مدمنه لمنتدى المساعد بلا أمل للتشافي .. وبلا رغبه في العلاج {سوسن}

[ســيـمـآ]

..



http://www13.0zz0.com/2010/01/14/23/534835207.jpg


,,
قد لاتعملي
عن مدى سعادتي بلطف موافقتك ع الحوار
فقد ارتقصت الدنيا طربآ وفرحآ بهذا الشرف الذي اسديتيه لي
واكتسى المتصفح فخرآ وشع نورآ وفاح من المسك لكي يصافح شخصك الكريم ...
فــقد شرعت نوافذ القلب وفتحت صفحات الهوا
التي حتما ستكون جميله وممتعه بمصاحبتك
سأكون بحواري ..
وعذرا أكثر عمقا وحبا
في إثرا هذا الحوار الذي ابتدعناه تلبيه لفضولنا ومشاعرنا الملحه

سأبدأه بصراحه وبلاحديث مبالغ يدخلنا في نفق المجاملات

}غرق{
مرحبا الف
وقوافل ورد


,,

[ســيـمـآ]

http://farm1.static.flickr.com/149/431536195_120bbe62c3.jpg







,,
بطاقتك الشخصيه ..
حـ الـسوسن ــزن ..
أنثى الـ27 شتاء :) ..
لم أزل طفله بثياب شيخوختي ..
أقرب الأسماء لنفسي وأحبها حزووونه..
شاعره تهوى وأد قصائدها وإجهاضها ..
رسامه بالعتمه و للعتمه .. لا أكثر ..
كنت أعزف على البيانو وبطلت بعد طلب الوالد :)
المهنه : طبيبة طواري في فترة التدريب ..
مرشحه ترشيح أولي لبعثه دراسيه وأقول يارب تتم ..
التوقيع : لم أزل أتسوّل رغيف الإبتسامه .. من أفواه البؤساء ..
مدمنه لمنتدى المساعد بلا أمل للتشافي .. وبلا رغبه في العلاج ..

,,
سبب دخولك هٌنا ؟
أحد قصائد فهد المساعد تجبرني على الصمت هي سبب تواجدي هنا ..
لو تسأليني عنها بجاوب بـ :)
وأيضا قصيدة صلاة وعناقيد جبرتني على البكا كل ما أسمعها الحين لو اسمعها بصيح ..
والقلوب النقيه هنا تجبرني على الدخول للمالا نهايه ..

..سوسن ..




كيف كانت طفولتك ؟؟
كنت طفله مدلـله مغروره ..
أفتري أحيان على اخواني او عيال خالتي لاجل يضربهم ابوي واستانس
يعني كثر ماكنت مدلله كنت شريره احيانا ..
كثير كانو ينادوني دلوعة ابوها والبعض للحين محتفظ لي بهذا اللقب ..

,,
هل تحتفظين بأصدقاء الطفوله ؟؟
مو كلهم بعض اصدقاء الطفوله من العائله ..
اختي بالرضاع أصدقاء من المهد وان شالله للحد

,,
الفرق بين سوسن الطفله وسوسن الدكتوره ؟؟
واو سؤال صعب يحتاج لصمت ساعه ..
كنت طفله همها تلعب وتعبث وتتدلع ..
الحين المسأله اختلفت صار وقت الصمت أكثر من الكلام .


،،
أكثر شي يبكيك ؟؟
تعب الوالد .. يوصلني بكا حد الجنون ..
يحسسني بالإنكسار ..


,,
أكثر شي يضحكك ؟؟
الاطفال ..


,,
متى تبكين وتضحكين من قلبك ؟؟
في : حيث الجنون ..


,,
هاللحظه وش تتمنين ؟؟
العيش بالمدينه الفاضله ..
اتمنى اكون على متن بوت بالبحر
ماسمع غير صوت الموج وأم كلثوم أو سلو بق فاذر ..
وكوب كابتشينو واجازه شهر من التدريب ..
و بس

,,
ماهي ألعابك في الطفوله ؟؟
الدما طبعا
كان عندي عروسه سميتها عنبه لان كان فيه بالبيت القديم شجرة عنب يقولون عنبة
سوسن فحسيت الاسم قريب مني وكان اسم عروستي عنبه بصراحه مادري وش كنت
أحس به مع ذالاسم ههههههههههه


