مشاهدة النسخة كاملة : كل شي عن ستار أكاديمي(2)
عبدالكريم العساف
10-01-05, 06:02 AM
سوري
ادري فيه ناس مايحبون يشوفون البرنامج هذا
وانا كتبت موضوع عنه من قبل وأحد المشرفين رد علي رد فشلني :):(
بس الحين بنكتب حنا اللي نتابع ستار اكاديمي اثنين
بنكتب هنا كل شي نشوفه عنه مواقف طريفه والا مواقف مو حلوه والا تعليقات
والا اي شي تبغون تكتبونه عن ستار اكاديمي خلونا نحطه في هالموضوع
واللي مايحبون هالبرنامج ولايتابعونه مو لازم يكتبون هنا .. اتفقنا
اوكييييه
عبدالكريم العساف
10-01-05, 06:04 AM
اول موضوع بكتبه هو :
سحبت شركة الاتصالات السعودية ارقام التصويت الخاصة بقناة ( ستار أكاديمي ) ولم تكتفي بذلك فقط بل سحبت الارقام الخاصة بارسال الرسائل على شريط الاهداءات الموجود بأسفل القناة
وكان ذلك باتفاق مع ( هيئة الاتصالات السعودية )
وفي خطوة مضادة اقدمت شركة ( Lbc ) على تخصيص رقمين دوليا للاتصال من خارج لبنان وهي تقصد بالاساس السعودين الذين ليس لهم ارقام خاصة ببلدهم
لكن اوضح مصدر بشركة الاتصالات السعودية انه في حالة بدأ التصويت للسعودي المشارك في البرنامج سوف تقوم باشغال دائرة الاتصال الدولية الخاصة بارقام ( قناة ستار اكاديمي ) مثل ما فعلت سابقا مع المشترك السعودي ( خلاوي ) في العام الماضي ..
وبذلك لن يستطيع اي سعودي التصويت في برنامج ستار اكاديمي
عبدالكريم العساف
10-01-05, 06:14 AM
بقول رايي في بعض المشتركين
هشام : خفيف دم وأهبل وبدو يحبونه الناس
بشار القيسي : يحبونه البنات وهو كويس بس صوته مره بايخ
فهد الكويتي : تحس انه ضايع في الأكاديميه .. وده يحب اي بنت ولافيه بنت معطيته وجه
أحمد الكويتي : بعد يحبونه البنات وهو المرشح يكون ستار اكاديمي هالسنه
انس الليبي : اكتشفو انه ماعنده اذن :( صوته بااااااايخ مع مرتبة الشرف
زيزي : اهلها راعين طاعه خخخخخخخ
بشار الاردني وسامر اللبناني : متقاطين في الملاغه والفداغه
سلمى : بالقوه بتصير حنونه
احمد البحريني : دافوووووور بس غبي وماينهضم حتى لو شربت عليه كراتين ببسي
المغربيه : احسها مشعوذه
بسسسس
انتم كملوا باللي تبون تقولونه
مشكور على الموضوع الحلو وفكرته حلوه
وانا بقول رأيي بالمشتركين:
هشام: من جد مهضوووووووم مررره مع انو اول ما شفته كنت كارهته بس الحين من جد يضحكني مررره وكل الناس بدو يحبونه
بشار القيسي: مملوووووح مره بس يقهرني اذا طق هشام احسه حاقد من قلبه و ما يحب احد الا البنات
بشار الاردني: ثقيل دم مره ومسوي فيها دافور وصوته شين من خشمه
احمد البحريني: استغفر الله كلامه يرفع الضغط مره بس وجهه بدون جسمه موب شين وبس يهز ويرقص
احمد الكويتي: من احلى الاصوات بالاكاديميه ويجنن بس احيانا فيه شوية ثقالة دم
سامر: اثقل دم انسان بالعالم وكئيييب وشكله فلسطيني
انس: يشبه عدنان " عدنان ولينا" فيه هباله غريبه دايما فاتح فمه مسكين وماعنده " دينه" ولا عنده صوت
فهد الكويتي: يشبه ناصر درويش ههههههههههه ويحاول يقلد بشار الشطي 24 ساعه على البيانو
جويباصوص: <== كذا تقول اسمها مشبك . تتلصق بالشباب كلهم خاصه سامر وثقيلة دم وحكيها مرررره شين يارب تطلع نوميني
كاتيا حركه: كتكوته بس دايما تصيح وصوتها موب حلو بس جسمها رهيييييب
ايمان اللبنانيه: صوتها ينرفز ياليتها انقلعت بدل رنده ومغروره وغصب تبي تصير دلوعه وتشبه الين
اماني السويسي: قلبها طيب
سلمى: حنونه مره بس شينه
حنان: مدري وش جايبها بس تصيح وموب عاجبها احد
زيزي: مسكينه تكسر خاطري لانها صغيره بس صوتها حلو وتشبه روبي مره
:)
اما هشام من جد رهيييييييييييب
