قــولنآآ وش الموقف اللي مر علــيك اليــوم !!! [الأرشيف]

لولا الوفا

27-04-09, 03:59 AM

بسم الله الرحم الرحيم

البــآرحــه كنــت سهرآآن

وكآن عندي محاضره في الكــليه الســآعــه 8 الصبـح

صلــيت الفجر وأنسدحت في الدوآنيه

وحطيت على قناه دبي وتابعت فلم لعادل الأمام

الفلــم هذا شايفــه على ما أعتقد فوووق 20 مره

وعندي كل ثقــه أني لو أحطه صامت راح اعرف وش يقولون من كثر ماني حافظه

المهم

وأنا أشوف الفلم

النوووم سلطااان

أنعست

وكانت أمنيتي الوحيده بذاك الوقــت أن أنام في فراشي الدافئ

ولــكن المحاضره مهمــه والدكتورر ملعووون خيــر

قمت حتى أطير النوم من عيني فذهبت ألى البقاله وشربت الريدبول اللي يقولون انه يعطي جوانح

ولكن للأسف زادني شوق ألى الفراش :(

المهم بعد طول معاناه أتت الساعه السابعه

ذهبت الى

الكليــه

دخلت القاعــه

جلست بأخر الكراسي

حطيت راسي على الطاوله

وتلثمت في شماغي

ونــمت

نسيت نفسي للأخر

قومني خوويي وقالي قوم خلصت المحاضره

قلت والدكتور شافني وأنا نايم

قال ما درى عنك من اليوم يشرح

قلت سجل الغياب

قال لا

حقدت وارتفع ضغطي

ولا ودي أوصف شعوري بالحقد والكراهيه والبغض للدكتور

سهر وهم ومعاناه وقــتل لحلم النوم

وبالأخر ما أستفدت من المحاضره ولا ســجل غيآآب :(

.................. وشكرآآآ

ونصيــحه من أخوكم لأحد يسهر تكفووووووووووون

لولا الوفا

27-04-09, 04:02 AM

بكيهآآم

هههههههههههههههههههههههههههههههههههه

والله ما الومك ما أنصدمت

منتدى فهــد المسآعد

من أشهر المنتديات العربيــه

ولـه الكثير من الزوار

بس جد جد قسم بالله اني لو مكانك اني أفطس من الضحك هههههههههههههههههههههههه

شكرآآ على التوآآآآآجد ولا تحرمنا من المواقــف

حروف الغلا

27-04-09, 04:32 AM

بصراحه انا حصلي موقف اليوم غريب؟
كنا خارجين من البيت مع ولد خالتي
خالتي الله يهديها نسيت جوالها في البيت طبعا اهلي دايم مقولتهم اصغرنا خادمنا؟
طبعا مافي لا انا طلعت من السياره وانا رايحه البيت طبعا رحت وانا رايحه جاني موقف مرعب
وانا داخله البيت (قطو) مخلصه (الفرامل)وانا من كثر الخوف وقفت وهو والله ماوقف صرت اجري في الشارع واختي
تضحك وولد خالتي خالتي موقف ماانساه طول عمري...

لولا الوفا

27-04-09, 04:44 AM

هههههههههههههههههههههههههههههههههههههههههههههههههه ههههههههههههههه

حلوووووووووووه قطووو مخلص الفرامل

هههههههههههههههههههههههههههههههههههههههههههههه

والله ما الومس لو رديتي

أنا لو اشوف أسد يمكن أقدر أتفاهم

بس قطووو زين أذا ما طحت مغشي ههههههههههههههههههههههههههههههههههههه

بلا سواحل

27-04-09, 05:13 AM

؛،
لولا الوفا..
أما موقفك موقف..
ههههـ

تصدق تحصل معي كثير..

اخرته يوم الاربعا قبل الاجازة سهرانة عالتكليف يهد الحيل واروح للجامعة أبي اقابل الدكتورة اعطيه اياه واناقشه وارتاح..

المهم اني صاحيه الين الساعة 8:30 وقت المحاضرة رحت للجامعة والقا الدكتورة حاطه لافته عالباب كاتبه انه تعتذر عن الحضور.. وانا اصلا ماجيت الا له..

<<<اش رايك بالله مو تموت من القهر؟!! يعني مافي ايميلات مافي جوالات ..

نسهر ومشوار وحاله واخرته ..
أقلب يور فيسك..مابنا حيل نحاضر!!^_^
؛
.

بلا سواحل

27-04-09, 05:49 AM

،.
ممكن اكون هينا دايما؟!!

حبيت الفكرة ..

مشكور عليه:rose:

:
اليوم الليلة..

بما ان اعيال العيله اغلبهم اطلعوا الرياض يشجعون..

اضطر خالي يستعين بالمجموعات الاضافية"شلت البنات"

عشان نلعب معه ماي ماي>>اكه..

المهم ان اللعبه كانت حلوة بس الاحكام قاسيه اشوي .. تدري وشي؟؟

كان الحكم عالمهزوم اللي يكون عنده اكبر عدد من الورق لما واحد ينهي القيم..

انه يقتل خنافس بعدد الورق اللي معه^_^

طبعا انا ماكنت مع فكرة الاجرام هذي لاني ما اعرف اقتل نملة ..

وانهزمت ومسكني خالي تحويس اقتلي 10 خنفسانات...
نعم نعم؟!!

والله تكفخت منه مزح...ارحم...وبس

للمعلوميه اللي يبي خنافس همر سودا بس يقولي واجيبله معي..

لان المزرعة مليانه به وفيه عده اشكال بني صغير حق النخل وهمر اسود كبير مدري وش حقه وصرصور الليل وفراشة الليل ..اطلب تجد..أنواع ال.......

اعرف انى اول ما جينا ما كنا ننام..
امس بنت خالتي الصغيرة ياحرام ...سهرانة اقوله ورا ماتنامين؟!!

تقولي ابغى الصبح يجي عشان الخنافس تنام وانام..

ياحبيله حسيت انهم اعياله بتطمن عليهم ثم تنام..هههــ

،.

لولا الوفا

27-04-09, 06:39 AM

مرحبآآ بلا سوآآحل

بالنســبه للدكتور اللي يقهــر وحاط ورقـه

تدرين لو أنا مكآآنك

حطيت ورقــه بجآآنب ورقــتــه وكتــبت فيهآآ

دكتوري العزيز

ألقي عليـك التحيه

وأقول لــكم

شرهآآ مو عليك

شرها اللي اللي عادتك دكتورررر هههههههههههههههههههههههههههههههههههههههههههه

لولا الوفا

27-04-09, 06:42 AM

أمآآ من نآآحيــه

ركوب الخــيل

أنا كنت مره رايح أأجر خيل في العيد

كنت متأثر بقوه في مسلسل الزير

المهم

وأنا راكبـه

وأشوف الناس وهم يخزوني

وأنا متشقق من الوناسه

فلـت من الفرس وقام يركض

وأنا ابي أذبته بس ما اعرف وشلوووون حسبي الله عليه

من الـــذل حذفت نفسي من فوـقــه والناس ماتو من الضحك

وأنا اضحك من الفرحه بسلامتي ههههههههههههههههههههههههه

لبى نوره ...

27-04-09, 06:42 AM

مشكور اخوي

ملآكـ بقـلبـها

27-04-09, 06:43 AM

بقولكم كم مواقف صارت لي من امس لليوم ..

الاول :

انا الحين بالرياض عند خوالي وكل سلاله جدي عندنا هههههههه

المهم وكشتنا بر طبعا لان مافي حديقه تكفينا :p

وأذن لصلاة العشاء وأنا وأختي وثنتين من بنات خالي وخالتي كلنا مو متوضين للصلاة ..

المهم حطوا العشاء الساعه عشر وحنا الخمسه قلقاااانين عشانا ماصلينا للحين ..

يوم تعشبا وخالتي تروح لعيال خوالي قالت رجعونا البيت بنصلي ماصلينا ..

المهم قالوا لها أوكيه بس خذي ثنتين معك لأن السيارة صغيرة وماتكفي ..

