زمــــــــــــــــــان عن الحصـــــــــــة.. حيـــــــــــاكم,, [الأرشيف]

إح ـــســــــــــاس بنوته..

13-05-09, 08:56 AM

إخواني أخواتي أعضاء المنتدى الكرام...
السلام عليكم ورحمة الله وبركاته...
صباحكم / مساؤكم ورد ..وفل.. وياسمين..
لفت انتباهي منهج تعبير المرحلة الابتدائية .. صاير مجرد ملزمة وجيل التقويم المستمر الله يحفظهم ويرعاهم يقرأ منه ويحاكي بس..
لكن انه نعطيهم فرصة يكتبون لا..
أستغرب حالهم ونفسي أعرف هل سيخرج من هالجيل كتاب وروائيين ونقاد وباحثين
مشهورين يشار إليهم بالبنان..
الله يرحم أيامنا بس......أنا مو قاهرني إلا أنهم ماذاقوا الاختبارات وقرفها ...
على العموم ,, ياليت كل عضو يشرفني ويطرح ذكرياته مع هالحصه .. واللي ماكان يعرف يعبر ويخلي أحد
يعبر له يعترف....
عن نفسي كنت أكره الحصة لما تقول المعلمة الموضوع حر( طفشانه مالها خلق تختار موضوع) .. أحتار ايش
اكتب..
ياما عبرنا عن الماء والصديق والجنادريه طفشنا منها .. ماكان عندهم غيرها... بس طبعا في الثانوي كانت
مواضيع محترمه.. ولقاءات وحركااااااات تحسين نفسك صحفية......
أتمنى من الجميع المشاركة....
ودمتم بخـــــــــــــــــــــــــير..

حــــور

13-05-09, 04:55 PM

’,

ياحبيلك

تدرين أنا مدري وش المواد اللي كنت احبها ,,

كل شئ ماابيه ,,

واذا صار عندنا تعبير اكيد اليوم اللي قبله مناحه بالبيت لاني مااعرف اكتب ,,

بصراحه مدري وشلون كنا نعبر ,,

تصدقين عندي دفتر التعبير بس مدري اي مرحله بالضبط

قدييم شوي

علي خط مدري وشو ,, وعلي تعبير مدري كيف المعلمه سكتتني وكتبت ممتازه وحطت لي 9/10

بس ابوي كان هو يعبر لي ,, وتكشفني الاستاذه لان مستواه اكبر بكثير ويبين

كنت احب التاريخ والى الان احب التاريخ ,,

بس لما تخرجت من الثانوي ماحبيت ادرسه كعلم مستقل ,,

لانه غثيث :) ويبيله

ووووووبس

هذا ماعندي

بس رجعتيني وتذكرت الابتدائي لما يجي يوم الثلاثاء عندنا جمعيات كانت اقوى فللله ..

والمتوسط تعرفين عاد ههههههههه انحاش من الحصه واروح للابله ذي وبعدها ذيك وبعدها هذيك لين تنتهي الحصه

والا معي قهوتي والشاهي وانا وصديقتي ههههههههههههههه وباي حصه نمخمخ عالشاهي

حصة الرياضيات

مره الاستاذه كشفتنا شافت تحت الطاوله جميع انواع حب باجه هههههههههههههههه

وصارت لنا سوالف وبرضو ماتبنااا

والثانوي كنت لا هيه ابي انجح واتخرج بس :)

:rose:

**بنت مطيررر**

13-05-09, 05:09 PM

عووووافي الغلا..

أمااااا كتاب وروائيوون كثري منها ولا أقولج أغسلي أيدج مثل ماغسلتها قبلج

ياحبيبتي الجيل والتعليم يهالوقت والمناهج مو للدراسه الحين لمضيعة الوقت وبس مافي شي اسمه دراسه فعليه الا القليل

انا ماظلم الكل وانتي شايفتها شلون الحين

يسلمووووووووووووووووووووووو

كت كات

13-05-09, 09:04 PM

هلا وغلا...احساس
تدرين انتي ذكرتيني بالذي مضى...