,,
شي من طفولتك تخبرينا به ؟؟
اول شي ابي اخبركم عن عنبة سوسن
يقولون ان هذي العنبه كانت صغيره يعني غرسه وطاحت وجيت انا ووقفتها زين ..
ويقولون اني كنت مره صغيره ..
والله ماذكر السالفه بس المشكله ان كل العيله يذكرونها
اذكر الشجره وهي كبيره ومثمره وآخر خبري بها وأنا بالابتدائي او أولى متوسط
وعقبها شدينا من البيت واتوقع ماتت عنبتي ..
ثاني الأشياءات ربيت قطو ويوم من الايام كنت تعبانه جا ابوي يتطمن على حالي
وشاف القطو نايم بسريري جنبي هههههههههههههه اذكر اني تهزئت وانا تعبانه راحت
ابو الصخونه كلها عني ..


,,
موقف تتذكرينه من الطفوله ؟؟
كنت اكره جدتي لأنها كانت تهاوشني على كل شي ..
و شرينا انا وولد خالتي قناع مرعب وامرعنا عقلها الضعيفه الله يرحمها ويبيح منها
ويسامحنا .. وبعد كنا نخوفها بالطراطيع .. وطبعا كنا ننضرب ..
وبعد كنت انتظر لين تبي تقوم واجي مسرعه اطيحها وآكل علقه من أمي .. يارب
سامحني ..
شي ثاني يوم سافرت في الطياره وتفاجئت ان ابوي مو معنا وقلبت الطياره على
روسهم وأنا أبكي أبي أبوي أقول ياتجيبون ابوي يا تنزلوني هههههههه سويت فلم
هندي

,,
كيف تقيمين طفولتك ؟؟
هههههههههههههههههه من ناحية الدلع ممتاز مع مرتبة الشرف ..
من ناحية الغرور الله يسامحني كنت مغروره اسمع البنات يقولون حلوه وكان شعري
حركات وصدقت عمري واغتريت ..
من ناحية روح الطفوله والله للحين مالهم سالفه غير طفولتي وطولة لساني

,,
كنتِ تغارين.. ومن مين ؟؟
لا .. مانقص علي اي شي .. كنت احس اللي حولي يغارون مني
حتى اختي اللي بعدي كان ابوي يشتري لي العاب ويدسها عنها هههههههههه لانها
ماتعرف شي صغيره
وكنت افتري فيها لاشفتها وحده واضربها ههههههههههه ياااااه كنت مجرمه يمكن غيره


,,
ماهي أمنيات الطفوله ؟؟
كنت أقول لارحنا بيتنا الجديد بصير ولد
وكنت على أمل ههههههههههه لأن قبلي ثلاث اولاد ولاجيت اقلدهم بأي شي قالو لي
إنتي بنت هههههههههههههه فسببو لي عقده

,,
شي تريدين الاخبار به عن طفولتك ؟؟
مابقى شي ماقلته
بس اتمنى ترجع بكل مافيها ..

,,
الطفوليه باقيه فيك ؟؟
من حولي يقول هذا الشي بس اشك بصحته أحس ان عمري 100 سنه
وأحيان أحس إني طفله لو عمري 400 سنه
بالتعامل مع والدي والماما اشعر اني طفله لم تزل في عامها الأول
يعني للحين ابوي لاشافني ضايقه يقول يازين بنتي ياناااااس أصير أضحك بلا شعور





لايزال الحورا ممتع ياسوسن ..


يتبع..

:rose:

[ســيـمـآ]

http://www13.0zz0.com/2010/01/15/00/413472394.jpg






ماذا يشكل في حياتك .. الكهرمانه ..؟
حـ الـسوسن ــزن .. حيث الجنون .. غ ــرق .. رقصة المطر ..
أمور كثر مجملها أنا والهذيان ..ولها مغازي تقتلني ياسيما ..


,,
من القريب لك هٌنا ..؟
لحظه اتلفّت ..
كل من هنا قريب من أوّل عضو لعضو بيسجل عام 2050
والله ياسيما أحب كل من هنا من الإداره للموقوفين ..
والله ياسيما لو اذكر الاسماء متأكده اني بنسى أحد أحب كل من هنا يخرب بيت الشيطان ماعرف منتدى المساعد وش سوا بي ..