قمنا كلنا الخمسه الا بنروح ورحنا جهت السيارة لقينا ولد خالي الكبير راكب قدام والثاني يسوق

والسيارة صغيييره مره ماتشيل ورا الا ثلاث أشخاص ..

وحنا حاطين براسنا نروح يعني نروح ..الا ونتحااااشر الخمسه ورا لا ومعنا ورعه صغيرة بعد..

وأنواع الحشره ..وشوي قال ولد خالي السيارة نزلت تحت ثنتين ينزلن ..محد فينا راضي ينزل ..طفش منا وحرك ..

يوم جينا بنص الطريق اللي لسه بر ماطلعنا على الازفلت ..قال ولد خالي قدامنا رفعه انزلن بتعداها ..لو مشيت كذا بتحك السيارة وتخرب ..

قامن نزلن ثلاث أنا مو منهن ..ويوم تعدى الطلعه وقف وركبن ..ويوم جاء مره ثانيه بيطلع على الازفلت والازفلت مرتفع شوي عن الارض ..(وركزوا على هذي الرفعه بتجي فيها سالفه الحين)..ههههههه

قال ولد خالي انزلن بطلع الازفلت ..قامن كلهن يصارخن قالن خلوا ملاك تنزل الاخت وش حضرتها مرتزه ..

قال ولد خالي : ملاك لو سمحتي أنزلي ..عاد أنا مستحيه من ولد خالي الثاني الكبير قمت نزلت بدون نقاش ونزلت خالتي وسوسو بنت خالي ..وهن اولا نازلات وخامستنا الامومه ذابحتها حاطع الورعه بحظنها وتقول مقدر انزل ..

خالتي شوي متينه ..>>ركزوا عليها بعد شوي بتصير بسبب هالشي هرجه..

المهم عدا السيارة وطلع للأزفلت ووقف ..وحنا كملنا رجليه لين جينا جمب السيارة ..

قمت أنا وقفت جمب الباب وهم يستنوني أركب بس مافتحت الباب ..يوم جات خالتي اللي توها وصلت للسيارة قلت لها ..: لو سمحتي أفتحيلي الباب ماتعودت أفتحه لنفسي >>مسويه مغرورة أنا ووجهي هههههههههههه

قامت المسكينه فتحته لي وركبت ..يوم تحاشرنا مرة ثانيه قالت بنت خالي الي مانزلت ،،وهي تكلم خالتي :

عمه شوفي الشباب يقولون زيزو ماراح تقدر تطلع الطلعه من التراب للأزفلت ههههههههههههههه

>عشانها دبه ههههههههههههههههه

..

لولا الوفا

27-04-09, 06:48 AM

هههههههههههههههههههههههههههههههههههههههههههههههههه ههههههههههههههههههه

أنا ما اقول الا تكسر الخاطر هالسياره عزتيلهآآآآآآآآآآآ :(

ههههههههههههههههههههههههههههههههههههههههههههه

كل واحد يقرآ الموقف هذا ودـه يصوره ويدزه للبرنامج المواقف المضحكه على أم بي سي 4 ههههههههههه

ملآكـ بقـلبـها

27-04-09, 06:56 AM

امس بعد..

خالتي تبي تروح محل الحلويات تقضي للسهرة حقتنا ..

وبنت خالي تبي لها غرض صغييير من السوق ..

ويوم جن يروحن وحنا الخمسه الا نروح سوا ..طاق بروسنا نستهبل ..ههههه

راحت خالتي (وهذي السان الناطق حقنا هههههه) راحت لولد خالي الكبير تكلمه يودينا على أساس كلنا نبي أغراض ..

وافق وودانا على سيار أوسع شوي .. بس حنا مانرضى الا بالحشر ..ونقوم ناخذ معنا وحده من بنات خالي وتحشرنا ورا وخالتي الثانيه تحش الجماعه اللي قدام هههههههههه

المهم حركت السيارة وفيها ..سبع بنات وولد واحد ..>>أم الحشرره ههههههههههههه

عاد رحنا أول شي للسوق ونزلنا كلناااا السبعه للمحل وأخذت جوجو بنت خالي غرضها وطلعنا ..

قمنا شفنا محل كمبيوترات رحنا وقفنا عنده ونزلنا كل السبعه البنات ..وتفرجنا وطلعنا ههههههههه

المهم رحنا للمحل الحلويات عشان خالتي تبيه ..قمنا نزلنا كل السبعه وأخذت خالتي أغراضها وطلعنا ..:p

كنا مربطين ههههههههههههههههه

عاد أنا تذكرت شغله أبي الصيدليه بس باخذ فيفادول وأمشي ..

قمت همست لخالتي عشاني أستحي أتكلم قدام ولد خالي ..قلت لها أبي الصيدليه ..

قالت خالد وقف عند الصيدليه ..وقف ثم نط بحلوقنا قال : أوماااا بتنزلون كلكن بعد هههههههههههههههههههههههه

طفشنا أمه توة قايم من النوم ههههههههههههههههههههه

لولا الوفا

27-04-09, 07:00 AM

هههههههههههههههههههههههههههههههههههههههههههههههههه هههههه
هههههههههههههههههههههههههههههههههههههههههههههههههه

أنشـهد أنكم دشيتوا بمخه هههههههههههههههههههههههههه

لو أنآ مكآنـه

كان

نزلت

عند

أقرب

مسجـد

وصليت

كرعتين

ورفـعت

أيدي

للمولى عز وجل

ودعــيت

ذاك الدعآء اللي بيخفف القهر اللي فيني ههههههههههههههههههههههههههههههههههههههههههه

بس ما أقول غير الله يصبره ويكون بعون هالسياره اللي بتخرب والسبه انتو

ملآكـ بقـلبـها

27-04-09, 07:07 AM

اخر موقف ..

أولا خالي جمبي شافن أطقطق على النت قال ..أفتحي أيميلي ..

فتحته ..لقى ثنين من أصحابه متصلين ..

عاد واحد مسكين متغرّب ..ويسولف معه رسسسسمي ..

سالته هذا صاحبك قال : ايه ..

انا على بالي صاحبه مررره ....

المهم واشوف خالي بااارد بالكتابه .. قاله الرجال : انا ابي اجمعكم بنفس المحادثه كيييف ؟

>يقالك ان خالي الفهيييم الحين ..

وخالي ساااعه يفكر ..قلت والله ما أغبى منك الا صاحبك ..متغرب مايعرف للمسن ..

قله يسوي كذا و كذا أشرحله أنا الفهيمه >>ماتمدح نفسها :p

قال خالي خذي أكتبي أنتي ..

قلت يلا أبي اكتبله كم كلمه يمليني اياها خالي ثم بكرشهم بكمل طقطقتي ..

قلت يلا وش اكتب ..؟

قال فهميه وشلون يسوي اضافه للمحادثات مو تقولين تعرفين ..؟

قلت : الا ..

قامت بنت ابوها تكتب ..وأنا لسه على بالي انهم اصحاب مررره ..

كتبت يامخ (وهذي سبه يعني ياغبي هههههه) سو كذا وبس ..

وجاه بكتب السبه الثانيه ..الا خالي يصارخ ..:

هيه ..هيه ..الرجال ما اعرفه زين وانتي خاشه تحشين ..هههههههههههههههههههه

امممم الفشله ..ههههههههههههه

ورطته مع الرجال هههههههههههههههههههههه

وبس خلاص ..

يارب اكون استمتعتم بسوالف اجازتي الكشخه :d

لولا الوفا

27-04-09, 07:14 AM

هههههههههههههههههههههههههههههههههههههههههههههههههه هههههههه

موآآقف فـــله

هذي بس خلال يوم

أجل

لو نقولك علمينا بمواقف حياتس كلهآآآآآآآآآ
هههههههههههههههههههههههههههههههههههههههههه

لا تحرمينا من التواجد

ومن الموآقف هذي

مواطنة أي شي ..

27-04-09, 09:51 AM

غ ــرق ..