موتني من الضحك يوم يغني على بابي واقف امرين
يوم يسوي نفسه بيدوخ ويجي بشار القيسي يهويه
من جد مهضووووم كتير
والوحيد بالاكاديميه اللي زايد كيلو
بس ياحرام امس مدري وش فيه كان مكتئب
واكثر شي يعجبني فيه انه ما همه ولا احد
:)
°oOسالفــة عشــاقOo°
10-01-05, 07:10 AM
والله السنة اعجبني احمد الكويتي مره كيوت
وووسلمى الجزائريه تجننننننننن
وكمان زيزي وفهد الكويتي
اما هشام لاتعليق
علي مكحول
10-01-05, 08:29 AM
-
*
/
عبدالكريم العساف
اولا الشكر والف الشكر لك ... على هالطرح
ثانيا .. شرهتك على اللي يشوفه
غير في الجرايد والنت
-
*
/
دمت بحب عبدالكريم
على مكحول
فهد الزغيبي
10-01-05, 10:34 AM
في البدايه تحيه طيبه للجميع
اخي الكريم عبدالكريم
بعد الإطلاع على الموضوع والردود
(( لم يعجبني قولك ....واللي مايحبون هالبرنامج ولايتابعونه مو لازم يكتبون هنا .. اتفقنا))
لأنك من كلامك واثق انه يخالف الصواب
ليش ماتتقبل الرأي الأخر.. ليش ما خليت الموضوع طرح للنقاش بشكل عام عن البرنامج
وتناولت سلبياته وإيجابياته
انا لم اتابع البرنامج لكن من كتابتك انت والاخت نجلا
احسست بأنه برنامج فاشل بمعنى الكلمه
اولا المتسابقين وعلى حد قولك
واحد أهبل وواحد صوته بايخ وواحد إذنه غير موسيقيه وآخر مليغ وغبي وغيره من النعوت اللي انت وصفتها
لماذا اذن نتابع هذا البرنامج
هل هو للتسليه فقط ام لكي تستغفلنا القنوات الفضائيه وتسلب اموالنا
يؤسفني ان ارثي لحالنا كمشاهدين للفضائيات وخصوصا برامج " تلفزيون الواقع"
وبرنامج ستار اكاديمي
يجمع المحرمات بأنواعها .....ويخالف العادات بأجمعها
سؤالي لك اخي الكريم
لو وقف انسان مجنون امامك واخذ يضحك عليك امام الناس ماذا تفعل
هل تؤيده ام تصد عنه وتكمل طريقك
اخي عبدالكريم
اتمنى ان لا تزعل من كلامي
واسف على إخلالي بقاعدتك
ودمت بكل الحب
اخوك فهد الزغيبي
تـــركــى
10-01-05, 10:52 AM
والله انا ماشفته للحين
وبينى وبينكم
بعد مس لبنون ماعاد ودي اشوف بعده شى
ايااام ناااادين نجيم ياحبيلها بعد وشيرين وسيدرا
مالى خلق اتابع ستار اكاديمى هالسنه
بس ودي اعرف متى يعرض يوميات ستار اكاديمى
ياليت اللى يعرف يعلمنى
تحياتى لكم
تـــركـى
محمد الفهيـد
10-01-05, 04:26 PM
أول ما قريت الموضوع قررت الرد عليه بس من خلف الكواليس تجنب للاصطدام معكم من جديد
بس بعد ما قريت رد ( المراقب العام ) تركي قررت أظهر على خشبة الموضوع
" بعد مس لبنون ماعاد ودي اشوف بعده شى
ايااام ناااادين نجيم ((( ياحبيلها))) بعد وشيرين وسيدرا "
هذا جزء من رد ( المراقب العام ) تركي على الموضوع
بس حبيت أذكركم أن هذا ( منتدى ) مهوب ( استراحه )
ولما تكون في مكان المسؤولية لازم تفكر في كل كلمة تقولها لأنها محسوبة عليك
أخوي عبد الكريم العساف ما رح نتدخل في موضوعك لأنا أرقى منه ، بس لازم تعرف أن مواضيع العضو تدل على ثقافته واهتماماته ووعيه .. وبكذا نكون اتفقنا
تـــركــى
11-01-05, 05:46 AM
مساء الخير اخوي محمد
اشكرك على ردك الأكثر من رائع ويجب
ان تعرف بأني سعيد بنصيحه تاتينى من رجل متزن مثلك
لكن يجب ان تعلم ايضا اني انسان
ولن اصبح انسان اذا لم اخطيء ..
فأن كنت قد اخطأت فأشكر لك ان اهديتني عيوبي
اما من يرى بأني مصيب فأتمنى ان اكون كذلك
بقيت كلمه اخيره اعتقد بأنها تصب اخوي
محمد في نفس موضوعنا وهي ميول ورغبات الناس
تحياتى لك وشكرا مره اخرى
اخوك تــــركــى
جميل جدآ ان ترى الأستاذ/ محمد الفهيد ينتقد بعض الأخطاء التي يقع فيها بعض المسؤلين في المنتدى
والأجمل ان ترى ذلك المسؤل يتقبل ذلك النقد برحابة صدر وبطريقة جميله جدآ ؟!!
