السـبـب فهد المســاعـــد !!

[ابوفهد]

اخواني مشرفين واعضاء وزوار منتديات فهد المساعد العريقه

السلام عليكم ورحمة الله وبركاته :

اولاً احب اشكر اخوي تركي على دعوته الكريمه لي بالانضمام
معكم في هذا المنتدى الرائع بإسمه وبشاعره وبكم .

ثانياً احب ان اضع بين ايديكم هذه المتواضعه واتمنى ان تحوز
على قليل من استحسانكم واستحسان الشاعر المبدع /فهد المساعد
الذي اعتبر نفسي احد جمهوره ومعجبيه.



جتني الدعوه من اللي له مكانه = والمكانه كل يوم ٍ في تصاعد
اتشرف يوم لي اليوم خانه = بينكم فالمنتدى رغم التباعد
وبالأمانه كان تبغون الأمانه = السبب في جيّتي فهد المساعد
شاعر ٍ لو قلت ساحر من بيانه = له بدايه بالنشر ماقيل واعد!!
قالوا النقاد هذا في زمانه = مدرسه للشعر وللمعنى قواعد
أبدّع وهزْ المشاعر من مكانه= وصفق الجمهور من فوق المقاعد
والله إنه لو كتب يالليل دانه = صار قاف الليل دانه له بواعد!
قمة الأبداع تـُكتـَب من بنانه = يسلم اليّ بالدرْر يوفي وياعد
واتشكر من دعاني ..! والأمانه = السبب في جيّتي فهد المساعد


وســــــــــــــلامتكم ؛؛؛؛

[فلاح ال مخلص]

شاعر ٍ لو قلت ساحر من بيانه
له بدايه بالنشر ماقيل واعد!!
قالوا النقاد هذا في زمانه
مدرسه للشعر وللمعنى قواعد
أبدّع وهزْ المشاعر من مكانه
وصفق الجمهور من فوق المقاعد








صح لسانك ولسانه





شي يثلج الصدر

[عبدالكريم العساف]

ابو فهد صح لسانك والله يبيض وجهك



الله يبيض وجه تركي اللي قدم لك الدعوه



قصيده ماعليها كلام وافيه جدا




وهذي قصيدة مناسبه ودائما قصائد المناسبات تكتب على عجله من الأمر لكن انت كتبتها على عجله وطلعت بالشكل الجميل هذا ياترى كيف باقي القصائد ,,, ننتظرك يابو فهد على احر من الجمر

[ابوفهد]

اخوي فلاح ال مخلص

صح بدنك ولاهنت على المرور

واشكر على اطرائك الجميل

تحياتي

اخوك ابوفهد

[ابوفهد]

هلا فيك اخوي عبدالكريم العساف

اي والله بيض الله وجه تركي لانه منحني

الفرصه للالتقاء بك وبشرواك في هذا

المنتدى والتعرف عليك

وبيض الله وجهك على الاطراء الجميل

الذي اضاف للقصيده جمال اكثر

ولك من كل الشكر والتقدير

اخوك

ابوفهد

[طــلال]

حياك الله يابو فهد


ويستاهل فهد المساعد كل خير



تحياتي

طــلال.

[ابوفهد]

الله يبقيك اخوي طلال

وتسلم على المرور الكريم

طال عمرك

ولك من كل التقدير والاحترام

[حماد الشمري]

ياهلا ابو فهد

و كثر الله خير اخوي تركي اللي دعاك وشرفتنا


وصح لسانك على تلك المصافحه الاولي

صدقا كانت صادقه اكثر من مجرد قصيده


وياهلا فيك

[ابوفهد]

صح بدنك اخوي حماد

واشكرك على اطرائك

وصادق مشاعرك التي عبر عنها

هذا الرد

ولك مني كل التقدير وصادق الود

اخوك
ابوفهد

[تـــركــى]

الغالى ابوفهد



يعطيك الف عافيه على هذه الراااائعه



والنابعه من صدق مشاعرك




جتني الدعوه من اللي له مكانه____________________ والمكانه كل يوم ٍ في تصاعد




ومكانتك يابو فهد عاليه وفى تصاعد عندي بعد




وانا متاكد ان اي شخص يعرفك




سيتذوق طعم لصداقه الحقيقيه :)




