صور لشاليهات المرجان بمدينة جدهـ :)

[Tiger]

السلام عليكم ورحمة الله وبركاته

بعد تنقلات بين مدن الغربيه بداية" من الطائف (الشفا) والي اطهر بقعه على الارض مكه المكرمه
بلاد الحرمين والان بمدينة جده
طبعا" اللغه العربيه تشرهون عليها عشاب كذا بتكلم بلغة ربعنا
طلعة من مدينة الرياض الاربعاء الصباح داريكت على المطار الرحله كانت الساعه 11 الصباح
المهم جلسة بالطائف يومين والسكن كان بالشفا
بعدها توكلنا على الله وشدينا الرحال على مكه طبعا مرينا مع الطريق الجديد (الهدا) شكله حلو
لاكن ركووبه يخوووف الله يعين اللي ماله قلب بصراحه انا فاتج الشباك استمتع بالبروده وماشي على راحتي وقل منها بعد اودع البروده وادخل على الحراره الله يعين بس
وصلنا مكه ونزلنا على الفندق (فندق الصفوهـ) بصراحه هااادي مرهـ وحلوو ويفتح على الحرم مثل الصوره اللي ارسلتها لبعض الاعضاء , جلسنا بمكه يومين وطلعنا اليوم الصباح من الفندق وتوجهنا على جده وبالضبط على شاليهات المرجان (اللي كنت اسأل عنها <<ذكرتوا) بس والله طبخنا طبخ اول ماوصلنا قلت خلني اصور للاعضاء (وخاصه للي طلبوها مني) وانزلها لكم , واستغليت المكان العالم كلها نايمه وانا لوحدي بين الشاليهات ومغير اناقز بالكاميره واصور خخخ , طبعا" صورة على الطاير وبعض الاماكن والله ما اعرف وش له وللاسف ادور احد اساله ماحصلت وبيني وبينكم والله مالي خلق اسال انا الحين ابي اصور واحط رجلي ع الشاليه ذبحنا الحر

بعد ماصورت جلست فاضي لاشغل ولا مشغله , قلت خلني انزل الصور للاعضاء ويشوفون ويحكمون بانفسهم
فـ مثل ماقلت لكم احتمال انزل صور ولا اقدر اوضح لكم وشهي الصورهـ
فالعذر والسموحه ,, بسم الله نبدأ

هذي الصوره قبل دخولنا لشاليه واحنا جايين

بعد ماقربنا من البوابه

لحظة دخولنا للشاليه واخوي الكبير قدامي

هذي الله يسلمكم الشاليهات بجنب بعض واللي على اليمين سيارات للتنقل بين الشاليهات والاماكن الترفيهيه

مواقف للسيارات طبعا" كل شاليه بجنبه موقف سياره بس هذي موقف للي معه اكثر من سياره

هذي صوره للشاليه اللي احنا فيه وهذا موقف السياره اللي على يمين الشاليه وهذي العربيه اللي تنضف الشاليهات وفيها مثلها بس مخصصه للتمشيه

الشاليه من الداخل وتشوفون الجهه اليمين طبعا" فيها مجلس وراح انزل لكم صورته

هذي صوره للمجلس طبعا" انا على طول رحت للشاليه قبل لايحوسونه البزارين بس سبقوني للاسف
والحمدلله طلعوا مؤدبين الي الحين مانزلو شئ <<بس لو تشوفونه الحين تغسلون يدينكم

صوره ثانيه للمجلس

هذي طاولة طعام تفتح على مسبح داخلي لشاليه والمطبخ تشوفونه (الطاوله على اليسار)

صوره للمسبح الداخلي لصغار وللكبار

مكان الشوي ومركبين لوحه لأخلاء مسؤليتهم فيها ((السباحه داخل الفلل على مسؤليتكم الخاصه))

هذا ممر ثاني يحولك على غرف النووم يوجد 3 غرف نوم غرفتين بسريرين منفصله وغرفه مزدوجه

غرفة النوم تطل على المسبح التابع للشاليه

غرفة نوم اخرى وانا الان على السرير اللي هنااك اللي بجنب الشباك الغرفه تطل على الشارع والملعب
يوجة غرفة نوم اخرى بس والله ما اخذت لها صوره بغيت اروح اخذ صوره لقيتها محيوسه بس قريبه من الغرفه هذي

يتبع

7
7
7

[Tiger]

يتبع



طلعنا من الشاليه الان




وهنا على اليسار الملعب وقدامنا شاليهات خلفها هـ المظر اللي قدامكم جلسات ومسبح راح نقربكم من المسبح ونقربكم بعد من الملعب