ملاحظة/ ليش ما يكون فيه تنسيق بين المشرفين والمراقبين بحيث يكون فيه اجتماع دوري بينهم تتم فيه اصلاح الأخطاء
والأتفاق على كثير من النقاط المتعلقة بالمنتدى ومستقبلة.
الف شكر لكم جميعآ.
عبدالكريم العساف
13-01-05, 05:57 AM
شكرا على كل من تجاوب معي
واقول لأخواني اللي فهموني غلط انا اسف
بس انا ماقلت لاتتدخلون .. انا قلت اللي يبي يكتب يكتب حياه الله واللي يسب ندري ان البرنامج تسليه
وحنا بس نتسلى مثل مانتفرج على اي برنامج مسلي
عبدالكريم العساف
13-01-05, 06:06 AM
اواصل بعد اذن اخواني وكل احترامي لهم وتقديري لهم على الحريه
أنس الليبي طلع مره ثانيه نومينيه
وطلعت بعد معاه الزيتونه حنان
وطلعت ايمان اللبنانيه
بصراحه ارشح الليبي يرجع لأن الأصوات كثيره له
هشام السعودي احلى مافيه انه شامل لكل مناطق السعوديه
مره حجازي ومره نجدي ومره قصيمي ومره شرقاوي ومره شمالي ومره جنوبي ومره هندي مقيم :)
اما اماني السويسي احسها جدتهم
واحس وديع يحب ايمان :)
ترى كلها احاسيس بس الله يستر لااحد يقول اثبت احاسيسك
ياجماعه السالفه مو حرزانه ترى والله نضحك ونبي ننبسط والا البرنامج اخر همي بس اشوفه اذا كنت فاضي وماوراي شغل
يعني لاتعاتبون
هشام ستاراك:)
انشاالله يارب يطلع انس وايمان لانهم ثاني مره نومينيه
بس والله مسكينه حنان صوتها احلى منهم
اما انس حراااااااااام يقعد ما عنده "دينيه" شلون يقعد وصوته شين
مايعرف يغني بس يسولف
لاا.... وضحكني يوم يزعل لانه طلع نومينيه ويبي يطاق معهم
ويحس انه انظلم انشالله يخسر ولا احد يصوت له
اما ايمان تسوي نفسها فاهمه وتحب تتفلسف ان شاللله تطلع هي بعد
حنان مسكينه صوتها حلو بس ما تعرف عربي كويس
اما هشام ياحليله كل يوم احبه اكثر وخفة دمه تجنن
انا بعد هشااااااام ستاراك
وضحكني يوم يمدح السعوديه هههههههههه يبي الناس تصوت له
ولا اغنية النومينيه اللي كتبها رهييييييييييبه
:)
عبدالكريم العساف
14-01-05, 03:37 AM
النجلا
صح انا معك في الكلام اللي تقولين
بس انس حبوب وطيب
حنان هذي قشرا ومشعوذه احسها
اما هشام يوم قال
بلادي وان جارت علي عزيزة هههههههه
والكويتي فهد بعد حبوب وطيب وفديغه خخخخخخ
بس بصراحه مافيهم زي بشار الكويتي
هشام غطى على عطيه بس بشار الكويتي محد زي
احلى موقف اعجبني لهشام
يوم يقول لجوي لاتنسين تصوتين لي اذا طلعتي ههههه
عبد الكريم
اليوم البرابم عندي احساس قوي يقولي انو حنان بتقعد
ويا انس او ايمان اللي بيطلع
وضحكني انس يوم يقول انه ما يبي يطلع الستار بس ما يبي يطلع الاسبوع الجاي نومينيه عنده ثقه غريبه
وانشا الله اليوم يطلع براااااااااا
وهشام شاد حيلو مره ومتغير صار ياخذ الامور بجديه اكثر
انشا الله يارب هو اللي يفوز
نشوفكم بعد البرايم
:)
وتنعاد نفس الحركه بالبرايم امس ويقعد انس بنسبة 59% انا اموت واعرف مين اللي يصوت له
وايمان طبعا ينقذونها اصدقائها عشان الجمهور اللبناني اللي قدامهم
والمسكينه حنان تطلع برا بكل روح رياضيه وهي كانت حاسه انو محد رح يختارها
انا الحين بديت اشك انو انس هو اللي رح يطلع الستار ترى ميب بعيده
عموما البرايم كان حلو واكثر شي عجبني:
" ياي " اللي غنوها البنات كانت مره حلوه
" مشوار " احمد الكويتي وايمان السويسي كانو مره كيوت
وبالنسبه للـ top 5 احسها غشششش
اجل بشار القيسي رقم 5 والله ما يستاهل ابد وصوته موب مره حلو يعني زيزي احسن منه بكثير
وكان شكل بشار شييييييييين مسكين مدري مين لعب عليه وقاله انو شعره حلو
واحس احمد البحريني المفروض يصير بدل جوي العربجيه المركز الثاني لانه مسكين مره يحاول يجتهد
وعقبال هشام يوم يطلع الاول (مع اني اشك)
هشام كان مره رهيب بالبرايم احسن بكثير من اللي قبله فـ كل شي وقفته وصوته ومشيته
واكثر شي قهرني فهد الكويتي يوم يقول بلا شك ايمان من جد حركته مالها داعي كسر خاطر حنان المسكينه
انا اتوقع الاسبوع الجاي نومينيه : فهد الكويتي وطبعا انس وايمان
:)
كغـــّـــيم
16-01-05, 04:12 AM
لي رد على الموضوع بااذن الله لكن الوقت مايسمح
في اقرب فرصه اعرض وجهت نظري
بمان الكريم
فهد الزغيبي
17-01-05, 12:11 AM
بس اتمنى من الجميع عدم اطلاق الالقاب الغير لائقه .....الزيتونه .....المشعوذ .....