الحمدلله كانت عندي موهبة في التعبير من الصف الرابع الابتدائي...

واذكر الى الان الموضوع...كان عن الفصول الاربعة...قلبت الموضوع خاطرة...

وطارت في المدرسة و ذهبت بي الى المديرة ووقعت ليه ونجمة وحالة...((توقيع حاشا لله معجبة مو مديرة..

المهم

كانت عندي موهبة رائعة.....بس حسافة دايما مشاكل مع ابلات العربي...

مين اللي كتبلك الموضوع....اعترفي....اختك..امك...ابوك...؟؟؟مين...

وانا ابكي والله موضوعي...تعبيري ياناس....ولا احد جنبي((كأنهم مو مصدقين ان احد من ابنائهم عنده موهبة

صراحة كرهوني التعبير ...

لما يصير فيه تشكيك في قدراتك وحقوق نشرك لمواضيعك...

تحس انك في عالم...غير عالمك....

وفعلا اعتزلت التعبير والادب والكتابة من الصف الاول ثانوي...

ولكن سبحان الله هذي الايام ا شتقت الى الكتابة...وقررت انشاء مدونة لي..

لاكتب فيها يومياتي...تعليقاتي على بعض الموضوعات...

وعلى فكرة اشتريت الدومين خلاص,,,وخليت مدونتي باسم سديم...

كت كات

13-05-09, 09:07 PM

بس فعلا يالله موضوعك رائع...

دمتي بخير يالغالية

ندى الأيام

13-05-09, 09:12 PM

أحساس بنوته ..
الجيل الجديد .. اللي طالع أغبى جيل على الاطلاق ,,
الله يستر عليهم .. لا دراسة لا تعبير لا هم يحزنون
بس ممكن ان هذي الطريقة تكون مفيدة ويطلع ظننا العكس
بحيث انك لا تدرس مالا تحب.. ولا تكتب مالا تحب
الله وأعلم ,,
موضوع رائع دمتي بخير

خفوووق الشعر

13-05-09, 09:19 PM

إح ـــســــــــــاس بنوته..

13-05-09, 11:56 PM

’,
ياحبيلك
تدرين أنا مدري وش المواد اللي كنت احبها ,,
كل شئ ماابيه ,,
واذا صار عندنا تعبير اكيد اليوم اللي قبله مناحه بالبيت لاني مااعرف اكتب ,,
بصراحه مدري وشلون كنا نعبر ,,
تصدقين عندي دفتر التعبير بس مدري اي مرحله بالضبط
قدييم شوي
علي خط مدري وشو ,, وعلي تعبير مدري كيف المعلمه سكتتني وكتبت ممتازه وحطت لي 9/10
بس ابوي كان هو يعبر لي ,, وتكشفني الاستاذه لان مستواه اكبر بكثير ويبين
كنت احب التاريخ والى الان احب التاريخ ,,
بس لما تخرجت من الثانوي ماحبيت ادرسه كعلم مستقل ,,
لانه غثيث :) ويبيله
ووووووبس
هذا ماعندي
بس رجعتيني وتذكرت الابتدائي لما يجي يوم الثلاثاء عندنا جمعيات كانت اقوى فللله ..
والمتوسط تعرفين عاد ههههههههه انحاش من الحصه واروح للابله ذي وبعدها ذيك وبعدها هذيك لين تنتهي الحصه
والا معي قهوتي والشاهي وانا وصديقتي ههههههههههههههه وباي حصه نمخمخ عالشاهي
حصة الرياضيات
مره الاستاذه كشفتنا شافت تحت الطاوله جميع انواع حب باجه هههههههههههههههه
وصارت لنا سوالف وبرضو ماتبنااا
والثانوي كنت لا هيه ابي انجح واتخرج بس :)
:rose:

هلا فيك حـــور..نورتيني يالغلا...

