مغامرات طفشااان ,,طفشاانه

[مواطنة أي شي ..]

طفشاااااان .... طفشاااانه ....
ضايقن صدري .... ودي بشي ما أدري وشو ...
ودي أغير ضحكتي .... ودي افجر غرفتي ....
ادخل قوقل وقالوا انه ابن حلال واكتب فيه ... أي شي ... أي ناس ... أي احد ....
اتسكع بين غرفتي وغرفة اخوي طفشان بيك .. هلا طفشااانه هانم .... اطنشه ما أرد كذا طفشانه


أسوي مسابقة جري بين رجلي اليمين واليسار واطفش مافاز احد ...ثم تحلف اليسار انها الفايزه .. واهددها لو كذبت ثاني بقطعها ...

أعلن أني رسامه وأشتري أغلى الكراس ولا أرسم به شي .... وأقول أني مصممه وابدأ أرسم فساتين ... وأفرح بمشاوير الخياطه ثم أضيق ونحضر عروس ثم تخلص واطفش من جديد وأدعي ربي يارب يعرس كل انسان كثيررر مرات ....ثم أكتشف أني ما أحب العروس ....و اكره تعدد الزوجات ..

.
عمرك طفشت من الطفش .. ...
هذا يشبه جنون البقر لعب بالصغار والكبار ولد اختي الصغير خمس سنوات سألته ليه انت بس طفشان قال انا اعرف اربع .. طفشان .. جيعان .. حشران .. نعسان ...


هنا راح نسجل يوميا طفشااااان وطفشاااانه ...
بس عمرك طفشت من وجهك ... وحاولت تغيره .. يعني كذا تحط وجه مريام فارس على جسمك .. وجسم نبيل شعيل على وجه رابح صقر وتلبسهم ... عمرك قلت لبطنك يوم يعورك طفشت منك حل وريحني ....


اخوي طفشان بيك بيوم من الأيام من كثر الطفش قرر يشتري غنم ... سألته ليه قال ماهنا وظيفه... حبيت يدي وجه وقفا وقلت ولاهنا عقل ...

وشراء غنم ومالقاء محل يحطها فيه ... ابو التخطيط اللي تعرفه هو ووجهه وجاء ناقلها يم بيتنا ... من زين حظه كان ابوي وعمتي يرتشفون ( قويه شوي ) شاي العصيريه بالحوش .. ثماً هو فك الباب واطلق الغنم ... وعمتي تهج تسوي حساسه حقه ياعمتي وابوي يغرقه بكوم من السب والعن ثماً لم اغنمه وراح السوق ... ماكمل لي السالفه لانه بارداً وجه وقال طفش مني وسكر النور ....



قررت انا وطفشان نروح يم المدينة ونسكن بيت يبه ويمه يبه هو جدي ويمه هي جدتي وجدي وجدتي مايعرفون لطفش عنوان ثماً رحنا عندهم وعطوني غرفه بصدر البيت وافتحو لطفشان حفره بالجدار .. اقصد عطوه المقلط مع ان البيت كبير بس جدتي تكره ريحته اقصد ريحة دخانه ... طفشان مروح يدخن ازرق ...


امكن ارجع اسجل لكم يوميات طفشاان وطفشاانه وامكن اطفش منكم ....

اتمنى لكم اطفش الأوقات ...

[يمامة]

,


فراشة ...