مجرد رأي ....واتمنى ان يجد الصدى لديكم ....
كغـــّـــيم
17-01-05, 12:53 AM
السلام عليكم
بالبدايه استئذنكم انا بتكلم او بكتب بالعامي ماعرف اصفف كلام
مجرد رأي
ستار اكاديمي مثله مثل اي شي تقدر تاخذ منه الزين وتقدر تترك الشين واذا في احد يقول مابه زين اوكي غير القناه
تابعته انا العام وتحمست معه الصراحه مدري ليه بس يمكن حسيت انه فيه اصوات تقدر تشجعها مثل احمد التونسي وبهاء
اما السنه هذي بصراحه ماجازلي احد وصارت الشغله تحديات والكاسب الاول الاتصالات
حبيت اشاركم برأيي بالبرنامج .
اما من ناحيه كلام محمد الفهيد ورده على تركي واعتذار تركي برد اخر لما قريته قلت لازم اكتب هنا شي
بالبدايه قال اخوي محمد احنا بمنتدى مو بااستراحه
يعني من كلامه اوكي خلك في الاستراحه على طبيعتك واذا جيت هنا اعقل وخلك عكس شخصيتك الحقيقيه
وهنا مشكله اكبر واكبر يعني المفروض اعيش بكذا شخصيه عشان ارضي محمد !!
واذا احد قال انه كلامنا مع بعض يالشباب غير لما نتكلم مع الشياب الظاهر الرد بيكون واضح يعني التفكير بعيد كل البعد بينا وبينهم ولافي مجال مقارنه عشان تقدر تتكلم .. ولما كانوا كبرنا كانوا زي مانسوي يسوون والله يذكر ايام سميره توفيق بخير .. وحتى لاانسى اتصور ان الي بالمنتدى كلهم اعمارهم اقل من الخمسين ولا !!
بعدين اخوي تركي ماغلط يوم تكلم عن ملكات لبنان وابدى اعجابه بهن وهنا الظاهر اخوي تركي تكلم بكل وضوح ولاحط اعتبار انه في ناس تبي تمسك الكلمه وتحرفها على كيفهم
وش فيها اذا الواحد ابدى اعجابه ببنت طلعت بالتلفزيون من ناحيه الجمال طبعا مو من ناحيه الاخلاق وهنا عشر خطوط عشان ماحد يحرف الكلام زي مايبي..
عموما الموضوع يطول وانا حبيت اشاركم وان شاءالله مايكون ردي ثقيل على احد
تسلمون كلكم واسف للاطاله
والشكر موصول لاخوي عبدالكريم وننتظر المزيد والمفيد دائما..
بمان الكريم
محمد الفهيـد
17-01-05, 05:05 PM
أخوي ( كغيم ) يؤسفني أني أشوف اهتمامات الشباب وثقافتهم تكون ( ضحلة ) والمبرر لهذا أنهم شباب
على العموم هذا موقع الداعية العظيم عمرو خالد وهو كفيل بالرد عني بمحاضراته الخاصة بـ (الشباب) وأهميتهم في ( صناعة الحياة ) ، على الأقل ممكن تعرف أهمية وجودك ، وأن مرحلة الشباب أهم مرحلة في العمر مهيب مثل ما أنت معتقدها .
www.amrkhaled.net
للمعلومية بس علشان ما تعتقد أني أتكلم علشاني تعديت مرحلة المراهقة أنا من كم أسبوع صار عمري 19 سنة ، يعني أعيش نفس المرحلة اللي تعيشونها .