بس كويس اعترفتي أبوك كان يعبر لك ... خلاص بروح أراقب كل كتاباتك.. أمزح ..ههههههه

وأنا بعد أحيانا إذا في مواضيع ماعجبتني ومالي مزاج أكتب أروح لأمي حبيبتي...ماتقصر...

بس ماشاء الله عليك فله بقوه..

دمت ِ بخــــــــــــــــــــــــير..

إح ـــســــــــــاس بنوته..

14-05-09, 12:01 AM

حياك الله بنت مطير..نورتيني..

وعلى قولك هالجيل جيل اللعب لا وكل شيء يبغونه باختصار...

كنت أحفظ أخوي في ثالث ابتائي في نقاط مختصره في الكتاب( يازينها كتبهم الحين ملونه ومختصره) ..

شوي والاخ يقول لي والله صعب اختصري لي.... عصبني قلت له فوق هالاختصار ما أقدر اختصر...دلع..

جيل غبي...

دمتِ بخــــــــــــــــــــــير..

إح ـــســــــــــاس بنوته..

14-05-09, 12:10 AM

هلا وغلا كت كات..

وما شاء الله كنت ِ خطيره في الحصة .. ياليتني كنت في نفس مدرستك...وأشوف المعجبين...ههههههههه

وصدقيني أنا تفاجأت بروعة مواضيعك وكتاباتك...كان دخلتي عربي وأبدعتي..ههههههه

وعلى قولك ما في تقدير للمواهب.. بس ياقلبي خطوه جيده واصلي ... وإن شاء الله نشوفك كاتبه مشهوره

ولا روائيه( تكتبين عن دفعتنا ... و مراحلها ) ياسلام اتوقع ماتخلصينها ...ههههههه

موفقه ياقلبي.. أسعدني تواجدك...

دمتِ بخــــــــــــــــــــــــير..

يداعبها الخجل}!

14-05-09, 12:12 AM

..........

زماااااااااان يااافن

انا كنت اكتب واعبر يعني ماكان فيه مشاااكل

المشكله دااائما في الاختبااارات ماادري وش سالفتي معهااا

يعني كنت شاطره ومعروفه عند مدرساتي وكنت طاله مثاليه لكن ماكنت اصحاااب انا والامتحانات اجيب العيد

حتى معلماتي يستغربوووو

الاختبارات الوحيده اللي ذاااكرتهااا وحليتهااا من قلب الثانويه العامه

يمكن لانه كااان عندي طموح ويااارب لك الحمد تحققق

..................

صح في شي نسيته

طووول عمري انجح واجيب تقديراااات ممتازه

وعلى اخر سنه بالكليه ,,

جااانااا دكتور وطلع علي الماده
وأختبرتهااا دور ثاااني
وكنت مقهوووره من جد ويوم الاختبار شفت طالبه معنا في الفعه من العشر الاوائل والدكتور مطلع عليهااا الماده

مدري يمكن لئامه مني بس ارتحت قلت مدام هذي مثلي اكيد العيب مو مناااا

شفتووو القهرررررررررر

بس يالله ..

كلهااا ذكريااااااااااااااات وعدت

إح ـــســــــــــاس بنوته..

14-05-09, 12:28 AM

هلا فيك ندى الايام.. نورتيني..

أنا معك بكل كلمة قلتيها .. بس أنا موضوعي عن حصة التعبير أتمنى تحكينا عن تجربتك...

دمتِ بخـــــــــــــــــــــير..

إح ـــســــــــــاس بنوته..