لقصص [ الطفش ] سيرة واعية لطول المسآفة بـ آلآف الكيلومترات ..!
تبدأ أحيانًا معي في أول نهار [ مسنتر] على أن لآ ينتهيْ
فيكون الجو [ ملآئم ] لـ طفش أصلي صورة وصوتْ ..!
الطفش في قواميسي ممتعض منّي أنا ....وبيننا وشائج [ كراهية ]
لآ تخفى على من يراها ..!
وجهي أول [ ضحآيا ] الطفش ....فـ لهُ قدرة أحتمال متوردة على البقاء
كـ بيرقٍ ما برقعة شطرنج ممزوجة الألوان ....!
وبعدهآ من [ يعرفني ] فقد [ عرفني ] ..!!!
تمزيق أوراق الدفاتر وتطوير أشكآلها [ وسواس ] قهري
يتمكنُ منّي كل أوقات [ الضجر ] ..!
وعلآئمُ [ التململ] ........بآدية على محيآ كل يوم لآ تنهمك الساعات فيه
بعمل ...أحيانا أشقى بالدعاء أن [ أضجر ] نومًا ....ورآحة ..!


,

المغآمرات هنآ ....بالتأكيد ستكون ممتعة برغم [ الطفش ]

[خفوووق الشعر]

فراشه

الطفش يخلينا نتصرف تصرفات غريبه ماينلامون اللي يسمونها بعدها بالمجانين
انا عني اذا طفشت مالي الا الميك اب
اقعد العب بوجهي احيان ابدع
واحيان ادمر وجهي

مره من المريرات لعبت بوجهي لعب حطيت لي بلاشر بني
وروج اسود <<<من الشدو طبعا :)
وطولت ماغسلت وجهي كان عاجبني الوضع

واحيانا اطبخ طبخات عجيبه من راسي الوصفات والمقادير والنهايه دايما >>>> :(


يعطيك العاااااااافيه طفشانه هانم

[غ ــرق ..]

أنا ماطفش كثير الا بمرور ظروف معينه


أحيان وأنا طفشانه أرسم أي شي يطرى على بالي وأرسم على أي شي ..

مره كنت عجزانه لاقوم وقسم رسمت ع المخده حقتي .. وعندي للآن ..

يضيع وقتي أغلبه بالكتابه ..

بفلم مرعب ..



أغرب حالات الطفش عندي أطب بالمسبح ساعتين ثلاث أربع لين أطفش منه ويروح كل الطفش ..



وآخر حالات الطفش قبل يومين أخذت شاور دافي وبعدها نمت نوم عمييق وصحيت وأنا مبسوطه ..



واحيان طفشاتي أضيعها مع أهل وخواتي وجنانا بالبيت



فراشه حبيت موضوعك كثير

[إح ـــســــــــــاس بنوته..]

هلا فراشه..

آه يالطفش..داء الكل ..كبير وصغير..

عن نفسي إذا طفشت لازم آخذ لي شاور طوييييييل .. ياسلام أطلع بعده مروقه على الآخر..

ولا رحت لجدتي ومجلسها ونااااااااااااااااسه..بس بيني وبينك احس حتى سوالفهم تطفشني كلها عن فلانه وعلانه.. ونصهم ما اعرفهم..

لا والحين معي موال هيا البحر .. كل يومين وانا هيا هيا.. أحسه ينسيك نفسك خصوصا هالايام..

والله عندنا دباب خطير شكلي راح أتهور وأطلع به يوم للبحر..عااااااااااادي طفشانه وما أبي أروح بالسياره...

بس والله الفراغ أبو الطفش ..

وبس .. واكيد راح نخط لك مغامراتنا مع الطفش اليومي.. على طول..

تسلمين يالغلا..

[حـوريــــة]

طيب حلو يربي الغنم يتسلى ويطير طفش :d

يختي الطفش ما خلا أحد بحاله .. مره ويمسك معي وأقوم على جدار الغرفة

وأنواع الإبداع ..< الله لايوريك :d

جبت بويه ودهنتها صارت تفشل يوم شافها أبوي قال تقول غرفة عزاب :$

[لولا الوفا]

الطفــش

حآجــه تضيــق الصــدر


لا جات الأجازه

أقــوم من النــوم ...

أسـبح

ألبس وأكشخ

أركب السياره

والله مآني عآرف وين متجه

أفتر أرجع البيت أقعد بالدوآنيـه

أنطر متى يتأخر الوقت عشان أنآم

وأقول يالله ان بكرآ يكون احسن من اليوم

................................