في الأخير أخوي ( كغيم ) طلبت من عبد الكريم وغيره من الأعضاء بتقديم المزيد و ( المفيد ) بس علشان مصداقيتك اطلب المزيد أما ( المفيد ) اعتقد في تعريفك لـ ( الشباب ) فهو ( غير موجود ) أبـــــــــداً.
كغـــّـــيم
18-01-05, 01:38 AM
السلام عليكم
معليش انا مابي الموضوع ياخذ اكثر من حقه ولكن لي تعليق ...
حسيت من ردك بأنك ترد على موضوع غير الي نتكلم فيه...
انا كل الي طرحته اختلاف التصرفات بالاستراحه على قولك والمنتدى
وطرحت بعد نقطه الكلام الصريح بالي يحس فيه الواحد بدل مايعيش بشخصيتين ودللت على كلامي بقولت تركي عن ملكات الجمال ( اذا انك قريت موضوعي زين)
لكن ردك جاء على موضوع ثاني مدري وين قريته فيه ياخوي..
بعدين صار المقياس برأيك على الثقافه والوعي انك تتفرج على ستار او تتكلم عنه!!!
يعني اذا انت شفته لو لقطه او تابعته كله تصير ضحل التفكير !!! (ياســـــلام ) !!!
واخر نقطه لفتت انتباهي كلامك عني وعن تعريفي للشباب ؟؟
اتمنى ترجع للموضوع وتقول لي وين تعريفي للشباب الي قاعد تتكلم عنه..
اتمنى اخوي انك ماتصير مستعجل بردودك وتتأكد قبل ماتكتب اي شي
واهم شي لاتعمم وتطلق الاحكام على كل الناس لان هذا هو الظلم بعينه
يكفينا وانا اخوك غلو
كلنا نعرف اننا مقصرين بحق ديننا لكن ماتوصل لمرحله انه ييأس الواحد
ياخي فينا خير وفينا شر زينا زي كل البشر
اتمنى ردي يلقى بقلبك مكان
وترى العمر ماهو كل شي ياما ناس اعمارهم ستين ومتسدحين باندونيسيا الله لايبلانا
وجزاك الله خير على هديتك حقت عمرو خالد
بمان الكريم
فهد الزغيبي
18-01-05, 08:48 PM
السلام عليكم ورحمه الله وبركاته
تحيه طيبه للجميع
اولا : انا احب ان اشكر كل الأخوه على جهودهم
ثانيا : اخي كغيم انا لدي بعض الملاحظات على كلامك
واتمنى ان تتقبلها بكل رحابه صدر ....وأن لا تعتبرها سكين تقطع حبل العلاقه الأخويه اللتي تجمعنا هنا كأعضاء
اخي الكريم إحب ان اوضح لك أن الأخ محمد الفهيد هو المستشار الاعلامي بالموقع
وانا كما قلت سابقا انه هو المرآه اللتي تعكس لنا اخطائنا
وانا هنا لا أنزهه عن الخطاء ، بل كل ابن ادم خطاء
لكن كلنا نتمنى ان نجد من يبين لنا اخطائنا لكي نقوم بتقويم انفسنا
والخطاء خطاء مهما كان.
اخي الكريم
اولى ملاحظاتي انك اثرت موضوع كاد ان يقفل
لأن الحوار كان بين تركي المشرف ومحمد الفهيد المستشار
ومحمد وضح للأخ تركي بعض الامور اللتي لاتليق بمشرف ان يقولها
كما تقبلها منه الأخ تركي بكل رحابه صدر
والملاحظة الأخرى انت تقول ((خلك في الاستراحه على طبيعتك واذا جيت هنا اعقل وخلك عكس شخصيتك الحقيقيه ))
كيف يكون العقل اذا سار الانسان بعكس شخصيته الحقيقيه
يعني مثلا هل اذا في الاستراحه كان الفهيد عاقلا وواعيا نلزمه حين يأتي الى هنا ان يعكس العقل بالجنون ))
هذا كلام غير منطقي اخي الكريم
انا اذكر في هذا الموضوع عندما تكلم الأخ عبدالكريم العساف عن موضوع ستار اكاديمي
ابديت له وجهه نظري في البرنامج وتقبلها بكل رحابه صدر
وهو كما نعلم مجرد رأي يفرضه المنطق ويرفضه الجاهل
حبيبي كغيم
اتمنى منك تتقبل رأيي بكل اريحيه
وان تفهم ان الهدف من كلامي هو إزاله سوء الفهم الحاصل
وبرهان على المحبه الدائمه
تقبل فائق احترامي
اخوك فهد الزغيبي
اخي محمد الفهيد
اشكر لك اهتمامك وجهدك الواضح
وشكرا لك على الموقع المفيد الذي اتحفتنا به
ونتمنى منك التواصل معنا دائما وكما عهدناك
تقبل فائق احترامي
اخوك
فهد الزغيبي
كغـــّـــيم
19-01-05, 01:37 PM
السلام عليكم
هلا وغلا بفهد الزغيبي
تو مانور الموضوع هههههههههههه
اذا امكن بعد اذنكم اخر تعليق لي على الموضوع
اخوي فهد احترم وجهه نظرك لما قلت ان الموضوع بين محمد وتركي لكن اتصور اننا بمنتدى والموضوع مطروح للنقاش العام ( ولادخلت بينهم بالجوال وتلقفت ) ههههههههههههههههه
واذا تعتبر مشاركتي تدخل بين الاعضاء !!!