14-05-09, 12:40 AM

اصلا الاميريكان سوو هالطريقه قبل 20 سنه واكتشفوا انها فاشله (يعني بتنجح على طلابنا )
بالنسبه لحصه التعبيرانا كنت اعبر عادي واكتب صفحات بعد
بس اتذكر انا وصديقتي كنا اذا قومتنا الابله نقراء تعبيرنا (طبعا مو مع بعض )
اذا غلطنا بكلمه وحنا نقراء نضرب راسنا ليش ما ادري :)
احساس (البنات يكتبون التعبير بخيالهم اما الاولاد لا)
اتذكر مره بنت عمي ورتنا دفتر تعبير اخوها وكاتب عن العيد ووش سوى بالتفصيل
ذهبت الى امي وقبلت راسها ثم ذهبت الى ابي وقبلت راسه واعطاني العيديه
ولبست ثوبي الجديد ........... الخ بعض اللي اتذكره
يعطيك العاااااااااافيه على الموضوع

هلا فيك خفووق نورتيني يالغلا...

على قولك عند الامريكان فشلت واللي هنا عندهم أمل تنجح..

خفووق أعرف الحركه هذه والله رهيبه..زمان يافن..

طبعا البنات خيالهم واسع وإحساسهم يوسع خيالهم وأحيانا دموعهم تغلبهم وهم يكتبون من قوة وعمق اللي يحسون فيه.. وطبعا مايزعلون علينا الشباب في منهم اللي يكتب بإحساسه..

وعلى طاري ولد عمك.. أخوي يحكيني عن واحد عبيط من فصلهم لما كانوا في خامس..موضوع التعبير عن المسجد..تخيلي ايش كتب..( محمد يذهب إلى المسجد, خالد يذهب إلى المسجد,..........)يقول كتب طلاب الفصل كله ورجع كتب الاستاذ... استهبال على أصوله..ههههههههههههههههههه

الله يعافيك ياقلبي..
أسعدني مرورك...
دمتِ بخــــــــــــــــــــــير..

إح ـــســــــــــاس بنوته..

14-05-09, 12:48 AM

هلا وغلا من حشمني,,صرت لعيونه هديه.. نورتيني ياقلبي..

حبيبتي التوفيق من الله وعلى قولك فيه ناس شطار بس في الامتحانات يتعثرون ماتدرين من ايش ( قلق ولا

توتر ولا مقدر له ).. بس أهم شيء تفوقتي في ثالث هي المصيريه...

أسعدني تواجدك ياقلبي .. وإن شاء الله يكون التوفيق حليفك دائماً يارب..

دمتِ بخــــــــــــــــــــــير..

دانيهـ

14-05-09, 01:30 AM

هلا إحساس
يووووه انا ليومك هذا يخونني التعبير
ولما كنت في الابتدائي كان أخوي يعبر لي تخيلي حتى لما يكون خارج البيت أدق عليه ويمليني
ويوم الاختبار أتوهق بقوه,,,

على الذكريات أتذكر موضوع عن المعلم ما كتبت الا جملة وحدة
(( لولا المعلم ما وجدنا الطبيب ولا المهندس ولا....الخ ))
وأكررها ,,,
,
,
وبالنسبة للجيل الجاي << الله يستر عليه

دانيهـ

إح ـــســــــــــاس بنوته..

14-05-09, 02:04 AM

هلا وغلا دانيه ..نورتيني..

ولازم الاستعانه بصديق شوي...

سعدت بمرورك..

دمتِ بخــــــــــــــــــــــــير..

ملآكـ بقـلبـها

14-05-09, 02:21 AM

بكون صريحه ..

كنت أكتب كل شي أعرفه ،، وأحب يوم تقول تحدثوا عن الصلاة وإلا الحج كنت أنسخ لها كتاب الفقه http://www.almusa3ed.com/vb/images/icons/icon10.gif

وكان أسخف تعبير تعبيري خخخخخخخخخخخخخ

وأطول تعبير ما اتنازل عن 10 صفخات أخليها تحط الدرجه الكامله غصب http://www.almusa3ed.com/vb/images/icons/icon10.gif

مو من الشطارة وغلا من زين التعبير ،، بس من طوله مالها خلق تقرأ http://www.almusa3ed.com/vb/images/icons/icon10.gif

ويختي هالبزران صاروا مفهين من الدرجات ( كلها 1 ) ..