27-04-09, 01:41 PM

لولا الوفا

تبيه اليوم

يعني تبيه طااااااااازج

طيب اقولك سالفه صارت قبل ساعه

طلعت مسرعه فوق للمطبخ طاقني الجوع ابي آكل أي شي وطبعا ببجامة النوم أحسب العيله الكريمه نايمه

وما أن وصلت للمطبخ المحترم وإذ بباب المجلس يفتح والعائله الكريمه صاحيه وينظرون لي مباشره وأنواع نغمات الضحك على شكلي التوحفه قايمه ع المطبخ ياملا السمنه ياسوسن

ليتني ماطلعت

طبعا موقف ما أحسد عليه

لولا الوفا

:)

``صــ ع ــبة المــزآج!``

27-04-09, 02:19 PM

لولا الوفا
تسلم ع الموضوع الخطير

صارلي هالموقف قبل يومين :

سمعت بزارينـا يصارخوون حرريق حرريق ببيت الجيران

عاد انا وحدة متعقده من الحراايق ,وأقووم ركــض << ينقال فازعه

واطلع برا وأشووف الدخاان مآآلي الجوو
والغريب بالامر ان مافي صرااخ ولا جمهره ولاشي الوضع مره طبيعي

غريبه وين عياال الجيراان ومحد مسووي عرس غيرنا ..!

قلت يابنت مابدهااش اكيد مسافرين !! وأخذ الجوآل من زود الذرابه :yaaahoooo

وأدق ع الدفاع :آيوا السلام عليكم

الدفآع : هلا اختي تفضلي

لوسحت في حريق ببيت الجيراان وهم مسافرين وياليت تتواجدون حالاَ >> والله من زود الكذب

الموهيييم أخذوا الوصف وخمس دقايق الا هم جايين ..!!

وانا امشي بين أهلي وبكل فخر : خلآص ماعليكم اتصلت على الدفاع وكلها دقايق وجااين

وشوي الا جآينا اخوي يضحك يقول الجيران جايبين شركة للحشراات والدفااع جاايين يحسبوه حرييق ..!!

وانا اقووم على طولي قلت ايييش :shock_1:ههههههههههههههههههههه انا اللي بلغت مسويه ذربه

يالله لاتكسّحنا ..:sweatdrop

اميرة المرسى

27-04-09, 04:27 PM

هههههههههه سوالفكم ماينمل منها واهم شي القطوه الي ماعندها فرااامل http://www.almusa3ed.com/vb/images/icons/icon10.gif

تذكرت موقف صار لي امس بشاليهات السن سيت ((شاطيء الغروب))

بعد ماتعشينا كلمت السواق يجي ياخذنا نرجع للبيت

وقعدنا ننتظره على مقاعد قريبه من البوابات

كلمت السواق وينك قال انا وصلت عند البوابه بدخل الحين:pontiac_b

المهم مرت سياره نفس سيارتنا بالظبط فيها السواق وزوجته

وانقز واوقف أأشر له عشان يشوفونا 00

شوي بنص الحماس صنمت اطالع واتاكد حسيت اني غلطانه بالنمره :cheezy:

السياره فيها رجالين طيرو عيونهم فيني ؟؟ وشتبي ذي !!!!:shocked:

جلست بسرعه وانا مستحيه قلت واخزيااااااه ماصار السوااااق http://www.almusa3ed.com/vb/images/icons/icon11.gif

اكثر شي استحيت من الناس الموجودين والامن الي يدورون اغلبهم شافو الموقف http://www.almusa3ed.com/vb/images/icons/icon11.gif

‏%sweetestgirl%,

27-04-09, 08:48 PM

مرحوبا......
اعجبتني الفوكره..على طاري المواقف اليوم رحت لسوق مع خواتي وحنا نتمشى دخلوا خواتي لمحل جلست انا برا انتظرهم واتفرج على الناس الا والقى رجل يمكن عمره حول الثلاثين
جالس على الكرسي ويتفرج على الناس ويلعب مع الاطفال بكل برأءه
اكتشفت انه...مجنون بس كان ماره هادي وطيووووب
جلست طول الوقت اتفرج عليه مدري حسيت بشي غريب تجاهه
موقف غريب شفته بحياتي.....
الحمدلله يارب على نعمه العقل

●【شمـوخ بدويــﮧ】●

27-04-09, 11:08 PM

اليووم سافر سايقنا ياااويل قلبي أقسم بالله ان دمووعي طلعت

عشرت عمر من قبل لاأجي على الدنيا وهو عندنا

والحين راااح

ياويييييييييييييل قلب شموووخ بس من بيوديها المدرسه :(

الله يلعن أبو المدرسه بس يااااااااااكرهي

لولا الوفا

لاهنت على الموضوع

والله أكتب الرد وودي اصيح

لولا الوفا

28-04-09, 02:58 AM

هههههههههههههههههههههههههههههههههههههههههههههههههه هههههههه موآآقف

تـــــــــــــــــــحـــفــه شـوي عليهآآآآآآآآآآآآآآآآآآآآآآ

أنا ودي أرد على كل موقـف

بـس حتى نجعل الموضوع للجميع فلا أكون أنا وحدي من يرد على كل موقـف

فلذلك سأترك لكم المجال لتعلقو على المواقف اللتي عجبتكم

أو أستغربتوووووو منهآآآآآ

لولا الوفا

28-04-09, 03:08 AM

الـيوم رحــت

المستوصف - ( مدري وش تسمونه يا أهل السعوديه بس الظاهر أنكم تقولون دختر هههههههههههههه

المهم

رحــت عشآن أسوي ضرسـي اللي مسويلي قــلق نفسي

وأخذت رقـم على الدور

دشيت على الدكتوره كانت بنت في الثلاثين

جلست على الكرسي

وأخذت تشتغل

وكآنت بجآنبهآآ دكتوره ثانيه

تسولف وياها

قالت الدكتوره لدكتوره الثانيه

أنا لازم اشوف حل ويا هالريال ( الريال تعني الرجال ولاكن عند الحضر )

قالت الثانيه ليـش شفيـه بعد

قالت زهقني طول اليوم ماسك هاللابتوب

تدرين أنه يشبك من الساعه 12 بالليل لي الساعه 5 الفير ( الفير تعني الفجر )

قالت الثانيه الله هذا يقابل النت أكثر من ويهج ( ويهج تعني وجهك )

قالت أي والله زهقـت كلمته لين زهقت أخر شي قمت أنام مبجر وأكشت فيه

المهم وهي تقعد تشكى

والثانيـه يعني تواسيها تقولها ما عليه تصبرلي هذولا الريياييل كلهم جذي لما يكبرون يعقلون

وأنا منقهر أبي أرد بس ما اقدر قاعده تسوي ضروسي

قالت تحسفت أني تزوجت لو قاعده عن أهلي أحسن

المهم وطال الحديث وأنا أنطر بس متى تخلص عشان

أقول الكلام اللي في قلبي

يوم خلصت وقالت لي تمضمض

تلفـت على الدكتوره اللي كانت تشتكي

عرفـت ليش رجلها ما يقابلها

وعرفت ليش مو كله مقابل النت

السبب

طلع مو فيـه هو

طلـعت الدكتوره أنثى بشهاده الميلاد ولكـن تحمل ملامح الرجل الشجاع هههههههههههههههههههههههههه

سكت وقلـت يعطيج العافيه دكتوره وطلـعت

وشكرآآآ

ملـ ح الـ ح ـياة

28-04-09, 03:45 AM

بـ كـــل بـــــــســــــآآطــــــــــــــه
نـ نـــــــــــــــــــــــهـــــــــــــــــــــــي ـ اللي بــــــــــــــــــــــيــــــــــــــنـــــــــــ ـــــــ’ـآآآ