اوكي اوافق انا بس بشرط واحد
وش يعتبر كلامك الحين والموضوع بيني وبين محمد!!!؟؟؟
الموضوع عادي بمنتدى ومطروح للنقاش ولافيها شي اذا الواحد قال رأيه الا اذا صار اختلاف الرأي يفسد للود قضيه عاد هنا مشكله ...
اما سالفه مستشار اعلامي وكونه مرآه تعكس لنا اخطاءنا فهنا اقول وقف شوي بعد اذنك
كلنا مؤمنين والمؤمن مرآه اخوه المؤمن يعني كلنا مستشارين اعلاميين واسمح لي انصب نفسي كذا ههههههههه
اما اذا كان اخوي محمد كذا حتى بالاستراحه فهذا شي راجع له لكن مايجبرنا انه نكون زيه ولاّ تصير الشغله استعباد للخلق والظاهر لاانت ولا فهد المساعد ولا اي عضو اخر يرضى بالموضوع هذا...
اما سالفه قطع احبال العلاقه الاخويه
لاتخاف انا نفسي طويل هذا اولا
ثانيا انا اشتري رجال وانا اخوك ولااتصور انه الواحد يشره بمجرد اختلاف وجهات النظر ولا كان اقعد ببيتنا اصرف لي..
اخر شي
انت تكلمت عن سوء الفهم الحاصل؟؟؟
انا ماشوف سوء فهم وانا اخوك مجرد وجهات نظر قد تختلف مع بعض لكن نبقى اخوان..
ولو انا ادري لو 1% ان الموضوع يبي يصير بتصور المشرف الغالي علينا فهد سوء فهم كان قسم بالله ماشاركت بالموضوع وكلا براحته ياخي..
وتوووووبه ادخل بموضوع فيه نقاش عشان ماصير مزعل احد وانا مدري لمجرد رأي؟
اترك الحكم للي يقرون الموضوع يمكن بحكمهم انصاف للي مغلط وللي مصيب
ان اخطئت فمن نفسي والشيطان
وان اصبت فمن رب العالمين
جزاكم الله خير على كل شي
وماني قايل بنسحب لا هههههههههههه
بس الي يبي يدور كريم( اسمي ذا )هههههههه
يلقاه بالمسابقات وبس واذا خربتها بالشعر هههههههههههههه
دمتم لي اخوان وقواكم الرحمن
http://pcs.fares.net/arabic/images/kel004.gif
عبدالكريم العساف
21-01-05, 06:52 AM
اسمحولي اذا سببت مشاكل
بس اعتقد اني سببت نقاش حلو وهذا المطلوب يعني مافيه زعل
اعجبني كلام الجميع
خلوني اكمل سوالفي عن ستار أكادمي والبطه هشوووم خخخخخخخخخ
انا ارشح السعودي هشام انه يسوي فيلم عربي كوميدي واضمن له انه يكسر الدنيا
واليوم ان شاء الله يطلع هذا اللي بالشنا انس
مع انه حبوب بس ماااااااش صووووووووووووووووت
اول ماشفته يغني احسبه يتتريق بس طلعت المسأله جد :(
اتوقع انس يطلع وفهد يدخله التصويت
وأنتم ؟
كغـــّـــيم
21-01-05, 07:46 AM
انا اقول يمكن يا فهد او بشار او انس واحد منهم اكيد بيطلع
< ذكي ههههههههههههههههههه
يعطيك العافيه كرررررررررريم
عبدالكريم العساف
21-01-05, 08:08 AM
كغيّم
وش رايك في هشوووم
اذا ماتابعته تابعه
هذا خبل رسمي خخخخخخخخخ
تخيّل هو اول طالب يتصنت على اللجنه يوم يحاكون النوميني
وأمس يبي السعوديين يصوتون له
قطّع نقسه وهو ماسك العلم ويغني سارعي للمجد والعليا
:)
°oOسالفــة عشــاقOo°
21-01-05, 11:35 PM
أهم شي أهم شي أهم شي ان فهد الزايد رجع للأكاديميه :) :) :)
واخييييييييييييييرا طلع انس
بس البرايم ماعجبني مره
هشام واحمد الكويتي والبحريني ماغنوا الا اغنيه وحده
غش والله سلمى واماني وجوي غنو كثير
بس من جد هشام صاير يجنن وحكيه مره حلو
هشام ستاااااااااااراك
:)
سـحــابـه
22-01-05, 01:58 AM
البرايم كان مره حلو اليوم فرحت لزيزي من جد تستــــــــــــــــــــاهل وهي ستار انشاالله صحيح انها (تيبكل مصريه) بقووووه شكلها وكلامها وكشختهاو شعرها لووول بس صوتها رهييييييييب
هشام يا حبيله الاهبل مع اني كنت استثقل دمه بس الحين مررررررره يضحكني وان شاالله يكون الثاني بعد زيزي :)
ومثل ما فكنا انس وطلع ان شالله الاسبوع الجاي ايمان او جوي <---- مرررره ينرفزوووووون pPp:
جــــــــود
23-01-05, 12:09 AM
مرحبا للجميع<< عندي وجهة نظر وتقرقع بقلبي لازم اقولها..