الله يرحم أيامنا كنا نتفّل العافيه من الأختبارات النهائيه http://www.almusa3ed.com/vb/images/icons/icon10.gif

عوافي :)

شقـاوه بنيهـ

14-05-09, 02:46 AM

,’

كانت عقدتي في الحيــاة ..الهمزه ونقط التاء المربوطهـ

وعشان كذا المدرسه طويله العمر .. مستحيل تعطيني في الإنشاء درجه كامله !!

تقولي عشان تتعلميــن ..

وإلى يومك وأنا على نفس الحالهـ

سلم ـت اليمين

,’

إح ـــســــــــــاس بنوته..

14-05-09, 03:04 AM

هلا وغلا ملاك .. نورتيني..

واضح من أسلوبك الحين إنك ماشاء الله خبره.. طلعت من زمان الموهبة...

وبعدين حرااااااااااام عليك 10 صفحات.. انا لو اقرأ صفحتين أطفش... بس غصبا عنها تحط درجه..

حلوه الخطه..

وعلى قولك الحين ماشاء الله الصاحي والمجنون كلهم أتقنوا ...وكلهم الأوائل..هههههههههه

دمتِ بخـــــــــــــــــــــــــير..

إح ـــســــــــــاس بنوته..

14-05-09, 03:09 AM

هلا وغلا شقاوة..نورتيني ..

وبعدين مايستحون يركزون على النقاط والهمزه وينسون يستمتعون بالابداع..

على العموم الحلو مايكمل..

وتسلمين على مرورك العطر..

دمتِ بخــــــــــــــــــــــير..

BECKHAM

14-05-09, 03:14 AM

احساس ع طاري هالنظام الفاشل ولد عمي رابع ابتدائي ولايعرف يقرا ولايكتب واذكر نتائجه كلها الف يعني ممتاز ,امام ذكرياتي مع الحصص هالتعبير ترى عندنا يالاولاد وخصوصا مدرستنا بلابتدائي مااكان نهتم فيه واجد ابد يدخل المدرس عبرو عن الصلاه او الحج وخلاص كل واحد ينقل من الثاني وبس حتى اغلب شئ ناخذها حصة بدنية والمدرس حق تعبيرنا يطامر معنا >صف 6 ابتدائي هالكلام .
احساس موضوعك اعاد لنا ذكريات حلوة يعطيك الف عافيه.

إح ـــســــــــــاس بنوته..

14-05-09, 03:21 AM

هلا وغلا بيكهام نورتني..

بالنسبه لكم يالاولاد كل شيء تساهيل ولعب ومسخره أجل حصة تعبير تنقلب بدنيه.. كله يهون علشان المنتخب..ههههههههه

بس كويس تعبرون عن الصلاة اهم شيء... لا وكلكم طقم نفس الكلام ..ههههههههههه

ياحليلكم.. عايشين حياتكم..

والله يعافيك..

دمت بخـــــــــــــــــــــير..

بلا سواحل

15-05-09, 04:55 AM

؛،
احساس ..
مسا الفل..

تصدقين..هم محتاجين فرصة..
لو نعطيهم اشوي اهتمام..
راح يعطونا جمل مستحيلة...صدقيني^_*

على العموم..
عندي موقف حصلي بالمتوسط راح يبين لك تناكة راسي^_^
مرة كان عندنا اختبار تعبير ..وراقبت علينا مراقبة علة تسلطت علي..
تقولي لا تستخدمين المرسام اكتبي بالقلم عالورقة على طول..
طيب انا مااعرف ...قالت مافي كذا وبس<<شف البزرنه؟!!
وقعدت على راسي!!
يمين شمال ابي كلمة تجي في راسي..
خلاص تنكت قفلت معي..
هي صكت خلقي واعفستن..وماتبيني اكتب بالمرسام بعد؟؟

خبرك..الحس الابداعي اللي فيني محتاج جو..وهي عكرته علي ياعيني
:)

عاد قعدت لك نص الفترة لين اطلعوا البنات ماكتبت والله ولا سطر...
والعبرة تخنقن..