,,
ارى كتاباتك بـ ايقاعك قصييره ولكن قويه بنفس الوقت ..
هل تتعمدين بها ؟؟
لا ..
إيقاعي هذيان لا أكثر ..
أحيان وقتي يكون ضيق جدا وبالذات الفتره الاخيره لظروف العمل ..
أحيان أرد وأقرى وش كتبت وأضحك من الحكي أقول معقول انا كتبت كذا خزعبلات..
أتهمني بالجنون من هذياني .. ..
وبالنهايه هو هذيان .. يعني موجات كتابيه ..
أحيان أفضفض فيه بلا شعور ولو بكلمه ..
باختصار ايقاعي ملاذ الطير لي .. وارتاح فيه كثير ..



,,
متى يكون النسيان هو المرفئ الوحيد الذي تلجأين له ؟
لاكنت محتاجه الإسترخاء
والنسيان نعمه من الله علينا ..
وبعض الأمور والأشخاص تحتاجين قذفهم بسلة النسيان بلاعوده ..


,,
ماهو سلوكك المنبوذ من ذاتك ...؟
عصبيه لحد المادري وش حده .. ونشوة التعصيبه بتكسير ممتلكاتي
( قبل فتره عصبت وكسرت عطري بالمرايه للحين كل مادخل الغرفه اضحك على جنوني وانقهر على العطر ..
وبالفتره الاخيره يزعجني إن أتفه الامور تخليني ابكي ( طبعا وحدي )..
وبعد اكره شي فيني الارق اللي مادري وش يبي ..


,,
ما المواد التي يعتمد عليها بناء مستقبلك ؟
التحدي ..وما أراقب شي حولي غير أنا ومستقبلي .. كماده حياتيه ..
والمواد الطبيه من أنتومي وفارما ومدكل و و و كمواد منهجيه ..
تسوّل رغيف الإبتسامه من أفواه البؤساء كمادة تطريب ميداني ..


,,
متى يكون لصمتك صوت ؟
لاكان صمتي بدمعه محبوسه ..ووجه به علامات استفهام ..


,,
متى يكون لصوتك صمت ؟
لي فتره وانا بصمت مطبق ..
صوتي لاحكيت وانا مالي خلق يتبعه صمت ساعه ساعتين او اسبوع أو أكثر ..


,,
ماهو المرسئ الوحيد الذي تنتمين له عندما تشعرين بزحام الافكار ؟
غرفتي وتأمل حوض سمكتي المخمليه الوحيده ..
وكوب الكابتشينو .. وابجورتي النعسانه ..
وصوت ام كلثوم .. و الهوى غلاب .. و إنت عمري .. وعطري ودفتري العتيق أو إيقاعي ..
أشياءات تجبرني على الاسترخاء بعمق من زحام أفكاري ..

,,
بين زقزقات الافراح يختلج الحزن ... متى يندمجان بعضهما البعض في عالمك ؟

يندمج الحزن بالفرح لاكنت اتمنى مع هالفرحه شخص افتقده واحتاجه كثير .. ولا أجده ..
ويندمج الفرح بالحزن لاشفت الأطفال يلعبون ..ابتسم بلاشعور ..
بين البحر والبر تسكن خطوط تلقائيه لايمكن لأحد التحكم بها سوى الخالق ...


,,
ما مدى سمك الخطوط التي تضعينها بينك وبين من حولك وما الذي يحكمها ..؟؟

حسب الاشخاص وسلوكياتهم وأطباعهم بالتعامل
يعني به اشخاص بلا خطوط
واشخاص بخطوط معيّنه خاصه بهم ..
واشخاص بخطوط حمرا عريضه
واشخاص بـ (سدود وحواجز دوليه)

,,
بما تصفي مشوارك ... والى اي مدى تقيميه ؟؟؟
كفاح و نجاح وتعب وابتسامه ..
إلى الآن أقيمه بـ ممتاز والحمدلله ..


,,
كم تستغرقي من الوقت لكي تذوبي مع مجتمع حديث وتكوني واحده من اجزائه؟
بأول خطوه لي بالمجتمع الحديث..
الحمدلله أملك قلوب الكثير بابتسامتي ..الا الدكتوره المصريه ماتطيقني ..
والكثير يعتقد أني مغروره ولكن بمجرد التعامل معي عن قرب يعتذر لي عن اعتقاده السابق
ويعترف اني معشرانيه ..

,,
كيف تعبرين عن عاطفتك اتجاه شخص يمثل لك الكثير ؟

سيما ..
ممكن الإستعانه بصديق ..
سيد الموقف الصمت يا سيما ..

