وخا وبالزاف لـ طلال الرشيد

[جــــــــود]

ســـــــــلام كبير أوي لــ احلى أعضاء.........

في قصيده لــ أحد الشعراء يقول فيها.....

الزين عقــــب المغربيات ينعــــاف
غيـــــد لهـــن بالزيـــن ذكر وسيره
هذه القصيده أثارت مشــــاعر الغضب لدى الشاعر الكبير<طــــلال الرشيد> رحمه الله. فقام بالرد على هذه القصيده

بقصيدته...... وخـــا وبالزاف..

يابن الحلال ان طعتني خل الاســــراف
واتـــــرك جمال الغيـــد لاهل البصيره
الزيــــن مو بس المــــلامح والاوصـــــاف
الزين روح وعفه وطيب وسيــــــــره
مانيب من يهوى<ســـريا وانصــــــاف>
أنا هـــواي وبس بنـــت الجـــزيــــره
بنت الخليـــــج اللى تماري بالأعــراف
وحنا نماري باسمـــــها كل ديـــــــره
مـــالي غــــرام بقول وخـــاوبالزاف
أذبحــــني عند الطرحه المستــــديـــره
أحب قـــولة ياهـــلا وعل ماخـــلاف
من بنـــت ثوبي بنت الأرض النضــــــيره
اللي تحــــلاها الظبي حلو الاطراف
جمـــال في عفـــــه ورقــــه وغيـــــره
واللي بهـــا سحـــر مهوسحر عراف
ياعـــل عين ماتـــراها ضــــــريــــــــره
عطف وحنان وذوق في لين الاعطاف
والى كشفت لثـــامها شفـــت اميـــــره
صعبه على اللى بالردى شاف ماعاف
وحلوه على اللى سنة الله ضميــــره
شمس الى اشرقت والدجا طاف
غابت نجومك غصب لوهي كثيــــــره
السيف مايزهى سوى كف سياف
والخيل دون حصـــانها مستخـــــيره
بس انت دور لك على قدك لحاف
وأن طعتنــــي دور بدلنا عشيـــــــره
لــــ المرحوم طلال الرشيد<نشرت في مجلة فواصل العد 84>

طـــلال الرشيد.... غيابك ترك فـــراغا" مـــوحشا" في قلـــــوبنا

[ماجد الخثلان]

بنت الخليـــــج اللى تماري بالأعــراف
وحنا نماري باسمـــــها كل ديـــــــره

وانا اشهد

رحم الله الشاعر والأنسان الطيب / طلال الرشيد
ولازلت حياً يا طلال في قلوبنا


جود
الله يمسي ايامك بالروعه والجمالـ ..
مبدعة في كل شئ

يعطيك العافيهـ ..

[النجلا]

واللي بهـــا سحـــر مهوسحر عراف
ياعـــل عين ماتـــراها ضــــــريــــــــره
8
8
8
8
8
يجنن هذا البيت

وكل القصيده مره حلوه

وهذا موب جديد على الشاعر طلا الرشيد الله يرحمه




مشكوره ياجود على الذوق الحلو :)

[فلاح ال مخلص]