المراقبة الثانية شافتني عقب..
قالت ليه ماتكتبين..
قلتله مااعرف اكتب الا بالمرسام ..وابله ليلى مو راضية اكتب به..
هاشته عني وخلتني اكتب بالمرسام..
وما طلعت من القاعه الا لمن انتهى الوقت<<تستاهل ليلى ,,قعدته معي للاخر...بردت القهوة^_*

عاد ممكن اتميلح عليك واقولك اني كنت ممثلة مدرستي بمسابقة التعبير على مستوى مدارس المنطقة في ثالث متوسط..
كان عبارة عن تقرير صحفي عن التلوث البيئي..واخترت اسوي اللقا مع ابوي<<<اكشخ..
بس ماخذت اي ترتيب...كانت مجرد مشاركة..

كنت <<لاحظي كنت...احب التعبير..
تركته بعد المدارس فترة..

وما رجعت اكتب الا لمن اشتركت في هالمنتدى..
لما اشتركت في مسابقة المقال..
والفضل طبعا للقائمين بالمسابقة..
كني كنت منتظره احد يقولي اكتبي..

>>وكني اقول اللحين وين المسابقات ..
بصراحة ودنا به..
يعني كانت فكرة مرة حلوة..
ليته استمرت..نستفيد!!

شكرا على هالموضوع الفنتاستك
:rose:

،.

اميرة المرسى

15-05-09, 05:13 AM

موضوع رايق وممتع

رجعتيني للماضي 00 يعطيك العافيه

اتذكر في المرحله المتوسطه كانت مدرسة التعبير مصريه

وعطتنا موضوع نعبر عنه !! واقوم اسطر لها اغنيه لمحمد عبده

استانست عليها 00

وعطتني علامه ممتازه $ مادرت اني لاطشه الكلام من الاغنيه هههههههههه

أرجوان

16-05-09, 12:47 AM

إحساس بنوته 00قلبتي علي المواجع
التعبير أكثر ماده أكرهههههههههههههها وبقوووه
الله يخلي لي أختي من كنت برابع إبتدائي إلى ثالث ثانوي وهي تعبر لي
ماده ممله جدا

عوااافي ع الموضوع خيتو
أرجوان00

إح ـــســــــــــاس بنوته..

16-05-09, 02:52 AM

بلا سواحل نورتيني يالغلا..

شكلك صاحبة مزاج وطقوس غريبة في هالمادة بالذات.. بس والله جدعه أخذتي حقك...هههههههههه

تسلمين ياقلبي..

دمتِ بخـــــــــــــــــير..

إح ـــســــــــــاس بنوته..

16-05-09, 02:58 AM

هلا وغلا أميرة المرسى..

نورتيني..

بس ياحرااااااااااام المصرية أخذت فيك مقلب .. بس تستاهل..

يعطيك العافية..

دمتِ بخـــــــــــــــــــــــــــير..

إح ـــســــــــــاس بنوته..

16-05-09, 03:03 AM

هلا و غلا أرجوان..

نورتيني..

وآسفه إن قلبت عليك المواجع.. بس الله يحفظ لك أختك من كل شر.. ويالله لازم تردين لها الجميل شوي..

وفي النهايه هي موهبه .. بس أكيد عندك مواهب حلوه في أشياء ثانية..

الله يعافيك ياقلبو ..

دمتِ بخـــــــــــــــــير..