,,

ماهو منطلق اعجابك بشخص ما ... وماهو خط نهايته ؟

* جزئ من النص مفقود *
خط نهاية اي شخص كذبه هي صفحة الـ Game over
من اي زاوية تنظري لشحوب وجه المجتمع لدور المرأة وهضم حقوقها ..

,,


من اي زاوية تنظري لشحوب وجه المجتمع لدور المرأة وهضم حقوقها ..
وماهي وجهة نظرك اتجاه هذا الموضوع ؟؟

إذا على وجه المجتمع يازينه وهو طاق اللثمه ..
أما نظرتي أنا ..
لم أزل بتحدي وبلاتوقف لين أصل للمكان اللي ابيه بعون الله وحده ..
ومازلت بمتاعب من وضع عملي وترشيحي للبعثه و و و سأصل بعون الله ..
لاحظت نقطه بالعمل إن الرجال يكرهون المرأه المتفوقه عليهم وهذا المطلوب
و أجد متعه مالها مثيل يوم تكون درجاتي متفوقه على درجاتهم ..
وبعضهم يقول باستهزاء بفترات البريك سعوديه وممتازه تروح المطبخ اصرف لها .. وأصرف لأهلها.. ويتهزا الثاني يقول ليت الفلوس اللي يدفعها عليها ابوها يشتري لي فيها سياره .. ويطقونها ضحكه تقتلني بالحجره المجاوره ..
ولكن التجاهل هو سيد الموقف .. كي أعيش متعة اللحظه ونشوة التفوق عليهم ..

,,
قد تسكن الارفف الأغبره ولكن هل تسكن الذاكره الاغبره ... ومتى ؟

قد تسكن الذاكره الأغبره .. إذا استوطنتها الأرواح الشريره ..
وحجبتها عن نقاء كان بالماضي ..

,,
ماذا ودعتي بالماضي وماذا احتضنتي اليوم وماهي استعداداتك للمستقبل ؟؟

ودعت فترات ما أتمنى أتذكرها ..
أولها الطيش كنت إنسانه لامباليه ولا أكترث بشيء شعاري هو الضحك للمالا نهايه
كنا قروب هذا شعارنا الأبدي منهم من مات ومنهم من هداه الله ومنهم الباقيات على هذا الشعار
اما انا الفتره القادمه هي سبب الـ stop
فترة المرض العام الماضي
والحاله اللي وصلتها كنت بالمستشفى اللي اتدرب فيها وهالشي كان وقعه على نفسي كبير..
وفشل العمليه لأكثر من مره وسفري للعلاج خارج البلاد كان أمر قاتل جدا ..
وانقطعت عن الدراسه وفقدت الامل بالعوده ..
وفقدت القدره على المشي لشهرين او اكثر ..بنفس الفتره ..
وكل ابو شي كنت مرتبته اعتفس وتكنسل.. بس مابي اذكر شي زياده ..
والحمد لله كلها مرت بسلام .. وأصبحت حلم ..
وطبعا كل ذيك الفتره مانسى وقفة فيريسيا معي الله لايحرمني منها ..
الحاضر احتضنته بالشعور بالمسؤوليه أكثر ..
وبعوده قويه للدراسه وتحدي ردني لنفس المستوى الماضي وأفضل ..
وبصراحه كل ماكنا قريبين من الله كان الله بعوننا ..
المستقبل ..
إن شالله أروح البعثه ..
وأمور كثيره نرسمها وإن شاء الله تتحقق ..منها القريب ومنها البعيد ..
وأهمها بحاضري ومستقبلي ان الله يحفظ لي أحبابي ويشفي لي الوالد ..

ماذا تقولين لهم :
وأدور وجه يشبه لي
بيتك هنا .. في داخل القلب لو جيت ..
وإن ماكفاك القلب .. أفرش لك العين
حكايه حب منسيه
( إنت تسوى لك بلد .. قول تسوى لك بلاد )
فريسيا
لو ألف الدنيا بلاد ومدن .. ما ألاقي مثل هذي الجنه جنه ..
كـــْان { غربه الروح }
يارفيف الماء وفجر العيد .. وأحزان المواني ..
ياكثر أهل الأرض .. طيبة قلب .. وأسرار دفينه ..
لوعه الفرقا ..
عساك بخير .. وش أوّل وآخر أخبارك ..
وش آخر وأوّل أخبارك ..