أنآ بـ ديره ووهي بـ ديره وقلبي بـحيره

لولا الوفا

28-04-09, 04:06 AM

ملــح ألووووووووووووووووووووووو

ألوووووووووووووووووووووووووو

الظآهر مضيــعه النمره

على هذا الموآآل غريب أمرك

أبي أعرف منو اللي قاص عليج وقايلج أنك أم كلثوووووووم ههههههههههههههههههههههههههه

لولا الوفا

29-04-09, 01:13 AM

السلآآم علــيكم ورحمــه اللـه وبركآآتــه

السآعــه 1.10 صبآحآ

أتــيت لأخبركم عــن موقــف محـرـج نــوعآآ مآآ

رحــت الجمــعيه عشآن أشتري بعـض الأغراض

وأنا امشي بكآمل ثقتي

ورآآز نفسي بكــل ثــقه

لقـيت النآآس كلهم يطالعوني ويبتسمون

أنا قلـت اكيـد عآجبهم شمآغي أو عطري أو رزتي أو أو أو

الصراحـه أستآنست

الكــل يطآلع

وأنا رآآـجع البيت بفرحه لا توصف

لــقيت بكــل أسف

أني ألبس نوعين مختلفين من الحذيآن 0 ( أكرمكم الله )

الصرآحــه ضحــكت وقلت السآلفـه لعمآني وفطسو من الضــحك على الثـقه الزآآيده

وشكرآآآ :)

●【شمـوخ بدويــﮧ】●

29-04-09, 01:24 AM

7
7
7
ههههههههههههههههههه

ياازين الثقه على غير سنع

لولا الوفا

29-04-09, 01:27 AM

بدآآل مآ توآسيني تشمتين هههههههههههههههههههههههههههههه

عمومآ رآح يجي اليوم اللي بتقولين فيـه موقـف أنحرجتي فيه

ورآح أنزل موضوع كآمل أسمـه (( أضحك على أحرآج شموخ هههههههههههههههههههههههه

●【شمـوخ بدويــﮧ】●

29-04-09, 01:27 AM

انا اليوووم من السااعه

9ونص الى وحده وعشر

وانا وخواتي نلعب جنجفه وابشركم مافزت ولامررره

انوااااع القهر
والمشلكه اهم بلع فيني وانا مسيكينه والله ضاااق خلقي حيييل

وآخر لعبه قبل نخلص خربتها عليهم>>نذااله

وحصلت لي كم صفقه بالمخاد والمراكي بس الحمدلله جت سليمه

●【شمـوخ بدويــﮧ】●

29-04-09, 01:29 AM

هههههههههههههههه

يارووحي ماتجي أمير ويروح يتقضى بنفسه والألعن نعاله مختلفه

ههههههههههههههههههههههه

شي يضححححك من قلب
ههههههههههههههههههههههههههههه

لولا الوفا

29-04-09, 01:45 AM

خخخخخخخخخخخخخخخخخخخ وشلون تبين تفوزين وأنتي تلعبين مع اخوانك !

أصلا اللعب في الجنجفه ما يصلح الا بغش ونصب وأنتي لو تغشين فضحتي عمرك ههههههههههههههههه

والغـش والكلك والنصب ما يعرفــه الا حنآ فدـيتنآ حنآ هههههههههههههههههههههههههههه

●【شمـوخ بدويــﮧ】●

29-04-09, 01:46 AM

تذكرت مووقف محرج مانساااه طووول عمري

بس ماني قايلته

واحد/صفر

ههههههههه

●【شمـوخ بدويــﮧ】●

29-04-09, 01:48 AM

يمه منكم وانا أقووووووول لييش دايم اخوي يفووز؟؟؟

ههههههههههههههههه

والله اني مغفله ياااربي

والله اني بريييييئه

وبعدين انا كنت العب مع خواتي بس الظاهر ماكو فايده

لولا الوفا

29-04-09, 01:49 AM

لا لا قولـيه

وعـد مني أن محد يضحــك

:)

قوليه ما علا جآلهآ الا صديـق ورفـيق

لولا الوفا

29-04-09, 01:50 AM

أجل اذا لعبتي مع خواتج وخسرتي طلع العيب مو بخوانك اللي يغشون

طلــع في مشــكله في مستوى تفكيرك

بس ما عليه نرقعـلج ونقول نسبه الذكاء زايده شوي هههههههههههههههههه

●【شمـوخ بدويــﮧ】●

29-04-09, 01:52 AM

ههههههههههه

يمكن والله العقل هالاسبووع معطيته اجازه

المووقف محرررج حييييييييييل
ماأقدر أقوووله:)

لولا الوفا

29-04-09, 01:55 AM

يآ بنت الحلال قوليـه عآدي مآفيـه أحرآج

زيـن قولــيه وحنآ بنغمض عيونآ ماراح نقرى ههههههههههههههههههههههههه

صدقيني ماراح اضحك (((((((((((((((((((( هو مو مصدق نفسه ههههههههههههه

●【شمـوخ بدويــﮧ】●

29-04-09, 01:58 AM

ههههههههههه
يمه منك بس تدور علي شي

لولا الوفا

29-04-09, 06:57 AM

مـوقف توووووووه صآآير طآآآآآآآآآآآآآآآآآزه

في أحـد المحآدثآت ( الشآت ) شآبــك

وأسولف مع النآآس

دش علي نك أسمه : اـيه كذآ

قال السلام
قلت السلام

قال شلونك
قلت طيب

قال :( ,,,,,,,,,,,,,,,,,,,,, ):

قـلت أنت منو

قال أنا فلان

أنا بغـيت أطير من محلي من الفرحه

وبعد الكلام اللي أستآنست منه حيــل

قآآلي أقول لحد يصدق ترآني خويك فلان
وضحــك

قسم بالله حقدت

طلعـت هذي دقـه مسويهآ فيني خويي

والخبـل هو اللي ما يصيدهم قبل يكذبون عليه

أنا ضقت وأندبلت كبدي قلت اجي وافضفض شوي في المنتدى

لولا الوفا

29-04-09, 07:04 AM

قريت الموآقف اللي طآفت

وفطــست من الضحك على كذا موقف ههههههههههههههههههههههههههههههههههههههههههههههه

كنـت متوقـع أن كل وآحد فينآ يحصله باليوم موـقف

لذلك لا نبخل على بعض في ذكر موآقفنآآ

ملآكـ بقـلبـها

29-04-09, 07:26 AM

لولا الوفا ..

جيتك بموقف جديد في اجازتي الكشخه ..هههههههه

امس العايله كلها راحوا يحضرون عزيمه في بيت واحد من الجماعه ..كلللهم يعني حريم ورجيل وبزران ملبقى في البيت الا البنات الشابات وعددنا تسعه بنات ..

خالاتي ثنتين .. وأنا واختي ..وبنات خالي العود اربعه ..وبنت خالي الثاني وحده ..

وفي الاصل باقي وحده بس راحت للعزيمه السامجه ..هههههههههه

عاد الاهل مارجعوا الا الساعه 12 الليل لان الناس اللي راحوا لهم بيتهم بعيد ..

عاد حنا الشابات ماتعشينا وماعندنا رجال يقضّي لنا ..اصلا بيني وبينك كنا شبعانين بس كذا نبي نمشي رأينا على العيله..

عاد يوم جو اهلنا قلنا لخالي ودنا مطعم كودو نبي نتعشى ..قال ابشروا البسن عباياتكن وانا بوديكم >>يتمصخر هو ووجهه ..

وطلع من الغرفه قمت انا لحقته وتعلقت في رقبته اترجاه يودينا وهو يتطنز يقول روحي البسي وانا اوديك ..

اناوصلت حدي ..انا بنت ابوي يسحب علي رجال ..والله ماصارت ..هههههههههههه

ورحت جبت لي دعم وتجمعنا خمس بنات وحده اللي تقدر تدخل المجلس لان الموجودين في المجلس خوالي واخوها ..
وحنا نحفظها كلام وهي تروح تسمع عندهم ..ومااافي امل ..

عاد انا انقهرت قلت لها روحي لأخوك خله يطلع برا بكلم خالي ..الولد كل ماجاء يقوم مسكه خالي يبي الفكه منا عشان مانجي عنده ..

المهم وكل شوي محاوله جديده..عاد انا دمعتي اذا طاحت صارت فيها معارك وحروووب هههههههه

قلت روحي قولي له ..ملاك بكت (كذب طبعا ) ..قال خالي : والله لو تتقطع ماني موديهم ..