مآرسـت جـميع الهوآيـآت ..........

هوآيآت لن تطري على بآل أنسآن طبيعي

ووللأسف أمـل وابحث عن الجديد

ولكن ...

أستغرب لمآ اشوف خويآي المطآوعـه شلون يضحكون طول الوقت

وشلون ما عمرهم اشتكو من الطفش


..... سبحآن الله ... من تعلق قلبه في الدين والصلاه

شرح الله صدره

وأبعد عنه الهم ( والطفـــششششششششششش )


شكـرآ شكرآآ

وطشفنآ يآ مطـفش :)

[شقـاوه بنيهـ]

,’


أذكر مره كنا طفشانين أنا وأختي وبنت خالتو ..

وتقريبا الساعه 6 الصباح بالإجازه .. ونص العالم نايمين هالوقت

وما لقينا حاجهـ نسويهـــآ


المجانين اللي معي ..

فتحوا باب الشارع .. وجلسوآ عنده

وأنوآع الهبال والضحك .. طبعا الشارع فاضي :)



إلين أنطحن اللي براسنا .. ثم نمنا

<< الله يخلف عليكم


:)

[لون الغيم]

انا اذا طفشت اي شئ يخطر فبالي اسويه ولا احسب عواقب اللي سويته:)

.
.
مثلآ مره بالإجازه اللي طافت انواااع الطفش والملل وربي لبست ثوب عمي وطلعت الشارع وسنترت ساعه فيه انا و3 من خواتي "طبعآ لبسوا مثلي" لا ..وكان الوقت متأخر يعني على 3 الفجريه وماحسينا الا بأبوي اللي واقف على رووسنا :shock2:..
والله والنحشه .. وهو استغرب الوضع وصار يطرد ورانا يبي يعرف من هالشباب اللي واقفين عند باب بيته
بس الحمد لله عدى الموقف على خير .
.

بعدها اعلنت التوووووووووبه اني اطلع الشارع
.
.
والحين اذا صرت طفشششانه فتحت الجوال وقعدت اناظر صورنا ذاك اليوم واقعد اضحك على حالنا
.
.
فراشه حبيت موضوعك كثير :)

[أم العنزين]

الطفش كووووووم وطفش المحاظرات كوم ثاني لأنه طفش ماتقدرين تمارسيته
حدك كرسيك وتنثبرين
سوالف جانبه ولاتطول لكي لاتقعين بالخطر
على كم مسن صعايدا وإذا ماكانت صديقتك المفضله( إلي تفهي بالمحاظرات مثلك ولاتحسينك تشغلينها لأنها منشغله منشغله) مو مجاوره تماما تضطرين للبلوتوث
من جد طفششششششششش
أتذكر آخر محاظره كنا طفشانيييييييييييين
من الساعه 10 ولا خلصت إلا 12 ونص
بالنهايه كانت صديقتي تلعب بيدي ياما طقت أصابعي ياما فتحتها وسكرتها إلي يشوفها يقول ذي تعد شيء
وبعد تأمل قالت يوه عروقك مرتبات
أنا عروق؟؟
جتني فكره
أقري كفي وبقرى كفك
وخذ يا أستهبال
وعلى حسب مزاج كل وحده يكون حظ الثانيه
بعدها قالت بكتب أسأله وجاوبي عليها بأبيات شعر بس بدون ماتشوفينها
أنا كيف؟
قالت مشكلتك
أوكي كم سؤال
5
أوكي
تطلع الأجوبه بالصميم أحيان وأحيان من جنبها
بس بالنهايه أهم شيء يمضي الوقت قبل لاننجلط

فراشة المطر
ودي
:)

[أُمِنيّآتْ]

طفشانة هانم موضوعك خطيرر ويجيب الطفش :)


اذكر مرة سافروا اهلي وبقيت انا وواحد من اخواني كان طفش خاصة وقت الصبح الساعة 7 او 8 لانة يطلع


وابقى لحالي يكون عندة اختبار واقعد بطفش لحالي ومكان عندي اتصال للنت ومدري شسوي جت براسة فكرة...