عاليه الشامان ..
عساك بخير .. كثر مايحمل إحساسك نوايا خير ..
سهٌر { جود الحزن }
سولف معي معك الحكي .. ليته أبد ماينتهي ..
تبي الحقيقه .. سالفتك أحلى حديث أسمعه ..
طهر
روح تسكنني في حلي وترحالي ..





أسئله لسيما :

س 1/ وش السؤال اللي تمنيتي ما سألتيني اياه ؟
راضيه عن الاسئله تماما ..:)
س2 / سؤال تبين تسأليني وترددتي ..
أقصى ماتتمنينه في آل مسآعد؟
س3\ ليه عملتي اللقاء معي ؟
لأشبع فضولي الملحّ
ولأتعرف عليك عن قرب



سوسن

مالسؤال الذي تمنيتي ان لااسألك فيه ..؟
إلى الآن كل الأسئله حلوه ..
رغم ان السؤال عن المجتمع والماضي يبيله ديوان ..

سبق وتقدمت لك باقات من الاسئله من يد من يرغب لأخذ معك لقاء ولكنك لم تقبلي ..
. ما سبب تقبلك لباقتي ؟

الرفض كان لأسباب انشغالي وتعكر مزاجاتي لظروف شخصيه
والقبول .. لشعوري أنها باقه مختلفه .. وكانت كما توقعت ..

,,
كلمه اخيره..؟
سيما ألف شكر لك ولروحك المختلفه
ايقاعي شغل فتره مساحة توقيعك وهذا شرف لي .. وشي أقدره كثير ..



يتبع ..

[ســيـمـآ]

http://www9.0zz0.com/2010/01/15/01/624738900.jpg




هـا قد وصلنا الى محطات الألتفات لأشاهد روعة ما رسمتيه لنا من ريشتك العذبه ..
وجل ما صنعتيه لنا من عالم ملون بحروفك الصادقه ...
ما بيدي ان اقدم والشكر وحده لا يكفي .
فـ لو كان هناك بحر من الشكر لعمته لكي استخرج لك دانته وتكون لب شكري ...


فشكرآ لكي بحجم الارض والسماء
وبحجم قلبك المفعم بالحب والعطاء


دمتي لنا


ســيــمــآ..:rose:

[``صــ ع ــبة المــزآج!``]

أول رد < مبسوووطه


غرق
صبآحك كماتحبِ
قلبت هذا المتصفح سريعا ,, وقرأته بعيون متلهفه ,, قسماَ متلهفه
إنتظــرت هذا الحوآر كثير
(طولتِ انتِ وسيمو آلله يهدآكم )

لله درّ جنونك وإبدآعك

سيمآ / من القلب شكـــــــــــــــــــــــراَ
وأكثـــــــررر

[سَهرْ]

أيامكم رضآ

,


غرق ‘ حزونه

شخصيتك اللحين ما تقول إنك كنتي شقيّه وشريرّه زمان :D

بس قريبه للقلب .. مو صعبه أبد

الله يحقّق أمانيك يا رب ونشوفك أبطل دكتوره :heart_2:

,

سيمـآ

جميله كالعاده

,

عوافي الجميع

:)

[بحــــر الهــــوى]

روعه روعه روعه
لقاء
جميل
بصراحه
كل
شيء
حلو
هنآ
تحيتي لكم‘‘

[صمت !]

لقـآء نقي ..
شكرـآ سميـآ ..
ولروحك حزن اكاليل ورد ...,,

[عبـدالرحمن]

ابداااااااااااااع والله ياسيما ولاهنتي وروعه عالحوار

الجميل والرائع والشيق ويامحلى ايام الطفوله بس

[نـــغــّـــم]

:
:
:

سوسن احب فيكي وضوحك http://www.a7tajk.com/vb/images/icons/5.gif

فيكي تناقض بين حزن وفرح الي بيجذبني فيكي

تحاولي تتغلبي ع الحزن برسم ابتسامه:)

ممتع الحوار برفقتك

سيما محاوره ممتازه http://www.a7tajk.com/vb/images/icons/5.gif

يعطيكم العافيه

http://www.a7tajk.com/vb/images/smilies/eh_s(17).gif

[كـــان]

صبآح تعطّـر بكلمــاتــك .. وتعملــق بأبجـديـتـك ..

وتبـاهـى بحضــورك بادي ذي بدء أسمحي لي أن أحضن قلبك وبقوة

.** انا على دوما على يقين عندما تحظر ( غرق ) تحظر الاشيا الجميله

باهلا بكل هذا الجمال اللذي افرحنا وبهذه المصآفحه اللتي امتعتنا


حوار كان جدا ممتعا ..