عاد من زود العناد مابي احد ثاني يوديني الا هو ..كذا مزاج حطيته براسي اجيبه يعني اجيبه >>مسويه فيها هههههههه

تخيل وش صار ..!

راحت بنت خالي تستهبل قالت لاخوها (هذاك تذكره اللي ودانا السبعه للسوق ..عرفته..؟ هو نفسه )

وانا هالولد اسسسسستحي منه ..قالت له الهبله : خالد تعال في بنت تبغاك ..

تخيل وش قال ..؟

قال: ملاك ..؟ طيب بجيها خلها تنتظرني شوي ..>>اومااااا ابيه وجع وش ابي فيه ههههههههههه

احرجتني الهبله ..قام ولد خالي خالد ..قال تصدقون انكم يابنات خبلات ..مساكين تحزنون والله ..

انا هنا طرطعت عاد الا كرامتي ..وطنشت العشاء وابو العشاء وسويت اضراب ..

يوم جاء خالي العود ..قلت له اتدلع عليه : خالي تعال ابيك شوي ..وطلعت معه في الصاله وبكلللللل دلع قلت :

خاي حبيبي انا جوعاااانه ..وهذول مو راضين يودوني اتعشى ولا راضين يروحون يشترون لي عشا ..

>اكذب عليه مو جوعانه ولا شي ..

عاد خالي عنده كل شي ولا ملوكه ..قال : افاااااا الحين اوريك فيهم ..

وراح لشبباب وانا اتصنت من ورا الباب ..واعطاهم ذاك التهزيء اللي برد كبدي فيهم ههههههههههه

عاد البنات الان ينتظروني بالاخبار وش بيصير ..رحت لهم ركض ودخلت عليهم وقعدت ارقص هههههههه

عاد الرقص عندنا علامه الانتصار ..واسمع التصفيق والتشجيع اللي جاني ..وانا اتمخطر قدامهم ..هههههه

شوي الا خالي جاي قال وش تبين وجاي بيطلع فلوسه ..(عاد المثل يقول :اذا صاحبك عسل لاتلحسه كه )

قمت حلفت عليه انا اللي ادفع ،،ودفعت ومن ورى خشومهم اشترولي عشا ..

ههههههههههههههه وش رايك فيني إذا صرت شخصيه متسلطه ..احس بوش مايجي معي في محاولات الاقناع هههههههههههه

واحلى شي ..اليوم كلنا زعلانين من خالي هذاك اللي جرد بنا والخطه من تحت راسي انا نسوي عليه اضراب ..

مسكين يكلمنا محد يرد عليه ،، وكلنا قافلين وجيهنا في وجهه ..عرف انا زعلانين من سالفه البارح ..

تخيل ..!

قسسسم بالله ما اكذب عليك ،،وقف ليين جاء جمبي وباس راسي عشر بوسات وجحد باقي البنات هههههههه

ومساكين يحزنن اضطرن يسامحنه عشاني انا صالحته هههههههههههههههههههه

وبس خلاص ..

لولا الآمل..

29-04-09, 11:50 AM

السلام عليكم
اليوم الساعه 9 الصبآح جاني مسج مكتووب فيه
خالد حبيبي جب من الصيدليه خآفض حراره لولدك الدلووع مثل ابووه
طبعا هي غلطانه وارسل لها مسج
يااختي انتِ غلطانه والله يشفي ولدك الدلووع
:)
قآمت تدق الاخت
تقول اسفه ومدري ايش
قالت عادي يااختي احنا خوات ومابينا هالحركآت والاسف وتدقها سالفه معي الى 10 الا ربع
شكلها ميب صاحيه ههههههههههههه
لولا الوفآ
مشكور آخوي
:)

لولا الوفا

30-04-09, 03:43 AM

هههههههههههههههههههههههههههههههههههههههههههههههههه ههههههههههههههههههه

يا ملآآك رجيتي بطني من الضحك ههههههههههههههههههههههههههههههههههه

والله يآ أنتي وقروووب البنآت اللي ويآك أنــكم فلــم مو طبيعي هههههههههههههههههههههههه

لولا الوفا

30-04-09, 03:44 AM

لـولا الأمــل مرحبآآ يآآ مرحبآآآ

أنآ أقووول لو أنا مكآنــك ودق علي رجآآل غلطآآن وشفــته يطول حكي ويآآي

على طووووووووووووووول بقووول

ألو ألو ألو صوتك قام يطقع

وأصكره في وجهــه وأفك نفسي منه :)

شكرآآ شكرآآ ولاتبخلين علينآآ بهالموآقــف الحلوـه

ذكريات حبنا

30-04-09, 02:02 PM

لولا الوفا تسلم لنا فكوراتك
والله صار لى موقف مره من وحد من صديقاتي مستحيل انساه
احنا الحين عندنا تطبيق وتطلع معنا مشرفه وباول يوم لستنا مانعرف المشرفه مانعرف شكلها
المهم اتوعدنا انا وصديقتي نجي مع بعض بس هي سبقتني ولمن وصلت دقيت عليها التها وينك
قالت احنا بدور الثالث
ولمن وصلت طلعت هي (صديقتي)من الغرفه و
قالت لى المشرفه جوه قلت بشري وجها يبشر بخير قالت لا والله
المهم دخلت الغرفه وكنت خايفه شوى وسلمت علها
قالت لى من متي المعرفه انا انصدمة بس قالت لها السلام لله
(الموجدين معها بنات مانعرفهم من اقسام ثانيه)
جلست اطالع فيها قلت لصديقتي شكلها احليله
قالت امحق احليله وهي دوبها مهزاتك
قمنا نضحك
الى شوي والمشرفه تقرب مني انا خوفت بصراحه
قالت لى وش البس هذا
قلت لها وش فيه لبسي>>بذوق والله العظيم
قلت لها انزل السكارف>>تبي درجاتها
قالت لالا
المهم انا وجهي اتلون وصديقي فاطسه ضحك
والبنات الى بغرفه يضحون وانا مدري وش الطبخه
حسيت في شىء طالعة صديقتي
علو وش السالفه
قالت هذامعنا بتطبيق
بصراحه شوي واكل صديقتي من القهر
بس الحمدلله انها ماطلعت المشرفه
وبس

●【شمـوخ بدويــﮧ】●

30-04-09, 02:24 PM

انا صاارلي موووقف

طااااح فيسي منه والله

هذا الله يسلمكم وانا طالعه من غرفتي متوجهه الى الصاله

دق التليفون الثابت ورحت له

الرقم من نفس الديره بس ماعرفه

المهم الو..... السلام.... >>صووت اخوي

انا>>هلا وعليكم السلام شلونك شخبارك يالخايس انت هنا تعاال بسرعه انتظرك

وانا بنص الصاله أصااارخ

يممممممممممممه ولدك جاء

طبعاً هو ساكت للحين

شوي.... الا قال

انا نواف عطيني عمي>>عمي كان عندنا بالبيت

انا ماني مقتنعه

قلتله بلا كذب عااااااااد
ترى هالمقالب ماتمشي علي

خلصني متى بتجي

وقعد يضحك

قلت شفت انك ماتمشيها علي

قال

انا والله نواااف

عطيني عمي بكلمه بسررعه

انا هنا أصدق أكذب

هذاا صوووت اخووي وش جاب نوااف له
قلت وانا ودي الأرض تاكلني من الاحرااج عمي مو اهنيه طلع

بس والله ياإنه طااااااح وجهي حرمت ارد على أحد

ولما قلت لأمي السالفه
قالت ايييه نفس صووت اخوووك

خييييييير ان شاء الله حتى بالصووت تقلييد

خفوووق الشعر

30-04-09, 08:04 PM

عندي استاذه تقربلي وطلبت منا واجب وقالت اللي ماتسلمه قبل الاجازه ما اخذه منها
جا يوم الاربعاء اخر يوم
رحت انا وصديقتي عند مكتبها ومالقيناها واصلا انا ماودي اقابلها
قعدت انتظرها وانتظرها وماجات
قالت لي صديقتي حطيها من تحت الباب وخلاص
وطعتها وليتني ما طعتها
جلست حطيت الواجب واول ما قمت ولا هي بوجهي

عاد انا رحت اصرف الموضوع
وشلونك استاذه لي ساعه وانا انتظرك حطيت لك الواجب من تحت الباب

اشوا ما هاوشتني :)

ملآكـ بقـلبـها

01-05-09, 12:36 AM

لولا الوفا ..!