اذا كنتم تتكلمون من جد عن برنامج استاراكاديمي فاسمحولي اقولكم
تشجعون فن هابط بكل مقايسه.. لانه بصريح العباره برنامج تافه
ويضحك على عقولنا وينزل مستواى تفكيرنا ..
وسؤال محيرني ياليت احد يجاوبني عليه ..
وش نوع الفن اللي يقدمه وشو هدفه ؟؟
سـحــابـه
23-01-05, 01:46 AM
هلا اخت جود انا معاك وادري انو من البرامج التافهه بس مثله مثل الاغاني اللي نسمعها في هالقنوات (اللي مالقاله شغله صار يغني) ومع هذا صرنا نرددها وبعض الاحيان انتقد نفسي واستحي انو احد يسمعني وانا اردد مثل ذي الاغاني الهابطه بس من كثر ما يجيبونها يعني مش لانها تطرب بس لانها انفرضت علينا بالراديو نسمعها وبالتلفزيون نشوفها 24 ساعه فمن الفراغه والله..
وبالنسبه لستار اكاديمي كلنا ننتقده وبنفس الوقت هو البرنامج اللي 99.999999999% من مجتمعنا يتابعه والموضوع اللي الكل يتكلم عنه بالمدارس والجامعات والعمل والاستراحات فليه ما نتكلم عنه هنا بعد! وبالنسبه لي انا اتابعه للتسليه والناس من طبعهم الفضول وبرنامج زي كذا يخلينا نتابع حياة ناس طول اليوم يعني مش عشان اصواتهم لان الاغلبيه فاشلين والكل متفق على هذا الشي وبس...
انا تكلمت عن نفسي وانشاالله ما اكون ضايقت احد بهالكلام :)
كغـــّـــيم
23-01-05, 04:31 AM
طاط
سؤالك ياجود عندي جوابه
السنه هذي بستار اكاديمي
يقدمون فن
اسمه
كيف تكسب شركه الاتصالات ههههههههههههههههههههههههههههه
من جد اصوات مافيه السنه هذي ولاتقارن بالي كانوا فيه العام
مجرد رأي شخصي
بمان الكريم
دمووع الليل
23-01-05, 06:18 AM
هاااي شباااب ...
تصدقوون يالربع ..حاولت أمنع نفسي عن ذا البرنااامج ..بس ماااقدرت ...
الدنيا كلها تكلم عنه ...البنات في المدرسه ماعندهم سيره غييرررره بعدين هووحلوووو هههههه
أماااا بالنسبهه لهشووم ..هاالولد وبالله العظييييم عسسسل وصوته بعد حلووو كثيييير..
.زيزي عليهاصووت مش صاااااحي هههههههههههههههههههه
أنااا يعجبني موووت فهد ...من أوول ما شفته وقبل أعرف أسمه ..
يووم عرفنا أسمه قالت لي أختي وعمتي علشااان أسمه فهد ((يعني علشان فهد المساعد مأثر علي كثييير هههههه))
قلت والله مو كذا بس عاااجبني بس كذااا .ههههههههه
أنس ذه شلوون دخل الأكاديميه ما أدري ؟؟؟؟؟؟؟؟؟؟ّّّّّّّّّّّّّّّّّ!!!!!!!!!!!!!!!!!!!!!!
أحمد الكويتي عليه حلى وزيييين مشاء الله عليه
أماا أحمد البحريني ماااااااااااااااااااااصخخخخخخ مووووت وأكره مااا أحبه ...
أماني وبشار وسامر مسااكين في حااااالهم .....
سلمى مسووويه حركااات مسوويه أنها أمهم وأنهااا حنونه وطيبه ................ باايخه
جوووي ذي قليلة أدب بماا تعنيه الكلمة .....
عاد يا الربع لا تاخذوون عنااا فكرررره أحنا نطااالع للتسليه ومسايرة ((ما أدري منين أطلعت ذي ههههههه )) الناااس
بس أكييييييييييد إنشاء الله مارااح يأثر علييينا ولا شرايكم ؟؟؟؟؟
ولـ نوير ـد
25-01-05, 05:42 AM
اخخخخخ لو يعينوني بدال رولا ..
