» أ ت ن فّ س ❀~

[بــدور]

كنت لي أمس (واقع) أستمدّهـ : خيال
كنت عالم خرافي .. من غرام وجنون

صرت لي اليوم (دمعه) عالقه لاتزال
تنتظر كـفّ حــاني يْـردّهـا : للـعـيون

[بــدور]

ميّت بلا إحساس
قفّت : مشاويرهـ

يوم أوجعوهـ الناس
قفّل : أزاريرهـ

لوّح له : النسناس
لاحت : تعابيرهـ

محتاج له : أنفاس
تحيي : أساريرهـ

[بــدور]

بـ قلبي غلّ
جرّد الإحساس من رفّ الشعور
خلاّ كلّ الناس في عيني : جسور
بسولف للسما .. للظل
عن اللي ماترك فيني
بَعَد غيبَتـْـه
إلا : الـ طلّ
تركني ليه ؟
عشان امّه .. حبيب أمّه
وقلب أمّه
عـســـــى درررربه








زهور .. وفُلّ !

[بــدور]

ماأعاني من أرَق : دايم أنااااام !
أقضي يومي ( مُعضَمَه) في وَسْط حِلْم : )

صــار يتكرر معي نفس : المنام !
حتى أحــلامي تـكـرر ؟ يــــاخـي ظُلْم : (

[بــدور]

يَ مسكينه
وهو كل ماإنفتح لك باب
على نفسك : تصكّينه ؟
يمر الوقت وان عدّى
على بالك : تردّينه ؟
يَ مسكينه
يَ مسكينه

[بــدور]

وانت نايم
إمسك الحِلم بْـ يدينه
علّمه إنّا (نبينا)
قلّه إنّا مالتقينا
قول زاد الشوق فينا
قول له البنت : تُورِق
من مشاعرها : مدينه
هو صحيح الواقع : أحلى
لكن الأحلام : زينه !

[بــدور]

يمّه إن قصّر حديثي عن ملامس : أمنياتك
إعذريني وامسحي بالوجه هذا : سيّئاتي

يمّه أتألّم إذا انّي قمت أراجع : تضحياتك
ماألاقي في سجلّي .. شي يوضّح : تضحياتي

يمّه أدري انّي أبعَد بنت عنّك / من بناتك
وانّي ماستاهل حنانك دامها هذي صفاتي

وادري انتِ مسامحتني وادري انّي وَسْط ذاتك
بس أبيك تصدّقين إن قلت : ( لك أرخص حياتي )

[بــدور]

ياليت فيه لْـ عورة النفس : جلبـاب
تستر عيوبك عن عيونٍ : تعزّك

لاصار صدرك : للوِجَع فاتح الباب
وأتـفـه أحاديث البشر : تستفزّك

[بــدور]

ياشينها لاطحت من عين : السما
وانكَسرَت بْـ صدري : سواعد همّتي

ياكثرهم .. اللي حواليني : دمى
إحساسهم ميّت .. وهذي : قسمتي

أرويتهم واستوردوني ... للظما
إستكثروا حتى : بـقــايا بسمتي !

[بــدور]

سولفي لليل وان طوّل طريقه
إفتحي شباك صدرك : للخليقه
فضفضي لاتسكتين وتوجعيني
القلوب أحيان تحتاج لْـ : صديقه

,

صدّقيني ماعلى هالأرض : سالي
كلّ غالي منجرح بِـ رماح : غالي
حتى أنا ذقت اللي ماظنّيت أذوقه
نشرب المرّ وْ نِتَمتم : حيل : حالي