موقف جديد http://up2.m5zn.com/photo/2009/4/30/01/mvsrh502u.png/png

وخييتي اللي أصغر مني هببببببببببببببله ..تعرف يعني وش هبله ..ههههههههههههههههههههه

اليوم وحنا بالسيارة جاتها رسالة وسايط من بنت خالي وهي مبسوووطه في الرساله والرساله كان فيها مقطع شيله حلو ..

عاد تبي تسمعني المقطع وهي جمبي قامت مسكت راسي من الجهه البعيدة عنها وسحبته جهتها ولصقت راسي براسها والجوال بينا ..

تبينا نسمع المقطع سوا ..

عاد هي مندمجه وأنا ميته ضحك ،، قامت عصصصبت ..

تقول: خيييييير وش فيك المقطع مايضحك ..؟؟؟؟؟

قلت: أدري بس أنتي خنقتيني ..هههههههههههههههههههههههههههههههههه

وبس :)

لولا الوفا

01-05-09, 03:55 AM

ههههههههههههههههههههههههههههههههههههه

ذكريآآت : نفس الموقـف صآرلي أني كنت واقف برا القاعه وكان واقف جبمي رجال شباب
وأنا كنت أدخن وأقوله ما وصل الدكتور
قام يضحك وقال أنا الدكتور
ضحكت وطفيت الزقاره قلت مو مبين عليك :)

شموووخ : مرحبآآآ ((((((((((((( مشالله علـيك أحسدك على عدم لقآفتك هههههههههههههههههههه

خفووق : أذا كان صاحبك عسل لا تلسحه كلـه ((((( يعني ما تسوى عليك لو طايحه فيك هوآش هههههههههه

ملآآك : هههههههههههههههههههههههههههههههههههههههههههههههههه هههههههههههههههههههههههه

بلا سواحل

01-05-09, 04:55 PM

هههههههههههــ

ملوكه...

تخيلتكم ببيت خوالي..

نفس السوالف..

بس حنا بعيد عنك ما بنا حيا ..

ندخل بالشراشف.. عليهم عليهم..

بلا عيال خاله بلا هم..

أما هالخالد <<ذكرني بناس الله يذكرهم بالخير ^_^

هههههـــ

والله ايام؟!!

بس زين بالاخر جبتي خبره وانتي بنت ابوك^_*

؛،

ملآكـ بقـلبـها

01-05-09, 04:59 PM

بلا سواحل ..!

من قالك أن حنا فينا حياء ..

مثلنا مثلكم ..وشكلنا أنا وانتي ربّع ..ههههههههه

بس هالخالد أستحي منه لانه هو الوحيد اللي أكبر مني واحترمه حييييل وهو صديق طفولتي ..

إذا شفته أحنّ لأيام الطفوله ..كان هذا هو البودي قارد حقي ..ههههههههههههههه

حنا زيكم نتنقّب ونطلع للعيال ونسولف بس اذا كان اصغر مني اما اذا اكبر هو بالقبيله عادي بس انا شخصيا استحي ..

اخاف يتمصخرون على لهجتي الجداويه ..هههههههههههههههه

إح ـــســــــــــاس بنوته..

01-05-09, 11:06 PM

لولا الوفاء..

وصلني مسج قهرني فوق قهري اليوم بعد المباراة مباشره....

( هارد لك يا أبو الشباب تلعبوا وتأكلوا غيرها..سلم على الشباب)..

سبحان الله المسج بالغلط يوصل كمان لهلاليه...

بس طبعا قلت له أخوي انت غلطان.. ومبروووووووك الفوز..

وماشاء الله عليك مواقفك رهيبه...

لولا الوفا

02-05-09, 04:27 AM

سـلام عليكم

يسـعد صبآآحكم من الأعمآآق شعــب وبلــد ,,,,

الــيوم أول مآ قــمت من الــنووم ضآيــقن صدري والنفــسيه وآصلتن خشمــي

وفوق هذآآ جوييييع والبووووووووك بعد جوييييييييع

والحمـد للـه يأتيك رزقك من حيث لا تعلم

بكــل بسآآطــه جآني أخوي وقال تفضل هالفلوس اللي قبل مسلفني أياها

والحمد لله ما خليت شي الا وشريته عشآن أبرد حرتي شوي ههههههههههههههههههههههه

●【شمـوخ بدويــﮧ】●

02-05-09, 04:31 AM

لولا الوفا

21-05-09, 11:28 PM

السـلآم عليكم ورحمـه الله وبركآتــه ,,,,

أشتقنآ لموآقفــك

اليوم أنا سعـيد وكلـي بهجه وافرآح

ومن اليوم أغني ( الليله عيد وافرحآنآ تزيد )

والسبب هـو

مسـج رسآله أتآني من شخص مغبر شوي

وجآئت هذه الرسآله في وقت كنت بحآجه ألى شي مفرح

والحمد لله جآئتني وخلت الهم والضيق يستريـح على جمب ويجي مكآنه بهجه وسرور

...................................

عطر العبير

22-05-09, 06:00 AM

..

اخوي طالع من أمس

و قلت له اذا رجعت جيب لي معك اي شي آآآكله

و ما رجع الا الساعه 3 قبل شوي ..

و يوم شافني صفق جبهته و قال : يوووووه نسسسسسيتك :(

.
.
شكرا

لولا الوفا

22-05-09, 08:54 AM

هههههههههههههههههههههههههههههههههههههههههههههههه

رآحــت عليج

تدرين لو أنا مكآنـج

صفـقته على جبهـته

وقلـت : يـووووووووووووووووووووه ما قصدت أسـفه

موادع اخوان

07-07-09, 08:23 PM

ههههههههههههههههههههههههههههههههههههههههههههههههه
مواقفكم مره فله
اجل اخذو موقف حصلي امس
طالعين من المستشفى متجهين لمجمع مدري شنو المهم ان اسمه المنار بالنسيم (بالرياض
ورايحين مع تكسي سعووودي
انا ومامي واختي الكبيره((( ملكه)وخواتي 3اصغر مني
المهم تحاشرنا بالتكسي وتفصل علينا اختي الصغيره
مامي واختي يتكلمون ومقصرين صوووتهم
عاد اختي ملسووونهوبصوووت عالي
ليييييييييش تسولفون وانتو مقصرين صوووتكم ماشاء الله قبل شوي تقولون بروح لخالتي ساميه والحين بروح لسوووق ..وامي تضحك

وعاااد انا اذا ضحكت مااسكت وكانت تحط يدها ع كتف الرجال ويشماغه ويرد يعدله وتعطيه بكسات وهو مندبله كبده وده يعطيها كف
والملسوونه تقووول يمه احنا ليش كل التكاسي ركبناها ماخلينا تكسي ماكبناه ((مامي تقوول افضحتنا
واول ماوصلنا قال انزلوووو وصلنا
قالت الملسوونه يالله باي بس كل يوم تعااال ....
هع هع
وتقبلو مروري.....