قمـ الكون ـر

16-05-09, 09:28 AM

يالله كح كح غبار وين حصة التعبير وزمن الفن
في البتدائية طبعا كله نقش وفي المتوسطه بدانا بالتخريف الام والجده والصيف والمطر << الحصه تنتهي ونحن ندق حنك مع بعض والتيتشر بتعتنا تصحح دفاتر العربي خخخ
اما في التانويه واوووووو جد كانت حصه ممتعه تطلع المواهب
...

دمت بخير احساس اذكر مره عبرت عن احساس هههههههههههــــــــ كنت عارفه اني بقابلها يوم من الايام

إح ـــســــــــــاس بنوته..

16-05-09, 08:58 PM

هلا وغلا قمرنا..

نورتيني عيوني.

أتوقع أنه أصلا ماعندك دفتر تعبير ولا تهمك الحصة.. وعلى طول التيتشر موقفتك ولا برا..
وبعدين إذا عبرتي عن إحساس زي ماتقولين ارسليه لي...بس أكيد عن إحساسك بالطفش وقتها صح..هههههههههههههههههه

أسعدني مرورك..

دمتِ بخـــــــــــــــــــير..ويابخت لونه بأحن خاله في الدنيا..

مشاعرفى مهب الريح

17-05-09, 03:26 AM

ياصباح الذكريآت البريئه

والله احلى الايام ايام المدارس

مو الكليات وحوسه المبانى وكل شوى تبديل القاعات من مبنى لمبنى

موقفين صارت لى بالابتدائى مستحيل انساها وكلها

مع نفس الابله ..

اولها ماده التعبير بما ان الكل يسولف عن هالماده

كنت اعشقها واسمتمع فيها حيل الزبده ان مدرسه الماده طلبت

منا تعبير عن الحج وكتبت اللى جادت به القريحه

الاانها نادتنى وطلبت منى اعترف من كتب التعبير عنى

يوم شافتنى مصره انى انا تدرون وش سوت
اخذتنى لغرفه المعلمات وطلعت ورقه (فرخ)

وقالت اكتبى هنا ع بال مااصحح الدفاتر

كتبت ويوم وجهه برد وعرفت انى قادره ع الكتابه

علقت موبنفس المستوى ؛؛

الموقف اللى بعدى وربى ياأأأنه يقهر

هذاك اليوم كانت مريضه ومارتبت الجدول

الوالده الله يحفظها حطت لى الكتب وماحطت كتاب القواعد

وقفت بأول الحصه وقلتها نسيته

وع فكره كنت دائما اخذ الاولى ع المدرسه

توقعت تقدر موقفى وحالتى تدرون وش سوت

ماشوف الا ذاك الكف ع وجهى ومسكت شعرى وتصارخ على

انا هسترت تقولون مسكنى كهرب وصحت بأعلى صوتى لدرجه
الكل تجمع ع فصلى وحاولو يسكتونى وانا كان فيكم خير سكتونى

وودونى الاداره لكنى اصريت يجيبون امى وبالفعل امى جات

وعطت المعلمه اللى فيه الخير <<دلوعه امها

يوووه ياكثر ذكريات المدارس بذات ذكريات
الابتدائى احسها احلى شى ..

مره خليت ابوى يصلح مكيف الفصل ع حسابه ههههه

ومره تلخبطت الصبح واخذت شنطه اخوى خخخ شى عجب

لا ومره كنت احترى السواق تاخر نزلت

عند البيت وحطيت شنطتى ع سياره اخوى

ويوم جاء السواق طلعت وتركت الشنطه ههه

هذا ايام الثانوى هههههههه مااستوعبت الايوم عند المدرسه

طبعا جابوها اهلى الحصه الثالثه بس تخيلى وجههك وانتى تقولين

للابله نسيت شنطتى بالبيت يووووه كسفه منجد

منجد ياليت ايام المدرسه ترجع ..

ادرى طولت <<ماردى وشفينى اليوم ^ -^

ع ....العموم
يعطيك الف عااافيه ع المساحه البريئه !!