ســيـــمـــا كنتِ جدا جميله بطرح اسألتك ..


لـــكـــم ..:rose:

[أدور وجه يشبه لي]

يووووووووووه توني أجي أحس إني تأخرت :(

يا لبى قلبك وعينك يالغاليه :heart_2:

الله لا يحرمني منك ومن إبتسامتك ويسعد قلبك قد الدنيا وأكثر

فيك طيبة الدنيا كلها وتستاهلين الخير كله

الله يشفي الوالد ويوفقك بدراستك يادكتورتنا ويتمم لك بخير وينولك اللي فبالك



سيما إختيارك مجنووون وأسألتك أجن يالغلا يسعدك ربي :rose:




.،

[فِيوليت]

..:)..



.. لقآء نـقي جدآ ..

..غرق ..الله يوفقك ..

..سيمآ ..متميزه دآآآئمآ ..






.. لــ..قلوبكم النقيـــه.. :rose::rose: ..

[سماوآت فرح]

غرق .. !
دائمـاً تجذبني ردووهـأإ و موآضيعهـأإ .. !
الحــوآر هـــذا خلآني أعرف غرق كــــــــثير ..!
الله يوفقك حبيبتي ويحقق اللي بالك
ويسعدك ويحفظكـ

:) :rose:

سيما: حــوآر ممتـــ ع .. ]

سلمـــتِ .
:rose:

[خفوووق الشعر]

غرق

يسعدني اني تعرفت عليك اكثرر



سيما
مشكوووورهـ على هالحوار الحلوووووو كثيررررر

وعلى الاسلوبك الاحلى :rose:

[المستضام]

حوار استمتعت فيه كثير
عوافي والله

[C h o c o l a t e]

،








غرق ..


الله كم أحبهآآآ هآلأنسآآنه .. ~



> فيس يسرح مع الذكريآت :D



حوآآآآر جميل وأكثر من ممتع .. ~



سيمو| غرق ..


{ :heart_2: + :rose: + :) } ~

[فلك فلاك ]!]

’,

غرق :love: :love:
انسانه لاتمل ابدا :) ...

حوار ممتع
شكرا لكِِ سيما :26:

[الوحيد]

سيما

حوار ممتع وشيق مع انسانه

اخذت حيز من اهتمام الجميع هناء

لحضورها واحترامها للجميع


لاني ما اعرف التعبير ،،، اختصر

بورك فيكم


أخووووكم
ابوعبدالله

[جـــودي الحـربـي..]

..

سـيـمـآ..
احسنتِ بـ اختيارك ..

واسلوبك جدا راقي ..

وضيفك بالحوار جدا راقي ..


شكرا لكم جميعا :rose:

[ماغيرك اتمنى]

سيما ...
ذوق راقي مع انسانه راقيه




غرق ..}
لا أسأل الاجوبة عنك ...
بل اتضح لي من محبة الجميع لك انك من تستحق تلك المحبة الصادقه ..



غرق ... سيما


شكرآ لطرحكم الشامخ
بمقدار محبتي لكم

[أتعبهم غلاي]

حوار رائع وهادى مع انسانه تحمل طفوله شقيه ^_^

شكرا لك سيما .,

[ر ن ا]

:rose:

الله يحقق أمانيك سوسنه
سيما ..اختيارك حوارك موفق جداً

ربي يسعدكم

[أُمِنيّآتْ]

غرق+سيما

امتعتونا..

شكرآ

[ناصر السبيعي]

الخلوقه سوسن
قرأت هنا بياض قلبك
قرأت سوسن الشاعره و الرسامه والممرضه
طاغي وضوحك وقمّة اخلاقك


سيمآ
الف شكر على اللقاء

[غ ــرق ..]

سيما

لا أملك أمام روعة مقدمتك سوى الابتساااامه والصمت ..

أذهلتني بصدق ..

جميعكم :) لكم ابتسامه بحجم قلوبكم


:)

جميعكم أذهلتني قلوبكم النقيه للمالا نهايه ..

[كابيتشينو]

غرق

معرفتك .. عن قرب ..

مفخره ..

:)

سيما .. بدّعتي

:flowers:

[مهرة النسيان]

حوار ممتع جدااااا...
وعجبني فيه بساااطة الاسلوب...
امااا مواقف الطفوله شي "حسيتك بجد شريره"
يعطيكم الف عاااااااافي...