موادع اخوان

07-07-09, 08:55 PM

هع هع
لا بكمل لانه امس كله فاصلين
طلعنا من السوق طبعا نبي تاكسي بس زادوخالتي و2من بناتها
المهم انتشرنا بناخذ تكسي برووح لحديقة الربوه ..
المهم وقفلنا سعوودي ((بس مايدل...
وقفناه ع جمب ولقينا هندي وسالناه قال انه يدل..
ركبنا انا ومامي واختي اللي ملكه والملسوونه مع سعوودي
وخالتي ساميه وبناتها وخواتي 2 مع الهندي
عربية بنت خالتي ما اعرفو يسكرووونها مشينا احنا ووقفنا ع جمب ومر تكسي قلنامشو وسعودي عارف انه مو هم قال لا هم ورا قلت انا لا انا اعرفهم مشوووو يمه ترا بنضيع الطريق لفو امي وشقيقتي المصوونه
قالت اختي ما مشووو هذولاء هم ورانا يركبون العربانه سعودي ضحك قلت انا ااااااهــ ياوجهي

المهم ماسكرت العربيه ركبوووها وهي مفتوووحه صار مميز تكسي حقهم
والملسووونه فصلت تبي تركب مع منار اختي وتبكي بركب مع منااار قالت امي
شوووفي عربية تالا قالت شقيقتي المصوووه تالا داخلها وهي تقرب بتشوف قالت لا يالكذاابين تالا موموجوده انا طبعا ساكته لانه وجهي توه ملقط من الفشيله
المهم وقفنا عند الاشاااارررره ووقفو بجمبنا انا واشقيقتي نسوووي لا ختي حركات استهبال
جت امي وكملتها افتحت الدريشه بتكلم خالتي وخالتي كملتها وفتحت الدريشه اشكاهم كانت تضحك
سعووودي قام يتنحنح شقيقتي احلفت ع امي انها تسكر الدريشه تقوول ليه طاش ماطااش وشكله مفهي هو ونظراته تقصد الهندي اما سعودي كان يشبه الشاعر سعد علووووووووووش
واحنا نضحك وادموووع وكاتمينها فشله

المهم خالتي اللي توصف لتكسي واحنا مثل ماتقووولووون ((((((دبـــــــــــــــش)))...
مانعرف شي برياض
المهم الدخلنا محل خضراء خالتي عصبت لانهم ضيعو ووقفو وقفنا ور جعو واحنا تبعهم رجعنا ولفو لفينا انا هينا مت ضحك واختي كاتمتها ووطلعت ضحكتها السعوودي مسوي فيها ثقيل وهو يضحك ع اشكالنا
يوم وصلنا الحديقه انا قووولوووووووووووووووليش واخيرا وصلنا
نزلنا وشقيقتي ذكيه نست لابتوب حقها بسياره ونزلنا اناحسيت فو شي ناقص قلت لها وين لابتوبك قالت هاا مع سعودي وتقعد سب فيه المهم انا ماهمني الموضوووع رحت امشي ولا سعودي راعي تكسي يناديني اختي لو سمحتي ياللي تفشلت انا هنا وصلت معاي قلت لها هاا هو خاف قال لابتوبك نسيتيه
انا تفشلت قلت له ادري اصلا مانسيتها انا حاطته ....

ادري طولت بس تقبلوو مروووووووووري

فـوضى مــشـاعر

08-07-09, 01:44 AM

اما هالموضوع بتلقوني فيه 24 سااااعه
<<ياكثر السواليييييف :)

اليوم بالسوق انا واختي نمشي ومر واحد من جنبنا
للحين الوضع عادي
بس اللي طير عقولناااا انه على الطاير مد راسه بيشوف وش جوا الاكيااااس

طااااااااااااارت عيونا فيه اختي عصبت وقامت تسب مابقى كلمه ماقالتها عنه
وانا سكرت من الضحك

ياااااربي بتذبحنا شعبنا اللقافه !!!!
ماقدر حرته رقبته الا بيدري وش شارين

b!nkdonut

09-07-09, 12:11 AM

يعني لازم ولا بد اليوم ما ينفع الأسبوع اللي مضى يوم الخميس مثلا ً
؟؟؟
هذا سلمكم الله كنا في الكويت.. وكنا في مجمع مارينا مول
كنا شوي وطالعين بس نستنى أخواني قال ابوي افتروا وشوفوا لكم شي على ما يخلصون حنا
كنا تعبانين من المشي
لقينا كرسي فاضي وقعدنا تونا بنقعد إلا يجي ولد صغيرون إسم الله عليه يبتسم لي أنا لا إراديا ً لوحت له بيدي من تحت هو ما صدق خبر وقف وقام يسوي لي نفس الحركه ووقف وأبوه يشد فيه بيلتفت له شلي وقفه ما غير يطير لي بوسه وأطير له بوسه ويقولي باي وأقوله باي وبس خلصنا مغازل مشى
أنا خفت أنه ما نخلص من هالسالفه وأتوهق لأن كان يمشي مع أبوه وشكله صديق أبوه والأم مو في

وبس

لولا الوفا

09-07-09, 06:42 PM

موآقــفــكم ترج البطن من الضحك :)

\
\
\

اليوم ..

تحلمت في شخــص ...

وبطلت جهآزي لما قمت ولقيت الشخص هذا دازلي رسآله ..

ومن اليوم وانا منشغل بآلي وافكر وش اللي خلاني أتحلم فيـه

ومع موآقف جديده ليوم غد :)

.. شاامخه ..

10-07-09, 06:25 PM

والله أنا اللي عندي موقف صج محرج كل ماأتذكر أعض شفتي <<من زود ماأحرجها

اسمعوا:

في يوم من الأيام طالعين من الجامعه أنا ورفيجاتي ثنتين كلنا بسياره وحده وطبعا مداومين من الصبح لي الساعه 3 العصر يعني ذااااااابحنا

الجوع شوي <<ولأ بنت أبوها تطق الصدر غداكم علي

وأعزمهم عالغدأ ب بيتزا هت ونروح وننزل ونطلب وكل وحده فينا تشد حيلها بالطلب "ذابحنا الجوع طبعا" كأنا بناكل الدنيا كلها من الجوع

وعقب ما كلينا وشبعنا الحمدلله وتعدل مزاجنا وجينا بنطلع قعدوا رفيجاتي يطالعون فيني يعني يلأ الحساب عليج أنتي أللي عازمتنأ وأقوم بنت

أبوي وأفتح البوك ألأ مافيه ألا دينار ونص يعني 18 ريال والحساب كان خمس دنانير ونص يعني 80 ريال المشكله توني قبل يومين كان معاي

مبلغ وقدره بس صرفته كله وماحسيت عبالي البوك متروس طلع ؟؟.... يامال االفشله لأ والفضيحه الأكبر بكل ثقه قلت كي نت بدفع الحساب

وأأقوووووم بثقه وأروح عند الكاشير والبنات قاعدين ع الطاوله ينطروني ويوم وصلت وأطلع البطاقه وألأ طلعت العمليه مرفوضه ويوم جيكت

ألأ بالبنك 400 فلس يعني 5ريال تقريبا وأرجع للبنات ميته ضحك أرقع الفشله بالضحك وأوريهم الورقه ""العمليه مرفوضه"" قالوا البنات مو

مشكله حنا ندفع وتقوم وحده منهم وتقول أنا عندي كي نت أأكييييييييد وكانت تكلم بثقه عمياء مثلي والله يسلمكم شوي وترجع مثل ما رجعت قبل

شوي تضحك ألأ مفلسه عندهأ 200 فلس يعني أنا أكشخ منها ويلأ ماندري شنسوي واللي بالمطعم كلهم مركزين ع السالفه أأنوااااع ألفشله صج

وبالنهايه قامت كل وحده تطلع الخرده االلي ببوكها ليما وصلناها للمبلغ المطلوب الحمدلله

والله أتذكر شكل اللي كانوا يشتغلون داخل المطعم يخزونا متقرفين منا

<< لأ عمرري أعزم أأحد مره ثأأنيه

άsoRά

10-07-09, 09:06 PM

^^^
^^
^

لــــــــ:)ــــــووووووووول موقف مو صج

،

على طآري المطعم ذكرتيني بموقف

مرة انا وأختي رآدين من الكلية الساعه 4 العصر ،
عآد اختي تقول يوعآنه بمر المطعم وإلا نوقف عند مآكدونالز اللي على البحر ..
المهم وحنآ قآعدين نطلب وإلا في ريآل شآيب حيل لأبس شورت ويسوي ريآضة
وإلا يشوف اختي يقول هـــــــــــلآآآآآآآآآآآ والله شلونكم ..
انا استغربت قلت منو هذا ..
وإلا اختي تقول هذا مسكين كله يسوي ريآضة هني كله اشوفة ..
عآد انا ابتسمت قلت له هلا هلا ..
عآد اهو شكلة مو صآحي .. مخرف شوي ..
واختي تطلب عآد يقول لهآ اطلبي لأختج مو ماتطلبين لهآ
وتصيرين بخيله .. عآد انا ابتسم .. <<< أضيع الموقف لأن شكلة يخوف لول ..
ووإلا يطآالع لي و يقول [ في وحده ذآك اليوم رآكبة همر وعآزمة رفيجاتها على برد بـ 100 فلس ]

انا مت من الضحك عليه والله .. لأن شكلة فصل لوووووووووووووول ..
وإلا نبي نمشي خلآص .. جآن يقول لي وآآآي فديته الأصفر << على بدلتي :)

عآد قلت : الحمدلله والشكر صج مصرقع هالشآيب ،..