قال البسي ثوبي وخوذي شماغ تلثمي فية وبوديك للمقهى نت قريب ماحد يجية وقت الصبح ويكون لك غرفة صغيرة


ساعة بالكثير وانا جايك بس لاتتحركين افكر وافكر اخر شي خفت قلت لا اطفش ولا اروح ههههههههههه

بس الطفش احيانا يجيب براسك اشياء يعني اذا اجتمعوا اثنين الله يخلف على العقول بس:)



اذا طفشت بسير هنا :p

[مواطنة أي شي ..]

دخلت على طفشان في غرفته اقصد مقلط يبه اللي هو قاط وجهه فيه ...
وكان في حاله من الرومنسية ... رافعاً رجوله على الجدار ويناظرهن ... قربة منه وقلت ب

[ندى الأيام]

فراشة المطر ..
وش حالة الطفش .. أنتي واخوك ؟
بصراحة أنا أعاني من طفش ماهو صاحي ..
حتى وانا مزحومة أقول : ياربي وش هالطفش
عل عموم ..
أنا من الطفش أسوي كل شي ..
وأول الأشياء .. الأكل بشراهه .. أخذ شاور .. أكشخ ..
و جميعها محاولة لتضييع حالة الطفش ..
موضوعك .. حسسني وش كثر عندي طفش .. الله يسامحك ..
دمتي بخير

[مواطنة أي شي ..]

والله الله يسامحني ويسامح الي طفشني واللي طشطشني وحرف الطاء والشين وحرف الهاء مادري ليه بس خليني ادعي للجميع
الفكره هنا اننا نصنع من الطفش متعه .. اخوي يشتري غنم .. انا العب بضافير رجوله ...
على الطاري يمه اليوم ترتشف حبيت ترتشف ذي شكلها بتعلق معي قهوتها ببيت الشعر بالحوش وجدي يغني .. وهي تقوم تجمع ورد تسوي فديو كلب ..
ثماً افتح الشباك .. واقطع الإرسال .. ويبه قال تعالي يابري حالي .. واركض واجلس بحضنه . حسيت يمه ودها بشي مادري وشو ... ثم قمت اتمرجح وهو يقصد فيني والله مادري يسبني ولا يمدحني ....بس اهم شي حسيت يمه طفشت مني

[ملآكـ بقـلبـها]

.


يووووووه يافراشه بتطفشين وأنتي تقرين طفشنا ..


بس عندي لكم نصيحه جاتني من أخوي أطفش شي ..






( إذا كثرت همومك كثّر نومك ) ..http://www.almusa3ed.com/vb/images/icons/icon10.gif

أستخدموها إذا طفشتم ،، وربي ماتندمون http://www.almusa3ed.com/vb/images/icons/icon10.gif



.

[خجول الورد]

هههههههههههههههههههههههههههههههههههههههههاي,,


والطفشات كثيرات ومن التطفيشات صرت مطفوشه ورججه,,


وع قول خيتو ياطفاشه ,,,

ياكثر طفشااااتي وأخرها الخميس من الطفش يوم الجمعه طحت وع المستشفى

والمشكله حتى وأنا تعبانه والمغذي بيدي أقوول لأمي طفشت طلعوني,,

الحمدالله والشكر ,,

فراشه <<ياكثر طفشاتي اللي تخبرينها,,و

!!طفشانه ماتبي تكتب,,,

وبث,,

:)

[ورود منثوره]

