوع
هو اكيد فرحان
وطاير من الفرحه بعد
من النتيجه اللي تشرف
بس مايحب يبين قدامك


بس صدقني راح يجي يومـ
وتسمعها من ابـــوك
وشد حيلكـ بالسنه الجايه
وارفع راس أبوكـ
فووووووووووووووووووووووووووووووووق
وقدام الكل
صدقني حيباركـ لــــــــك
وانت قدها وقدود إن شاء الله

بالتوفيق

[الساهر الوحيد]

سعود

يسلمووو عالمرور

ماقصرت

لك تحياتي

[روح أمـها]

أخوي الساهر الوحيد دامك طلعت هلالي احب ابارك لك رباعية الموسم

وبإذن الواحد الأحد السنه الجايه تبشرنا بالنسبه الحلوه اللي ماتنزل عن 95%

ولو أني أتمنى تكون99% على العموم إن شاء الله أنك تجيب النسبه الحلوه وتسمع كلمة مبروك

من الأعضاء في المنتدى ومن الوالد وبإذن الله بذكرك بهالرد السنه الجايه بعد مايقولك الوالد مبروك

قول آمين ولاتقعد تقول أني متفائله كثير تذكر دائما قول الحبيب صلى الله عليه وسلم((تفائلوا بالخير

تجدوه)))

ماطول عليك وأعتذر عن الرد المتأخر لكن كنت مسافره وتوني راجعه وألف مبروك مره ثانيه على النجاح

وعلى الفوز الهلالي الكبير بكل بطولات الموسم وإن شاء الله أبارك لك بصفقة ياسر وبتخرجك


أختك سحابة صيف

[$جرح القصيد$]

مشكووور اخووي على القصه المعبره ....