[غالينا]

http://www.a7tajk.com/vb/images/smilies/eh_s(17).gif يعطيك العافيه سيما

حوار رائع وانسانه أروع ..
بالتوفيق :)

[BAbT3ed bsKaT]

يكفي آن تتعرفي على وجوهـ خلف الشآشه لهآ حضورهآ المتآلق....

:)

[حبة التوت ..!]

؛



الله عليك يا غرق

مدري كيف احسك < يخونني التعبير في اصعب المواقف http://www.almusa3ed.com/vb/images/icons/icon10.gif

الله يسعدك و يوفقك و يحقق لك اللي تتمنينه

سيما ...

ابدعتِ و امتعتينا :/






؛

[طُـــهــر]

غ ر ق


وه بس وه


وربي احبك,.,. واخاف عليك .,.,


واشيل همك.,.,


ربي لا يحرمني منك الغاليه

[عبدالعــــrsamــــزيز]

عقبال ماتصيرين دكتوره وتبهذلين شلة الصيع

[لون الغيم]

أكثر شي يبكيك ؟؟
تعب الوالد .. يوصلني بكا حد الجنون ..
يحسسني بالإنكسار ..

>> بغيت اصيييح انتي مثلي في هـ الشئ :(


حززززونه ( عشانك تحبينه )

بجد حسيت اني هنا اول مره اعرفك ..يعني عرفتينا على شغلات وفضحتي نفسك يالشريره :D

بطه يارب تصيرين مثل ماتتمنين وتتفوقين على الجياكر اللي معاك كش عليهم :D
وياااارب يخلي لك ابوك وتعيشين بعززه طول السنيييين http://www.a7tajk.com/vb/images/icons/5.gif
والحمد لله على سلاممتك وان شاء الله ايام ماتنعاد حبيبي :)



سيما لك بوسه من بين عيونك http://www.a7tajk.com/vb/images/icons/5.gif





.,

[جنون الوقت]

الله الله حوار رائع راقي


روحك رائعه واكثر


ممتع استمتعت كثير *_*


تقديري لكم

[سكة التايهين]

مهما قلت وراح أقول مستحيل راح أوفي هذي الأنسانه حقه .,
ربي يسعدك ., ويارب يشفي الوالد ويخليه لك هو والوالدة ويطول بأعمارهم يارب
وأن شاء الله نشوفك بـ أعلى المناصب يارب :)



سيما / يعطيك العافيه :rose:


.,

[نبضهآ حائلي]

حوار مميز ومختلف

فيه عرفت اكثر عن غررق

ابدعتي سيمآ

كل الشكر

/

[مشايخ...]

شكرا لك ياسيما...
اشبعتي فضولي تجاه غرق..
ياحبني لها...تجنن..بس احلى شي سوالفها مع جدتها..
ذكرتني فيني..الله يرحم جدتي ويسامحني..

[C l i c k]

اجمل لقاء مع احلى عضوه حوزززنه :)


سيما {:rose:}


حزوونه {:rose:}

[الوفا مبتليني]

حزن... الله يحقق لك كل أمانيك على خير
ونشوفك بسعادة دائمة
..
ويحفظلك الوالد ويطول بعمره على قوه
..


سيما بجد كنتي مميزة ومتقنة للحوار ولتنسيق الأسئلة
بشكل مريح جداً وممتع
..

الله يعطيكم الـــــــــــــف عاااااااافيه

برايفت لحزون:

( كلنا نحلم بالمدينة الفاضلة )



ومــــع التحـيـــــــــــــــــــــــه.

[لوعة الفرقا]

لوعه الفرقا ..
عساك بخير .. وش أوّل وآخر أخبارك ..
وش آخر وأوّل أخبارك ..


يا حبيبة قلبي حزووونه

لقاء ممتمع معاك ولو اني ماعرفت اجاوبك على سؤالك :\

المهم شدي حيلك وتعالي بعثة عندي ,,, الله يوفقك ياقلبي

ولا تنسين وعدك لي :p

سيما عرفتِ تختارين

[غ ــرق ..]

أصدقائي

ألف شكر لكلم ولقلوبكم النقيه

مليون ورده لكل من مر من هنا ..

:)

[ســيـمـآ]

..

شـــآكـــره لـمرور الـجـمـيـع ..

نــورتـــوا ..

:rose:

,,