صح لسانك





والله يرحمه



واسمحي لي ان اهديك قصيده رثاااااااااااااااء

في طلال الرشيد سويتها بعد ما وصلني الخبر



طلال الرشيد

يوم اجتمع .همي .ومرقابي .وطرافة عصير؟
ودموع عيني. والفراق (وضيغمي شمر فقيد)
والحمل جار (وقشتٍ يقصم بها ظهر البعير)
اشوفها يوم اهزعت حمله( وله باس شديد)
ياوجد حالي وجد حر من جناحينه كسير
جلس ثلاث ايام صياد الحباري مايصيد
له صاحب يبكي على فرقاه(مثل ابكى الغرير)
دور عليه بكل شعب وكل رجم(حيد.حيد)
وشافه وقال الصيد واثره( لايسير.ولايطير)
واجهز عليه بطلقة الرشاش في حبل الوريد
ومن بعد ماقرب.وقف؟.....يالله بعلم فيه خير؟
واثره سبب موته (وهو في ضنه انه مستفيد)
عليك ياترثة .هل الميقاف. والسيف الشطير
ياوارث الحكمه ومعناها وتاريخك مجيد
لما نخوك القوم في يوم(عبوس قمطرير)
قلت ابشرو(ولايفلك يالحديد الا الحديد)
سيرتك عود.ومسك.واطياب.ورياحين .وعبير
كلمة ونعم.(وبيض الله وجهك)(بذكرك رصيد)
ياراعي الفزعه لمن يحتاج.ياملجاء الصغير
اللي توفى والده.واللي مع نفسه وحيد
كم من غني .من بعد عرفك. وهو اصلا فقير
خيرك يعم .من العباد.اشيوخ واسياد .وعبيد
تعتق رقاب وترتجي.المرضات.من حي قدير
قتلت وانت انسان مؤمن(موتتك موتت شهيد)
كلمة( توفى)والله انها تكسر الغظم الجبير
وش عاد.لاصار الخبر(موتت طلال بن رشيد)

[ساره المطيرى]

رحم الله الشاعر والأنسان الطيب / طلال الرشيد
ولازلت حياً يا طلال في قلوبنا

شكرا اختى جود

[جــــــــود]

ماجد الخثلان لك جزيل الشكر على تواصلك وكلامك الحلو,,,,,

النجلا شكــــرا" على التواصل

فلاح ال مخلص<كلمة توفي والله أنها تكسر العظم الجبير
وش عادلاصارالخبر موتت<طلال الرشيد>
فعلا وش عاد لاصار الخبر موتت طلال الرشيد

ساره المطيري يسلمووووووو على المرورالعذب

[علي مكحول]

-

*

/
جود
يااااااااااااااااااااااه كم انتي روعه رهيبه
الله يرحم قايلها ... بس
اخلفه الراي .. جقين
وخااا و بزاف
وبربي ملكاات
في كل شي
راي خاص

-

*

/



مـــالي غــــرام بقول وخـــاوبالزاف
.................أذبحــــني عند الطرحه المستــــديـــره

على فكره واخا معناه ... ok او طيب ... زين
وبزااااف معنا قديم


دمتي بحب جود
على مكحول

[غزلان الشمري]

مدام القصيدة للشاعر (( طلال الرشيد )) رحمه الله
أكيد اكيد روعه وماتحتاج تعليق ,,,
وإذا جاء طاري لطلال الرشيد ماأقدر أقول اي شي لانه طاريه يـبكينـــــي !!


أشكرك أختي (( جووووود )) على نقلك الرائع ,,

واحب أشكر أخووووي (( فلاح آل مخلص )) على قصيدة الرثاء اللي كتبها في طلال الرشيد (( رحمه الله وغفر له ))

[جــــــــود]

علي مكحول شكرا" على مرورك ولك مطلق الحريه بالتعبير عن رايك

بس مااعتقد بهد راي <ابو نواف الله يرحمه راي>

غزلان اكيد روعه بروعة شاعرها <الملتاع > اللي موتته تكسر العظم الجبير

وأسعدني جدا" مرورك العذب

[ريـــــــــــــــــــــوف]

مـــالي غــــرام بقول وخـــاوبالزاف
أذبحــــني عند الطرحه المستــــديـــره
أحب قـــولة ياهـــلا وعل ماخـــلاف
من بنـــت ثوبي بنت الأرض النضــــــيره
اللي تحــــلاها الظبي حلو الاطراف
جمـــال في عفـــــه ورقــــه وغيـــــره
واللي بهـــا سحـــر مهوسحر عراف
ياعـــل عين ماتـــراها ضــــــريــــــــره
عطف وحنان وذوق في لين الاعطاف
والى كشفت لثـــامها شفـــت اميـــــره
صعبه على اللى بالردى شاف ماعاف
وحلوه على اللى سنة الله ضميــــره

الله يرحمك ياطلال
الف شكر على نقل هالرائعه

[جــــــــود]

الف شكر لك ياريوف على مرورك الكريم