طيب بلاش رولا ماهناااش عندكم وضايف ؟؟
تـــركــى
25-01-05, 11:01 AM
انا ماتابعته زين للحين
بس كل ماشفت هشام ماغيرت واعجبنى بصراحه
على الاقل احسن من الخلاوي
وفيه فهد الكويتى احسه رزين وتعجبنى الشخصيه اللى زي كذا
الباقين للحين ماعرفتهم
وياليت يكون عندي وقت واتابعهم ....
على فكره متى يختارون النومنيه
اليوم والا الثلاثاء ؟
وكم واحد يطلع من الاكادميه من النومنيه واحد والا ثنين ؟
تحياتى لكم
تـــركــى
عبدالكريم العساف
04-02-05, 10:25 AM
النومينيه يختارونه الثلاثاء
والنومينيه لهالاسبوع
فهد الكويتي
بشار العراقي
أحمد البحريني
وكلهم بيني وبينك بسلامتهم
فهد اهبل والعراقي شايف نفسه والبحريني يلوّع الجبد
اهم شي تركي حتى لو ماتابعته
قل هشوم ستاراك .. ودربي راسك :)
هشام ماتحسون لما تجي فنانه يصير دمه ثقيل
امس مع امل حجازي ضاعت علومه
على العموم انا اتوقع اليوم فهد يدخل بتصويت الجمهور
ويرجع أحمد البحريني والعراقي اوووووووووت ان شاء الله
عبدالكريم العساف
04-02-05, 10:30 AM
ياويل هشام اليوم بيغني مع صابر الرباعي اغنيه اظنها سهله بس يوم حاولت اغنيها لقيتها صعبه مررررررررره
اللي مو مصدقني يحاول يغنيها
اغنية ببساطه حقة صابر الرباعي
النتيجه اللي اتوقعها
انه هشوم الاسبوع الجاي نوميني واذا مافتحو التصويت بالسعوديه
بتلقونه بعد اسبوع يلاحق النعام على الكورنيش خخخخخخ
( احس هشوم وده يسأل وديع سؤال عن اغنية ببساطه .. بس احسه مستحي يسأله )
تدرون وش السؤال :
ماينفع اغنيها جبلي ياوديع :(
خخخخخخخخخخخ
تـــركــى
04-02-05, 04:28 PM
شكرا اخوي عبدالكريم
وانا الليله بشوف البرايم
لاول مره هالسنه
وماودي فهد يطلع احسه ثقيل ورزين مو مثل البقيه
شكرا للتوضيح
تـــركـــى
جــــــــود
04-02-05, 05:16 PM
وياليتهم مايفتحون التصويت في السعوديه..
تـــركــى
05-02-05, 12:01 AM
اخيرا شفت البرايم
شفت نصفه الاخير بعد مباراه الاهلى والهلال
البحرينى رجع للاكاديميه بالتصويت
فهد الكويتى بتصويت شباب الاكاديميه
بشار العراقى طلع
تــــركــى
الحمد لله رجع احمممممممممممممد
من جد مره انبسطت انه رجع
بس خساره كان ودي يطلع فهد براا
اما هشام اليوم كان يجننننننننننن بالتركواز
واهم شي انه طلع من التوب فايف
وعقبال مايطلع الاول
واحمد حسين كان مره كيوووت اليوم
والاغاني اللي غناها مره حلوه خاصه اللي مع صابر الرباعي
هشام ستاراك
:)
جــــــــود
05-02-05, 01:36 AM
تدرون عاد ان مباراة الهلال والاهلي
احسن مليون مره من ستار اكاديمي..<<< صحيح تدخلت في موضوعكم بس وجهة نظري
ولالالالا لــ هشاااااام ولالالالا للتصويت لــ هشاااااام واستار اكاديمي
عبدالكريم العساف
10-02-05, 09:47 AM
ياشباب وبنات
هشوم ستاراك :(
لا تخاف ياعبد الكريم انشا الله هشام راااااااااااااااااااجع
هشام ستاااااااااااااااااااااراك
http://www.moveed.com/data/thumbnails/68/063.gif
دلوعة أهلها
13-02-05, 10:57 PM
^_^ <<< بتقط معاااااكم
يؤؤؤؤؤؤؤؤؤؤؤؤؤؤ من صاار هشاام ستااااار اك مااعلقتووا على الموضوع
على العموووم مبروووك رجعته مع انه ماله دااعي..بس شنسوي لازم نحبه عشاانه.. سـعـــــودي.. ((ياويلك))
ههههههه اماا اليوم اخووه جااي الاصلللع خسااره ماشفته كاان ودي اشوفه مع اخووه
انوواااااااع الصرقعه...
ولماااا جىى اخوو احمد حسين يااااااالبي قليبه هو واخوه ((حتى اخووووووووه يدنن))<<< خربت الاخلاق ^_^
حيااااااااااااااتي لكم ^_^
vBulletin® v3.8.1, Copyright ©2000-2012, TranZ by Almuhajir