قالوا النقاد هذا في زمانه ___________________ مدرسه للشعر وللمعنى قواعد




شهاده لمدرسه فهد المساعد الشعريه... نعتز بها كثيرا



ويستاهل ابو فالح





وعدتنا بقصيده خاصه لمنتدي فهد المساعد و وفيت ;)



بيض الله وجهك




اخوك تــــــركــى

[ابوفهد]

الله يسلمك يالغالي

واشكرك على اطرائك

وانت والله ياتركي المكسب لي الوحيد في جيتي ذيك السنه

حتى اسأل ابو زامل

مثلك وشرواك فخر لمن يعرفه ويكسب صداقته

اخوك

ابوفهد

[بنت السبعان]

رووووووووووووووعه

[ضاوي الشوق]

.



أبوفهـد




صح لسـانك



ويسلم حضور مثل حضورك





تحيـاتي

[ابوفهد]

بنت السبعان









مشكوووووووووووووووره





على مرورك الكريم






ابوفهد

[ابوفهد]

ضاوي الشوق











صح بدنك








والله لايهينك على المرورك العطر







ولك مني كل الشكر والتقدير








اخوك



ابو فهد

[فهد الزغيبي]

اتشرف يوم لي اليوم خانه
بينكم فالمنتدى رغم التباعد
وبالأمانه كان تبغون الأمانه
السبب في جيّتي فهد المساعد


ولنا الشرف بوجود معنا
صح لسانك......
وشكرا للاخ تركي على جهوده ....

ودمت لنا بكل الحب

[ابوفهد]

هلا فيك اخوي فهد الزغيبي




والشرف لي بتواجدي معكم طال عمرك


في هذا المنتدى


ولك مني كل الشكر والتقدير على مرورك العطر



اخوك



ابوفهد

[فلاح السبيعي]

تركي كله بركه اللي دعاك



وفهد يستاهل هالقصيده اللي كل مافيها زين واللي مزينها انها منك يابو فهد
كفيت ووفيت وحضورك مختلف ورائع

[ابوفهد]

هلا والله اخوي فلاح

الشرف لي طال عمرك اولاً بإنضمامي لهذا المنتدى

وثانياً تشريفك لي بهذا الاطراء الجميل

ولك مني كل التقدير والشكر

اخوك

ابوفهد

[/..عيسى الحربي../]

صح لســــانك وسلمت يمينك


قصيدة رائعة للرائع فهد المســـاعد





لك التحية

روح القصيد

[ابوفهد]

هلا روح القصيد

صح بدنك وتسلم على المرور الكريم

وتقبل فائق تقديري واحترامي

[فهد المساعد]

حسنة تركي الوحيده انه عرفنا بشاعر مثلك :)
لاوالله كل تركي بركه
وهذي وحده من بركات ابو حويدي
شرفتني بهالقصيده الشاهقه وحياك الله ألف يابو فهد
عاجز عن شكرك والله

[نسيم]

جميله ورائعه

قصيدتك \ ابوفهد

وفهد المساعد شاعر يحتفي به الشعر

ابدع وهز المشاعر من مكانه0000 وصفق الجمهور من فوق المقاعد

بل ان القلب هو الذي يصفق له والوجدان ايضا

امتعتنا ابوفهد

اياك اشكر

نسيم

[دمووع الليل]

والله إنه لو كتب يالليل دانه
صار قاف الليل دانه له بواعد!
قمة الأبداع تُكتَب من بنانه
يسلم اليّ بالدرْر يوفي وياعد

وأنا أشهد ...
صح لسانك أخوي

[ابوفهد]

هلا اخوي فهد المساعد

والله اني رديت عليك من يوم كتبت

تعليقك على الموضوع

وعلى اختي نسيم

واختي دمووع الليل

واختي ساره المطيري

ولكن مادري وش صار ولا ادري وين راحت الردود

الظاهر اني فقدت الذاكره والا اني متحلم اني رديت عليكم

المهم يشرفني ويسعدني كل حرف تم خطه بالاعجاب لهذه المتواضعه

في حقك اخوي فهد . من جميع المشاركين في اول المشاركات واخرها

ولكم مني كل الشكر والعرفان

اخوكم ابوفهد