انا اذا طفشت مسكت لكم البيت كله ونظفته<< سنعه ماشاء الله
واذا خلصت الا انا ميته تعب عاد وانا طفشانه مااحس بالتعب هههههههههههههههها
واحيانا اجلس اسوي اي خلطه واحطها على وجهي عاد ابوي يقولي انتي شكلتس بتخربين بشرتس من ذا الخلطات قلت شسوي طفشت قال طفشتي تحطين حرتس بوجهتس
ومره ولد خالتي صغير جالسه الاعبه المهم جلست اضربه على خده وهو يطالع لي ويطنش عاد هو شسمه عليه نظرات ااذا استحقرك تقهر هههههههههههها واجلس اضربه قال وس سويت لتس قلت طفشانه وهو يضربني كف على وجهي قال وانا طفسان ووه بث ياحبي له

يعطيك العاااافيه على هالموضوع وكل ماطفشت وسويت شي جديد بسير فيذا

[أم العنزين]

عوده مليئه بالذكريات :)

أتذكر على أيام الصبى
وبالقصيم تحديدن
كان فيه عزيمه بس إنا متمردين وماراح نروح
يعني البيت مافيه إلا الصبايا
وإنا جالسين وطفشانييييييييييين جت ببالي فكره
بنوتات وش رايكم نصلح زواج
زواج؟؟
أيوه زواج
يالله أنا قررت أتزوج وبروح أزبط سكسوكتي وأنتم عليكم العروسه
أوكي؟؟
أوكي
طيب أبي ثوب وشماغ وجزمه (تكرمون) عريس ويحق لي أكشخ
طيب
دخلنا غرفة ولد خالتي أحس ذا لو أحد يقلب الدنيا فوق تحت عادي ماعنده مشكله
بس المصيبه ما أدري وش جنسيته مالقينا عنده ثياب
معدا ثوب واحد أهو ثوب عماني و للبيت طبعا
وجلسو يقنعوني البنات ثوب عماني مع عمامه يطلع كوشخه
خبلان أنتم وشوشتي وش أصلح فيها
طيب وولد خالتي الثاني
أتوقع لو يحس مجرد أحساس إن فيه ريحه غريبه بالغرفه و إلا أحد خطم من عند الباب قامة القيامه عنده كيف أجل لو أحد ياخذ ثوبه
وقررت كل واحد آخذ منه شيء عشان يضيع دمي بين القبائل
ثوب دقيت على بنت خالي وجابت ثوب أخوها
والشماغ والطاقيه حقات إلي مدري وش جنسيته ذا
والي مايحب أحد يلمس أغراضه قلت والله لا آخذ منه شيء بس ماتجرأة إلا على جزمته تكرمون
ورسمتلي ذاك السكسوكه والسوالف
ورسمت خخخخخخخخخ

العروسه دورنالها فستان قديييييييم ولبسته
وحطينالها مكياج تووووووحفه يخرررررررع
أنتم لاحضو إن المعرس يمكيج العروس
تناظرني وتقول مايصلح تحطين لي كحل وأنا مغمضه وربي يكش جلدي كل ماشفتك أحسك رجل

عاد إنا كنا خمسه
المعرس والعروسه وأم المعرس وأم العروس وحده مدري وش خليناها تقرب لنا خخخخخخخ يمكن أنها الخطابه خخخخخخخخخخخخخخخخ
المهم أمي وش مخلين شكلها
فارقين لها وملبسينها طرحه وحاطين بالشعر إلي طالع بودره على بالها مشيبه
لحظه لحظه توني أتذكر ليش مخلين أم العروس توها شباب وأمي مشيبه تبن تبنات خخخخخ

كملنا ورتبنا كل شيء
وحملنالنا زفه كمان
كل شيء جاهز

وتجي وحده من بنات خالتي توها جايه ماتدري وش السالفه ومسغربه من العجأه إلي بالبيت
ومن حسن الحظ أنا أطلع بوجهها
ياهي أحتاست حوس
جلست تسحب بعبايتها وحالتها صعبه تحسب إني واحد من عيال خالتي خخخخ (حسيت إني من جد أرحمنا إذا طلع أحد بوجيهنا شكلها يضضضضضضضضضضحك وإهي محتاسه