وهذا الملعب بس ياحقين الكوره ما انصحكم فيه ارضيته ماش لك عليها





هنا مسبح ثاني للشاليها اللي جنبه يعني فيه شاليهات بمسبح خاص للي احنا فيه وفيه شاليهات خلفها مسبح وطبعا" عاام للكل



وهنا مطعم وقدامه جلسات بس الكراسي طبعا" عشان الحر مخبينها







طلعت من الشاليه تقريبا" 20 متر حصلت هـ الممر اللي يمر على الشاليهات اللي فوق البحر



وهنا شاطئ صغير فيه ملعب طائره وكراسي فيه شاطئ كبير بس مامريته لا الحين جايه الليله ان شاء الله




الحين احنا بوسط الممر والشاليهات على اليمين وعلى اليسار





قد ذكر لي واحد ان الشاليهات على البحر روعه بس مشكلتها مواجه لبعض يعني اهلك ماياخذون راحتهم
وطلع كلامه صحيح بس مو كل الشاليهات فيه شاليهات على بعض وفيه شاليهات منفصله
هذ اللي على بعض شوف شكلها




وهذي صوره لها من بعيد وطبعا يوم كنت امشي على الممر صادفت عوائل جالسين من يوم يشوفونا اللي يتغطى
واللي يدخل داخل بسرعه تقول تلحق لك جربوع خخخ واللي بعضهم ماهمه لان الاغليه اللي شفتهم الي الان
اجانب





هذي ناهية الممر طبعا" السارات يدخلون هنا بس اتوقع مالهم مواقف الا برا لان المساحه صغيره ولاتكفي للمواقف عشان كذا الواحد يجي وينزل اغراضه واهله ويوقف بالمواقف اللي بالشاليه



وهذي عند نهاية الممر وشوفو هناك جلسات بس والله ماوصلت لها من يوم وصلت لنهاية الممر والله والعرق مغرقني تغريق قلت اروح للشجر اللي على اليسار واشوف وشفيه ولاحقين على الاماكن قدامي 7 ايام افر الشاليها فر




حصلته مسبح ثاني وخاص للشاليهات اللي على البحر اللي يبي يسبح ولا يبي البحر يجي هنا اقرب له





وهذي صوره اقرب وفيه لوحه للو تنتبهون لها مكتوب فيها منوع التصوير وتايقروو ماعنده مشكله








ومثل ماقلت لكم هذي صور لبعض الاماكن والي الحين ماصورت اكثر فيه بعد السقاله اللي يقولو عليها انا ماشفتها بس مثل القهوه جلسات على البحر وفيها شاشه كبر قريح وتفتح بعد صلاة المغرب
عشان كذا قلت على الفضاوه خلوني انزل الصور اللموجوده واضيف أي شئ جديد

وان شاء الله اخذتو تقرير مبسط عن الشاليه
واللي بيسير الله يحيه احنا جالسين من اليوم (السبت) الي يوم الجمعه
مثل ماقلت لكم أي صور تعجبني راح اضيفها لكم

[Tiger]

حجز رد للإضافة اي شئ ان وجد

[ما عدت أنا ..!]

اعجبتني مره صـــــــــــــراحه التصوير شي <<مستقبل باهر ..

بس المفروض يعطونك عمــــــوله ماشاء الله لااله الا الله كل شي مصوره يعني سويت لهم دعايه

خخخخخخخ ..

وبعدين حرام عليك منزل هالموضوع ياخي راعي ان فيه ناس مسنتره ببيوتها للحين ماسافرت <<فيس يصيح

لاحظ لون الخط بس <<تأثرت مــره خخخخخ

[أدور وجه يشبه لي]

تصويرك محترف كأنه أنا اللي رايحه للمكان ما شاء الله كل شي مصوره وواضح مره



يعطيك ربي العافيه وتتهنون يارب....

[●【شمـوخ بدويــﮧ】●]

تغطيه رائعه
ماشاء الله مو مخلي شي الا صورته

شوقتنا نروح له


حيييل ابدعت الله يعطيك العافيه

ودي وجل احترامي

[الزين]

حتى انا لسى ماتحركت من البيت ..

لكن الصور خياااااال يعطيك العافيه تايقروو <<كويس اللي ماصابتك ضربة شمس في الظهريات

رحله سعيده خيوو ..

[هتاااف]

إيش الابداع هذا من جد إنت مصور بارع
ماشاء الله عليك
وبصراحة الشالية روعة
رحلة سعيدة
يسلمو

[تالي وفاي طعون !!]

الصـــــــــور روعــــــه الله يعطيك العافيه ..
تحياتي لك..

[إح ـــســــــــــاس بنوته..]

شموخه حياك أنا استقبلك فيها..

بس جيبي معك مكيف..كل هالزين والجو حر ورطوبه..

أخوي إجازة سعيده.. شوقتنا لها..