:)

لون الغيم

10-07-09, 09:39 PM

اوووما عليكم مواقف ..

انا حصل موقف معي من فتره ..بس ماعلمت احد
خــآيفه ااتفشل ويقعدون يضحكون علي .,:)

مــره اتصل فيني رقم غريب ..المهم اني رديت
الا ويطلع ذاك الهندي ..ويبكي مع التيلفون
انا بصراحه خفت .,
الا ويقول ..ماما << وهو يبكي طبعا
ماما انا فيه كوف <<يعني خوف
ماما انا فيه زوعان .. انا تنين يوم مافيه اكل
انا يمكن موت ..ماما زيب اكل حق انا..
(ماما انا فيه خوف ..ماما انا فيه جوعان
انا من يومين ما اكلت
انا يمكن اموت جيبي لي اكل)
عاد انــآ رحمته وخلاص بصييييح ..
عن جد وربي رحمته ..
قلت صديق انتا تآل بيت انا عسان انا يعطي انتا اكل

(صديق تعال بيتنا عشان اعطيك اكل >> مسويه كريمه
قال .. انا مافيه معلومه انتا بيت

(انا ما اعرف وين بيتكم ..

واجيكم اساله ..عن اسمه ومكانه
انتا ايس اسم
قال فاروق ..قلت له فاروق انتا في رياز
قال ايوه انا في رياز<< يعني الرياض
ومايمديني اعطيه الوصف ..
الا ويقعد يضحك ذا الهندي ..
عاد انا وربي خفت .. قلت شكله من الجوع طار عقله ..مايبيلها حكي .,

بالنهايه طلع سعودي ويستهبل من الفضاوه
لا ويقول العذر والسموحه اختي .. من الفضاوه والله ..بس بعدين لاعاد تردين على رقم غريب
يمكن يطلع فاروق الثاني ..
وربي صكيت وانا مييييييييييييته ضحك ..
.,

.. شاامخه ..

11-07-09, 12:11 AM

وابل تحفه الشايب هذا صرااحه وينه دليني عليه ؟؟ ....

لون الغيم صرااحه نكته الموقف عجيب .... تصدقين وأنا أقرأ قاعده أهز راسي ههههههههه ياحليله ضابط الدور

ـ::تفـــوق الـوصــفـ ::ـ

11-07-09, 12:53 AM

اليومـ انا بالسـوقــ ,, مع اخويــ

وكنتـ متلثمـه ,,

مرت الهيئه وتكلمني اين قدوات عايشه وتغطي ومدري وش ومن هالكلامـ

وقعد يكررها مليون مرررره

طالعته قلت وربي سمعتك خلاصـ عاد .. ترا من الاحترام انك تنصح مره وحده يا اني اتقبلها او ارفضها وجزاك الله خير

وبعدين انا مع اخويـــ موب لحاليـ

<وربي وجيههم حمرت من الخجلــ

وربي انقهرررررررتــ

.

.

لون الغيم

11-07-09, 12:57 AM

شامخه انتي لو تشوفين شكلي ذاك اليوم وربي تضحكين من جد
ههههههههه

لولا الوفا

11-07-09, 01:09 AM

:) هههههههههههههههههههههههههههههههههههههه

شامخه ... وأحد قالج تمزهلي وأنتي ما بجيبس دينار ههههههههههه والله احرآج

وابل .... زين ما جاب العيد أكثر من البدله الصفره .. الشيبان لا فصلو فصلو يبيعونها ولا يردون على أحد :)

لون الغيم ... والله ما الومج يوم صكرتيه وانتي تضحكين هههههههههههههههههههههههههههههههههه

أنا أتخيل الهندي وفاطس من الضحك ... تعيشين وتاكلين غيرهآآ :)

يفوق الوصف : الله يعينج ولو اني مدري الهيئه هم صحيح يغثون ولا لا .. لأن عندنا مافيه هيئه ..

بس ردك دبلوماسي :)

..ملاحظه :: المواضيع تكون باليوم .. أو الأمس القريب .. ونحاول الأبتعآد عن المواضيع القديمه

لولا الوفا

11-07-09, 01:12 AM

..........

اليوم ....

تحلمت حلم مخيف ... يرعب من لا يعرفون الخوف ...

أول ما فزيت من النوم ..

لقيت أخوي بوجهي

قال شفيك ...

من الفرحه رفعت أيدي وقلت الحمد لله لك يا رب ...

...
...
..

حلم غريب ..

ولكن يا أعضاء المنتدى أوصــيكم بالصلآه في أوقآتهآ ...

ترف ثكلا

11-07-09, 12:19 PM

اليـوم بصبـآحه إلا انه آحزنني ../!

فـ البيت خآلي من آشقآئي
فتحت عيني على هـدوء لم آعتـآده من فتره ليست قصيره

فطرقآت شقيقي آلاصغر دومـآ توقضني لـ ( تعالي افطري معي )
و آبتسآمه اخي الاخر لـ ( وش تسوين الحين )
وشقيقي آلاكبر .. يـآ ترفي مآودك نروح لآبهـآ .. ( بس لانها تذكرني بـ لندن وطفلتي )
ليخبرني فقط آن قلبه معي ولم ينسآني وان طفلتي تسكن قلبه كـ آمهـآ بالضبط ..

اليـوم ليس كـ العـآده .. آمي قآبلتني ببتسآمه و ( من غير شـر آخوانك مب بـ البيت )
ابتسمت فقط لآطمئنهآ .. وبقلبي شي لم يهجع ..

لآ آحب ان اكون فيني بدون آشقـآئي آلاشقيـآء

هذآ ماحدث اليووووم ..

لولا الوفآ .. سكه لقـآء قرئته هنـآ
فـ شكرا الف ..

.. شاامخه ..

14-07-09, 02:35 AM

لعيون لولا الوفا تم حصر أخر موقف حصل اللي اليوم :::::

أأأأأأأأأليكم ....

أأليوم في المحاضره دزتلي رفيجتي مسج أبي خرده عطشانه أبي أشتري ماي والدكتوره"من النوع العصبي" قلت لها الدكتوره عصبيه ماأقدر أطلع دشي أخذيها وهي نفس الشي كانت خايفه تفشلها جدام البنات

كسرت خاطري خفت تموت من العطش والسبه أنا قلت بقول للدكتوره وأنا بنت أبوي واللي فيها فيها

والقاعه كبيره وفيها فوق 65 طالبه والدكتوره قاعده تشرح فجأه .... رفعت أيدي وقطعت الشرح ولفت علي نعممممممم ؟.

وأنأ بصوت عأأأأأأأأأأألي <<يعني قويه قلت دكتوره رفيجتي برأ تبي خرده عادي أعطيها؟. وألا القاعه كلها ههههههههههههههههههههههههههههههههه والغريب أن الكتوره ضحكت ولأ تقولي كنتي تقدرين تقولين بطلع شوي بكلم وحده برأ أحسن من لا تقولين بعطيها خرده

أنا وجهي كان جذيه(( ؟؟؟؟؟؟؟؟؟؟؟؟)) وكنت أتسأأأأأءل ليش شفيها الخرده لهدرجه تفشل يعني؟ ............................. ....