وتزوجنا وإنزفينا ولبستها الخاتم وقطعنا التارت
وبالرفاه والبنين خخخخخخخخ

فراشه شكرا بحجم جمال الذكريات التي نقلتيني لها

ودي

:)

[‏%sweetestgirl%,]

واااو وش حلاته موضوعك
اصلن الطفش هذي الايام صاير عاده بكل بيت
طفشي انا غييير
من اول مايكلم علي الطفش ويقول انه جاي
على طول اشغل المسجل وارقص وارقص<<فيفي عبدو
لين اشبع طبعا قدام المرايه<لازم جمهور
والا امسك الريموت بتاع التلفزيون والعب بحسبت الالوان
يطلع لك المذيع مغ ــبر والا اسود وابيض<<وه يجيب الهم
والا الوانه قويه كأنه علبه الوان كل لون داخل على الثاني
واجلس اضح ـــك وانبسط
جربوها ماره تنبسطون..
اتمنى لكم طفش سع ــــيد:)

[فهد الزغيبي]

ودّي أغير ضحكتي ...

ودّي أغير عطستي ...

( فعلا ً من الطفش ودّي اغير نفسي كل ابوها ) ..

http://www.youtube.com/watch?v=xtAZfH7MIhc


وإلى طفش قادم

[دلـع ـآلورد]

{ كل انواع الطفش في كوم وطفشي في ليله السبت اللي بعد اجازه في كوم ثاني :S

كذ1 أكون في منتهى القلق ..

واذ1 طفشت اغلب الاوقات اروح ابكي واطيب خاطري وبعدها يطيح الحطب هع

,,

عوآآآفي يـــآحلوه على ـــآلطرح


لـــــروحك .. http://www.shy22.com/upfiles/uqI42836.gif (http://www.shy22.com/)}

[(رجل يهوى الصعاب )]

والله الطفش يطفش

بس إذا طفشت أشغلك السيارة وأمسك خط الرياض السريع ويالله وما أرجع لين يطيح اللي براسي بعض الأوقات ما أرجع إلا وأنا قاطع 120 كيلو

[قصة شاعر (فهد)]

الطفشششش ومادرك ماالطفش..
لاتذكريني ...
اذا طفشت سويت جريمهــ اي جريمهــ تطري عليكــــ

اخوف الوالد <اسويله خرشه
ولا استهبل عليهــ ارفع ضغط يقول الهلال فاز اقوله لا
يقول انا شفت المباره اقوله لا تحلم يقول ياولد المباره مباشر
اقول ياشيخ دايما يحطون مباشر بس كذ
يلعبون عليييك ..يقول متاكد اقول لالا
وشلون توني مقابل محمد الشلهوب
يقول من متى تعرفه عشان تقابلهــ
اقوله من زمااااان بس كنت خايف تعطيني عين
قال وخر عن راسي لاذبحك ....
نخلص من الكوره ندخل الاتنخابات الكويت <<انا مو كوتي
المهم يقول مادريت ولد عممنا ضيف الله ابو رميه فاز بالانتخابات<<هو من جماعتنا ولد عم جدي
المهم اقولا لالا ياشيخ هو المركز الخامس حسافه نقطه ويفوز
يقول ياليل معكـــ انا شايف الفرز هو فاز المركز الرابع يفوز
قلت لالا من يقول نزلو قرار الثالث وبس.
لين تجي المخده على خشتيــ..
بعدين بكرامتي اقول كلامك يالغالي كله صح
وبعدين نطلع انا ويه نتمشهـــ ندوج انا وشايب فديتهــــ
معندي الا هو ارفع ضغطه،،،هع
ذاك الوقت ارتاح <<الله يخليه لي العوزه هع